قلبي هائم به

البارت الاول

بسم الله الرحمن الرحيم السلام عليكم

شونكم اليوم راح نبدي وإياكم بقصة حقيقيه وقعية ارجو التصويت اوالتفاعل اول قصة إلي اريد دعم حتة اكملهة وياكم

للكاتبه (ام مهدي)

كعدت الصبح كوه شلت روحي من النوم ومالي خلك ذبان وجهي من يعاركني خليت الجاي ع النار وطلعت بره بالحديقة بيتنه جان اقل من متواضع يعني زين وتقبل بي البزونه المطلكه يعني حالتنه الحمدالله موفرين الكمه اخوتي ثنين يشتغلون عماله ويوم يحصلون وعشره لا وابوي متوفي وامي مقعده والبيت طايح براسي بين قوسين اكرب شغل فاكعد من الصبح لازم اكمل اريوك واكعد خواني رشيت الحديقه وسكيت زرعاتي الي صاير بيهن شلل من التقشف ودخلت جوه كعدتهم كملو وطلعو لشغلهم كملت امي ريوكهه ودخلته للحمام سبحتهه وكملت. وبدلتهه وطلعنه للسوك خواني مايعرفون اطلع وياهه من يجون يلكون مسواك اكلهم اجانه ابو الستوته وطلعتله امي فإنه بطبيعتي احب اسوك من السوك لان كلشي بي ماكو شي محدود ومايخلى مسواك بدون عركاتي المشهوره لسان دلاله واداهر شكد لان وضعنه صعب ولازم اطيح نص السعر كملت ورجعت ادفع بكرسي امي المتحرك واجرت تاكسي وصلني قريب البيت لان الجوارين ماشاء الله يردولهم ريحه سالفه نزلت امي وجاي اتمشى واكل لأمي هم اطبخ هسه والله تعبانه وهيه تكلي من ادهره مالتج وانه اضحك وصلنه للبيت ولكيت يم بيتنه بصف الجوارين سياره لاندكروزر لو امرغل روحي بالشارع يمكن محد يخليني السمهه يعني بفلوسه نشتري بيت صفنت وكلت يااا من شوكت ام محمد طكت واشترى محمد سياره وي حجايتي انفتح الباب طلع محمد وأمه وياهم شخص غريب انه سويت روحي ادخل بكرسي امي ورجعت المسواك همه بالباب يحجون ماباوعت بس اذاني يمكن صارت دش مال ستلايت من كد مامركزه مسوتهم الفضول يقرى الف واسمعلك ام مسمد الطركاعه كالت هااا سوسه خاله كواج الله امج وين جاااا...... يبوووو حجت المفلوكه رفعت. وجهي وكلتلهه خاله جوه دخلتهه وجاي اشيل المسواك كملت كلامي وصارت عيني بعين الرجال الي وياهم يحجي وي مسمد يبووو محمد وعينه عليه ياااااه تخزر خزر ورافعلي حاجب انه غلست ودخلت جوه اعزل مسواكي وبالي شطح لبعيد افكر بهذا ابو طبره طيل بشكل واسمراني بس مو كلش وعيونه صفر والحواجب مرفوعه ومكسوره وطوال والخشم نازك والحيه وال شوارب ذني قضيه وحدهن والطبره مشكلتنه يعني تجذب بحيث بارزه بوجه بعدين كلت لروحي دهر فرج فصختي الولد تفصيخ يحضي ركبت الغدى وانتضرت الولد يجون وخلصت شغلي واليوم كملته ممل مثل كل يوم بليل واندك الباب طلع حسين ورجع كال ام محمد هاي دخلت علينه ام مسمد....... شلونجن حبايب سوسه خاله جايج حبيبه....... كتلهه صار سويته بسرعه لان فاضل البداخلي مايلزم فضوله لازم اعرف السالفه رجعت واسمعه تكل لأمي....... داده هذا رجال يريد يشتري بيت هنا واجه لمحمد يسئال لان محمد يصير الجندي مالته وبحسب رتبتة كنقيب يريد بيت جبير وفخم دلينا على بيت ام سعد يردون يشيلون اتفق وياهم وبعد يومين ويشيل خيه خوش رجال والله. شلون محبوب وعايش بس هوه وأمه ورده وحباب كلتلهه امي هلا بالجوره بس كونه وحده بحلنه تونسنه عاد تجي يمنه بكعدت الحديقه......... خليتهن يسولفن وطفرت لبوفيتي بالصاله صايره فتحتهه وطلعت دفتر مذكراتي يااااابه شكد كاتبه بي شكو شي حدث بحياتي حتى من حبيت أمير جوارينه من جنت زغيره وبعدين اكتشفت يبول بفراشه يعععع ابو شخه 3 سنوات احبه وطلع يشخ الزمال المهم كتبت أحداث اليوم ودسته وطلعت لكيت المره رايحه رحت لأمي نومته بفراشه ونمت بصفهه وافكر باجر اروح لسعد ابو المحل اجيب غراض اسوي كاستر بثواب ابوي الله يرحمه...... ثاني يوم كعدت كملت شغلي ولبست رداء باتمان ههههه عبايتي وطلعت لكيت سعد اباب المحل هذا اخو اخيته اي واحد يحاجيني بالمنطقه يطحنه طحن سلمت علي وكتله هااا ولك سعودي بعتو بيتكم. شنو....... سعد ايي ولج غير ابوي خلف من مرته الثانيه خمسه والبيت مايكفي فشترى لأمي بيت ومرته بيت هيج احسن بس قريب منا مو بعيد...... كتله بالعافيه عليكم عيوني اطيني كاستر ونشى والبسكت على حسابك موووو..... جان يبا علي ويضحك وكال تدلل سجاوي كم وحده عندي هوه بس انتي ضحكت وخذت الغراض لازم اقطه بعد خذت نستله وطلعت اتمشى ابيتنه افكر شسوي عشى الولد على جيه خطيه وصلت لبيت ابو سعد سابقا ولكيت سياره حمل جبيره تنزل غراض ركزت واشوف ابو طبره وياهم بطيت عيوني اكثر ولكيت ام مسمد محزنه وياهم يااااا المره تحمست وي الزلم هههه مشيت قريب منهم وصاحت البلووه يااااا سوسه خاله بعد كلبي كثريلنه من ثوابج اليوم هيه ايد التسوي الكاستر لو كيمر يخاله يبوووو وو انه لازمه النستله واكل ولابسه محبس بي خضرمه زركه مالت امي ناعم والعبايه نازله من ايدي بقيت صافنه وال نستله بحلكي طلعت زقوم وي صوتهه كلهه دارت وجه عليه وتبا علي والعمال والدنيه يبااااو وابو طبره خزرني وصمخ باعامل وكله انشليت شبيك كمل شغلك انه فزيت وعدلت روحي وكلتلهه انشالله خاله وافلت ببيب صرت طبيت واتشكلت واخذني الواهس سويت جدر شكبره وديت ابو الدعابل حسام يوزع للمنطقه وخذت صينيه لام محمد اتقربت الله لكيتهه واكفه يم مره بعمرهه يم باب البيت الشترا ابو طبره ويسولفن سلمت واطيتهن الصينيه المره باوعت وصلت على محمد وكالت انتي البيت المقابيلنه كتلهه ايي خاله كالت يفدوى خاله عاشت ايدج كتلهه بالعافيه وطلعت وي طلعت عبرت الباب واسمع واحد يكول ام ايد كيمر ثكلي رجلج مو كلساع طالعه وطابه....... يمه نار وشبت بيه من شفته واكف ومنتجي بيده على الباب والاكيد الثانيه متخوصر بيهه ويباوعلي من فوك لجوه ومعاجبه ابو طبره هفيت عباتي ومشيت وتقصدت اعلي صوتي وكلت هم صدك خاف يجي ابو طبررررر ويكتلني وركزت بكلمة طبر وطبيت واطبكت الباب بكلي قوتي واسمع حسين وراي اباب المطبخ كال وسم شبيج اسودتني المخبله يمممممه ونوب صوته عالي انفضحت راحت الهيبه الزعلانيه يبااااو كتله شوكت اجيتو كال قبل شويه وين جنتي كتله اوزع ثواب لام مسمد ضحك ودخل جوه وكال عشاج سوسه بسرعه كتله صار هسه قبل لا ادخل سمعت صوته ايي والله صوته يكل لمحمد يابه لا تسوي شي ماتكدر له بعدين تتفشل عيني ابو ايد كيمر يععععععع والعباس قهر هسه وكتج تعرضين مواهبج يحضي وانوب يعلي بصوته الاجلح الاملح.... خايبه سجيوه والله انتي الجلحه الملحه هذا جنه الممثل تيم حسن بس لااااا خيولي فشلني يبووو رحت كملت العشى وكتبت فشلاتي قصدي بطولات اليوميه ونمت حتى اكعد من الصبح اروح لام مسمد نلف كبه يمممه تعب والله شكد تلف بس احصلي صينيه منهه بدال الفلوس لان امي ماتقبل بالفلوس احجي وي روحي وغفيت كعدت الصبح ريكت خواني وطلعو كعدت امي وكلتلهه رايحه كالت يكويج الله يمه طلعت سديت الباب ودرت وجهي لكيته العله يصعد بسيارته شافنه بقى يباوع وكاعد بالسياره اني عود رفعت خشمي وكلبت عيوني ومشيت وصلت قريب سيارته وكمزت ذيج الكمزه الحقير دك هورن السياره مو هورن عايشه تجوعر يااااابه احس روحي شخيت من الكمزه واسمعلك ضحكته الرمانه بكل قوه يضحك يفشلتي ومن غبائي المستعصي ايي واحد يلكاله تفسير التفتت وغميته وركضت لبيت ام محمد سديت الباب حيل يمممه كمت الهث خذتلي صفنه دقيقتين ماسمعت حرك السياره انوب وعيت يعععع كميت نقيب بالجيش يمه نضرته من غميته تخوف لا لا خل اركع سالفتي فتحت الباب وطلعت لكيته يبا علي بالضبط مو نضره لا صاروخ وكملت فشلتي وكتله مو عليك على السياره سوالي حركة بصيطه وشغل السياره وطلع بس شنو وجه ناااار معصب انوب هوه مو بعمر هيج شغلات اغمه واركع الباب كوه تقريب 35 سنه وانه لصتهه بعملتي اليوم ماتسوين كبه يسجى اليوم تصيرين كبه.............. يتبع

بارت تعريفي قصير اريد دعم إذا شفت دعم اكمل لأن اول قصة إلي دمتم بخير وصحة 🌹💕