قلبي هائم به

البارت الرابع

للكاتبه (ام مهدي)

قلبي هائم به

انه صفنت وهوه صفن وامي صفنت وديج ام عباس النايم كعد من نومته وهم صفن وبيبي تكله امداك يالاغم جان ينزل المسواك وكال

،،،، زيد،،، بيبي شنو قصتج هسه وكتج

،،، ام فلاح،،، ايي وكتي جاا من خابرتك شكتلك وتغمز وتعمص بعينهه هههه استغفرالله الامه العربيه كلهه فهمت

،،، سجى،،، حبوبه الولد انحول من عيونج خل يتفضل يرتاح راح هوه كعد يم امي ومبتسم اخذت العلاكه ورحت اسوي غدى كملت والولد اجو اليوم من وكت شعجب سلمو وراحو للديوانيه بين قوسين غرفه بس مسوينهه دوانيه سوالفهم وضحكهم تركع شوي وندك الباب من صياحهم مبين يلعبون دومنه يبووو ملحمه كلكامش مسوينهه رحت افتح الباب واصيح جاك جااك عبالك رجال فتحت وكبل رجعت وصرت ورى الباب من شفت عيونه يععععععع انفضحنه يالحسين يمااااااو جان يتحمحم ويكول

،،، أسر،،،، عقلج وين من فتحتي الباب هيج اخوتج وين

،،،، سجى،،،، ضليت متمت كتله هاااا جاي يلعبون دومنه وصياح مااا جان يكطع الحجي ويكول

،،،، أسر،،، فضيني صيحيهم عندي شغل اكعد اسمع تبريرات

،،،، سجى،،، ياااااابه من اسحله هسه واكسر عوجية حبوبه على راسه اكو واحد يلومني طلكت الباب ورحت للولد كتلهم الباب يندك ورجعت للمطبخ اكرب كملت صادف حار الجو وحبوبه وامي يباوعن مسلسل خذت مكناسه وماسحه ولبست كلبية شغل وكلتلهه يمه صاعده انضف الصحن وتسويلي مكان نكعد بي لان نسمة الهوى بالصطح تخبل هزت راسهه وانه طفرت فتحت الباب يباااااو بطلت شنهاي منين ابلش وشلون اخلص عاد تشكلت سوسه وشبيك يا غرض وصخ شمرته اجيب واكوم على صفحه بين سياجنه وسياج ام عباس صار فارغ يجنن وذب ماي واشطف وكاصر وزاهي طلع لون الشتايكر صح املح بس يمشي حال نشفته ونزلت صعدت عدنه جلسه من ام سعد قديمه نفضتهه ومسحته وخليتهه على الحايط صارت كعده حلوه طلعت اخذت الفين وركضت للباب حطيت الشال واباوع واشوفلك حسام ابو الدعابل اشرتله جان يكله صاحبه يصحونك هوه باوعلي واجه يتمشى على كيفه وصل يمي وكال

،،، حسام،،، شعدهه الحلوه تصيحني

،،، سجى،،، شنووو اكلك شووو انته مدري شلون صاير انته اتابع مهند مووو جان يرفع حاجب ويكول

،،،، حسام،،، شعدهه صبريه اليوم كتلهه الوصخ والتراب صاير على الرموش واصل حتى لسنونج

،،،، سجى،،، انجب انته الوصخ تلحكني اكوول تروح تكول لسعد سوسه تريد نشره ام الاضويه صفر يالله عفيه حباب جان يخزرني ويكول

،،، حسام،،،، انجبي انجبي اروح اكله سوسه ادلع بيج كدامه امشي طبي جوه يله وترى مبينه من الصطح لا تصعدين بعد ترى اغار ودار وجهه وراح ياااااع امداني طبيت لجوه واسمع حبوبتي تصيح بالتلفون وزيد يمهه يضحك وهيه تحجي المن جايه اريد اشوف شعدج ولج انطمي جان زيد يكلهه