قلبي هائم به

البارت الثاني

بارت ثاني لعيونكم

للكاتبه(ام مهدي)

دخلت لجوه للمطبخ لكيت ام محمد مبلشه تحضر سلمت وكعدت بس بالي مو يمهه بالي بسالفتي العوجه وعيت من صفتني على حجايتهه تكلي هالمره الج صينيتين خاله تستاهلين ابتسمت وكلتلهه مشكوره خاله ماتقصرين بلشت الف الكبه على ما نكسر ضهري ياااااابه انصمطت يله كملت اخذت الصواني وطلعت لبيتنه مخليه وحده منا وحده منا دخلت لكيت امي على المسلسل كاعده ضحكت وكلتلهه // هااا يمه وضعيتج مال واحد مرتااااح متونس ههههه كالت عوذه منج حلسدتني على الشلل //ياااا يمه اسمالله لا والله بس تعبت بالكبه ابتسمت وكالت عفيه بنيتي عيني خوانج حجيت وانه امشي للمطبخ اركب الغدى كتلهه يمه اليوم بس الفاصوليا بدارنه كالت نعمه //كملت الغدى واجو الولد من وكت اليوم متعيني صبيت وكعدت يمهم هذا يكفخ وهذا يكول ماي وهذا يصيح ماصخ يبااااااو طك جبدي كتلهم مو ميري انه وتصخروني خل اكلي لكمه هيه شنيه واجهتني الهبده على راسي طحت على وجهي باوعت حسين كال صخره وبيههه منيه مانريد عود انه زعلت وكمت هسه يصيحون ماكو انلاصت عليه وضليت بدون غدى شهالحض لفيت كفشتي ونمت كعدت البيت هوسه المواعين ع السنك والولد طالعين عصريه واشد الشال على راسي شدة نانسي عجرم واكلبوهه بكرك تصير سوسه عجرم من باب الشرجي واطيح لك على البيت اول شي للمطبخ بعدين الصاله وغرفة امي وأخير شي الحديقه المتقشفه واجلفهه جلفه مسنعه وكعدت بالكاع ومدنكه واجلف وانفتح الباب ودخل حسام ابو الدعابل هوه حط رجله وزلك وططططب بالكاع ياااا بويه متت ضحك كركركر اريد اسكت ماكو انوب هوه يصيح سوسه الخبيثه حاطتلي زاهي بالكاع الوصخه انه كال هيج واكوملك على حيلي امشي بهمه وللزمه الماسحه وناسيه الباب مشرع وسحلته وكتله منو الوصخه ابو الدعابل بعدين شلون تفتح الباب وتدخل ماتكول عيب بنيه شابه هاي بالبيت شو هذا كام يفر براسي ويدور باوعلي وكال وين البنيه الشابه طننننن كفخته على راسه وكتله امشي منا شاذي وي طلعته رفعت راسي يممممممه هذا ابو طبره واكف يم السياره ومتخوصر ويباوع صفح وماعاجبه سديت الباب بسرعه واسمعه يكل لحسام تعال لك باوعت من الزرف كفخه على ركبته وكله عيدهه بعد وشوف شلون اصلخك بكتله هههههه جااا يحضي شبيك اباوع صفح.طبيت جوه وسبحت وجرخت العبايه اريد اطلع للمحل دك جهاز امي باوعت هههه مسجلتهه العم جدو ههههه رفعته وكلت انته المتصل عليه بهذا الوقت يحلو يعسل انته غير احبك وطكيتهه ضحكه وكلتلهه بيبي الهايشه الزكطتج عرست جاان يجيني صوته مثل اليضحك بس لازم روحه ويكول جان عزمتينه ع العرس يبوووو و هذا زيد يافشلتي كتله هلا زيد شلونك كال الحمدالله صرت بخير كتله مو عبالي حبوبتي كال ايي هوه كلتلي اتصل عليهم بليل جابتهم ابقى كم يوم كيفت والله عاد هيه ام فلاح سوالفهه افلام كتله هلا بيكم كاله اشكرج سوسه يلا ساعتين ونجي انشالله ترخص وسد الجهاز طلعت ورحت لسعد دخلت للمحل سلمت وكتله خليلي مخضر من كل نوع وفواكه وسجلهن كال صار كملت وشلت العلاكه وباوعت هوه عم باوع وكال ايي اعرف طلع نستله وعصير كال هاج ضحكت وطلعت اتمشى اكو شغلات بحياتي ماحبهه كلش احس مجبوره عليهه المسواك والغاز والماي كلهن عليه احس شايله مسؤلية امي ماحب اطلع وامشي احب ابقى بالبيت حالي حال البنات اوووف يلا ولج ام فلاح راح تجيج تونسج بعد شتريدين وصلت يم الباب وكفت سياره ونزلت حبوبه منهه يااااا هلا هلا شلونج حبوبه اجتني باوستني وشبكتني شو هاي وخري ولبكيني بالعوجيه يااا ليش حبوبه. شمسويه //ام فلاح / ولج شعدج تخورين العصريات حبوبه غير اسوك احجي وانفتح الباب وطلع حسين سلم عليهه وعلى زيد الي هسه انتبهتله موجود دخلو جوه وحسين سحلني كال شعدج طالعه كتله مسواك والله مسواك وارفعه ايدي ابرر طلعتي وشردت قدمت ماي وحضرت العشى وصبيت وحبوبه تكلي نادره ام كفشه يحححح شيخلصهه وي ام فلاح اغسل مواعين واشوفلك حبوبه تدفع بأمي وطالعت هااا وين سئالتهن وانه متخوصره كالت امي ام محمد وحدهه ورايحين يمهه كتلهن وانه كالت امي انطمي واكعدي بالبيت طلعن وبقيت وحدي اجه حسين كال جاي الولد كاعدين بره وملتمين سويت على عددهم ورحت دكيت الباب اجه زيد أخذه مني وكلي عاشت ايدج سوسايتي انه رفعت راسي باوعتله مبتسم باوعت ورى لكيت النقيب ابو طبره يباوع وجنه بارود ناااار ويعدل بلحيته سديت الباب وبالي بقى يم ابو بارود اجت امي وحبوبه وفرشت فراش وكلتلهه حبوبه شلونهم خوالي كالت عوفي خوالج ولج ليش ماتعرسين كركركركر صدك ضحكت كتلهه منتضره عريس الهنا كالت موجود يمجسوحه ماضل شي واخذج اله كتلهه ومنو بالله مدت روحهه وتغطت وكال لا تستعجلين على رزقج وانطمري ههههه ضحكت ونمت بعد ماكتبت أحداث اليوم بمفكرتي كعدت الصبح وبلشت روتين الملل مال البنكلادش بس بليل صار الحدث الي غير كل مفاهيم حياتي احس بنفسي دايخه ولعانه نفسي واحس معدتي تكلب تقيئت ردت ماكو امي يمي وتمسح على ضهري وحسين بدل وطلع ورجع كال كومي اخذج للطبيب بدلت ورحت وياي حبوبه ام فلاح لكيت النقيب واكف وجنه منتضره شو هذا شغل السياره وكال يله صعد حسين وصعدنه ويا ومديت راسي على متن حبوبه وصارت عيني بالمرايه الكدام لكيته يباوع لي بنضرات خوف وحنيه وصلنه ونزلت كبل سوولي غسل معده طلع عندي تسمم وشكل لي مغذي وهمه بالباب طلعت كال الدكتور سلامات مابيج غير العافيه ورده شو هذا خزر الدكتور وكله ماتقصر دكتور يلا عيني كملتو كال حسين ايي خويه توكل ابو أرام يااااا أرام منو انوب غير مامزوج هذا والله صحيت وكل قوه صارت بيه دخلت للسياره وحبوبه كالت اروح اقيس السكر واجي راح وياهه حسين انه ردت أسد الباب شو هذا افتح الباب وجيت كعد يمي ويحجي ويباوع بعيوني كال طكتج عين ام محمد مووو حطت عينهه على ايدج الكيمر // يمه يمه صخنت والله من المستحى عزه يربي شو حجاياته حلوه كتله لا بس معدتي هيه حساسه تتخربط بسرعه ضحك بقوه وكال حساسه وين اكو معده حساسه // يياااااو هسه دغلس اله تفشلني سكتت هوه كال عندج العافيه سجاوي بيه ولا بيج يععععععععع وين انا وين احنه الدرب وين صار نزل من السياره وبقى ينتضرهم اجو صعدو وشغل وطلع وصلنه للبيت ونزلت حبوبه تسحلني وهوه بصفي كلش يحجي وي حسين استغل نضر حسين الي موجهه لعلاكه العلاجات ولزم ايدي خفيف عصرهه وعافاهه وانه هناااا انتهيت يمممه طبيت جوه وامي تلكتني لا تاكلين بعد جنج منغولي بالأكل شبيج يمه ماتكلي لي انه بحال امي لو المنغولي رحت لدفتري وكتبت كلشي ونمت بحجة مريضه ماشتغلت شي كعدت لكيت الدنيه عصر ياااا شكد نمت كمت غسلت وكفت بالباب لابسه كلبيه صفره ليموني كشمير ام الفتحات وشعري لافته بقلم ومصخنه وصايره حمره وكفت بالباب فتحته شويه وصحت اخو سعد الزغير كتله كل لسعد سجى مريضه وتريد امدادات من المحل ههههه الولد راح ركض ضحكت وباوعت على بيت النقيب صارت على على شي صدمني كلش لكيت البلكونه مفتوحه وهوه لازم كوب جاي ابيض ولابس تراك ومتجي على الجام ويباوع ومبتسم انه فهيت كلش يعني يشوف كلشي بطارمتنه خزرته بقوه هوه عدل وكفته واشرلي شبيج شكو تخصرتله ورفعت حاجب هوه فهمني ودخل جوه همزين شالي على ركبتي مخليته لبسته ودخلت جوه وبالي يفكر بشغله وحده من شالو لليوم هوه يراقبني منا لان بليل دائما من اباوع ضلمه البلكونه بس ضوه جكاره خفيف طالع والقاهرني اكثر شافني بكل حالاتي بالطارمه يبوووو

يتتتتبع،،،،،،،،،،،

اعتذر عن الاغلاط🌹🌹

اعتذر عن الاغلاط💕🌹