قلبي هائم به

بارت السابع

للكاتبه (ام مهدي)

طبعن البارت مساع ماكامل اونشرته اسفه نشرته هسة من جديد اوكملته

للكاتبه (ام مهدي)

نور.... كملنه الغدى بالصللوات وطلعنا كلنه سوه امي كالت لياسر خاله انتم اخذو راحتكم واحنه راح نطلع نتمشى سوه للسوك

ياسر.... براحتكم حجيه الوالده واختي وياكم ونبقى على اتصال لان أسر حاجز بفندق من تكملون اتصلو عليه اجي اخذكم

سجى... رادو يرحون الولد سوه يتمشون بالأسواق وانا ركضت لحسين وكفت بصفه وكتله يله حسون شيل النون وورق هوه باوع صفح

حسين.... غير امج موجوده انا شكو هاج عمي بس ولي

سجى... اطاني خمسين وراح خطيه شو تدمنت من خذتنهن كلت خاف ماعنده بس تذكرت توه مستلم سلفه بسرعه راحت الخطيه من بالي وشريت الحلك ورحت يم البنات والحجيات ركضن للمحارم مالت الصلاة يشترن وانا رحت يم البنات واكفات على

محل يبيع فضه وبرازيلي كلش نازكات يقين اخذت سوار ناعم ومحبس شذر أخضر ونور ادور حرف تاي وروان اخذت طقم كامل كلش حلوو وانا بقيت اصفن عيني صارت على سنسال كلش حلو يلتف على الركبه مثل الحيه بس ناعم أخذته وجاي اسأل علئ السعر ونور زرفت خاصرتي

نور..... انجبي وأخذي حرف اخوي لا اعدمج غير خطيبج هوه

سجى.... خاب شو دنجبي مصدكه الوضع شو انتي هيه حجايه حجتهه حبوبه لا وافقت ولا اطيت حجايه وانجبي واسكتي وميلي عني

نور.... يا اسم الله شبيج حاصلج زويد ولج

سجى... بالعباس لعبت روحي من الولد من وراكم زويد وزويد يبوو عفتهه ورحت وهيه اجت وراي تقنع بيه وانا مغلسه وبالي بس ارجع اكلهم رفضي القاطع الولد ماعندي ايي مشاعر إله ابد ماكدر اتقبل انو يكون زوجي افكر وعيني اجت على ايد يقين

ابتسمت المحبس والسوار كلش حلوات على ايدهه بحيث تجذب نضر ماشاء الله وكفنه يم ابو العصاير كلنه شربنه عصير ويمه كراسي كعدنه وحبوبتي تصيح ولجن ماريد ثلج اريد جويه تعدل راسي واحنه نضحك عليهه وماسكتت منا لمن شربت جاي هاي عود بالمطعم توهه شاربه مرتين بقينه نفتر ولا تعبنه من الواهس اشترينه احنه البنات ملابس خفيفه نلبسهه بالفندق اذا ردنه انام ولازم  نفس الون كملنا ودك جهاز ام ياسر جاوبت واسمعه تكول ايي انشالله تعالو احنه بهيج مكان عرفت بأن راح

ياخذونه لان صار العصر كلش الحلو بالموضوع الولد اخذو راحتهم سوه عبالك اصدقاد من سنين حتى كيان رغم هوه مو كلش أقاربنه بس ماحسسو بأن هوه غريب ابد اما صديق أسر هذا موضوع ثاني الولد يحجون ويا عبالك اخوهم بقينه نتمشى حتى نوصل للفندق علما يجون لان الطريق طويل وأم ياسر تعرف الفندق اجو ياسر وصديق أسر يمكن اسمه مرتضى عرفت من يقين وصلنه يمهم ويقين جلبت بيه