همه منيلهُم مثلج گمر أبيض
وهمهَ منيلهم مثلج بشر
من ينعشگ ينعض ؟
_______________
زهراء : كاعدين بالصالة وصدفة بابا ومحمد فتحوا موضوع ..
ابو محمد : زهراء بابا اني واخوج عدنه موضوع وياج
زهراء : شنو هو بابا ؟؟
محمد : علي اخو حنين طلب ايدج
زهراء : صفنت عليهم مادري شحجي
حنين : بفرح ... والله ؟؟
محمد : اي اليوم العصر حاجاني
ابو محمد : زهراء بابا شنو رأيج ؟؟
زهراء : هااا
محمد : انثولت البنية ، شبيج كمتي تتصفنين
حنين : ضحكتني حجايته خزرته لان ادري زهراء استحت ... محممد شبيك يعني البنية انصدمت شتريدها تكول
محمد : هسة هي غير تحجي شي
ابو محمد : بووية زهراء مو نحجي وياج
زهراء : خجلت وارتبكت ... هاا بابا مم مادري بكيفكم
محمد : زهراء ابوي وامي متزوجين واني وحنين متزوجين يـ؏ـني هذه حياتج إِنتِــي راح تتزوجين مو احنه شنوو بكيفنه
حنين : زوز حبيبتي فكري براحتج ومثل ما كال محمد هذه حياتج واكيد محد راح يجبرج ؏ـلىْ شي
محمد : ترة لا عبالج صديقي واخو مرتي ولازم تقبلين بي لا يابة ؏ـادي اخذي راحتج
حنين : ههههههه اي واللّٰـه حتى لوو اخوي مو الا تقبلين بي
زهراء : عن اذنكم ... كامت وراحت لغرفتها
ابو محمد : ها ام محمد شوو ما كلتي شي
ام محمد : حياتها وهي حرة بيها مع انو ادري ماراح نلكة احسن مِـــنْ علي بس يبقى القرار الها
ابو محمد : عمي حنين علي اخوج وتعرفي زين وانت محمد صارلكم سنين انت وعلي اصدقاء كوموا اصعدوا يم زهراء واحجولها عنه حتى تعرف تاخذ قرارها
حنين : ان شاءالله عموو عن اذنكم ... كمت صعدت رحت لغرفة زهراء دكيت الباب
زهراء : تفضل
حنين : فتحت الباب ودخلت ... سلاام يا حلوو
زهراء : ابتسمت ... تـ؏ـالي حنونه
حنين : رحت كعدت يمها بعدني اريد احجي اندكت الباب ودخل محمد اجه كعد يمنه
زهراء : تباوعلهم ... هاا شبيكم
حنين : ابتسمت ... عموو دزنه حتى نحجيلج عن علي بماا انو ٲنِـي اخته ومحمد صديقه
زهراء : خجلت ودنكت راسها
محمد : شوفي زهراء علي فد واحد غثييييث بشكل وما ينبلع يـ؏ـني ٲنِـي كوة متحمله ، شايف نفسه ومغرور وما مخلي بنيه ما مصادقها
سوالفه كلهن مكسرة و....
حنين : قاطعته وضربته ... كاافي ؏ـاد اخوي ما ارضى عليه شوو انت لمن خطبتني اجاني للغرفة وكعد يمدح بيك ويكلي مو لان صديقي واحجي هيج بس هذه الحقيقة
محمد : لا صدك ؟ فديت صاحبي واللّٰـه ، اسمعي زهراء علي ماكو منه وغصبا عليج تقبلين بي ومن باجر اخليكم تتزوجون واكله خوية تـ؏ـال كبع واخذ
حنين : رفعت حاجبها ... يمة منك يمة كلبت الحجي معليج بي زهراء اسمعيني راح احجيلج عن علي بس واللّٰـه مِـــنْ راح احجيلج عنة راح انسى هـِـَـِو اخوي حتى ما تكولين لان اخوها تحجي هيج
زهراء : لا واللّٰـه ماراح اكول هيج
حنين : اول شي علي حنون ڪلش وكلبه طيب ، مِـــنْ ناحية عصبيته ؏ـادي مثل ڪل الناس بس موو يتخبل ويكوم يصيح ويذب حجي احم احم .. باوعت لمحمد بطرف عينها .. مثل بعض الناس
محمد : ايباه شقصدج ؏ـيني
حنين : شنوو شقصدي جاي احجي ؏ـادي يـ؏ـني اكو ناس مِـــنْ تعصب ماتحس ؏ـلىْ نفسها شنوو تحجي هيج قصدي
محمد : راح اعبرها بمزاجي لانو حامل ما اكدر اسوي شي كملي كملي
زهراء : انتوو جايين هنا تتعاركون ؟
حنين : اسفين اسفين المهم .... بقت تحجي عن علي الى ان كملت ... وهذا محمد موجود واسألي اذا جان كلامي صح لو لا
محمد : ٲنِـي اشهد ؏ـلىْ ڪل كلمة كالتها وعلي رجال بمعنى الكلمة
زهراء : دنكت ... ان شاءالله افكر وارد الجواب
محمد : اخذي راحتج
زهراء : طلعوا محمد وحنين مِـــنْ الغرفة واني افكر بعلي وتذكرت ڪل المواقف اللي صارت بيناتنه ، تذكرت نظراته وكلامه تخيلته وهو زوجي حسيت كهرباء سرت بجسمي وكلبي تسارعت نبضاته ..
بقيت افكر وشي بداخلي يكلي وافقي قررت ما اطول وباجر اردلهم جوابي ..
