ولفي تربيتة الوكاحة
وانا بت فقرة .. استحي!
_____________
هدى : دك المنبه الصبح الساعة بـ6 فتحت ؏ـيوني باوعت كيان ماموجود استغربت معقولة راح للدوام ؟
كمت دخلت للحمام غسلت وطلعت بدلت ولبست شالي اخذت جنطتي ونزلت صبحت عليهم كلت ... عمة شنو كيان راح للدوام ؟
ام كيان : اي حبيبتي وية صلاة الفجر طلع جنت اصلي وشفته ليــش ماتدرين بي
هدى : مادري ماحسيت عليه
ام كيان : حتى راح بدون اكل كتله اسويلك ريوك ماقبل
هدى : هزيت راسي ، شنوو معقولة بعده مقهور ياربي ليــش حجيت هيج ٲنِـي استغفر الله .. دك تلفوني اجه السايق طلعنه ٲنِـي وآية رحنه للجامعة
دخلت للمحاضرة الاولى وافكر بكيان دائما يكعدني قبل ما يروح للدوام ليــش هيج اليوم خلصت المحاضرة واني ڪلشي مامفتهمة منها طلعت مِـــنْ القاعة عدنه ريست نص ساعة ..
طلعت تلفوني اتصلت ؏ـلىْ كيان اول مرة مارد ثاني مرة رد
كيان : الوو
هدى : هلاا كيان
كيان : هاا حبيبتي
هدى : ليــش ماكعدتني قبل ماتروح للدوام ؟
كيان : موو اليوم طلعت مِـــنْ وكت والبارحة إِنتِــي نمتي متأخرة كلت وراها دوام خطية
هدى : واذا عندي دوام كيان انت ڪل مرة تكعدني
كيان : ...
هدى : شبيك ساكت ؟!
كيان : مابيه شي حبيبي
هدى : بعدك ضايج
كيان : ؏ـلىْ شنوو ؟
هدى : اللي صار البارحة
كيان : اي ضايج
هدى : كيان واللّٰـه العظيم احبك ومو قصدي ...
كيان : قاطعها ... لحظة مو قصدي هيج ٲنِـي ضايج لان ضربتج وخليتج تبجين
هدى : انسى هذا الشي اصلا ؏ـادي جانت لحظة عصبية ووو ترة واللّٰـه احبك
كيان : تنهد ... واني اموت بيج
هدى : ليــش هالتنهيدة ؟
كيان : لانو خلفت بوعدي ورجعت مديت ايدي عليج وانتي ههــسةة تكليلي احبك
هدى : كيااااان سد الموضوع ، خلص حبيبي اللي صار صار لا تضوج نفسك ويلة حبيبي راح تبدي محاضرتي احاجيك غير وقت ان شاءالله .. وهي تبتسم .. ولو تدري شنوو حتى تشتاقلي ماراح احجي وياك الا باجر مِـــنْ تجي
كيان : ابتسم ... نشوف
هدى : يلة حبيبي بيبااااي
كيان : الله وياج عمري
هدى : سديت التلفون منه واني مبتسمة صرت احبه اكثر مِـــنْ ما هـِـَـِو يحبني ... خلص الدوام رجعنه للبيت تغدينه وبعدين ڪل واحد راح لغرفته يرتاح ٲنِـي رحت فتحت الكنتور اشوف شنوو البس اليوم للحفلة
بقيت ادور بعدين طلعت فستان احمر طويل مرتب ومناسب للحفلة .. نسقت ويا شال وحذاء وجنطة حضرتهن ورحت أنــآم شويـة وقتت تلفوني ؏ الساعة 6 العصر ....
دك المنبه وكعدت نزلت جوة مر الوقت وكمنه نتحضر حتى نروح للحفلة
رحت لغرفتي بدلت وحطيت مكياج مو ڪلش ثكيل ولا ڪلش خفيف
لبست شالي واكسسواراتي رشيت عطر باوعت لنفسي وابتسمت حبيت شكلي اخذت جنطتي وتلفوني ونزلت لكيت عمي مكمل ومنتظرنه
تمنيت كيان ويانه تنهدت .. شويـة ونزلن عمتي وآية ..
