يَبعد اليسّوه والمايسوه من دوّنج
شِتخجلين ؟
إذا هوه الغّزل مَخلوق لـ عيونج
_____________
آية : فتحت الرسالة اقرأ بيها ووية ڪل كلمة انصدم اكثر جان كاتبلي
عبدالله : ترددت هواي قبل ما اكتبلج هذه الرسالة بس كلت خلص ليــش ابقى ساكت وبالاخير يجي واحد وياخذج مني وابقى ٲنِـي متندم ..
ماراح الف وادور مِـــنْ الاخير آية ٲنِـي احبج واريدج ، مِـــنْ زمان وانتي ساكنة ببالي وبكلبي هم .. جنت اتجاهل هذا الشعور بس لشوكت ؟
ف كلت اعترفلج واريح نفسي احسن .. مِـــنْ ناحية جوابج اخذي راحتج وفكري بالموضوع زين مع انو ٲنِـي مادري ليــش اشوف بعيونج ونظراتج الي حُب ف اذا جان صدك موجود اتمنى منج تطلعي وماتخجلين ..
ٲنِـي راح انتظر جوابج وخليج صريحة اذا ماترديني وما تبادليني بشعوري ؏ـادي كولي واعتبري ڪل هذا ماصار ..
واذا تبادليني ياريت تردين عليه بأسرع وقت
راح اكون منتظر ردج مع السلامة
آية : عبدالله يحبنننني !!؟ يـ؏ـني ڪل كلام هدى وحور صح زين شلون وشوكت حبني !! .. تمددت بفراشي واني حايرة ماعرف اذا احبه او لا ، ماريد اكله احبك وبالاخير يطلع اعجاب واظلمه وياي ولا اريد اكله ماحبك واكسر خاطره ومشاعره .. يارربي ساعدني .. بقيت افكر وافكر حتى مادري شوكت نمت وغفيت ..
دك المنبه ثاني يوم الساعة بـ6 الصبح تعاجزت اكوم مِـــنْ الفراش
طفيته وبقيت نايمة وغلست ؏ الدوام رجعت غفيت وكعدت بـ10 اجه ببالي عبدالله كمت مِـــنْ الفراش غسلت ومشطت شعري
رحت فتحت تلفوني وطلعت رسالته ورجعت قريتها للمرة المليوون !!
واللّٰـه مادري شسوي تنهدت وكمت طلعت مِـــنْ الغرفة نزلت لكيت ماما وهدى وبابا استغربت حتى هدى مامداومة يلة همزين حتى احجيلها واخليها تساعدني صبحت عليهم
هدى : ابتسمت ... هاا ليــش مارايحة للدوام
آية : عقجت وجهها ... مدري شو اتعاجزت اروح
هدى : ٲنِـي ماعندي شي اليوم ف مارحت
آية : تريكت وخلصت رحت لهدى سحبتها مِـــنْ ايدها واخذتها لغرفتي دخلت وسديت الباب
هدى : شبيـــّچ ولج سحلتيني
آية : تـ؏ـالي اكعدي عندي موضوع اريد احجي الج
هدى : كعدت ... خير يا ستار شكوو
آية : فتحت تلفونها وطلعت رسالة عبدالله وانطته لهدى ... هاج اقري
هدى : اخذت التلفون وهي مستغربة قرت الرسالة وبقت صافنه باوعت لآية .. ولج شنو هاي
آية : ٲنِـي مصدومة اكثر منج
هدى : ضحكت وغمزتلها ... يااعيييني شكلنالج مو كلنه يحبج
آية : مو وكتج واللّٰـه حايرة
هدى : بشنوو حايرة ؟؟
آية : شنوو راح اجاوبه مادري اذا احبه او لا
هدى : اوكفي اوكفي شلون يـ؏ـني ماتدرين ؟؟
آية : ماعرف هدى ماعرف
هدى : حيرتيني ترة
آية : يـ؏ـني اول شي ٲنِـي ماعرف عبدالله زين وما متأكدة اذا احبه لو بس اعجاب
هدى : ماشي هـِـَـِو الظاهر يريد يتزوج واصلا هـِـَـِو وصل السرة اله ههــسةة ف اكو بنية وياي بالدوام ڪلش حلووة وحبابة نخطبها اله
آية : بأنعفال ... هــيٰ هــيٰ شنوو حلوة شنو تخطبوها واني وين رحت
هدى : هاااا شوفي غرتي ههــسةة لانو تخيلتي يتزوج وحدة غيرج معناها تحبي وتردي
آية : حست ؏ـلىْ نفسها خجلت ... سخيفة
هدى : وهي تضحك ... رديله جواب حبيبتي وكليله فديتك ٲنِـي هم احبك واموت علي...
آية : قاطعتها ... انجبي انجبي
هدى : شبيـــّچ واللّٰـه قبل ما يخطبج كضوا هاي الايام سوة وتونسوا حبجيات وكذا خلي يحبج اكثر
آية : رفعت حاجبها ... واللّٰـه خبلة إِنتِــي الله يساعد اخوي عليج
هدى : ننننن اصلا اخوج يموووت عليه مايتحمل بدوني
آية : اي اي ادري الله يحفظكم بس لا تلطشين
هدى : ضيكت عيونها ... عابت ، المهم يلة رديلة الجواب خطية ترة كاتبلج اذا تبادليني نفس المشاعر ردي بأقرب وقت
آية : لا ما ارد ههــسةة شيكول عليه مامصدكة
هدى : لزمت المخده بيدها ... لا تخليني ههــسةة اركعج بهاي المخدة واللّٰـه غصبا عليج اليوم بليل ترديله جواب لا تشلعين كلب اخوي سودة عليه
آية : كومي ولي يلة بكيفي شوكت ما ارد ارد
هدى : رايحة بدون ماتحجين خلي اكعد كيان واذا مارديتيله الجواب ٲنِـي اخابرة واكله
آية : واللّٰـه اموتج
هدى : نشووف عود ٲنِـي كتلج بَــ؏ــد
آية : سويها وشوفي شسوي بيج
هدى : الله كريم ... عافتها وطلعت
آية : تضحك ؏ـلىْ سوالف هدى باوعت لتلفونها وشافت الرسالة يـ؏ـني ٲنِـي احب عبدالله ؟ واني اللي اكول عنه مغرور وشايف نفسه هه واللّٰـه زمن
