🍭🍬ˡˡᶤʷ ʸᵐ ᵗˢᶰᶤᵃᵍᵃ ᵐᶤʰ 🍭🍬 ( كرونيك باللهجة الجزائرية )

الجزء الاول 💔😭

سلام انا منال 20 سنة بلوندا عينيا زروقا وشعري ماغون طويل قصيرة لطاي تاعي شابة الحمدالله عندي زين وهدي مشي هدرتي هدرة لي يشوفني انا لوحيدة في دارنا معنديش خاوتي انا كنت نقرا ف الليسي مانقلكمش كنت قارية بزاف مي كان مستوايا لاباس بيه ستادديغ معدلاتي مابين 12 و 13.
حكايتي بدات ف 13 اكتوبر 2019 كان عام لي نجوز فيه الباك وفي هداك نهار ماما توفات ربي يرحمها بسبة سكتة قلبية 💔. كان اسوء عام في حياتي وحتى لباك تاعي مجبتوش حبست قراية وقعدت فدار . بعد 6 شهر من وفاة ماما , بابا قرر يتزوج وتزوج وجابلنا شيطانة 😈 تسكن معانا فالدار من اول يوم جاتعرفتها بلي مسمومة كنت دايما فالمشاكل مع مرت بابا بسبب شغل تاع دار هي تضظل عند المرايا والمارشيات تدور وانا تخليني في الدار نسيق ونطيب وكل يوم تشكي لبابا مني تقولو تضل قاعدة ومتخدمش وتعيط عليا وتزيد معايا فالهدرة وبابا امنها 😟 ملي توفات ماماتبدل عليا بزاف , وحد النهار كيي العادة هديك الشيطانة عمرتلو راسو جا ليا للبييت ضربني ومسح بيا لرض الغد منداك جا ليا حطلي دراهم قالي اخرجي مع خالتك اشري كاش حاجة تلبسيها نهار الخميس يجو يخطبوك ومتناقشينيش خلاص مديت لكلمة😒 كيما عييت نحللفيه محبش يسمعني خرجت مع هديك شيطانة شريت روبى نواغ طويلة وبسيف قاتلي اشري مكياج باش نديرو نهار لي يجو . لحق نهار لخميس وانا دمعتي منشفتش 😭

كيفاش راح نتزوج وانا مزالني صغيرة وراجل ميمبا منعرفوش حتى شكون ولا كيفاه داير ☹️