🍭🍬ˡˡᶤʷ ʸᵐ ᵗˢᶰᶤᵃᵍᵃ ᵐᶤʰ 🍭🍬 ( كرونيك باللهجة الجزائرية )

الجزء التاسع 😍😭😢😭

نضت صبح وجدت روحي ورحت باش نوجد القهوة وسييت منديرش الحس مي مالوغوزمو طاحتلي لكسرونة وهو فطن علا صوتها جاليها ا للكوزينة قتلو ديزولي مشي بلعاني قالي علاش منوضتينيش معاك قتلو محبيتش نوضك خاطش لبارح مخليتكش ترقد مليح راح غسل ولبس وجا شربنا قهوة اومبعد وصلني للمركز الامتحان قالي متخافيش راكي حافظة ووواجدة وتقدريلها 

                                             كلماتو زادو في ثقتي  في نفسي جوزت الباك والحمدالله حسيت روحي خدمة والنتيجة بعد شهر من الامتحان هداك شهر جاز عليا شغل عام واخيرا لحق نهار النتيجة وليد قاعد يستنا سيت يفتح واخيرا فتح كتب رقم التسجيل وقلوبنا تخبط خرجت النتيجة وليد شاف فيا وقالي مناال متزعفيش ابا بديت نبكي قتلو مجبتوش قالي ياااو جبتيه ونااض يعيط ورفدني دار بيا كي المهبول وانا فرحانة وطايرة فرحة متوصفش 😍

جبت الباك بمعدل 13.52 الحمدالله وسجلت فالجاميعة وليد عاوني بززاف وجابلي كادو سنسلة تاع ذهب مكتوب فيها اسمي فرحت بيها بزاف وقيمتها المعنوية عندي كانت كبييرة مي الفرحة مدومش بقا اقل من شهر  😞😟 بقات سمانة علا جلسة الطلاق قلبي كان يتقطع  وليد كان جزء كبير من حياتي وبعدي عليه راح يكونلي فراغ في حياتي بعد ماخسرت ماما راح نخسر الانسان لي عوضني ربي بيه في بلاصتها كان ليا الاب والام والاخ والصديق عشت معاه اجمل ايا م حياتي كيفاش راحنكمل حياتي بلا بيه وحتا هو حسيتو حزين ليوم بعدما كملنا لخدمة قالي منيش حاب نروحو لدار راني مخنوق واش رايك نروحو للبحر قتلو حتى انا منيش حابة نروح لدار رحنا للبحر قعدنا فوق ليروشي وجاب لتاي وميلكا قعدنا نحكو قالي واش ناوية ديري بعد الطلاق قتلو هدرت مع خالتي وراح نسكن عندها حتى نكمل قرايتي اومبعد نحوس علا خدمة نكري دار وحدي حتا يفرج ربي . ويجي مكتوبي شاف فيا قالي مكتوبااك ? قتلو وي بيانسوغ راح يجي نهار ونتزوج مراحش نكمل حياتي هكا وحدي قالي صح عندك الحق قتلو ونتا قالي والله معلابالي مازال مخممتش قتلو تتزوج بيها ? 

                                                          شاف فيا اومبعد شاف فالبحر ودا نفس عمييق وقاليي نشالله قتلو اعرضني لعرسك باش نفرح معاك ونزغرتلك ('' ادا عمباتلكم هاد الهدرة من قلبي راكم غالطين كنت نتحرق مالداخل قلبي نار شاعلة فيه ")