🍭🍬ˡˡᶤʷ ʸᵐ ᵗˢᶰᶤᵃᵍᵃ ᵐᶤʰ 🍭🍬 ( كرونيك باللهجة الجزائرية )

الجزء الثالث 😱😨

صباح راح وليد يخدم نضت انا باش نسيق دار كانت نقية متعبتنيش جدتلو يفطر في بالي وليد يجي يفطر مي مجاش حتى لعشية سنيتو كيفكيف مجاش حتى ل 8.45 تاع ليل ما هدر معايا ما هدرت معاه تعشيت ورحت لبيتي درت فيلم وقعدت نتفرج جوايه الوحدة تاع ليل نضت باش نروح لتوالات حتى نسمع وليد يضحك 😖 قربت لباب وببديت نسمع كان يهدر فالتليفون ويقول والله ياعمري غير نحبك اصبري عليا شوية حتا نلقا سبة ونطلقها وانا قلبي طاح في سروالي كيفاش يهدر مع مرة ومتزوج وكيفاش ناوي يطلقني *-*

اليل كامل عيني مغمضتش توضيت صليت وبقيت ندعي ياربي وريلي طريق صحيح لي نمشي فيه 🙏 صباح كي العادة ولييد راح لخدمتو وانا كملت شغل تاع دار وطيبت كي حا فليل درت كوراج ورحت ليه دقدقت فلباب قالي خير قتلو حبيت نهدر معاك في سوجي . قالي اهدري قتلو ارواح لصالو سبقتو جا قعد مقابلني قالي واش تحوسي قتلو سمعتك كي كنت تهدر فتيليفون لبارح قالي ايه واش راح نخاف منك ?? نحبها وغير هيا لي تولي يمات ولادي قتلو منيش نحاسب فيك ومتهمنيش ليستواغ تاعك انا رح نسهللها عليك نمدلك سبة لناس وطلقني بشرط ?? قالي واش هوا شرط قتلو راح نعاود لباك تاعي ونكمل قرايتي ومن غدوة نحوس علا خدمة وبعد عام قولهم طبيبة قالت بلي عقيم ومانجيبش دراري هكدا تقدر طلقني بلا ميصراو مشاكل قالي اوكي قابل بكلش ليسونسيال نطلقو وعلا لخدمة لوزين (مصنع ) لي نخدم فيها مستحقين خدامات انا نهدر مع لمعلم ههه كي ولات في صوالحو يعرف يعاون مي معليش لمهم لقيت خدمة والباقي ساهل . سجلت فالباك بالمراسلة ووليد خدمة شهرية مليون ونص صح قليلة بصح تكفيني باش ندير لي كوغ ونصرف علا روحي وليت نخدم من 8 تاع صباح ل 4.30 تاع العشية نرجع لدار نخدم شغل ونطيب لعشا .....