🍭🍬ˡˡᶤʷ ʸᵐ ᵗˢᶰᶤᵃᵍᵃ ᵐᶤʰ 🍭🍬 ( كرونيك باللهجة الجزائرية )

الجزء الثاني ✋✌️💕

لبست لاغوب ليشريتها ومكييت خفيف وطلقت شعري وقعدت نستنى حتى سمعت البا دقدق جات مرت بابا قاتلي اخرجي ليهم وجيبي سنيوة تع jus رحت مشفتش فيهم كامل حططيت سنيوة وسلمت علا نسا قعدت كانو زوج نسا وزوج رجال والام والاب والعريس وختو يماه غير شافتني عجبتها مام ختو وبما انو بابا كان قابل لبينا خواتم وتفاهمو عرس بعد 3 شهر غير راحو دخلت لبيتي وقعدت نبكي وين رامي يا ماما 😭 رحتي وخليتيني وين راكي تشوفي ببنتك بكيت حتى غفلت رقدت 😴 بعد 3شهر لحق نهار العرس رحت الحفافة وخرجت نهبل مي الحفافة عيات مني كل مرا تماكييلي نعاود نبكي نخسر المكياج لا علينا 😔 لبست برنوص بيض واونصوبل فوقو خرجت تحت جناح بابا وزعمة طاحو ززوج دمععات هو ومرتو لي يشوف يقول صح دموع تماسيح 😓

رحت لصالة تصدرت وجاز عرسي بيانسوغ وفلافا جا وليد (راجلي) لبسلي خاتم وخرجني وداني لاوتال ....... دخلنا للبيت كانت تهبل كنت خايفة من الليلة مب لي صرا مكنتش متوقعاتو دخل لدوش بدل حوايجو وراح رقد بلا ميهدر معايا نص حرف انا مالقيت ما نقول 😲 من جيهة تهنيت من لعفسة لي خايفة منو ومن جيهة وحداخرا قلت هدا راجل يدير هكا في ليلة عرسو 😩 ليسونسيال انا بدلت حوايجي نحيت مكياجي طلقت شعري توضيت وصليت ورحت باش نرقد دار ليا قالي مترقديش هنا وشنو وين نرقد ??

قالي هاو ليك فوتاي روحي رقدي فيه . انا ماعليا غير نضت ورحت رقدت فالفوتاي نضت صباح ضهري مكسر هو مكانش في بلاصتو شوية هكا خرج مدوش قتلو صباح الخير 😍 مرجعليش ديركت قالي نوضي وجدي روحك راهم يستناو فينا في دار بابا نضت غسلت ولبست درت مكياج خفيف ورحنا لدار باباه فطرنا ثما هوما كانو ملاح معايا سيرتو يماه لعشية رحنا لدارنا (دارنا وحدنا) كانت صغيرة ومتحوفة تهببل فيها بالكون يطل علا جنينة فيها لورد كانت دار روووووعة 😍

فرحت بزاف واخيرا تهنيت من مرت بابا وحقرتها وليد غير حطني فدار عاود خرج جا جوايه 9.30 تع ليل جاب معاه عشا مي مهدرش معايا كلا وراح لبيتو يرقد رحت للكوزينة كنت ميتة بالجوع ..................