🍭🍬ˡˡᶤʷ ʸᵐ ᵗˢᶰᶤᵃᵍᵃ ᵐᶤʰ 🍭🍬 ( كرونيك باللهجة الجزائرية )

الجزء الثامن 😦😮😧

قرب الباك ونا بديت نخاف ونتوتر بصح وليد كان دايما يحاول يخفف عليا وخطرات كان يحفظني ويقريني يدير روحو استاذ وانا تلميذة وويطلق هبالو عليا وانا نموت بالضحك عليه هههه وليد صح مهبول مي لاحظت فيه حاجة مولاش يهدر مع هديك ليحبها كيما كان قبل يظل فتيليفون وجتى كان يخرج معاها مي الاشهر لخرين ولا ميحبش يهدر معاها مام كي تعيطلو ميريبونديلهاش 

بقا نهار علا لباك ونا ميتة بالخوف وهو يحاول يهديني كنت قاعدة في بيتي ومن كراس للكراس ومن كتاب كتاب حاسة روحي نسيت كلش كي المهبولة جا وليد للبيت وشافني فهديك لحالة قالي حبسي حبسي نوضي البسي حجابك واهبطي ليا راني نستنى فيك فطونوبيل قتلو بصح منقدرش مزال عندي باش نراجع قالي 10 دقايق مهبطيش نجي نهبطك كيما راكي لبست حيجابي ومكييت وهبطت ليه قالي ديريلنا غنية شابة وزيديلها للخر وبدينا نغنو انا ووليد ممعاها ونسفقو ونتمهبلو  اومبعد لحقنا للبارك ووااو شحال عندي مجيتش ليه فرحت بزااف مخليناش لعبة ملعبناهاش عيطت وضحكت وخرجت كامل الطاقة السلبة لكانت فيا شرالي لحبة بابا ودبدوب كبير رووز وكلينا شاوارما برا وجابلي باطا نوتيلا كبيرة قالي بلي سمعت بلي تنحي توتر كولي وكثري هههه جوزت نهار ولا اروع  كنت اسعد انسانة فدنيا رجعنا لدار علا  11.00  تاع ليل كنت ميتة بالتعب لبست بيجامتي ورحت لفراشي باش نرقد بصح مجانيش نعاس مالقري كنت عيانة مقدرتش نرقد بعد ساعتين رحت لوليد دقدقتلو وفتحت لباب بشوية انا قلت باين يكون يحكي معاها مي هو كان راقد رحت ليه وحطيت ييدي علا يدو باش ينوض وبديت نوض فيه ولييييييد نوض وليييييد وهو خليني نرقد مزال الحال قتلو  وليد مقدرتش نرقد ناض مسكين عين مفتوحة وعين مغمضة  قالي علاش مرقدتيش قتلو مجانيش نعاس قالي اطلعي قدامي شفت فيه بخزرة تاع هديك واش راك تهدر 😲 قالي متخافيش ارواحي برك 

رحت قدامو قالي حطي راسك هنا في (حجرو )  حطيت راسي بدا يلعب بشعري ويحكيلي علا روحو كي كان في ليلة الباك قالي في هديك ليلة بلت علا روحي مالخوف شبت ضحك عليه وهو يحكي وانا نضحك حتى علا غفلة داتني عيني صبح صونا رافاي 

                                                                                        ...................