لايك قبل ما تقرا وكومنت بعد ماتقرا.... قراءه ممتعه🍃
#بنت_الجيران
الحلقه :السادسـةه
بقلم :فاطمه سالم الورفلي
.....................................
...................
عند نجمه:
سماح :نبي منك خدمه.. لي وحده نبيها زي الطوير المدبوح... تبرم تبرم تبرم على عشها وما توصله
عتيقه :لي مني ؟
سماح :لي غاده
عتيقه: غاده بنت سُمية؟
سماح ابتسمت:هي هذي
عتيقه هزت راسها يمين يسار :شن بينكم وبينها... بنيه زي الوريده... لا تهش لا تنش
سماح عقدت حواجبها :يا حاجة!
عتيقه تنهدت وشبحتلها.. :جارحها خلوه في حاله... هي رايماته ورايمها..
سماح :رايمين بعضهم... ونبي نفرقهم يا حاجه... اني هايمه بيه
عتيقه :تقطعيش نصيب الناس ورزقهم... نصيبك جايك
سماح بغيره :يا حاجه نبيه... وما نبي غيره... ولا نبي حد ياخده غيري... وحتى انتي ما تقطعيش برزقك
عتيقه :اني رزقي واصلني بيك ولا بلاك... لكن خيرتك مش فيه يا بنت سرتيه
سماح :خيرتي فيه... ونبيه .... وما نبيش غيره
عتيقه :العقل تاخديه لكن القلب والروح عايفاتك يا بنت سرتيه
سماح طارتلها... وفتحت جيب عبايتها وطلعت الفلوس ومدتهم لي عتيقه :رزقك وصلك... ديريلي رزقي
عتيقه :رزقك من المولى خير من الرزق هدا
سماح :خليه ليك... نبي رزقي لي بديريه
عتيقه تنهدت وسكتت.... وقعدت ادير في طلاسم... و بعدين مدت شيشه لي سماح...
عتيقه :هادي خوديها.. وصبيها على عتبة حوشها... بعد اذان العشي ... وصبي عقابها على ساعه طناش في الليل...
سماح ابتسمت :صحيتي يا حاجه ... غر ما تعرضيش طريقي
عتيقه ضحكت :طريقك زينه.. غر خلي العباد في حالها... انتي بتفتحي عليك ابواب ماليهنش اقفال
سماح مطت شواربها وغيرت الموضوع... :نبي جارحها صدام ولد رجعه... يرومني
عتيقه :نروملك العقل... لاكن القلب عند المولى
سماح :جيبي بس
عتيقه .. فتحت سمكه جايفه... وخدت قلبها... قتلها :هادا القلب حطيه في جذع شجره ما تهفتش من الريح بكل
سماح خداته ومتقرفه منه :تمام.. "وشبحت لي نجمه "... نجمه طلعي فلوس من جيبي اعطيهلها
عتيقه :لالا خلي خلي الفلوس... اني نتعامل بالخير... لكن الحاجة خلتني ندير لك هدا... لكن مش ح تربحي يا بنت سرتيه
أنت تقرأ
بنت الجيران
Romanceويقولولك الـِلي فات مات ، لا معليشي الـِ فات نحنا قتلنا ..لأنك تتحمل هلبا ، يحسابوك ما تحسش .
