بنت الجيران

تاسعه

لايك قبل ما تقري وكومنت بعد ما تقري.... قراءه ممتعه🍃
#بنت_الجيران
الحلقه :التاسعه
بقلم :فاطمه سالم الورفلي
......................................
..........
عندي اني :

عمتي رجعه :على شنو يا وليدي؟

صدام :على غاده

عمتي رجعه:خيرها يا ولدي؟

صدام :كيف يصير فيها

عمتي رجعه تنهدت :تو يا ولدي الموضوع هدا مش وقته ... مابين هي تعالجت ساهل وقتها غر هيا بس جيب السياره

-"وفاجئه تقاوت الريح .. وجت سماح ونجمه"

صدام :حاضر حاضر... غر خشي يام ريح عليك

-عمتي رجعه غطت وجهها من التراب وخشت... وصدام التفت لقي سماح ... تنهد... ولما جت نجمه قعد معلق عيونه معاها...وحس بي شي يجدب فيه ليها..

نجمه ارتبكت.. وجت قدام سماح تلبد فيها :اا اهلين صدام

صدام سارح فيها ومبتسم..

نجمه التفتت لي سماح مستغربه. . وشبحتله..

صدام فطن لي روحه :اهلين وسهلين بيك

نجمه بلعت ريقها :كيف الحال صدام؟

صدام يشوف فيها من فوق للوطا:بخير بخير بشوفتك..اا نجمه خشي صقع عليك

نجمه نصدمت ...شبحت لي سماح وقعدت تكر في سماح من ايدها وخايفه ومصدومه وتقول في خاطرها "مش هدا مبكري كان اسلوبه جاف؟...شن لي غيره!..زعما السحر ؟...شكله هك ...حي عليا من سماح...".... وخشو لحوشنا  .. وصدام اول ما درقت عنه نجمه... استاقض لروحه وقعد يقول في خاطره "شن لي درته اني؟..  معقوله درت هكي؟... شن لي قاعد يصير!... "...هز راسه يمين يسار... وحط ايده على راسه وفرك شعره.. وتنهد... وقال" خلي نمشي نجيب السياره خيرلي.. "... ومشي لي اول الشارع وفتح السياره.... ونجمه قعدت تكهب عليه من المشربيات الباب... لعند مشي...

نجمه :قريب رحنا فيها في جرايرك.. " والتفتت لقت سماح تصب في المايه ... شهقت"... ما تشعفيش انتي ما تشعفيش... تي ياسماح انتي وين واني وين... تي خافي تو يشوفك حد

سماح شبحتلها بعصبيه:نجممه نقصي حسك يا هبله "شبحت يسارها... قعدت تسمع في صوت عمتي رجعه ..."... اسكتي توا اهو جاييه امه... واسي روحك

-نجمه قعدت تواسي في روحها... وتشبح يمين يسار ... وترعش مع بعضها

" جت عمتي رجعه... ومعاها بنات القبيله رافعيني.. "

عمتي رجعه داهشه :ها جي صدام يا بنياتي؟

نجمه شبحت للباب :اي اهو جاي بالسياره

عمتي رجعه تتنفس بقوه :وووه بسلامتها ثقيله... ربي يشفيها يارب

سماح لما سمعت اسم الله رعشت... وبطريقه سريعه هوب تحركت من العتبه.. وحست بحرارة قويه  ...