تعرفو لو حلقه هدي ما جابتش فوق من150 معاش بنزل لين نكمل امتحاناتي.. 🍃
#بنت_الجيران
الحلقه :الثالتة عشر
بقلم :فاطمه سالم الورفلي
......................................
.............
عند صدام :
عمتي سرتيه ضحكت بمجامله :لا والله.. مافهمتش قصدك يا حاجة!
عمتي رجعه :هممم هادي كيف بنفهمهالك عاد!... نبيها يا سرتيه... نبيها لي صدام ولدي... ونبو نقعدو نسايب... وما نلقى خير من نسبتكم وجيرتكم ايواه
عمتي سرتيه فرحت:والله نتشرفو يا رجوعه.. وما نلقو خير من صدام
عمتي رجعه:سلمك سلمك... خلاص مالا شاوري الحاج فتحي وردي عليا..ويوم تردي عليا من غدويتها التلبيسه... والاسبوع الجاي العرس.. شن رايك؟
"وفي هاللحظه خشت نجمه بالصفرة .. وقعدت تشوفلها عمتي سرتيه وعمتي رجعه "
نجمه طبست لي عمتي رجعه:تفضلي عمتي..
عمتي رجعه خدت الفنجان وضحكت...وشافتلها بتركيز وابتسامه:سلمها كنتي ياوخيتي سلمها
نجمه نصدمت.. و ابتسمت مجامله :اا سلمك عمتي
"ومشت لي عمتي سرتيه.. بطريقه سريعه من الارتباك... يادوب عمتي سرتيه حطت ايدها على الفنجان..حولت الصفرة نجمه... و وخرت... وهووب تبزعت القهوه .. ونكسر الفنجان "
عمتي رجعه تشرب في القهوه ومغمضه عيونها تفكر.. اول ما سمعت صوت الفنجان رفعت راسها مخلوعه... :بسم الله بسم الله... عوينه وطارت عوينه وطارت.. جيبي فوطه يا نجمه بسرعه
عمتي سرتيه رعشت: الحمدالله ما جتش عليا... كان هدا نحرقت..
-نجمه.. تخلطت عليها.. وقلبها قعد يدق بقوه...... وخشت في بعضها من الارتباك .. و الصدمه... والتوتر... "والـــــخــــوف ".... طول خشت للكوجينه.. وخايفه من اختها... لي سحرتني اني... فما بالك لما تسمع صدام بيخطب اختها شن ح ادير!!!... قعدت خايفه.. وهي اول الشهود على علاقه صدام واني.. ومواقفنا.. و حكاياتنا... لقاءاتنا... من فتره الثانوية... وقعدت تتفكر.. في موقف اعتراف صدام ليا..
فلاش باك 🍃
-انفتح باب الفصل... وخشت الابله..
الابلة :لي مش كاتب الواجب يصبي.."واشرت على صدام وقالت "..خصوصا انت يا صدام..
اني مقعمزة بحدا نجمه... قعدت ناكل في ضوافري من الخوف..
نجمه شبحتلي:خيرك؟
اني :ما كتبتش الواجب ما كتبتتش
نجمه برفعه حاجب :مالا صبي فيش تراجي
اني نخصت كتوفي.. وقعدت نشوف لي الطلبة.. كيف يصبو.. ونشوف للابلة.. وطوبو الغاز..
الابلة :هيا منو مزال!... راني بنفتش.. ولي نلقاه ما كتبش يا حي عليه حي مني بنقطعه تقطيع
أنت تقرأ
بنت الجيران
Romanceويقولولك الـِلي فات مات ، لا معليشي الـِ فات نحنا قتلنا ..لأنك تتحمل هلبا ، يحسابوك ما تحسش .
