بنت الجيران

رابعه

#بنت_الجيران
الحلقه :الرابعه
بقلم :فاطمه سالم الورفلي
.......................................
.........
اني شهقت:ما خليتش شي لي عمتي رجعه؟

صدام يلحس في صوابععه: زيديني به

اني مشيت خديت الصونيه... وقربت من الباب... شوي سمعت صوت ابراهيم يقول..

ابراهيم :هي وينها توا وينهاا....

امي :غر اسكت الجيران يسمعو فيك اسكت

ابراهيم :غااااااده تعااالي هنا

.....
جتني اماني تجري...

اماني :خشي فيسع فيسع

صدام منصدم:شن في ؟

اماني شهقت وقعدت تلطم في خدودها :عدي عدي تو يشوفوك

صدام عقد حواجبه وقعد يشوفلي..

اني خفت :صدااام بلا عناد طبس راسك .. على خاطري هيا ما تودينيش في داهيه

صدام تنهد وقعد يشبحلي شوي... وطبس راسه... والحمدالله الحمدالله انه طبس راسه وسمع الكلام... لان اول ما طبس راسه... قرب صوت ابراهيم وجانا...

ابراهيم يتلفت يمين يسار :شن اديرن هنا؟... غاااده تعالي جاي

امي جت تجري :تربح يا ولدي... غر افهم منها... تربح في طولك في عرضك تربح

ابراهيم زفر وشبح لي امي :اميييي خليني نتفاهم معاها تربحي

امي تنهدت ودارت بيدها بمعنى استنى :غر اسمعني... يا ابراهيم

ابراهيم قطع عليها :امي خليني... نعرف كيف نتصرف معاها... غااااده تعااالي

اني قعدن دقات قلبي في الالف.. خايفه

ابراهيم :الحقيني...

اماني :غاده عدي معاه... ما تعانديش

اني حطيت ايدي على قلبي :ياربيي الستر يارب

اماني :عدي غاده عدي

اني مديتلها الصونيه:باه اسمعي بري ارفعي سويسرول لي نجمه من باب الخوخه... بسرعه خلي اني نمشي لي ابراهيم... نلهيه

اماني خدت الصونيه وخايفه:غاده عدي... تي عدي تو نرفع بااهي

اني تنهدت  .. وقعدت نجري لين وصلت لي ابراهيم... في المربوعه... واول ما تعتبت العتبه...

ابراهيم :صكري الباب وتعالي قعمزي هنا "واشر على الفراش لي جنبه"

اني بلعت ريقي وصكرت الباب وقتله :درت سويسرول نجيبلك!

ابراهيم نصدم... قعد ساكت شوي وبعدين قال :مش وقته... تعالي هنا قتلك

اني زدت خفت بس مش فاهمه شن لي صاير... جيت قعمزت جنبه زي ما قال    ....