رواية:-
#من_نفس_الكـأس_1
#From The glass1
بقــلـم:فــطــوم("Fatom7")
في الشارع
منار كانت ماشية لحوشهم لين فجأة شافت زحمة في الحوش لقدامهم وبوها وخوتها في الحوش لقدامهم كانت زحمة غير طبيعية وصوت النساوين يتعايطو معش فهمت شي مشت تجري للعزوزة يلي مقعمزة على الرشادة وتبكي
منار شدتها ودخلتها لحوشهم وجابتلها طاست امية شربتها
الحاجة :صحيتي يابنتي
منار:خيرك شن في شن صاير خيرك تبكي وخيره في زحمة قدام الحوش إلي قدامنا ؟؟
الحاجة تنهذت وقعدت تحكي والغصة في قلبها💔
____________________
(🔥67فـــــــطــــــوم🔥)
___________________________
كانو الشوارع مظلمات وفاضيات والمطر تصب وكان الجو مصقع قاعدين نجرو اني وأمي واختي في الشارع ندورو على مكان نقدرو نرقدو فيه مابين يجي الصبح ....فجأة ضربتني السيارة
وطحت
,,,,,,,,,,,
جسار كنت مضايق ونسوق بسرعة لين فجأة ضربت بنت نزلت طول نجري
وردة :بنتي😨
جسار مد إيده مش يساعدها: انتي بخير
أني:أي
جسار:سامحوني كنت نجري مركزتش وأي حاجة تبوها تو نديرها
وردة :ولايهمك ولدي
كارمن عطست :هيا ماما نمشو صقعت
وردة :تمام هي نمشو
جسار:تبو نوصلكم
وردة:لالا صحيت بارك الله فيك
جسار:سلمك
وهوا ماشي لسيارته سمعهم بدون قصد
كارمن :وين عيت من بكري نمشو
وردة:تو يفرجها ربك أرض الله واسعة
هني جسار ولالهم:متأكدة ماتبوش حاجة أو مساعدة أحكيلي بالك نقدر نفيدك
وردة بتردد: تمام.....وقعدت تحكيله
————-
خلي نعرفكم على الابطال😌:-
(نـايـا):-
م1994بنت طيبة وعفوية وعنايدية ،تقـرا طب بشري ادير في مشروعها
مواصفاتها :-
سمـرا، عيـونها متوسطات مش كبار هلبا ولونهم اخضر ، شعرها متوسـط مش طويل هلبا لـونه قهـوي، فـمها كبيـر ، خشمها متوسط مش كبير ومش صغير 🔥
(كـارمن):-
أخت نايا م 1996 ،...تقـرا قـانون
مواصفاتها:-
قمحية ،شعرها لونه قهوي ،عيونها كبار ولونهم اخضر ،فمها كبير ،خشمها صغير 🔥
(جسـار):-
م1993 من عائلة غنية يخدم دكتور جراحة ليه سنتين لأنه خاش قبل عمره
مواصفاته :-
أبيض , عنده لحية ,عيونه ملونات, نقشه على القهوي,ووسيم🔥
(جاسم):-
خو جسار م 1995 يقرا هندسة
مواصفاته:-
اسمر ،وعنده لحية ،وعيونه ملونات ،ونقشه على البني🔥
(🔥67فـــــــطــــــوم🔥)
_______________
*نرجعـوو للخلف*
*Back wart*
———————-
قبل ثلاتة سنين
( "بعد موتت بو نايا وكارمن ")
-
طق طقطقق طق
وردة فتحت الباب :تفضل
محمد ("سلف وردة"):منبيش نطول عندكم ثلاتة أيام وتطلعو من الفيلا وكان متطلعوش بنجيب الشرطة وأنتم أدره
وردة :شششن تدوي أنتَ؟؟
محمد :إلي تسمعي فيه
وردة:كيف هاذا حوشي
محمد:قبلل كان حوشك توا لا وأنتي معندكش ولاد مش يورثو
وردة:وبناتيي
محمد:مدخلناش فيهم ومتجربيش تلعبي معانا وإلا حنقولو للناس إنك مهبولة ونخششوك مستشفى المجانين
وردة:ششن تحكي كيف هكي؟؟😳
محمد :إلي سمعتيه وكل الأملاك تحولو ليا ولي خوي يعني معش عندكم شي وتوا اني ماشي وزي ماقتلك عندك مهلة ثلاتة أيام بس ..ومشي
وردة قعمزت مصدومة مكانتش تتوقع أن في يوم من الأيام يصير معاها هكي وقعدت تفكر شن بدير لين قطع عليها صوت نايا
نايا:مامااا خيرك
وردة:مخيرنيشش ..وقعدت تشبحلها وتقول في خاطرها كيف بنقولك وانتي قاعدة مثأترة من بوتت بوك كيف بنقولك أن الناس لتحبيها وتحسابيها سند ليك طلعو طماعين ويبو الفلوس بس كيف بنقولك انتِ وأختك ،يااارب ساعدني وأعطيني القوة لنتحمل إلي جاي 💔......
-
ومن هذا اليوم أنقلبت حيات وردة ونايا وكارمن 360ْ .........ومن هذا اليوم بدت وردة تنضف في حياش الناس وأطيبلهم وأدير في كل شي مش متنقصش حاجة على بناويتها وكل مرة يباتو في مكان 💔
-
(🔥67فـــــــطــــــوم🔥)
——————————
*نرجعو للحظة هاذي*
*We back to this moment*
——————————-
جسار بعد ماسمعت قصتها معش عرفت نقول مكنتش متوقع ان في ناس قلبهم أسود زي هكي ووجعتني المرا ....وبعد تفكير قلتلها:تقدري تجي تشتغلي عندنا ونعطوك دار ليك ولبناتك طبعا كان معندكش مانع
وردة نصدمت مكانتش تتوقع:تدووي بالحق
جسار:أي شن قلتي
وردة شافت لبناويتها لحالتهم كانت مزرية بعدين قالت :تمام
جسار:هي أركبو معاي نوصلكم
وردة:تمام
اني كنت في السيارة نتفرج على الطريق والمطر لتصب والذكريات كلها تجي في عقلي ومش عارفة وين ماشين ولا شن ليستنا فينا لين فجأة قاطع افكاري جسار وهوا يقول
جسار :أنزلو وصلنا
نرلنا قعدت نشوف كانت فيلا كبيررررة زي متاعنا
جسار : تعالو نعرفكم على العيلة
اني شبحت لكارمن وهيا شبحتلي
وردة : امشو
مشينا خشينا كانت الفيلة دافيا ومن الأثاث باين أنهم عيلة راقية وغنية ...جت وحدة باين عليها تخدم اهني
نورة خدت الجاكيت من يد جسار: اهلا استاذ جسار تبي حاجة نديرها؟
وبعدين انتبهت علينا :اهلا سامحوني مشفتكمش
جسار:لا منبيش وين العيلة!!
نور:مدام سهيلة وأستاذ محمد في الصالة وجاسم في داره
جسار :باه تقدري تمشي
جسار : استنوني اهني مابين ماقلت لأمي وبوي ع القصة مش معطل
وردة :باه
اني :امي شن نديرو اهني باين عليهم عيلة راقية وغنية ومستحيلة امه وبوه ولاخوه يقبلو بينا!!!
وردة تنهدت وغصة في قلبها 💔
شوية وجي جسار ومعاه بوه وامه
جسار :هاذم لحكيتلك عليهم!!
وردة اول ماقامت عيونها نصدمت .....
___
#يتبع_في_الحلقـات_الجايـة
_________
(🔥67فـــــــطــــــوم🔥)
-شن حتكون ردة فعل عيلت جسار حيوافقو على وردة وبناتها يعيشو معاهم ولالا؟!
-وردة من شافت مش أنصدمت؟!
-والقدر حيضحك مع وردة وبناويتها وترجع البسمة على وجوهم مرة ثانية ولالا ؟!
......
*كـله حتشـوفوه فـي الحـلـقـات*
