رواية "قسوة مجتمع"
للكاتب: سيف القماطي
«باللهجة الليبية»
الحلقة ﴿1﴾
صلاح: تعرف ياسند البضاعة للي بتوصلني كبيرة ونوع جديد بنبدأ نتعامل معاه من هنا وجديد!
سند: شن هو؟ وامتا بتوصلك!
صلاح: قالي صاحبي للي نتعامل معه بضاعة كويسة ورائجة في السوق السوداء، يعني انحصلوا فيها مبلغ كويس
سند: اها باهي امتا بتوصلك قتلك؟ ومنو للي بيجيبها
صلاح: توصلي الاسبوع الجااي، مش اني، قالي صاحبي انفكروا اندخلوها بطريقة جديدة ومش مستخدمه قبل لان كان يحصلوا علينا الشرطة احتمال اعدام طول!
سند: اي ديروا بالكم من اي غلط لو كان بسيط!
صلاح: اي شنو معاي في المشروع هذا!
سند: كيف عاد، دايما معاك ومستحيل انسيبك بروحك!
صلاح: هه تمام..........
سند: خلاص خبرني بكل شيء يصير جديد
صلاح: تم معاش اتفكر!
_________________________________________
سيف القماطي ♠♠
♠♠سيف القماطي
طبعا سند طويل وجميل لكن اللي فيه مايعلم انه يوصله للهلاك
صلاح: صديقه طويل وابيض باين في الصور
_________________
رهف: اليوم درهت كبدي من اشكالات!
سما: خيرك، شن صار
رهف: بنت عمك الاخرا.........!
سما: خيرها شن درات نعرفها كويس اني أمل
رهف: درهتلي كبدي المهم، دايرة روحها تتجتكر بشنطة قيوتشي وترفع واتنزل فيها وادور بيهاا،اشبح فيها فضلة محلات
سما:😆 على خاطر هكي، حارقة عصابك؟!
رهف: لا لا دارت لقطهة الحق ماعجبتني قدام بنات الكلية عاد هيا ماتعرف حد جديدة ولاصقة فياا....
سما: باهي خلاص معاش ادوريها، في الاخير هيا للي طايحة ليك ومش انتي!
رهف: اي والله صدقتي
سما: باهي امتا بوي مروح؟ ❤
رهف: مش عارفة، قال معطل عنده شغل مع صاحبه
زينب ام رهف وسما كانت لوطاا مش فوق مع بناتها طبعا بناتها دارهم فوق.......
طق طق طق
زينب: هيا جاية، ماشية بنفتح الباب واتفكر؟!
زينب: زعما منو جاي، اكيدة وحدة مش حماواتي جاية تطلب حاجة؟
فتحت......
زينب: اها سالم، روحت من توا؟!
سالم: اي، كيفك وين البناات
زينب: بخير، فوق خليتهن، مش قلت عندي شغل ومعطل اليوم
سالم: اي هذا هو كملتنا بسرعة الحمد لله
زينب: باهي الحمد لله
سالم: اني توا ماشي للبناات فوق عاد من الصبح ماشفتهن......
زينب: اي برا شوفهن وهذرز معاهم
سالم: 😂 باهي نازل مش قاعد عندهم دايما، اتغاري من بناتك.....
زينب: اي 🤭
سالم: ماشي ومبتسم
وينكن بناتي...... ❤
سما ورهف في نفس الوقت، بابا روح
طلعوا يجروا.......... سالم تعالن وينكم
سما: كيف حالك وغمرت بوها....... رهف وقفت وحطت يديها على بعض، سالم: باهي تعالى 😆
رهف: اتحب سما اكثر مني
سالم: لا نفس الشيء تعالي عندي هي
سما: مدت لسانها لرهف من تحت يد بوها 😛
رهف حضنت بوها
زينب جت.....
ماشاء الله تحاسبوا روحكن قاعدات صغيرات ووين في حضن بوكن.....
سما: عادي وشن فيها، قاعدين صغيرات احني مش حقا بابا
رهف: ايه حقا وبنظرة البراءة 🥺
سالم : اي صغيرات بناوتي
زينب: اي صغيرات لين يخطبوا فيهن......
رهف: كيف شن صار؟؟😁
سما: تغمز لرهف واتعض في شاربها ليها، تبيها تسكت قدام بوها......
رهف: تباهي ساكته
سالم وزينب: 😆😆
سما: هيا تعالى اختى العزيزة نمشوا لدرناااا
رهف: اه، اي هي
سما مسكت يد رهف وتقربت منها، خيرك ناوية اتحشميناا قدام بوك
رهف: ماقلت شيء غير نستفسر على الخطابة بس
سما: اسكتي واقري قرياتك بس!
رهف: باهي 😁
_________________________________________
سيف القماطي ♠♠
♠♠ سيف القماطي
سند مروح للحوش كيف داخل........
بوه محمد:وين كنت لتوا
سند:كنت مع الشباب برا....
محمد:شن اديروا
سند:شيء مكسدين،بس
ام سند:ياحاج الولد كبر ومش لازم منهم الاسئلة هذم يعرف مصلحته اكيد
محمد:انتي اسكتي مدخلك في شيء
سند بالحركات:خلاص ياامي
لان سند عارف شنو بيصير...........جيء كب على يد امه ومسح على وجهها ومشي قعمز في داره
لاحقته امه طول........
محمد:امشي الحقيه هزي رأسك،اهما كان يشموا الحرية معاش تلقاهم هنا بكل،ومرات يدخلوا في حاجات تانيات نقعد انعاني اني.......
ام سند:كملت المشي متعها.......
ام سند : مادوره بوك،هكي هو خايف عليك بس،
سند:لتوا راهو عمري فوق 20 ونعرف مصلحتي كويس
امه:اي بطول عمرك وليدي،الله غالب 💔
سند:ساد زمان عشناا فقراء واي شيء نتمنوه،ومستحيل ننساه الماضي متعي بكل......
امه:دمعت عينها ربي يعوضنا خير
سند:معاش تبكي ياامي ومسح دموعهااا،ان شاءالله
امه:باهي توا ماشية عنده
سند:تمام،شكراا ياامي..........
_________________________________________
♠♠سيف القماطي
سيف القماطي ♠♠
سند:مش عارف عليه خيره هكي عقليته وتفكيره زفت ربي يهديه 💔💔
.
.
.
__________________________
مالك على سفرة الغذي.......
مالك:نحجت اليوم
سعاد:ماشاء الله اي وكم جبت؟!
مالك:٠ زي قبل ياامي الترتيب الاول على الكلية.......
يوسف: صحة ليك،دايما نبيك هكي،واهم شيء يامالك قرايتك وبعدين اهلك
مالك: اي ان شاءالله
يوسف: وانتم الاتنين علي وبلقيس زي خوكم باهي
ان شاءالله.........
مبروك خوي ❤❤
مالك:٠يبارك فيكم.............
بعد ساعة.......
يوسف:٠ الولد نجح وتوا تبي مصروف بروحه بعد مايقرأ للي يبيه........ربي يساعدني
سعاد:اي وبالذات كان يقرأ تمريض،غالي يقولوا
بلقيس كانت تسمع:😆😆 مش تمريض ياامي طب طب
سعاد:انتي هناا،شن اديري.......
بلقيس:جاية بنأخد تلفوني من فوق المكتبة.......
باهي خوديه،للي هو تمريض ولاطب المهم يخدم في مستشفى
بلقيس:🤦♀️🤦♀️ اي يخدم لكن مش نفس الشيء يفرق ياامي،طب يطلع دكتور وبعدين يساعده الممرض
سعاد:باهي للي هو
هذا كله ويوسف صافن ويفكر في مالك والمسوؤلية للي عليه والديون للي عليه من قبل!
طلعت بلقيس وجعهاا حالهم وبوهاا كيف يفكر ويخمم،قالت احنى شوية حق عايشين حياة احسن من هكي....💔💔
الحمد لله على كل حال،وخلاص ربي يفرجها علينا..
.
.
.
.
يتبع......❤❤
ان شاءالله تعجبكم وهذه البداية انتظروا الاحذات قدام
# لسيف القماطي
أنت تقرأ
قسوة مجتمع
Randomرواية ليبية 🇱🇾🇱🇾 سيف القماطي رواية "قسوة مجتمع" للكاتب: سيف القماطي ❤❤ المقدمة والتعريف على الشخصيات:-- مقتبسة على قصص حقيقة وصايرة في منازل ليبية 💔 "الرجاء للي اتعرف على الشخصيات والمواقف في الرواية يسكت ومش لازم يفضح بالنااس " «باللهجة اللي...
