للكاتب: سيف القماطي
الحلقة ﴿12﴾
قُسِـوٌة مًجّـتٌـمًعٌ »» باللهجة الليبية««
لايك قبل القراءة وتعليق وشن تتوقعوا يصير بعد القراءة 😊
للي يعرف الاحذاث للي في الرواية ويعرف الناس للي صايرة معاهم المواقف هذم مش لازم يفضح بالنااس يسكت بس 🤐.
___________________________
سلفها: من قال هو ولدناا ومحسوب علينا مش نعطوه من ورثناا
فاطمة: انصدمت وكلام كبير للي يقول فيه.....
سلفتها الخبتية: تضحك في سرها وعاجبها الموضوع
فاطمة: شن تقصد بالكلام هذا؟؟!
سلفها: واضح كلامي.........
العزوز: صلوا على النبي أكيدة مؤيد ولدنا وبياخد ورث بوه كله.....
فاطمة: توصل لشرفي وتتكلم عليا هكي....... بعد السنين للي عشتها معاكم؟؟!
فاطمة: وحق ربي ماتتحشم على وجهك اتقول كلام زي هذا في مجمع ول مرأة.......
اني اتشك فياا وفي شرفي على خاطر شنو على خاطر ورث، اني مانبي منكم ورث والحمد لله مش مستحقة 💔
الورث لولدكم اليتيم واني مانبي منه حاجة.....
سلفها: احني عارفين الكلام هذا!!؟
العزوز: صلوا على النبي احترموني مقعمزة معاكم على الاقل؛!؟
فاطمة: قعدت تبكي....... بدموعهاا
فاطمة: حرام عليكم بعد العشرة معاكم اطلعني هكي، وهذا ولدكم والحمد لله قعدت معاه وربيته،،، نقدر كان بنخليه من لما صغير ونمشي نتزوج ونتبعد عليه.....
سلفها: باهي خلاص توا بنقسموله......
سلفاتها: للي تضحك من تحت الوشااح وفي للي قلبها على فاطمة....
فاطمة: مسحت دموعها بيدها،، ماذخلني في حد نعرف انوصل الكلام هذا لي خوك بس وبعدين يتفاهم معاك!
العزوز: فكيناا من المشاكل بالله توا يقولوا يتعاركوا على خاطر الارض، احني اكبر من هكي!!؟ 😰
فاطمة: أگبر من هكي ايي ههه بهزوة، غير هذا عمه وسلفي الكبير،، السند
وقفت فاطمة......
العزوز: شن تقصدي......
الحاضرين: خلاص سكروا على الموضوع وصلوا على النبي....
ردت السلفة: اسكتوا انتم!! ومتحمسة ومتشمته في فاطمة هلبا .
فاطمة: كان تبوا تعطوه اعطوه مؤيد وان شاءالله ربي مايستحق لواحد..... واني قاعدة حية ،، توا انقوله عمك اغتصب ارضك وكامل ورثك وتوا تعرف كيف يتصرف لما يكبر.....
سلفها: غير اصبري، توا نقسموله...... واحني عمامه وماعمره الدم يولي امياا
العزوز: هذا كلام اتقوله لمرت خوك،، ياكبيرهم؟؟!
فاطمة: ناضت وبتطلع ومن داخل كانت بتموت وخايفة،، قربت للباب ؟! 🚶♀️
سلفها وقف: غير اصبري وين ماشية ماتفهميني غلط !
فاطمة: حول من قدامي وانت زيك زي النساوين....!!؟
انصدم سلفها وهذا كله سببه الورث الكبير للي يبي يحصله هو بروحه .
أنت تقرأ
قسوة مجتمع
Acakرواية ليبية 🇱🇾🇱🇾 سيف القماطي رواية "قسوة مجتمع" للكاتب: سيف القماطي ❤❤ المقدمة والتعريف على الشخصيات:-- مقتبسة على قصص حقيقة وصايرة في منازل ليبية 💔 "الرجاء للي اتعرف على الشخصيات والمواقف في الرواية يسكت ومش لازم يفضح بالنااس " «باللهجة اللي...
