جراح العشاق

البارت الثالث عشر

الفوت قبل القراءة و الكومنت بعد القراءة ❤️
......................................

طرق الباب سمح له زين بالدخول

زين : تعالى يا زياد هتتخرج بكرا خلاص و هتبقا ملازم اول خلاص

زياد : كلو بتوجهات سعادتك يا فندم

زين : محتاج حاجه يا زياد

زياد : الصراحه يا فندم حضرتك عملت معايا حاجات كتييير اوووى و كفايه انك كنت السبب فى معرفتى باهلى انا مش عارف الى هقولوا ده اخروا اى بس ياريت حضرتك تفهمنى

زين : خير يا زياد بدون مقدمات

زياد : بصراحه كدا انا طالب ايد الانسه سندرا

نظر له زين عده دقائق بتمعن مرت هذه الدقائق على زياد كالسنوات الطويله جدا : طيب انا مش هرد ب لا علطول لكن قولى عده اسباب تخلينى اوافق او نعكس الادوار انا عريس فى اول حياتى لسه مش متخرج حتى و انت اب هيتوافق و لا هترفض

كان شعور زياد فى هذه اللحظه كأن احد طعنه بسكين بارده فى قلبه : انا عارف ان انا مش من مستوى حضرتك المادى لكن انا عندى  شقه فى اسكان الشباب الجديد و هو حى جديد و مجهز و ان شاء الله هوضبها و كمان حضرتك عارف ان الظابط لما بيطلع ماموريات و عمليات ببطلعلوا حوافز حلوه و اوعدك انى مش هزعلها و مش هخليها عايزه اى حاجه

زين : انت عارف يا زياد ان انت ليك ورث و ممكن تطلبه من جدك كتعويض و ممكن تجيب فيلا لسندرا و تعيشوا فى المستوى كويس

زياد : انا مش عايز مساعده من حد و كمان انا عايز اتجوز بامكانياتى

زين : بس انا يا زياد بانى ملحق مع الفيلا و وديعه بمليون جنيه عشان الجواز ممكن تاخدوها و تبدوا بيها

زياد بغضب : يا سياده اللواء انا مش هتجوز غير حسب ظروفى و مش عايز مساعده من اى شخص  اذا كان حضرتك او جدى

زين : طيب لو اتجوزت سندرا و بعدين اكتشفت ان هى مش هتقدر تعيش حسب ظروفك او فى مستوى اقل

نظر له زياد بصدمه : انا لو اتجوزتها هحاول اوفرها كل حاجه و بعدين احنا لو اتجوزنا عمرى ما هقدر انفصل عنها يا فندم

زين : طيب لو اى الى يخلينى اوافق يا زياد انت مجوبتش عليا

زياد : انت حضرتك عارفنى و على مدار الاربع سنين عمري ما شوفت منى تصرف سي او خدت تاديب او اتخانقت مع حد و الحمد لله بصلى و بصوم و عارف دينى كويس و فوق كل ده ان عمرى ما بنت شدتنى غير سندرا و هبذل كل جهدى عشان اسعدها و اتمنى حضرتك توافق و تشيل الفرق المادى الى بنا