تحت الطلب ( مكتمله)2

chap20

تحت الطلب

20

👑سبحان الله وبحمده .. سبحان الله العظيم 👑

وجد مؤمن تمارا تجلس بمفردها ليذهب ويجلس بجانبها

تمارا : اخبار الشغل ايه
مؤمن وهو ينظر لها بحب : تمام. انتي اخبارك ايه مع مصطفي مبسوطه

حركت راسها بنعم : ايوه طبعا

ليبتسم بحزن : ربنا يسعدك
تمارا : انت ليه مش بقيت تيجي زي الاول .

مؤمن : مفيش داعي اجي

نظرت له بعدم فهم : ليه مش عايز تشوف خالتك وولاد خالتك

ضحك بخفه : مشغول بس في الشغل.

تمارا : ربنا معاك

.....
********
خرج مصطفي من القاعه ليفتح الهاتف

رد بغضب : عايزه ايه
مني : اظن المهله كده انتهت . قررت ايه

مصطفي : مقررتش حاجه . لسه مفكرتش

مني : هتتجوزني وله ابعت الصور لمراتك

سكت مصطفي

مني : انا قدام البيت وعرفت ان انهارده فرح تميم اخو تمارا وممكن اسيب الصور مع الخادمه تسلمهم لتمارا ولو حتي خدهم معايا نسخ تانيه كتير

مصطفي : بكره هاجيلك ونتكلم .

مني : لو هتيجي بكره تجيب معاك المأذون

مصطفي : ماشي

شهقت بفرحه وهي متفاجاه :موافق نتجوز

مصطفي : اه. اسكتي بقي احسنلك وترجعي بيتك ومتخرجيش منه

مني : مش هتندم صدقني علي الجواز ابدا .

اغلق الهاتف في وجهها وهو يسبها ويلعنها لا يريدها ان تهدده بتمارا

جلس وهو يضع راسه بين يديه ويشعر بتشوش كبير . لا يعرف يفكر ولا يعرف كيف يتخلص من هذا البلاء

********

في القاعه

همس اياد لتميم : قوم ارقص مع مراتك بدل ما انت قاعد كده

تميم : مش بحب انا الكلام ده