تحت الطلب ( مكتمله)2

chap. 22

تحت الطلب
22

👑(لا إلهَ إلَّا اللهُ وحدَه لا شريكَ له له الملكُ وله الحمدُ وهو على كلِّ شيءٍ قديرٌ👑

ذهب تميم مع مهره الي بيت امه

ليستقبله اسر بفرحه  وهو يعانقه ..  وضم مهره ليبارك لهم

خرجت صفا لهم وهي تبتسم لترحب بهم ايضا

صفا : نورتم البيت
تميم :  لحقت اوحشك. انا لسه سايب البيت من كام ساعه

صفا :  البيت بيكون ضلمه من غيركم . ربنا يخليكم ليا ولا يحرمني من دخلتكم عليا

  احس بالحزن من كلامها فلو عرفت ماذا به ستنهار

  فهمت مهره ما يفكر به لتبتسم له بامل  فهي تشعر ان سيعود لهم بخير

  اسر : صفا من وقت ما كلمتها وهي في المطبخ . بتعملك الاكل اللي بتحبه

قبل يدها : ربنا يخليكي ليا.  تعبتي نفسك ليه

صفا : يعني لو متعبتش عشانك هتعب عشان مين بقي

مهره : انا كده هغير

ضحكو عليها.  ليضمها تميم شعرت بالخجل وهو يضمها امامهم هكذا .لتحمر خجلا

صفا :  هتغير من ايه . ما انتي بقيتي عندي زي تمارا بالضبط . بقي عندي بنتين كده

مهره : ده شرف ليا

اسر  غمز لتميم ليقترب منه :  كله تمام

ضحك تميم: تمام

ليربت علي ظهره : حبيب ابوك

نظر له تميم وهو يري في عينه نظره الفخر

اسر : تعرف  انا فرحان بيك اوي يا تميم .  حاسس ان وفيت بوعدي لابوك .  اما شوفتك عريس كده قدامي افتكرته وهو بيوصيني عليكم . والحمد لله  شوفتك عريس واختك مبسوطه مع جوزها وبيحبها.  هعوز ايه اكتر من كده

قبل تميم يده :  لسه يا بابا مهمتك منتهش . هتربي ولادي كمان

نظر له اسر واحس بانقباض في قلبه :  قصدك ايه يا بني

تميم وهو يتنهد :   مش قصدي حاجه .  يعني مين هيربي احفادك غيرك.. انا مش هعرف اربي حد

   ابتسم اسر : هات انت بس  الاحفاد وملكش دعوه .   هاتلي دسته عيال . واختك دسته وانا وصفا هنربي

تميم: مترجعش تندم بس
. اسر : لا مش هندم . انا بحب الاطفال. وعايز تملو البيت عليا اطفال

تميم :  ان شاء الله يا بابا . دعواتك انت بس

اسر : بدعيلك يا حبيبي دايما ربنا يوفقك ويحميك من كل شر

اما مهره فكانت مع صفا في المطبخ ..

انتهو من اعداد الطعام ليتناولو الغدا معا