تحت الطلب
30
👑 اللهم صل وسلم وبارك علي سيدنا محمد 👑
في اليوم التالي
كانت تمارا بالخارج مع والدتها ونهي دخلت لمصطفي
نهي : مصطفي انت كويس
مصطفي : الحمد لله يا حبيبتي . معلش تقلت عليكي . انا بشوف بيت
نهي : بس يا اهبل. هو انت مش عارف ان ده بيتك .. ده بيت بابا الله يرحمه وانت ليك فيه اكتر مني
وبعدين انت مش اخويا يا مصطفي لا انت ابني اللي ربته
مصطفي: عارف يا نهي . انتي مش اختي الكبيره انتي
لم يقولها ليخفض راسه لاسفل بحزن
نهي : مالك يا مصطفي
مصطفي: تعبان يا نهي . حاسس ان في جبل علي صدري
نهي بحنان : من ايه يا حبيبي. مراتك معاك وكلنا معاك وبنحبك
مصطفي: الماضي مش عايز يسبني يا نهي . لسه بيلحقني
نهي : انت قصدك علي ايه. اصل حصل موقف كده وانت في المستشفي
مصطفي: حصل ايه
نهي حكت له ما حدث من مني و ما فعله اسر معاها
ليحكي لها مصطفي ما حدث كله وما فعله اسر وما قاله
. نهي ،: متزعلش نفسك يا مصطفي . اسر اما بيزعل بيخرف بالكلام .
تجمعت الدموع في عينه : بيعريني بيها . وانا ذنبي ايه يعني في اللي عملته
. فهمت انه يتكلم عن امه لتضمه اليها : ملكش ذنب يا حبيبي . هي ماتت خلاص وربنا هيحاسبها وانت احسن واحد . اسر عارف انه غلط عشان كده ساب تمارا هنا معاك . مرفضش انها تقعد هنا
مصطفي : مش عارف ابص في وشه . كل اما افتكر اللي قاله بحس اني مش عارف ارفع راسي في وشه .. كنت فاكر انكم نسيتو اللي حصل وانا نسيت كمان اللي حصل .
بس الحقيقه غيركده. هيفضل الماضي بيطاردني
نهي: لا يا مصطفي . ارفع راسك كده ومتوطيش ابدا . اسر ده اصلا اهبل وكلامه متخلف. انت راجل ناجح في شغلك وفي حياتك . بتحب مراتك وهي كمان بتحبك
متزعلش من حاجه ابدا . كل ده كلام اتقال في لحظه غضب .. متوقفش حياتك عنده .
حرك راسه بنعم . لتقبل جبينه
دخلت تمارا وهي تشهق بدراما : ليرفعو راسهم لها
تمارا : بتخوني يا مصطفي ومع مين مع نهي . اااه قلبي
ضحك لها سريعا فهي علاج جروحه وحزنه
نهي: مجنونه والله . تعالي يا بت اقعدي
اسرعت لتجلس بالجانب الاخر : اني رايتكم اني سمعتكم
أنت تقرأ
تحت الطلب ( مكتمله)2
Romanceالجزء الثاني من قصه ( القوه والقلم ) الجزء الثالث بعنوان ( ميزان القوه) هكذا هي الحياه لا تكون البدايه مثلما نتوقع ولكن سنسعي ان تكون النهايه مثلما نريد
