விழியிலே காணும் நிலவும் நெருங்கி என்இமை தீண்டிடுமோ !
யுகம் தோறும் இன்னிசைக்
குரல் கேட்டு மயங்குவேனோ !
கடலலைகளும் பாதம் உரசி மென்முத்தம் இட்டுச் செல்லுமோ !
என்றும் புன்னகை சிந்தும் துணையும் நகமாய் இருக்குமோ !
வழிகாட்டும் விழியாய் என்னவன் விழிதீண்டி அழைத்துச் செல்லுவானோ !
அன்பில் வீழ்ந்து மீளமுடியாது உறவும் நீண்டு செல்லுமோ !
கதிரவனின் இளம் ஒளியில் பூக்கரம் கோர்த்து நடைபயில்வேனோ !
காதல் நினைவை விண்மீன்
சென்று சேதி சொல்லிடுமோ !
தனிமை போக்கி முகிலும்
என்னை அணைத்துக் கொள்ளுமோ !
விழிநீர் மறைக்க மழையும்
மேனியில் நனைந்து கரையுமோ !
கனவில் மிதக்க மின்னலும்
நினைவாக இருளில் ஒளிக்குமோ !
ஏக்கங்கள் ஏக்கமாய் ஒலிக்க அதனிசையினை இடியும் முழங்கிடுமோ !
🤗🤗🤗
