الهم من صغري
بقلمي للكاتبه شمس
البارت اثنان و اربعون / الجزء الثاني
_______________________________________
علا ..
رجعت ل مكاني الاوراق مـَـاڪو !!
وينهم !!
كمت ع حيلي وكفت و كلت " جانت هنا اوراق منو شايلها !؟"
حجت ام براهيم " و اللّٰـه اني جنـِت دا استنسخ اوراق ما ـاٌدري "
عمو شوقي ما شفتهن
" لا ولله اني دا ادقق لا كمت من مكاني ولا ابد "
اجتي ع بــآلي اقبال !!
مـَـاڪو كايمه من مكانها ب نفس الوقت حجت ام ابراهيم
" بنتي اخاف اقبال كانت اخذت كم ورقه و راحت !!"
هزيت راسي و ركض رحت ل مصطفى دا اكله
بس بعدين اتذكرت أنــو الاوراق جدا مهمات
رجعت مشيت دا ادور عليها !!
ماكوو
رحت لل كافتريا شفتها كاعده ع الميز و تكلب بيهم
مشيت بــ كل غضب الها !
وكفت يمها رفعت رسها !!
اقبال : شبيج ؟
باوعتلها وجريت لاوراق
اقبال : شنو هذا عقد زواج انتي و مصطفى !! اخذتي عقله مو يا عار مطلقه ، طبعا طبعا ما تقبلين أشــوف فضايحج يا ساقطه لعد رجلج شلون طلقج يعرفج ـأنتـي شنو
علا : ههــل حجي فسري ل استاذ مصطفى
مشيت تجاه مكتب مصطفى ﯙ انيَ دا اعدل الاوراق
شنو ههــل حجي مالتها لازم اخليلها حد
وكفت بــ مكاني
استغفر اللله خلي اسكت احسن ، نوب يطلع يعرفها و يصير الذنب عليه
رجعت لل قسم مالتي كلش تنرفزت من تصرفاتها !!
راح اسكت احسن و ـاٌذا ضلت تحجي هيج حجي انقل من القسم
اجتي دخلت بيدها كوب الجاي و لا كانوا أڪــو شي !!
حطيت ايدي ع كصتي و بديت اشتغل بــ الاوراق
بذلت كل جهدي بيهن حتى اطلع الي هوه رايده واثبت نفسي أنــو اني ما اجيت بــ واسطه
خلصتهم دزيتهن بيد المساعد مالته ..
اخذت غراضي و طلعت
.. ء
رهف ...
انتبهت ع ساعه بــ ١ ونص بــ الليل !!
وينه ليش تأخر
دخلت ل غرفتي دا اصلي ، دك عليه جود !!
جاوبت بــ سرعه اخاف صار بي شي لو تعرض ل حادث شو شنو
رهف : الو جود وينك صارت بــ ١ وين صرت
جاوب ب تثالق عبالك واحد جان نايم او صوت واحد تعبان !!
جود " حبيبتي ٌـأليومَ ما اجي لل بيت يم صديقي راح انام يمه لان جنت يمهم وبيتهم بعيد "
و نسد الخط
خفت كلش ! هذا وين يا صديق هذا
كمت ع حيلي رحت ل علا خفت اخاف بي شي لو مسوي حادث
دكيت الباب طلعت جانت بيدها تلفونها ، اتفاجئت بيه
علا : ها رهوفه محتاجه شي ؟ ملوكه بيها شي !!
رهف : ولج جود لسه ما اجه و دك عليه قبل شويه كال اني ما اجي اليوم لل بيت راح انام يمه لان بيتهم بعيد !!
علا : يا صديق هذا !!
ارتبكت و نزلت راسها .. باوعلتي و حجت ب تطمن
اخاف صدك بيت صديقه ، يمكن بيتهم بــ الاطراف و ما لحك يجي لل بيت
رهف : لا علا لا.. كلبي ما مرتاح اخاف صاير بي شي
دا نحجي سمعت صوت ابو جود يركض و يكول
ابو جود : جاي ... جاي
كلبي صار مثل النار عليه
ركضت ورا بس حسيت بــ دوخه كوه لزمت نفسي ردت اركع من الدرج
راحت علا تستفسر من ابوها شكو و شنو صار لان جان صوته عالي ..
أنت تقرأ
الهم من صغري
ChickLitحقيقيه 100%. يقول علي بن أبي طالب في قصيدته "أما والله إنَّ الظُلم شؤمُ" ] أما والله إنَّ الظُلم شؤمُ وَلاَ زَالَ المُسِيءُ هُوَ الظَّلُومُ إِلَى الدَّيَّانِ يَوْمَ الدِّيْنِ نَمْضِي وعند الله تجتمعُ الخصومُ ستعلمُ في الحساب إذا التقينا غَدا عِنْ...
