الهم من صغري
للكاتبه شمس
البارت ثلاثه و اربعون الجزء الثاني
____________________________________
رهف ...
جان يطلع خطين !!
حامل !!! لالا ما معقوله !
خليت ايدي على راسي فرحانه و بنفس الوقت اخاف جود ما يقبل
هوه ديكولي امشي نسوي علاج طبيعي من دكتوره نفسيه
حرت شنو اسوي
لزمت تلفوني دزيت رساله ل علا ،
" علا تعاي بسرعه لل غرفه ضروري "
ما أعـرف اتصرف بععَد
كعدت ع الجربايه اجتي تركض
علا " هِـهاا خما بيج شي ولج وكعتي ڪلبـي "
رهف " ولججج جبت الاختبارررر "
علا " ييي و شطلع "
رديت و اني دموعي ع خدي " حامل "
اشرت ع الاختبار جان ع ميز التواليت
باوعت عليه وخلت ايدها ع حلكها !!
علا : عادي باعَـي يمكن يفرح لا تفكرين بــ اشياء مو حلوه تمام
فكري و كولي راح يفرح اكيد ، حتى يتحقق بــ الواقع
رهف : لج هوه كال بــ نفسه ماريد بعد طفل خلي تكبر ملوكه يلا نسوي ، اخاف اني من رده فعله
علا : يجوز لمن يسمع يغير رأيه ش دراج ـأنتـي
رهف : علا احسن شي اني لمن يجي اكله بــ طريقتي تمام
علا : و ـاٌذا عصب عليج ؟؟
ـاٌذا كالج روحي سقطي ذيج الساعه شنو تسوين ؟
رهف : اتخلى عن روحي و لا عن الطفل ، ابني هذا حرام اسقطه خلي يرضى بــ امر الواقع
طلعت علا ، حطيت ايدي ع راسي و افكر ، باوعت ع ملوكه ب حلكها الممه و دا تلعب ب التلفون تباوع يوتيوب ، بعدها عمرها هسه يــلآ سنه شلون الحك اربيهم ثنينهم ، صفنت عليها باوعت عليه و ضحكت
كمت اخذتها و نزلت جوه ، احسن حل اكول ل ام جود ....
نزلت فزيت سمعت صوت در ، زين شالي ع جتفي صعدته ع شعري
نزلت سلمت و خليت ملاك يم بيبيتها جان جود كاعد يم ام جود لان ما مداوم رجله توجعه
و رحت لل مطبخ
دا امشي بدون وعي بدون اي احساس ، خايفه من المستقبل الجاي و جود .
سويت جاي و قدمتلهم كلسع اباوع ع جود اشوفه يباوع عليه
اخر شي ترخصت و كمت
دخلت لل حمام توضيت و صليت صلا استخاره
قريت الدعاء و كعدت اسبح
و تفتحت الباب اجاني جود
رهف : هاي شلون صعدت مو رجلك توجعك ؟؟ و مكسوره
جود : عندج شي ضامته عليه ؟؟
نصدمت من هيج حجه ، دمعت عيني و هزيت راسي
جود : شنو شضامه عليهه !!
ارتبكت منه و باوعتله .. مسحت دموعي و كتله
رهف : جود ، جود ا ا ... اني حامل
جود : من شوكتت ؟؟ و ليش ضامه عليه حبيبتي !!
رهف : أصــلاً اني اليوم يــلآ عرفت ب نفسي !! خفت اكولك اخاف تعيط عليه و تعصب و انت منا مريض !!
جود : يـعني هسه انتي ب بداخلج ابنييي !!
رهف : يـي جود اني حامل
اجه تقدم عليه!!
حضني و همس بــ اذني " هذا ابني و ابنج ، مستحيل راحَح اعارض حكم ربي مره ثانيه ، تمام "
رهف : بس انت كلت أنــو نروح لل دكتوره النفسيه !!
جود : يـي عادي تروحين ورا ما تولدين هيه جلسات طبيعيه و الدكتوره عود تعرف شتتصرف ، ديري بالج تفكرين أنــو اني جاي اتبله عليج و اسويج مخبله و مدري شنو !! انيَ عــلمـودج ، باعَـي ـاٌذا تحركتي من مكانج ازاعلج نامي يــلآ و هسه اكول ل امي تسويلج شوربه
أنت تقرأ
الهم من صغري
ChickLitحقيقيه 100%. يقول علي بن أبي طالب في قصيدته "أما والله إنَّ الظُلم شؤمُ" ] أما والله إنَّ الظُلم شؤمُ وَلاَ زَالَ المُسِيءُ هُوَ الظَّلُومُ إِلَى الدَّيَّانِ يَوْمَ الدِّيْنِ نَمْضِي وعند الله تجتمعُ الخصومُ ستعلمُ في الحساب إذا التقينا غَدا عِنْ...
