ـــــــــــــــــــــــــــــــــ
كاتبه: جالكسي ♥
ـــــــــــــــــــــــــــــــــ
ابطال القصه 👇:
قصي: شاب طيب القلب مش غني هلبا حالته متوسط و شخصيته رجوليه يخدم مهندس كهربائي وحلو
سالي: خاطيبت قصي بنت مغروره وتفكيرها مادي وبس وشكلها حلو
سامر: شخصيته مزتفزه بليد وعنده بالمالين يخدم ف شركة كبيره امتع بوه
لارين:بنت عسل من الاخير وشكلها حلو هلبا💋♥
ـــــــــــــــــــــــــــــــــــــــــ
رح تكون قصه قصيره ولاكن رح اتكون فيها عبره ونصيحه ان شاء الله تستفيدوا منها ♥
ـــــــــــــــــــــــــــــــــــــــــ
محمد( اب قصي): بتمشي للخدمه االيوم
قصي: ايه يا بوي
محمد: امتي بتكمل حوشك
قصي: مزال يا بوي شني تبي تفتك مني ولا شني
نور( ام قصي): مش هكي ولاكن لامتي بتقعد شاد بنت الناس
قصي: يا امي هي تعرف ضروفي والحوش توا انكمله
نور: به
قصي: تبوا حاجه اني طالع
محمد: ف امان الله
نور: مع السلامه ياولدي ربي يحفصك
قصي: سلام واطلع
نور: تعرف قلبي مش مطمن انحس ف حاجه بتصير💔
محمد: ان شاء الله خير وانتي احساسك ما يخيبش 😔
ــــــــــــــــــــــــــــــــــــــــــ
قصي:ايوا
سالي:اهلين
قصي:وين غاطسه ومعاش دورتي
سالي:مش فاضيه وبعدين امتى بتكمل الحوش اني مش رح نقعد طول عمري نستنى فيك 😒
قصي:اياه علينا تي باهي لما نحصل فلوس توا انكمله خيرك انتي
سالي:ايه واني نقعد نستنى لين حضرتك تحصل فلوس
قصي: 😡انتي عارفه ضروفي وكان انتي مش راضيه علاش وافقتي من الاو.... وقبل ما يكمل كلامه جت بنت قدام سيارة قصي وضربها
قصي: 😨انزل يجري لقاها كلها دم قامها وارفعها لالمستشفى
دخلوا لارين للعنايه ودروها كشف
قصي:خير يا دكتور
دكتور:صارلها نازيف داخلي وايدها انكسرت
قصي:😞
خيريه ( ام لارين ):بنتي شن صارلها 😭
احمد ( اب لارين):قولي يا وليدي بنتي صارلها حاجه 😢
