فضة اسمع المرة ما تنطي عين واختك سوت الصح وكتلتهن
شيخ حامد يمة شني الصح انة نسواني احاسبهن
واذا بدر الغلط منهن اعرف أدبهن جا احجي ذمتج يا هن شايلات البيت
فضة هنه
شيخ حامد جا شكو اضوجين منهن
فضة يمه هاي خديجة بويااااااي كون اخنكهه ولك السانهه وكل جلمة قمبلة وما تسكت وجرت كلبي
شيخ حامد (هههههههه اوف منج خديجة المرة مخبلتهه من وراج )
فضه شني سكتت الزغيرة ما ينحجي عليهه
الشيخ حامد انة احاجيهه وما يصير خاطرج الا طيب بس يمه البت حامل ولا تضربنهه جا تقبلين فرحتي اغص بيهه
فضة جا خوش كلهه تحترم نفسهه لا انه الزمهه واكسر العوجيه عليهه والولد الي اجيبه اريدنه اني اربي وهي ما تكربله اخوهه كتل فرحة كلبي وانه اريدنهه عايشه واشوف وليدهه بحضني يربى
شيخ حامد يمه انه كلشي اسوي الا هاي انتي أم وتعرفين شني حمل تسع اشهر وتعب واخذ الولد من حضنهه واشوفه كدامهه وما شمه وما اشيله
فضة كامت على حيلهه كتلك الولد الي ابطنهه ابني ولا ترادد
شيخ حامد لا يمه البت اصغيرة وتتمرض وهي أمانه بركبتي بروح ابوج الا هاي السالفه لا تحركين كلبهه
فضة العندي كلتة والولد الي ابطنهه الي
شيخ حامد لا حول ولا قوة الا بالله
فضة ما عجبك الحجي وطلعت من الغرفة اعلمج ي خديجة
-----------
ناجحة خاب زهرة الشيخ طلع نسألة
زهرة ما يكول شي لا تسألي
خديجة انه اسألة
ناجحة بوياااي خايبه ام عناد تعالي زهرة كظيهه
خديجة هدني شمالجن جا غير اسألة ما أكلة
زهرة وين رايحة خايبه انتي متوبين
ناجحة اكلج خديجة وروح جدي كلبي يوجعني انطكيت من وراج خايبه هيدي كعدي
خديجة ضلن هيج شيخ شيخ
زهرة دهر صاحته شني انتي
شيخ حامد أمر خديجة ها بوية شرايد جا انتن المن تكضنهه
زهرة خوية الله يساعدك عليهه عناد
خديجة شني اريدن اسألك الحجية شرادت هنه يكولن راح الزلمة وانه كتلهن تفر راسة
ناجحة خايبه شني انه كلت
زهرة بوياااي لا خوية جذابه
شيخ حامد ههههههههههه اكلج خديجة جا انتي تشهدين على نفسج وعليهن
خديجة اي اشهد وروح جدي اكلك شرادت الحجيه
الشيخ حامد كلشي ما رادت جا تحجن بظهري وتردن تعرفن السالفة
خديجة جا مو كلنالك حجينه اعتذرن وانه اعتذر بس احجيلنه
زهرة خويه توكل هاي ما تسكت
الشيخ حامد ههههههه الله يهديج خديجة وكونج تبطلين راسج اليابس
خديجة ما تحجيلنه شرادت
الشيخ حامد لا بوية ..انه تأخرت
(خديجة شكول شحجي اكول أمي تريد تاخذ وليدج وتحرك كلبج ....)
___________
خديجة مرت الأشهر بسرعة يوم ولادتي ...... اليوم المشؤوم
ناجحة شيخة خديجة عدهه ولادة ناخذهه للجدة
فضة سمعي ي الفصلية الي ابطنج وليدي الكتلة اخوج من ايدج لحظني وما تكربيلة ولا يشم ريحتج
ناجحة لا شيخة حرام بروح ابوج البت راح تموت
خديجة وليدي انة شلته تسع اشهر انة السهرت الليل من الوجع الي ابطني تحملت الشغل وتحملت ذلتج لخاطر وليدي وروح ابوج الي تحلفين بي انه الي اربي وانة الي اشيلة ويشم ريحتي قبل ريحتج تطغين تطغين ويجي يوم تنزلين اخوي ما كتل ابنج بيكم خير وزود دورو كتال ابنكم تهمتو اخوي واخذتيني فصلية وتالي وليدي تاخذي مني حلم تشوفين ظفرة
فضة لا تراددين فهمتي
زهرة بسج يمة البت تلوب وانتي تردين تاخذين الولد ناجحة خايبة اشلون بينه البت تموت
خديجة زهرة خايبة أمي جيبو أمي
ناجحة بعد روحي خية احنه أهلج زهرة كعدي يمهه انة اجيبهه الشيخ طالع للكوت والدنيا ليل
فضة ناجحة روحي جيبي ماي حار فضنهه وانتي سكتي ما اسمع حسج
زهرة يمة البت حرام
فضة جا شني كاتلتهه اجيبهه
خديجة بوية تريد تكنلني العجوز الشمطاء خاب ناجحة زهرة لحكلي
زهرة ههههههه خاب اسكتي يمة من الوجع كامت تهلوس
فضة خايبة اعلمج دجيبي واشوفج العجوز منو
ناجحة شني خايبة زهرة سدي حلكههه
فضة لا اسدن حلكهه صل حية ما يصير بيج شي
خديجة خايبات اريد أمي الله لا يطيج عجوز البين
ناجحة اسكتي بوية شيسكتهه
زهرة ههههههه خاب خديجة جا امي تكتلج من السانج خية ركزي بالولادة
فضة ولج شني بنص الموت والسانج بري منج اسكتين لا اعصرج واطلع الولد من اعيونج
خديجة جا تكتليني
فضة كلووووووووش جابت الخبيصه ساعة البيضه اخذي الولد غسلي ناجحة
خديجة بويااااااي خذت وليدي
زهرة سكتي يغسلون للولد ويجيبو شني
ناجحة صلوات على محمد واله محمد نسخة من خديجة خايبه حتى اعيونه عليج
فضة كون السانه مو عليهه
زهرة ههههههههه اخذي يمة سمي وأذني بأذانه اخوي ما موجود
خديجة اريدن وليدي
فضة هذا وليدي الكتلة اخوج واخذ فرحتي انتي ترضعينه وتردي الي مفهوم
خديجة شني .... دموع خديجة اصب على ضناهه وجمارة كلبهه
زهرة سكتي تشاقيج وليدج ومحد يكربلة يمة جيبي الولد واتركي البت... اخوي اجة يومة واحنه ما نرد قضاء رب العالمين
فضة لا تراددين وانتي رضعي الولد و جيبي
خديجة يمة وليدي بعد روحي الدمعة على خدهه الطفل طلعت حقدهه وحركت كلب خديجة بأبنهه
فضة خلصتي الولد جيبي
خديجة ما شبعت منه جا تسع اشهر شفت الويل تاخذينه
فضة اي وليدي الراح هذا العوض
ناجحه تعالي خديجة انتي بعدج نفاس لا تبجين
زهرة يمة جيبي ابن اخوي البت ما كتلت اخوي حرام عليج
فضة حرمت عليج عيشتج اخوهه حرمني من الولد وتردين اردة الهه
زهرة يمه كل دمعة من خديجة حوبتهه تعثرج لا تتطغين يجي يوم وتوكعين
فضة لا تعلميني انه اعلمج واعلم عشيرتج ولي
__________________________
خديجة ناجحة خايبه خذت الولد خذت ضناي مني
ناجحة ننتظر الشيخ يجي اسكتي ربج كريم انه صح مو أم بس حسيت خذت روحي من خذت الولد منج خية هاي المرة ظالمة الله لا يوفقهه ما شوفين ما فرحتهم لا بولد ولا بنيه
خديجة جيبي الولد منهه خايبه احس روحي تلوب
ناجحة خية لا تبجين ولا تنقهرين حليبج ينكطع
وبعد ما تنطيج الولد
زهرة خديجة لا تبجين اعذريني والله ما رضت تنطينيي وليدج خايبه انتظري اخوي يجي وانة احجي ويا
خديجة انتن ما تعرفن شني ضناج تاخذة من حضنج
ناجحة نامت خديجة على رجلي ما بيدي عليهه شي مرة طاغية وما تخاف الله كمت ب الليل ...
شيخة كاعدة
فضة شكو شرايدة لا تفززين الولد
ناجحة شيخة البت شبعت بجي ونامت خطية لا تأذيهه بوليدهه تردين الوليد انه اجيبن الولد واخذي البت صغيرة لا تأذيهه بعدهه نفاس حليبهه ينشف
فضة ناجحة طول عمرج ساكتة شني النطقج
ناجحة شيخة خديجة خطية
فضة لا تدخلين ناجحة وكونج اجيبين الولد انطي الهه هذا وليدي
ناجحة شيخة الظلم شين وكلنة اولاد الكاع و اولاد الكبر شيخة انة شفتج من بجيتي على وليدج وحدج تعرفين فراك الولد مثل الموت
فضه سمعي يبت الناس انة ما اظلم والولد صار وليدي وانتي لا تدخلين
ناجحة شيخة الظلم يرد لصاحبة مضاعف انتظري دورج انة خديجة الوادم الظلمتيهه
فضة خنكت ناجحة بديهه حسج ما اسمعة
ناجحة نزلي ايدج بكد أمي واكدر أمد أيدي عليج بس انه اخاف الله وانتي يجي يومج من رخصتج
فضة ولج تنطيني ظهرج خايبة اعلمجن دواجن عندي
___________________
خديجة وليدي كعدت الصبح مو بحظني والحجية ما تنطي كعدت واشمن بملابسة
زهرة خديجة تعالي أمي تكول رضعي الولد
خديجة صدك اي جاية
زهرة الله يعين كلبج خديجة اخوي يجي ويردلج وليدج بحظنج
خديجة اشوفن الولد جوعان
زهرة الله يعينهه لو ما أمي أرفع أيدي عليج
______________
فضة هلا بأبو احمد هذا وليدك مبارك يمة يربى بعزك
شيخ حامد بعد روحي مشكورة يمة خديجة حمدلله على سلامتج
خديجة الله يسلمك
زهرة خوية الولد امي خذته من حضن خديجة وتكلهه انتي بس ترضعي وصار وليدي
الشيخ حامد لا احمد وليدهه ومحد ياخذه منهه خديجة بوية اخذي الولد
فضة وين ماخذة وليدي
الشيخ حامد يمة الولد أبن خديجة مو ابنج انتي حبوبته وأمة الجبيرة أمة التعبت وشالته خديجة موش انتي
فضة و الولد الكتلة اخوهه شني منو يردة الي
شيخ حامد يمة الميت مثل ماي وتبدى من ايدج تلمين الماي
فضة ما ألمة بس كون يعوضني
شيخ حامد تاخذين العوض وتسحبين وليدهه من حضنهه وين صايرة
فضة انته موش ابن بطني اذا متردلي الولد الي
خديجة من كالت كلماتهه حظنت ابني بقوة
والشيخ حامد يباوع علية
شيخ حامد خديجة اخذي وليدج انة مو ظالم واخذه من حضنج روحي يمة كعدي وية نفسج وصيري مكانهه
فضة تعاندني ولك
____________
فضة زهرررررررة تعالي
زهرة نعم يمة
فضة الفصلية رد ابنهه وحياتج اخذهه وصارت سودة
زهرة شني قصدج
فضة حضري نفسج عدنه طلابة وية وادم نفضهه وننطيج
زهرة شني بكيفج انتي
فضة اي وكلامي يمشي عليج وعلى ابوج
زهرة يمة انة مو الصغيرة الي جنتي تظفرين شعرهه وتضربيهه اذا غلطت انة كبرت اروحن لأبوي كونج متعجازة مني وتردين تنطيني فصلية.
فضة ابوج ما رباج ولا سهر الليل ترحين المن ازوج وتركنه
زهرة هججتي الزلمة بطغاج ابوي حنين ويانه وجان موجود محد يفك حلكة بالباطل
فضة ايييي ي بت ابوج .... ابوج هيج السانة ساطور
زهرة يمة ما دامت لفرعون حطي رجلج على الكاع
شيخ حامد شمالجن
فضة اختك تجاوزت علية الناس ال عدنة الطلابة وياهم انفضهه ب زهرة
شيخ حامد اختي ...شني.... فصلية
فضة اي فصلية
شيخ حامد اختي ما تطلع منا الا معززة مكرمة تردين اذلينهه لأن ترادد زهرة اصغيرة
فضة انة الأمر الناهي عليكم وانتي حضري نفسج فصلية
شيخ حامد خوية زهرة طلعي برة الغرفة
زهرة حاضر خوية
شيخ حامد شني رايدة توصليلة ابوي هججتي لغير مرة وتركنه بسببج واخوي طغى علينه وعلى الوادم بسببج وتاليته انكتل اختي بدلتي طبعهه وخليتهه تطغى نسواني ذليتهن ناجحة اتصنت عليهه الليل كلة تبجي وتدعي ما يجيهه ولد ولا بنيه ويفرح كلبنه خديجة تاخذين ابنهه منهه ما شبعتي ما كافي وصلتي اسلمين زهرة فصلية
فضة متفاجئه بكلام ابنهه انته خايب ابن بطني
شيخ حامد اي انة واي غلطة بالبيت انة الي اردهه اشوفن منجن غلط انه زلمة البيت وبيدي الأمر والنهي
فضة شني ام البيت تنهان ....
الشيخ حامد انتِ أم البيت والج احترامج لكن لمن تطغين يمة لازم تفكرين الي راح من عمرج مو كد الي بقالك من رخصتج يمة فكري بكلامي
فضة (هذا وليدي تبدلت اطباعة لا هلا بجيتج يفصلية لا هلا بجيتج ....)
خديجة بعد موقف الشيخ حامد وية حجية فضة
بدت تأذينة زايد طلبت من زهرة اشوف أهلي
زهرة خايبه اريدن اشوف اهلي
زهرة خية أجليهه أمي شدت ويانه لا تحس بيه اوديج لأهلج ويا طلابة ما تنفض حتى اخوي يكلب عليج
ناجحة صدك اكعدي يهدئ الوضع نطلع للسوك ومناك انشوفهم
خديجة جا عوفنهه اكلج انتي مو عمتة كضي الولد
زهرة جيبي كملي الشغل يشبهج خايبة ههههه
خديجة اي الله استجاب دعائي وطلع عليه
فضة تعالي زهرة جيبي الولد اريدن اشوف وليد ابني احسن ما تربي الحياية
ناجحة روحي زهرة وية الشيخة احنه نكمل شغل شيخة من رخصتج
فضة مرخوصات ولن من وجهي
خديجة وليد ابني العجوز الشمطاء.
ناجحة سكتي ولج هههههههه بوياي مو السان منشار.
زهرة شمالج يمة مو عيب البت شمسويتلج .
فضة لا تدخلين
زينب هلا يمة كاعدة وحدج وين الخدامات
زهرة نسوان اخوج يشتغلن
زينب خدامات
فضة اي جا هنه خدم
شيخ حامد هلا خوية شني جاية تعاركين الوادم لو عيالج يكولون عليج خدامة
زينب انه بت شيوخ يخسي ليكولي خدامة
جا انة فصلية ههههه
زهرة الله يعينج على نفسج الخبيثة
الشيخ حامد الفصليات احسن من حالج خوية
زينب اترخص يمة اظاهر اولادج ما يستحون
فضة كعدي لا ترحين الي يطلعن الفصليات ردوهن لأهلهن دزولهم طارش ما نريدهن
زهرة والولد شني
فضة وليدنه ما يطلع منا يربى بين اهلة
شيخ حامد ولا وحدة ترد لأهلهه وانة احبهن اثنينهن واريدهن
زينب تحب الفصليات عيع
الشيخ حامد احترمي نفسج خويه لا تخليني اخلي الخوة عداوة نسواني امهات لجهالي
اي احجاية منجن عليهن تمسني
فضة غاسلات راسة غسل سولة سحر
زهرة دهر وين طالعات ويسون السحر اهلهن ما يشوفنهن خلي الله بين اعيونج
____________________
خديجة انة وناجحة نسمع لكلامهم من بعيد ومندخل وشفنه الزلمة يدافع عنه وسكت امة واختة
خايبة طلع يحبنه
ناجحة جا كتلج الشيخ زين وامة حية
خديجة جا انتي ما تحبين الشيخ
ناجحة انة اوف يا انة خية انة احترم العشرة بينه
وهو يعرف انة ما احبنة وهو وياي زين
خديجة شني انتي تضحكين علية
ناجحة لا خية هو يعرف انة ما احبنة بس الله شاهد انة صنت عشرته واحترمتهه وامة حسبت امي
خديجة جا ليش بقيتي ويا
ناجحة اهلي ما يردوني ... مرة رحنه بالليل الهم انه والشيخ وابوي ما قبل يردني
خديجة انة امك يا أحمد احنه اهلج و وليدي وليدج نربي سوة
ناجحة اكلج انتي شمالج البارحة صدك
خديجة اكلت ويمكن تسممت
ناجحة اكلج عمر وليدج ٩ اشهر كون انتي حامل
خديجة ها لا كولي يا الله
ناجحة انروح للجدة وانشوفج
خديجة اي ومناك امر على اهلي
ناجحة سكتي كونج حامل واجيبج فضة وتكليلهه العجوز الشمطاء ههههههههه
خديجة هههههههه ما اريدن بطلت
.......... ..........
الشيخ حامد يمة وصلني خبر من اخو خديجة صاحبة موجود
فضة صاحبة يا هو
الشيخ حامد الشرد
فضة شني يعني سالفتنه فضت بفصلية سدهه ولا تعيدهه اخوهه يريد يبري نفسة كوة
الشيخ حامد الولد متأكد من كلامة
فضة كونة يثبت التهمة عى صاحبة انرد اخته
الشيخ حامد ما ارد خديجة بس ارد اعتبارهه وكرامتهه اذا غلطان
فضة اذا طلع اخوهه مو كتال وليدي ترد اخته فهمت ...........
يتبع
أنت تقرأ
خديجة فصلية الشيخ حامد
غموض / إثارةقصة حقيقيه سلطة قوة عادات وتقاليد قاتلة زواح الفصلية او الدية احدى العادات العشائرية التي تقتضي حقن الدم بين الطرفين بأعطاء البنت كزوجة للمعتدى عليه
