خديجة فصلية الشيخ حامد

خديجة فصلية الشيخ حامد3

بعدنه انطبق احكام العشاير
الصفت فصليه يتهدم حلمها
وادم ماتت اشذنب النساوين
من تاخذها ما يتهده المها
كل فصليه راحت طير مذبوح
عركه ابين وادم مو ذنبها
الشاعر داخل البدري
مهند اختي الوحيدة متمسكة بخوف بيدي بعد الي سمعتة من كلام الناس احاول اكون قوي كدامهه ........خوية ماكو شي بعد روحي لتخافين يكتلوني ولا انطيج
خديجة لا خوية اسم الله اروحن اني ولا اخسرك جا انته الوحيد النه
مهند يروح اخوج انتي سباعية  وحبيبه  جيبلي مي
ام مهند يمة تصبر بأختك وانته تحتاج احد يصبرك
مهند ماكو بيدي حل يمة اجذب عليج اذا اكولج الناس الي اجوي يسألون عن اخت الي مو من طرف شيخ حامد الزلم الي دازهم كلهم من طرفة
ام مهند يمة شتكول اختك ولك يمة اشلون
مهند ما اعرف يمة راسي  تفكير تفكير خوفي على خديجة
ام مهند امانة الله عليكم يمة  الله يختار الخير ويقدرة ويكتبة النه خليهه على ربك يمة تنحل لا تخاف على اختك خديجة
مهند يمة باجر كعدتهم ادعي الله يحلهه بموتي ولا بأختي
خديجة خوية اكول اريد منك شغيلة
مهند كولي خوية
خديجة اريدك ما ادنك راسك ابد ولا تبين كدامهم انته ضعيف ... لا كتلت ابنهم ولا نهبناهم والي يصير  خلي يصير خوية لا تخاف علية جا انة تربيت على ايدك انته ابوي واخوي واهلي ولو يصير وكتهه وانة افديك روحي تفز كبلي الك بس كونك لا ادنك راسك
مهند يروح اخوج انة افديج ( حضنتهه شبيدي عليج خوية عمة عين الوكت الخلاني مربط  كدامج )
^^^^^^^^^^^^^^^^^^^^^^^^^^^^^^^^^^^^^
الشيخ حامد افلوسكم  وكيعانكم خلوهه الكم تردون تحلوهه نحلهه  بفصلية
الشيخ شني بوية جلمة فصلية سهلة عندك بناتنه بنات شيوخ ما يرحن فصليات
مهند عاجز كدامهم لو اصيح برئ من الصبح لحد الليل محد يصدكني فتحت قميصي بعصبيه  كل الحلول خلاهه الشيخ كدامهم انطاههم كلشي ميفيد   ..... ما عدنه فصليات اتريد اني كدامك وحلهه بدم واخذ ثار اخوك
الشيخ حامد لا اصيح  تأدب كتلك تذكر حجايتي اخذ روحك شوية شوية الكم مهلة ٣ ايام  تفكرون والا دم اخوي ب١٠٠ من زلمكم واصير سنينه بيناتنه
صاح بغضب ننتظر ردكم ورة الثلث أيام دم الزلمة  ب١٠٠
فضت الزلم بقينه وحدنة احنه والشيخ ابيتنه 
ابو مهند شيخنه اشلون البنيه اصغيرة
مهند اخذهه واطلع من الديرة اختي ما ياخذوهه لو على كص ركبتي
الشيخ بوية هي لعبة تاخذهه وين تروح بالبت اكعد بوية خلينا نفكر ....
...............................
خديجة اسمع كلامهم وكلبي بين انة وبين اخوي ابن أمي جا اصير سنينه  ي خديجة شني فززتني امي
ام مهند انتي اشعندج  تسمعين من الباب ما اتوبين ...
خديجة يمة سمعتي جا انة مو كتلج  سمعت من الناس يحلهه بفصلية شني يمة شسوي انه حرت بين اخوي وعشيرتي لا يتكتلون واصير سنينه دم  وبيني لا اروح وانذل
ام مهند يمة حيرة و وكعنة بيهه اشلون خليهه على الزلم تفضهه تعالي يمة الله كريم
خديجة يمة ما تنفض انطيني عباتي
ام مهند يمه الشيخ كاعد زحمة دخلتج عليهم للديوانيه
خديجة يمة اخوي واحتمال ابوي يروح وكلنه نتكتل وما تفض
ام مهند خايبه تعالي شسوين يمه جا ترحين للذل برجليج
خديجة اي يمة ولا اخوي ينذل ...لبست عباتي وغطيت وجهي ودخلت للديوانية  اخوي كام من مكانة
مهند خديجة يلا ردي شني انتي ... تعرفين طبتج زحمة هنا وعيب
خديجة اسفة خوية اريدن احجي ويه ابوي الشيخ
الشيخ تعالي بوية شعندج
خديجة ما اريدنكم تتكتلون انة ما عندي بس اخوي وانتم اهلي وعزوتي وعمامي دزولهم طارش وكلولهم قبلتو بالفصلية
الشيخ بوية شمالج جا انتي بنيتي انطيج لشيخ حامد كلنه نتكتل ولا يذلنه زلمة ما يخاف الله
خديجة لا شيخ جا انة ما اريدنهه جنايز  و ولدنة تروح
ابو مهند ولي جا ترحين فصلية ويذلوج  شني بوية تسودنتي
الشيخ لا اصيح على البنيه بوية كولي شرايدة وانة ابوج
خديجة جا ال أكولن عليه شيخنا تكول  تم لخاطري
الشيخ بويه كولي جا غير اعرف التردي واكولن تم
خديجة كول تم اخذهه حجاية منك
الشيخ بوية من هالشارب تاخذيهه كولي
خديجة تودولهم طارش يكلهم قبلتو انة اروحن فصلية وخلوهه تفض لا ينكتل اخوي
الشيخ بس بوية تردين اوديج للتهلكة بيدي جا ذنبج بركبتي بوية لا تكسري ظهري
خديجة بوية جا الجنايز احسن انته كلت من هالشارب لا تردني
الشيخ بوية  جا انتي طالبتني اوديج ذبيحة الشيخ خايبة لا تعجزيني
خديجة ولا تتكتل شبابنه والجنايز اصير بكل بيت
الشيخ انطي مهلة لأهلج وانة افكر لا تخلينه كدام الأمر الواقع
خديجة جا ي شيخ  انتة شكلتلي
مهند خديجة تخبلتي وين ابوية انتي لا تكسرين ظهرنة ولج خلينة نتكتل
خديجة خوية لخاطري انة ما اريد اخسرك
مهند خوية تخسرين حياتج 
الشيخ بوية انة اروح حيرة بوية وكعنه بيهه
___________________________________
مهند مر يومين تفكير الليل ما أنام بي اختي فصلية ولشيخ حامد ادمرت نفسيتي اختي تطلع كدامي فصلية واني عاجز وهي الي دخلت للشيخ وتطلب منه يقبل بطلبهم  فزيت على صوت خطوات
منو
خديجة ها خوية كاعد
مهند اي بعد روحي تعالي
خديجة جا بعدك تفكر خوية
مهند صعبة خوية انتي من اضلوعي انطيج فصلية
خديجة اذا ما قبلنه خوية اصير بكل بيت اجنازة والدم يصير سنينه
مهند جا انتي اضحية وننطيج يروح اخوج وطوايفة خايبه خوية امشينه نشرد من الديرة ولا نكول لأهلنه
خديجة بعد روحي جا نضل شاردين ليوين ما يكضونه اذا نشرد خوية تثبت عليك التهمة واصير كتال اخو الشيخ  خوية بقت ليلة وحدة ردولهم طارش وكلولهم  قبلتو
مهند خوية كسرتي ظهري......... هنا حسيت لحظة الضعف اختي كدامي ضحية تهمة باطلة دموعي عليهه نزلت لا ارادي
خديجة شني خوية لا تبجي اكلك قبل لا اروحن اريدن شي من ريحتكم وما اريدك ادنك راسك من اطلع من البيت اريدن راسك مرفوع ويجي يوم والحك يبين
مهند اشوكت يبين ولج انتي اختي ينكسر ظهري بيج اشلون
__________________________________
من الصبح دزولهم طارش والشيخ شرط عليهم اسبوع يحضرون الي احتاجة واروحن الهم  .... العد التنازلي اطلع من بيت أهلي فصلية كلهه ما راضية على الصار ...
الشيخ بوية خديجة انة ما اطلعج منا فصلية شرطت عقد زواجج اهنا ابيت اهلج وهيج نطلعج معززة مكرمة اريد اوصيج هناك اريدج سباعيه تسمعين الحجاية منهم على اخوج ابوج لو على عشيرتج لا تراددين وياهم ترحين يمهم ابنهم المكتول وانتي اخت كتال ابنهم كلشي تسمعين منهم ومن زلمتج فهمتي بوية
خديجة اي شيخ
الشيخ طلعتج منا ...بس بأسم فصلية كسرت ظهر عمامج  واهلج بس شني انتي اظلين اعكال ابوج  وعشيرتج
خديجة لا بوية عكالك محشوم لا تنزلة من راسك
الشيخ انتي عكالي بعد روحي هذا العكال تذكريني بي وعذريني بوية كل خطوة تطلعيهه من البيت اريدج مرفعوة راس ولا ادنكين راسج
خديجة مشكور شيخ وانتم تبقون اعكالي وعزوتي
الشيخ يلا بوية حضري نفسج انة ردت احجي وياج كبل اهلج ابريني الذمة بوية الدنيا صوت وموت
خديجة مبري الذمة مشكور شيخ حجاياتك بردت كلبي وهونت عليه
الشيخ الله يسعدج بوية ويصفي كلبهم عليج وما يظلموج (طلع الشيخ الدمعة بعينة)
ام مهند بعد روحي يمة ما ردتهه هيج فرحتج
خديجة شني يمة شمالج ادعيلي الله يصفي كلبهم عليه
ام مهند يمة حضرت جهازج وما ضنيت فرحتج بغصة ودموع انعصر كلبي يمة شوفي أمة برة وحقدهه مبين يمة الزلم توكفلهه من فاتت
خديجة الله كريم يمة احبن راسج بعد راسي انتي نشفي ادموعج  الباب يمة شوفي ياهو
مهند خوية بعد روحي عذريني وابريني الذمة اني السبب
خديجة بعد روحي جا مو انته سالم انه فرحتي انته وروح جدي خايب خوية لا تنزل دمعتك
مهند خوية جبتلج كلادة اريدج تذكرينه بيهه حطيتلج  صورة امي وابوي وهاي كلادة صورتج وصورتي ابو الذهب كالي اسويهه الك كلادة وحدة
خديجة حلوة خوية مشكور راح تشتاكلي بعد ما تكول ازوجج واخلص منج
مهند خوية انكطع الساني يوم كتلج ديري بالج على روحج اريدج تصبرين ولو يسبون ابوي لا تحجين ما اريدن احد يضربج فهمتي سباعية
خديجة اي خوية
مهند تعالي خوية البسج الكلادة (كل لحظة تمر على وداع اختي بهذا اليوم مرت ب١٠٠ الف وجع تمنيت ساعتهه لو ما رايح لو ما متحرك للبستان تمنيت تمنيت كلهه أماني اختي دفعت الثمن ....)
الشيخ يلا  بوية جيب اختك يعقدلهه الشيخ
مهند شيخ خليهم يكتلوني ولا ياخذون خديجة
الشيخ بوية لا اصعبهه انة كلبي وجعه اكبر منك عليهه وروح ابوي لاتأذيني جيب اختك لا ادنك راسك ولا تبين مكسور واختك وصيهه لا تطلع مدنكة راسهه
مهند شيخ ....
الشيخ بوية جيب اختك
مهند خديجة تعالي الشيخ يعقدلكم
( حسيت بخوف اختي من فزت من مكانهه ولزمت ايدي بقوة ...)
خديجة خوية لا تعوفني
مهند امشي خوية وياي لا ادنكين راسج كدام امه
خديجة خوية ابقى وياي
مهند وياج والله (حبس الألم  والتظاهر بالقوة أصعب شعور يمر عليك مُرٌ مذاقه كحنظل لا يمكن التعبير عنهُ مهما حاولت ولو جمعت كلمات اللغة العربية كلها  )
فضة انتي الفصلية خديجة اهنا ابتسامة الخبث بانت على وجهه فضه
خديجة انة العروس خديجة مرت وليدج الجديدة
فضة انتي فصلية الشيخ حامد  لا تحطين عكال على راسج اهلج كتلو وليدي
خديجة اهلي عكل  وشرف وعزوة  ومضايف ودواوين وانة عكالهم ال أخذتو
فضة نظرة غضب اعقدلهم شيخ فضنه تأخرنه
خديجة عقد الموت اهنا انكتب وعقد النهاية
عقد ال ما ردتة بس رادتة المناية 
صرت فصلية الشيخ حامد ومنا تبدي قصة مأستي
فضة لا ترحمهه شفت السانهه كدام الزلم
الشيخ حامد عد عيناج يمة