الاخوات السته جزءالثاني
واكفه واناضر الاماكن والناس شكد حلوو المنظر والهوه بارد يداعب بشرتي وشعري يطاير غمضت عيوني واسرح بحياتي وين وصلتني وين جابتني رجعت فتحت عيوني ...
سحبت دفتري واقره ورقه ورقه من ذكرياتي مع اخواتي واني اقلب ورقه ورقه كل ورقه من حياتنه تتكلم عن طفولتنا المشتته احلامنا ضائعة وفشل الاهل وقسوت الاب زوجته
ومرارة الدنيا ووو ... ابكي واضحك ع كل ورقه من حياتنا المؤلمه مره تكون موجعه مره تكون حلوه ...
تركت قلمي بين بقيه الاقلام يتكلم عن حياتنا.
جنه ...
من بعيد شفت خواتي وابتسمت واني امشي بتجاه خواتي اريد بس اوصلهن
وعيني عليهن فجأة اختفت ابتسامتي واني اشوف روى الي نار تاكل بيها
جمدت مكاني لاكدر اتحرك ولاكدر اصرخ احس كلشي بيه مات اباوع ع خواتي اريد احد يساعدها اريد اصررخ واطلع صوتي اريد اركض واساعدها بس كلشي بيه مات واني اشوف شلون نار تاكل باختي واحاول بس اصرخ
شفت عمار من بعيد صرخت حيللل حييل عمممار...
فزيت من نومي مخروعه اباوع بالغرفه يمين ويسار مسحت كصتي من التعرق اوووف هذا حلم غطيت وجهي بين رجلي واني اذكر الحلم المخيف شبيها روى دخيلك ياربي رجعت مسحت التعرق من وجهي رغم دنيا بارده...
رجعت عيني ع السرير محد موجود بس جهال كل واحد نايم مكانه بس لا ايهاب ولا سما ماكوو كمت مخروعه حتى اشوفهم..
شفتهم بصاله نايمين
ايهاب ع ضهره وسما نايمه ع صدر ابوها تلفزيون مشتغل ع فلم اكشن جبت غطه وغطيتهم جانت دنيا بارده وهمه نايمين بصاله....
كمت توضيت وصليت بس بالي كله يم الحلم حيل خايفه اباوع هيج وهيج.. قريت قران اريد بس شويه ارتاح ويخف الخوف العندي
رفعت ايدي للسماء
يارب لاتردني بنات احنه لاحول ولاقوه دخيلك ودخيل اسمك احفظ روى من كل شر ومن كل مكروه مابي حمل ثاني اريد اخياتي سالمات ياربي ما اريدهن يتأذّن احميهن وسلمهن واحميهن من كل مكروه
سجدت دموعي تنزل بغزاره الحلم ميروح بالي ضليت ع هذه وضعيه ربع ساعه دموعي وادعي ربي ...
بعدمخلصت وراح ايهاب ع دوام ضليت بس اني وجهالي نايمين عيني متاخذ نوم وخايفه حيل كل ماريد اتصل اكول خاف نايمه وعيب اتصل زوجها خاف يمها بس ضليت بقلق
منا ساعه 8 واني افتر بالبيت جتني رساله من ملك ع الكروب
صباح خير البنات
اليوم تجن نسوي عيد ميلاد عمه بليل نحتفل سوه وهم نحتفل براس السنه
جنه.. صباح نور والله مناسيته بس خلي اشوف زوجي سوي من وقت حتى ارجع من وقت للبيت اريد احتفل وي زوجي ودزيتلها سمايل 😉......
أنت تقرأ
الاخوات السته جزء الثاني
Misterio / Suspensoيقال بحق الطفولة بأن لايفهمها الا من عاشه هل حقأ للطفولة امان ماذنبي وماذنب احلامي لماذا ياطفولتي المشتتة يشبهونك بعالم مخملي جميل ماذنبي ماذنب طفولتي التي قتلت ياحسرتاه على كل احلامي الضائعة وجدت الطفولة بعيناي البريئتان ماذنبي لاكون زوجة قاصرة ماذ...
