(( عسل ))
وكأنني لم اسمع ماذا يقول ... وكأن الارض اهتزت تحت قدمي .. قالت سهى بصدمة : مات !!!!.
اجاب احدهم : لا بس تعبان ببيتهم .
وضعت يدي على قلبي ويداي ترتجف ... بدأت ابكي بصوت عال لأنني للحظة فكرت انه !!!...
احتضنتني سهى وهي تقول : اشششششششششش حبيبتي .
- اااه سهى ... قلبي ... عبالي ... عبالي .. اهئ اهئ .
اسندتني عليها وسارت بي الى الحمام ... فتحت صنبور الماء وبدأت تغسل وجهي بيدها ... كانت دموعي اكثر غزارة من المياه المتدفقة من الصنبور ...
تنفست الصعداء ...
قالت سهى محاولتا تهدئتي : حبيبتي الحمد الله بس تعبان مابيه شي .
- قلبي راح شون هجي يقولون !.
- حيوانات يفولون ع الرجال ... باعي قعدي انتظريني انتي بالكافتيريا واني شوية واجيج .
- وين ؟.
- بعدين اقولج .
(( حيدر ))
لحسن حظنا كان الانفجار بعيدا قليلا عنا .. ولكننا اصبنا ايضا انا وابي .. هرع جميع سكان المنطقة القريبة منا الى مساعدتنا واصحاب البيوت القريبة منا .. اخذنا رجل وابنه ودعونا الى منزلهم ... كان رب الاسرة طبيب بدأ يسعفنا انا وابي وامي كانت تبكي بجانبنا .... زوجة ذاك الرجل كانت تهدء من روع امي ..
بعد ساعات وبعد ان ارتحنا قدمت زوجته لنا الطعام ... جلسنا جميعنا نتناول الطعام .. قال ابي بضحك : تصدق ياخوي ساعدتنا وداويتنا وهياتنا دناكل سوية واني ماعرف اسمك !.
قال الرجل : اسمي عمر قولي ابو فاروق .
رأيت الدهشة على وجه ابي ... تعمدت ان اسأل الرجل سؤال ليسمعه ابي وامي والجميع ...
قلت : ابو فاروق انت ليش ساعدتنا انتوا سنة واحنا شيعة .
ابو فاروق : شتقول على بختك اولا احنا مسلمين .. ثانية عراقيين .. ثالثا الانسانية الي بينا تخلينا نساعد ولو يهودي جان سويتله نفس الشي ... بعدين ترا الوضع الي بالعراق وعدم الاستقرار والامان المفروض يخلينا نتمسك ببعض اكثر .. لان الانفجارات والموت ميعرف سني شيعي مسيحي صبي .
رأيت ابي ينظر له بانصات .. ابتسم ابي وقال : والنعم بيكم .
(( عسل ))
انتظرت سهى في مقهى الجامعة ... اثناء انتظاري لها كنت ادعو الله في سري ... يارب احفظه لي ..
اتت سهى وجلست امامي .. سالتها بفضول : وين رحتي !.
- باعي اتفقنا ويا كم طالب وطالبة ويانا نروح بيته نزوره .
- صدك شوكت عفية اريد اتطمن عليه .
- ورا الدوام واحد يندل بيته .
- زين ورباب شون ؟.
- هسة اني احجي وياها .
قلت بخوف : لا تروح تسويلي مشكلة .
- خبلة مرح اقوللها رايحين نزوره .
- لعد !.
- هسة دصيحيه هفففففف .
- اوكي .
امسكت بهاتفي واتصلت برباب .. اجابتني : ها عسل !.
- وينج؟.
- وياصديقتي .
- تعالي الكافتيريا داريدج بشغلة .
- اوكي .
بعد قليل اتت مع صديقتها .. سحبت كرسي هي وصديقتها للجلوس معنا على الطاولة ... قالت : شونكم ؟.
سهى : الحمد الله ... فدوة رباب عدي طلب منج .
رباب : امري حبي .
سهى : اليوم مسوين عزيمة ببيتنا وبنات خالتي جايات وهيجي فاريد اعرفهم ع عسل ... خل تجي وياية ورا الدوام .
رباب : اوكي لخاطرج .
سهى : فديتـــــــــــــــــــــــــج واني وبابا نرجعها لحد باب بيتكم .
قبلت خد اختي وقلت بفرح : فديتج قلبي .
(( حيدر ))
كنت في المنزل بعد ان اصرت والدتي على ان ارتاح في سريري ... كنت اريد بشدة ان اتحدث معها ولكنني خائف ان تكون اختها معها او عائلتها خفت ان اخاطر بها لذا رضخت للواقع وتأملت ان اراها في الجامعة ...
نظرت للـ( علك ) الذي فوق الطاولة التي بجانب سريري ... احضرته لها من كربلاء ... فتحت امي باب غرفتي وهي تقول بابتسامة : لحيت تريد تروح الجامعة هياتهم اجوك لحد عدك .
- شنو ؟.
- طلابك اجوي يزوروك .
اعتدلت بجلستي حيث دخل بعض الطلاب والطالبات ... ورأيتها بينهم !!... لم اتوقع ان اراها .. رأيت عينها غارقة بالدموع وهي تنظر لذراعي المصابة ...
قال الجميع : سلامتك استاذ .. متشوف شر ..
- الله يسلمك فرحتوني بجيتكم .
قلت لهم : تتذكرون مرة حجينا ع سالفة الطائفية مو !.
اجابوا : اي .
ابتسمت وقلت : تخيلوا ان اهلي الي قلنا تفكيرهم طائفي ومرح يتغير تغير !!.
رأيتها مذهولة !!.. قالت سهى : شلون !!.
اخبرتهم بالقصة ....
بعد ذلك قال احدهم : يلا استاذ مانطول عليك منتظريك تنورلنا الجامعة .
- اي ترا عفتكم هواي جايكم وكله دراسة اصبروا .
- هههههههههههه .
صافحت الجميع .. تقدمت هي الي ومدت يدها لتصافحني ... امسكت ( العلك ) في يدي وضعته في يدها .. نظرت لي بتساؤول ..
(( عسل ))
بعد ان خرجنا من منزله ... كنت ممسكة بالـ ( علك ) الذي اعطاني اياه ... ربطته على معصمي .. ابتسمت وانا اشعر ان هناك رابط بيننا رابط اقوى من العشق ...
استغليت الفرصة في المساء وقت دراسة رباب وخرجت للحديقة لأتصل به ...
اجابني بسرعة : حبيبتي .
قلت بعتاب : ليش مطمتني عليك الا نجيك للبيت .
- ههههههههه اي من حقي اتدلل ع حبيبتي .
- تدلل مو تهبطني .
- احبج .
- حبيبي ربطت العلك ع ايدي ورح ابقى محتفظة بيه .
- دعيتلنا ونخيت ابو فاضل .
- يارب بس مستغربة اهلك !.
- يمكن الي صار شي بصالحنا .
- الحمد الله مصار اكثر الحيوان واحد من الطلاب هبطني وقال متت .
- هههههههه شسويتي .
- هففففففففف اعوذ باللله اموت وراك اه قلببي .
- اسم الله على قلبج ياعمري .
- احبك .
- واني اكثر ... بس اصير زين نجي نخطبج وهالمرة ويا اهلي .
- خايفة .
- ان شاء الله هالمرة ماكو خوف .
- يارب .
