اللهم صلِ على محمد وآل محمد
#البنية من تمشي بثكل
#تربات اهلهة #الصافية
#وخليهة خل تعبر جمر
#خل تمشي بس مو #حافية
#الشمعة حلوة شما ضوت
#ماتسوى بس لو طافية
#النجمة ميزتها #العلو
#ماتنعشك لو #ناصية
#الغيمة من تمشي بثقة
#ميهمهة كالو #فاهية
#البنية صدكي شما حلت
#سمعتهة ظلت #طاغية
اويلي عليج يمه
ثورة مو مجرد اسم بيها الم ومعاناة هووواي شي جارح بكل معنى الكلمه احساس والم واهاات ووجع صعبة توصللها لأحد بسهولة
بيها هواي كسر قلوب
كسر گلب الام على ابنها
والزوجه او الحبيبة
والابن وكسر گلبة اووف شثگلها تصير الحياة بلاية اب وسند
لو كسر گلب الاب على ابنه ... ابنه الي تعب علي وربى وعلم ونصح وينتضر يوم بيوم يكبر ويتخرج ويزوج ويشوف احفادة
لو الاخت بعد ويامن تضحك وتشاقةويامن تتعارك وداهر من شلون تگدر تعيش واخوها حزام ضهرها مات صح هو محد يموت ورى احد
بس تبقى لچمه بالگلب طووول العمر شما راحت واجت سنين متنسي
شهداء اكتوبر سباع ذولة مو مجرد اولاد اسود ذولة
تحملو هواي شغلات دخانيات ورصاص والبرد شكد تحملو بس لحد هذا اليوم بقو صامدين وحتى هم
مستشهدين وجوى التراب بقى اسمهم ينذكر وراح يبقون شمعة تضوي وتبعد ضلام وتنطي الامل
شاب عراقي حب وحدة من غير مذهب وهم جيرانهم من زمااان بس صارت شغلة طائفية بالألفينات ورحلوا عنهم شاب اسمه سعد من بغداد وابو توفه بحادث الجسر هم بالافينات لمن راد يزور وهناك وصار الحادث وتوفه والدة طبعا جان سعد توة صغير كبر سعد وهو شايل هموم دنيا وحيد اهلة وعنده ام وخوات ثنين وهوة الي لازم يشتغل ويجيبلهم تحمل سعد كل هاي معاناة وتعود عليها وليش ماتدور دنيا وبيوم سعد يشوف واحد يتحارش ببنية سبحان الخالقها عيون زرك وجه ابيض يشع نور تعارك هو والرجال وراحت شهد لأهلها بعد ماتشكرت منه وليش ماترجع نفس صدفة ويشوفها اول ماشافها ماعرفها بس بعدين فز كلبة وكال هاي محبوبة كلبي من صغر من صغر وكلبي متعلك بيها تعرفو على بعض وعرف منها هم جيرانهم قبل رجعو وستقرو هنا بعيد عن غربة وبعد ماراحت شهد سلمت على ام سعد وخوات سعد الي هن جانن صديقات من صغر بقت يمهم شوي وراحت حجت لأمها وامها حذرتها وكلتلها هاي اخر مرة ترحين وطبعا هية بالكلية وجانت كل يوم تقابل سعد بحجة هم جيران من زمان واصدقاء مقربين كلش وجان بيناتهم نضرات بريئة جدا اعترفلها بحبة وهي هم راح خطبها مقبل ابوها بسبب مذهبة ومامل تقدم مرة لخ وتلاثة واربعة
...وبجانب اخر ابو اسواق من احقر بشر جان يريد الشر لسعد جان كلش يكره واكثر من مرة شاف سعد وشهد سوة وطبعا سمع من خواته انو سعد تقدم لهاي لبنية ورفضو فكر وكال اذا اتقدم بلكي يوافقون واحرك كلب سعد تقدم واهلها وافقو وصارت الحفلة بهذا اليوم جان عزاء بالنسبة لسعد جانت هي روحه وكلبة هي حب طفولة وهي هم جانت حزينه زواج اجباري ومن واحد متحبة ولا ترغبلة بس جانت تقنع بنفسها كلشي قسمه ونصيب والي صار صار لازم نتقبلة زوجت شهد من واحد عار بأول ايام جان زين بس بعدين ضهر على حقيقته وبلش بالاهانة وضرب وسب وهي جانت تشكي لأمها بس امها جانت تكلها تحملي شمايكون هذا رجلج وسعد اووف يسعد يلجمه بالكلب
صعبة على رجال يبجي بس سعد بجة بجي يكسر الكلب وحتى فكر يخطفها بس كون تصير الة بس ماكدر رجع لحياته طبيعية بس مو سعد الاولي ألجم هواي ونخذل رجع سعد كلبة مكسور وصارت ثورة اكتوبر فكر سعد يطلع بيها لازم ينهي كلشي بهاي ثورة ينهي طائفية الفقر ضلم كلشي لازم ينهي اول يوم جذب على امه وكاللهه رايح لصديقي
راح لساحه شاف شباب كبار وصغار مختلف الاعمار جانت ساعة ب8 صبح باوع للمكان شكد حلو صار يمشي ويمشي الي ان صار بين شباب وفجأة اجا شاب ورسم على وجه سعد علم العراق وراح جان هذا اليوم متعب بالنسبة لسعد ركض وصراخ ثاني يوم كعد على ريحه الخبز الطيبة وكعد بنشاط وتعرف على صديق وصارو كلش مقربين وصديق سعد هم جان من غير مذهب صارو مثل الاخوان بحيث واحد يشكي همه لثاني مرة فجرو سيارة للشغب وصعدو شباب فوك سيارة وسعد صعد فوك سيارة ويهوس وملفلف العلم على جسم وفجأة اجته طلقة بهاي لحضة ما اجه بالة غير امه وشهد الي بقت بنفسة لأخر نفس بحياته نقلو للمستشفى وجانت حالته كلش خطرة ومنا امه حركت تلفونه بالمكالمات الى ان عرفت هوة تصوب واجته للمستشفى تعدى مرحلة الخطر
نقلو لغير غرفة كم يوم وطلعو وهو بالطريق امه طلبت من صديق سعد الي ديسوق يروح يجيب كيس جكليت لسلامه سعد راح ينزل ام سعد بباب بيتها وراح هو وسعد وكف صديقة لسعد يم ابو الاسواق لمن دخل شاف شابة هية تبيع طلب منها كيس جكليت وعرفت انو يريد لواحد مصوب لسلامته تخيلو هاي البنية جانت شهد واخذت شهد ورقة وكتبت عليها الحمدلله على سلامتك الله يحميك ويحمي الابطال الي وياك ولزكتها بجيس اخذها هو وراح وهي طلعت ورى وتفاجأة من شافت سعد هو المصوب وتلاقت عيونهم رجع سعد للبيت وبعد دقائق مكدرت شهد الا ماتطمن على سعد فاتت عليهم وهي تبجي بس بنفس الوقت طردتها اخت سعد جانت تبجي وتتوسل تحجي ويا اخذها سعد حجت ويا وكالتلة هي مالها علاقة ونجبرت على زواج راحت شهد وبقا سعد ودموع بعيونه تلالي عدت ايام وسعد رجع لصحته وقرر يرجع لساحه تحرير
