اللهم صل على محمد وآل محمد
مساء الخير يـ عساسيل 🥰🍯
شلون جان يومكم اليوم حلو لو عادي
لو الحمدلله
الحمد لله دائماً وابداً
مرات نشوف ونسمع اشخاص
لا لحضة ليش اشخاص
احنه مرات يجوز سويناها بالماضي ولحد الان نسويها
هي
( التذمر )
نتذمر من عيشتنه ونتبطر وماعاجبتنه حياتنه
وبسبب شنو ؟
لسبب تافه للغاية
مثلاً
1 ماكملت دراسة
2 لحد الان ما اجت قسمتي
3 لحد الان ماصار عندي اطفال
4 اني على گد حالي وذيچ لبسها كله ماركات
5 زوجي مو ذاك الرجال الكل بنية تحلم بي
6 مو ذاك البيت والاثاث الچنت احلم بي
7 مو هاي العائلة الي لازم اكون وياهم
8 ماعندي تلفون راقي
9 ماعندي لبس راقي
هواي اسباب كل واحد ومشكلتة
نحجي ونحجي وليش اني وليش وليش
بس منگول الحمدالله او اذا نگولها راح تطلع بحزن
منحمد ربنة
اكو اشياء الله منطيها النه متتبدل بكنوز الدنيا
وهي الصحة والعافية
كلها تروح وتجي كلشي بهالدنيا يروح ويرجع
بس عافيتج اذا فقدتيها شيرجعهااا
قبل لتتذمرين تذكري اكو رب فوگاج يشوفچ بأي لحضة ياخذ اعز شي عندچ وبذاك الوكت صدگ گعدي وابچي
سبحان المغير من حال الى حال برأيچ ميگدر يغير حالچ بهالدقيقة
بس كلشي بوقته حلو
والصبر بعد احلى
لا تيأس أبدا .❣️.
فمن يخرج الحي من ❣️الميت ويخرج الميت من الحي❣️ قادر على إخراج أمنياتك من حلم إلى واقع
❣️
يجيچ يوم حبيبتي وتفرحين بس صبرري
هالدنيا عبارة عن اختبار صبر وامتحانات
فـ خلي بالچ رب العالمين مخلقچ بس للحزن لا
اكو حزن واكو فرح
نرجع لموظوعنة الاساسي وهو التذمر من الحياة
احمدي ربج على حالج لا تنكتس حالتج ويجيج يوم تتمنين ترجعين لليوم التذمرتي بي وتكولين ياريتني حمدت ربي وسكتت
اهم شي صحتج
ولا المال يتعوض
والحبيب يتعوض
والبيت يتعوض
كلشيي يتعوض بس راحة البدن متتعوض
تخيلي نفسچ بأبشع شكل مو مظهري وإينما جسدي
من تفقدين شي منج
بس من تتخيلين راح تخافين وتحمدين ربج
فـ عوفي التبطر والذمر من كلشي واحمدي ربج
الحمد لله
علمتني الحياة 🍁🧡
أن بين الفهم والوهم حرف
وبين الداء والدواء حرف 🍁🧡
وأن حروف الألم هي نفسها
حروف الأمل 🍁🧡
وعلينا أن نختار طريقنا حتى نكون مؤهلين 🍁🧡
لخوض معارك الحياة بحلوها ومرها
وهما طريقان ﻻ ثالث لهما
إما الحب أو الحرب 🍁🧡
وإما فهم سليم أو وهم سقيم
وإما دواء محيي أو داء مميت
علينا الإختيار
كونووو دائماً بخير ومبتسمين للحياة حتى تبتسم الكم
احبكم❤️
(الهاشمية)
