اللهم صلِ على محمد وآل محمد
من اين ابدا ومن اين انتهي
نقطة الاولى
اكو بعض العوائل معدهم اطفال
ويجي المقابل ينطي بنته او ابنه كـ هدية او استعطاف يعني يگول خطية اخوية ماعندة طفل صارلة كذا سنه خطية اختي تريد طفل راح انطي بنتي او ابني الهم يلتهون بي
هو لعبة حتى يتلهون بي ؟
لو شسالفة
هاي حياة شخص عمر من يكبر هم تصير عندة مشاعر واحاسيس
هم تريدون منه يصيحلكم امي وابوية؟
ليش هو انتو ربيتو تعبتو عليه؟
صرفتو عليه سهرتو عليه؟
ميصير اكبر غلط هذا الشي هي الذرية من الله تجي انتَ او انتِ تهدون اطفالكم ليش ياعيني
نقطة ثانية للمراهقات
نصيحة مني
لكل مراهقة لاتحبين بـ سن مراهقة لأن سن متقلب المزاج وطائش واكو بعض الوحوش يستغلون مشاعرج وقلبج النقي انتِ ماتعرفين نواياهم وتشوفيهم محبوبين وطيوبين ويحبوج بس العكس هم غايتهم يدمروج وهم هذا سن مزاجة مو واحد كل شهر يتغير رأيج بالشخص هالسنه حبيتيه سنة التجي مليتي منه لأن عقلج بعدة مو ناضج
ههههه
لحضة!!!!!!!!
نصيحه مني اني (الهاشمية)
لكل فتاة صارمه كـ امثالي يعني
خلي احلى شي بحياتج هي حب الحياة حب الضحك حب السعادة عيشي احلمي حققي احلامج ولا تخلين حلمج من المراهقة هو ادم خلي ادم هو الي يحلم بيج مو العكس!!!!
انشغلي بـ دراستج
واياج ثم اياج تستغلين حب اخوانج وابوج من حطو الموبايل بيدج لأن الثقة كـ زجاجة من تنكسر ماترجع وغلط غلط من تتواصلين وي شاب عن طريق برامج تواصل بأسم الاخوة وصداقة وبعدين يتحول الى حب
حب!!!!!!!!
حب!!!!!!!
حب!!!!!!!
ماكو شي اسمه حب الحب مو لعبة
بـ قوانين الحب تبادل نضرات العيون
وشعور المختلف
العيون هي تحجي عن الحب مو اصابع خلف الكيبورد وكلمات وهمية
الحب مو على الانترنت شوكت ماخلص اشتراكة يروح
شي ثاني يـ عمري ليش تكسرين ثقة اهلج لمن نطوج جهاز حبيبتي هذا جهاز للعلم وللتطور للوعي للثقافة حتى تطلعين على العالم اكثر
مو حتى تضيعين وقتج بأشياء تافهة
واذا اهلج مشافوج الله سبحانه يشوفج حلوو النقاء موو!
ماكوو حب بالانترنت ماكوو مستحيل ويجوز حتى صداقة لتثقين باليجي ويروح لأنهم اصدقاء برامج يختفون فجأة ويبقى بس حالة ضهورهم
اممم زين تحبون تقرون القصص؟؟
كم قصة قارين؟؟
اني قارية 83 قصة شوي موو ههههه
في امان الله
تحياتي لكم اختكم (الهاشمية)
