أليـــــس الحُسـَـــين هو الخَير كــُـــله إذاً
صَبــٰــــاح الحُسـَـــينٔ 🥀💜
صــبــاح الــخــيــر يــحــلــوييـــن ❤🍯
عود اليوم كعدت من وقت وحبيت اكتب بارت واقرة تلعياتكم الحلوة لأن شتاقيتلها يمكن حلمانه بيكم😂 وهيج اجيتكم من صبح
انتي من عشاق الكعدة من وقت لو لا
لازم منا وجاي كعدة من صبح لأن المدارس ع الابواب
اذا جنتي طالبة اتمنى الج كلل الموفيقة والنجاح الدائم
لو من بنوتات الي كاعدات بالببت لا شغل ولاعمل وعايفة مدرسة
اذا جنتي وحده منهن فــ يا حبيبة گلبي انتي اعتبريني اختج كاعدة يمج ودتنصحج ترى محد يفيدج صدگي لا اب لا ام ولا اخ ولا واحد شي الوحيد الي يفيدج هي شهادتج
اخوج شكد يبقى وياج؟ او شكد مايبقى وياج راح يجي يوم ويزوج ويلتهي وي اطفالة وزوجته
وابوج وامج الله يطول بعمرهم ويخليهم الج مباقيلج دوم ترى هذا واقع حال والله
اذا جنتي عايفة الدارسة ارجعيها واذا جنتي تفكرين بشي مثلا شلون راح تدرسين وشلون وشلون وشلون؟
باعي اول شي قدمي على امتحان الخراجي من ثالث متوسط اخذي شهادة الثالث هم وانزاااااح
ووين تروحين ؟
تكملين بس وراج طريق شوي طويل لو تردين تختصرين اذا تحبين تختصرين الطريق روحي معهد اي معهد يناسبج ويعجبج روحي ودرسي
كملتي معهد واخذتي شهادتج وتعينتي وحتى راتب صار الج
سلاح جدا قوي صار بأيدج وهي شهادتج احسن من كلشي
اكو بعض البنات طبعاً (البعض) تاركات دراسة من زمان وكاعدات بالبيت لا شغل لا عمل وينتضرن فارس الاحلام يجيج لو اكو تشتغل لمرت اخوها وصايره الها خدامه وتتمنى بأقرب وقت تتزوج وتخلص من هالعيشة الهي بيها
زين ليش حبيبتي شلج بهاي سالفة لحي على اهلج وكملي دراسة واعتمدي على نفسج كوني الج مستقبل حلو وهم طورتي من نفسج وصرتي شي مهم احسن من القوقعة الي عايشة بيها
من تطلعين وتدرسين تشوفين هاااااااي وووين انتي والديناااا ووووين شلون الكليات لو المعاهد تشوفين وتكولين ياريت لو من زمان راجعة للمدرسة لو ياريت لو متاركه اصلا واذا جان عندج ضروف ان شاء الله هسة خلصت
مرة ثانية اكولها الج شهادتج هي سلاحج وان شاء الله التوفيق والنجاح الدائم للكل
/_&*&*&*&*&*&*&*&*&*&*&*&*&*_\
اليوم جبتلكم يعساسيل فقرة جديدة ان شاء الله تعجبكم هههه طبعا هي اسئلة فقط الي بداخل عالم الواتباد وطبعا هو اول شي اني اجاوب وبعدين انتو
