الحلقة الأولي من رواية جمال الصدفة🤍

الحلقة الأولي🤍

الشخصيات
سيلين:بطلة الرواية
لبنة:بيست سيلين
سلمي اخت سيلين الصغيرة
امل :مامت سيلين
احمد:اخو سيلين
اماني :مامت لبنة
محمد :ابو لبنة
البداية:
كان في بنت بسيطة جدا وجميلة عايشة في بيت صغيرفي القاهرة مع مامتها واخواتها واسمها:سيلين
سيلين باباها كان ميت من وهي صغيرة سيلين كانت بتشتغل جرسونة في كافيه علي النيل وبعد الظهر كاشير في مطعم عشان تصرف علي مامتها واخواتها الصغيرين وكانت عندها حلم انها تكون مغنية وكان نفسها تحققوا اوي بس لسة ملقتش الفرصة المهم كان عندها صاحبة قريبة اوي منها وكان اسمها :لبنة كانت بتشتغل معاها في الكافيه وكانوا صحاب من أيام المدرسة
انهاردة الجمعة ولبنة راحت زارت سيلين في البيت عشان يدردشوا شوية لبنة كانت عاوزة تحكي موضوع مهم اوي لسيلين فبدؤا يتكلموا والموضوع كان طويل شوية

لبنة: انا امبارح شوفت زبون جديد في الكافيه عندنا بس كان شكلوا غني اوي وأمور كدة وشيك
سيلين: ها كملي مالوا بقا
لبنة:بصراحة حاسة كدة اني معجبة بيه
سيلين: انتي بتتكلمي بجد ولا بتهزري
لبنة: واللهي بتكلم بجد ومش بهزر
سيلين : وبقيتي معجبة بيه من امتي انشاء الله انتي مشوفتيهوش غير مرة واحدة بس وكانت امبارح
لبنة : معرفش بقا يا سيلي بس قوليلي طريقة اقدر  اتكلم بيها معاه
سيلين:لا لا انا مليش في مواضيع الحب والإعجاب دي خالص انا يدوبك بروح كل يوم الكافيه بعدها بروح المطعم وبعدها برجع البيت مش شايفة قدامي فبنام بقا من كتر التعب فمش هقدر أفيدك في الموضوع دة خالص
لبنة: طيب تمام يا سيلي بس انا بجد ارتحت لما حكيتلك

وبعدها لبنة روحت بيتها وسيلين راحت تتغدي مع عيلتها

ماما امل : كنتوا بتقولوا ايه كل الوقت دة انتي ولبنة
سيلين: مفيش كنا بنتكلم عن اللبس وأننا عاوزين ننزل سوا نشتري لبس الاسبوع الجي
ماما امل: طيب كلي انتي دلوقتي بس ونتكلم لما يجي الأسبوع الجي
سلمي (اخت سيلين): ماما وزعوا انهاردة علينا ورق للرحلة وانا عاوزة فلوس عشان احجز
ماما امل:الرحلة دي فين وبكام ؟
سلمي:في ملاهي كدة  وب200 جنيه
ماما امل: بجد غالية اوي حرام عليهم كل دي فلوس عشان رحلة لملاهي كتير اوي بجد
سلمي: يعني مش هروحها ولا ايه انا كل صحابي رايحين
ماما امل : لا دي غالية اوي مش هينفع تروحيها
سلمي وهي بتعيط: مليش دعوة انا عاوزة اروح
احمد : خلاص يا ماما انا كنت محوش شوية فلوس هديها منهم متزعليش يا سلمي بقا
سلمي:انت احلي اخ في الدنيا
                  ***********************
انهاردة السبت وسيلين راحت الكافيه ولبنة بتيجي وهي بتجري نحيتها وبتقولها:سيلين الحقي الزبون الي قولتلك عليه جه انهاردة كمان تعالي اوريهولك
سيلين : طيب يلا
لبنة وهي بتشاور عليه عشان توريه لسيلين ناداها الزبون
لبنة : يلهوي دة شافني وانا بشاور عليه وعايزني هعمل ايه دلوقتي !!!!!
سيلين: متخافيش وروحي ومش هيبقي في مشاكل انشاء الله وابقي ارجعي قوليلي قالك ايه
لبنة: حاضر ربنا يستر بس
وراحت لبنة للزبون وهي مرعوبة منوا
الزبون:مالك خايفة كدة ليه اهدي
لبنة: لا مفيش حاجة حضرتك نادتني ليه !
الزبون : انا شوفتك وانتي بتشاوري عليا فاستغربت اوي كنتي بتشاوري عليا ليه!
لبنة:ها...........انا كنت بقول لزميلتي تيجي تاخد طلب حضرتك عشان انا مشغولة مع زبون تاني
الزبون : طيب خلاص ولا يهمك اسمك ايه بقا؟
لبنة: اسمي...  لبنه
الزبون : الله اسمك حلو زيك بظبط
لبنة بعد ما اتكسفت واحمرت خدودها قالتلوا شكرا ومشيت راحت لسيلين
سيلين : ها ايه الي حصل احكيلي بالتفصيل
لبنة : دة طلع شخص لطيف اوي دة قالي أن اسمي حلو زيي وكان بيناديني اصلا عشان استغرب لما شافني بشاور عليه بس كدة
سيلين: طب معرفتيش اسموا ايه ؟
لبنة : لا تصدقي نسيت اسألوا بس هعرف قريب
سيلين : تمام يلا بقا نرجع لشغلنا عشان المدير لو شافنا بنتكلم سوا هيزعق جامد
لبنة : طيب سلام
سيلين : تمام
                     ********************
دلوقتي احنا بقينا بليل ولبنة اتأخرت علي البيت فلما روحت مامتها وباباها هزقوها عشان كانوا قلقانين عليها