-العرس-
وقعدت انا اسوي شعرها وشعري وعقب المكياج ولابست الفستان الاسود اللي على الجسم اللي خذتها من فرنسا اخر مره وخلصت المها ونزلنا تحت
ام المها: مشاءالله عليكم تجننون
هيا: مكشوره خالتي
امي: قمنا
ام المها: يلا
وطلعنا والمها كلش مالها خلق وتشوف جوالها وتقول اوف اوف بس طول الوقت طرشت لها على الواتساب عشان محد يحس
هيا: شفيج مهوي
المها: عبدالله
هيا: شفيه
المها: يقول ماتروحين العرس
هيا: زين ليه
المها: يقول مايبي حد يشوفني جي
هيا: هههه يحليله
المها: لا رجعنا البيت بقول لج بعد ايش قال
هيا: اوكي ابتسمي
المها: اوكي
ونزلنا العرس وطبعا مايصير اندخل الجوال حطيت جوالي في السياره ونزلت ودخلنا القاعه ورحنا انا والمها وقعدنا قدام اول طاوله عشان انشوف كل شي واضح طبعا امي وامها مايخلصون من السلام على الناس وعقبها قعدو معانا وبدا الحوار اللي مايخلص
المها: بدو امي وامج انشاءالله يسكتون قبل لا يسمعونهم الناس
هيا: ههههه سكتي بدش العروس
ودشت العروس وكل بنت تشوفها وماتزوجت تتمنى ان تكون بدالها وانا والمها ودنا ان انكون نفس مكانها
المها: متى انا
هيا: انشاءالله عقب الدراسه
المها: انشاءالله
وجا يدش المعرس ومعاه اهله وفجا المها
المها: عبدالله
هيا: شدخل
المها: شوفي والله عبدالله اعرفه
هيا: اي والله خلاص سكتي الحين
وقمنا وطلعنا وطول الطريق والمها ساكته وصلنا البيت
-مشكله المها وعبدالله-
دخلنا غرفتي بدون ماتبدل المها
المها: عبدالله وينك
عبدالله: راجع البيت
المها: انت كنت في العرس
عبدالله: اي ليه
المها: ليه ماقلت لي شفتك
عبدالله: انتي كنتي موجوده في هالعرس
المها: اي ليه ماقلت
عبدالله: عادي عرس واحد من اهلي
المها: اها اوكي
عبدالله: حبيبتي اسف
المها: لا عادي
وصكرت وجا دوري
هيا: ها
المها: خليني من هاي الموضوع
هيا: هلا قولي
المها: يقول لي ماتروحين امريكا
هيا: نعم
المها: اي اي بس انا حاولت معاه وشكله شوي بدا يرضى
هيا: اي زين تسوين حاولي
وقمت ابدل والمها بعد وقعدت المها تسولف مع عبدالله لين مااقتنع وقال لها انها تروح وهو كل اجازه يجيها ولا بيحاول يطلب ان يكمل دراسه برع
-لـيـه-
قمت الصبح وخذت شور وطلعت الا المها قامت وراحت البيت ولابست شي خفيف ونزلت تحتت والكل قاعد على طاوله الطعام الا
ابوي: يبه هيا بقول لج شي
هيا: هلا يبه
ابوي: ترا ولد عمج صالح تقدم لج واانا عطيتهم كلمه
هيا: يبه بس انا مافكرت ولا شي واصلا عندي دراسه وحاله وعقب يومين بسافر
ابوي: شوفي عاد انا ماقدر اقول شي لا تنسين اللي بيني وبين عمج ماقدر اقول لا وبعدين ترا بكره المجله وعقب بكره تسافرين معاه لا بعد هو بيكمل دراسه
*اللي بين عمي وابوي سوالف شركات لان عمي صالح مش اخو ابوي رفيج دنيا وفوق كل هاي غني غني مشاءالله عليه بس انا ماحب ولده من زمان لان هو الوحيد ودلوع وهو يكرهني وانا بعد *
هيا: يبه مايصير جي كل شي بسرعه
امي: انا الحين بقوم اوديج واخذي فستان بسيط واللي تبينه حق بكره
هيا: يمه انتي بعد
امي: اي ايش عاد يلا قومي وقولي حق مهوي خل تقول حق امها وانروح كلنا
وقمت من على الطاوله حسيت اني بموت حسيت اني مقهوره ماقدر اتكلم ظلم قهر غصه كل شي كلمت المها وانا اصيح
المها: شفيج
هيا: ابوي بيزوجني الدلوع الخايس
المها: عببدالعزيز
*عبدالعزيز اسمه جميل بمعنى الكلمه وراعي بنات والكل ميت على فلوسه طبعا وهو عادي عنده وكل شي عنده*
هيا: اي ياالمها شسوي
المها: والدراسه وشلون وقفيهم
هيا: ماقدر قال بيدرس معاي
المها: خلاص خلاص هيوه عورتي قلبي
هيا: قولي حق امج وتعالوا بنطلع بكره الملجه بروح اشوف لي فستان
المها: شنو شنو باجر مب من صجج شلون
هيا: بعد شسوي
المها: يلا قومي
ورحنا السوق وانا ولا كلمه وامي وام المها يخترون لي فستان وانا ماعجبني الا الاسود لان دنيتي كلها سوده من بكره كل شي بيصير في عيني اسود اي اسود وخلصت وقعدنا في مطاعم وانا من القهر مش قادره الكل والمها تحن علي وانا في عالم ثاني عالم وخلصنا ورجعت البيت
المها راقده عندي وتكلمني وانا ولا كلمه احس ان شلون بكمل كل شي مع واحد اكره ويكرهني رقدت وانا كلي دموع
