-امريكا-
خلصنا من المطار وكانت سياره تنطرنا عشان اروح ولايه اللي فيها المها وقعدنا حاولي ساعتين على ماوصلنا ونزلت مع المها الشقه
المها: مشاءالله وايد حلوه ومرتبه ياريت لو انتي معاي
هيا: لا تعورين قلبي اوف
وقعدت معاها انرتب الشقه وانسدحت لان وايد تعبانه عقب الساعات طويله وغفيت شوي وقمت على صوت الباب فتحت الباب الا
عبدالعزيز: مساءالخير
هيا: نعم
عبدالعزيز: شفيج انزين جاي اشوفج واخذج لان ابوي داق علي وقلت له معاج بس تدريين
هيا: ادري شنو
عبدالعزيز: تعالي ندخل شوي
دشيت وهو وراي والمها راحت داخل وقعدنا في الصاله
هيا: تفضل
عبدالعزيز: هيا انا خليت غرفه لي وغرفه لج
هيا: وايد احسن
عبدالعزيز: احسن لي بعد انا
هيا: انزين انطرني اخذ اغراضي واجي
عبدالعزيز: انا تحت
وسلمت على المها وقلت لها بس اوصل المكان اطرش لج مسج وانا كل يوم نكون على تواصل *وياريت ماقلت لها بتعرفون عقب*
ونزلت حق عبدالعزيز وركبت السياره الكشخه تعرفون عبدالعزيز مستحيل يركب اي شي
وتقريبا ساعه لين المكان الثاني اللي فيه الفندق على اساس شهر عسل ونزلت ورحت غرفتي وقعدت هناك ربع ساعه افكر وعقبها خذت شور وبدلت وقعدت على السرير افكر في بكره اول يوم دوام في الجامعه وخذاني النوم
*الجامعه*
قمت الصبح وخذت شور سريع وبدلت ولابست شي خفيف في نفس الوقت راقي وقمت سويت لي قهوتي اللي احبها وخذت شنطتي وطلعت الا
عبدالعزيز: زين طلعتي
هيا: وليه تنطر ادل ترا
عبدالعزيز: خير انشاءالله
ونزلنا تحت وركبنا السياره وقعدت اقرا اذكار الصبح وعبدالعزيز ساكت ومع الجوال الا
عبدالعزيز: في الجامعه احنا ربع اوكي لا متزوجج ولا شي اصلا انتي بروحج ماتبيني صح
هيا: اي والله لكن شاقول المهم اوكي احنا ربع وعيال عم بس
عبدالعزيز: اي اي اوكي اتفقنا بس في شي تعالي قولي لي
وصلنا الجامعه ونزلنا وكل واحد راح في صوب لنا هو في مكان وانا في مكان ثاني ودخلت المبنى اللي المفروض اكون في عشان التسجيل وقعدت فتره طويله لين جا دوري وسجلت المواد وكله خذتها من الساعه ١٢ الظهر عشان مااتعب وخلصت ورحت صوب المطاعم ومعاي الكتب وقعدت بروحي اشوف الكتب الا
