-غريبه-
قاعده كالعاده ادرس شوي واشوف شنو لي شوي الا طق الباب
- عبدالعزيز: هيا عادي
-هيا:شفيك قول
-عبدالعزيز: انام عندج اذا ماتبين عادي
-هيا مستغربه: اي عادي فيك شي
-عبدالعزيز: ها لا بس بنام
-هيا:اوكي بنام على الكرسي
-عبدالعزيز: لا انا بنام
-هيا: لا انت نام هناك
*حسيت فيه شي*
-عبدالعزيز: نامي جنبي
ماعرفت ايش أرد هو أنسدح وقعدت اشوفه هاي عبدالعزيز ولا حد ثاني
-عبدالعزيز: يلا
ورحت ورتبت أغراضي حق بكره وانسدحت بس بعيد هو رقد بس ورقدت انا وبعدها قمت على صوته
-عبدالعزيز: انا تعبان
-هيا:شفيك
وقمت ومسكت راْسه الا حرارته مرتفعة كنت حاسه ان فيه شي وخذت ماي بارد وحطيت على راْسه عشان تنزل الحرارة وقعدت لين الصبح
-هيا: بروح اجيب لك ثياب عشان انروح المستشفى
-عبدالعزيز: مايحتاج قعدي
-هيا: لا انطر شوي
ورحت اخذ الإثياب ورجعت وساعدته ان يلبس وخذته ورحت المستشفى وقعدنا ننطر الدور لين ماجا ودخلنا
-الدكتور: الحمدلله على سلامته بس ماخذ برد شوي بس بكتب له اجازه يومين ويتدفى عدل ويأكل عدل عشان الأدوى
-هيا: انشاءالله
وخذته ورجعنا البيت وديته غرفتي وقعدته ونزلت اسوي له شوربه عشان ياخذ الادوى ورجعت الا هو راقد ومتردده اقعده او لا مسكت راسه الا هو مسك أيدي وسحبتها
-هيا: يلا قوم عشان تشرب
-عبدالعزيز: هيا مالي خلق
-هيا: عفيه يلا قوم
وخذت الشوربه وقعدت اشربه وعقبها عطيته الادوى وقعدت أفكر * اي حسيت بشعور اتجاه بس ماعرف شنو* ومارحت الجامعه وكلمت منار وقلت لها
-هيا: منار انا يومين مش جايه
-منار: شفيج عسى ماشر
-هيا: ماشر بعدين اقول لج
-منار: دزي لي عنوان بيتج اجاي الحين
-هيا:ماله داعي
-منار: يلا
ودزيت لها ..
- مادري ايش احس-
وصلت منار وسلمت عليها وقعدنا في الصاله اللي فوق عشان اسمع عبدالعزيز اذا يبي شي لام طلعت من عنده راقد وقلت لهم يسون الشاي والكيك
-منار: قولي شفيج
-هيا: مادري ايش اقول لج
شوي الا صوت عبدالعزيز وقمت ورحت له وقلت له ان عندي صديقتي وشفت حرارته وشغلت له التلفزيون وعطيته جواله ورجعت حق منار
-منار: هاي صوت عبدالعزيز اعرفه
-هيا: اي
-منار: شيسوي عندج
-هيا: هو ولد عمي يعني مش ابوي وابوه اخوان دنيا بس انا تربيت مع عبدالعزيز يعني صديقي اللي ماقدر استغنى عنه *كذب*
-منار: وليه ماقلتي عشان تعرفيني عليه
-هيا:ههههه مره ثانيه
-منار: خلينا ليه مب جايه
-هيا: هو مريض وماعنده الا انا وانا احب ابوه وايد وعدته ان أكون معاه دايم عشان جي
-منار: تنامون مع بعض
-هيا: استغفرالله شفيج انا قسمي بعيد شفتي الصوب الثاني انا هناك * الكذبه الثانيه*
-منار: انا اقول انتي ماتسوينه
-هيا: اي بعد هاي اللي ناقص انا حبيبتي محترمه نفسي وماعندي هالسوالف لو ابي جان من زمان مب الحين
-منار: اي والله صح على العموم اهم شي انتي مافيج شي وهو سلامته بمرج بكره اقعد معاج
-هيا: حياج بس كلمنيني وتعالي
-منار: انشاءالله
وطلعت منار ورحت حق عبدالعزيز وانا وايد تعبانه وهو حرارته وارتفعت بعد وقعدت عنده وعطيته الادوى ورقد مره ثانيه جا الليل وانا معاه وهو كل ساعه يرقد ويقوم وانا معاه
وأحاول أكلم المها بس ماترد وقلت اكيد ان مشغوله في شي ثاني * بس لا بتعرفون عقب* وقمت خذت شور ولابست ونزلت تحت اجيب العشا حق عبدالعزيز وقام واكلته وعطيته الادوى ورقد وكان هاي الساعه١٠ وانسدحت على الكرسي *شفيني ليه خايفه عليه هالدرجه ليه ليه ماقدر حتى اروح الجامعه واخليه ليكون لا لا أصلا هو كريه مستحيل* ورقدت
- تغير شوي -
قمت الصبح الا عبدالعزيز محد قمت ادوره ادوره رحت غرفته الا قاعد هناك
-هيا: شفيك فيك شي
-عبدالعزيز: لا بس قلت أجي اخذ شور لان اليوم الافتتاح نسيتي
- هيا: اي صح بس انت تعبان مايصير
-عبدالعزيز: لا أوكي لا تحاتين انتي روحي واجهزي
-هيا: اوكي
وطلعت ورحت اخذ شور وارتاح واشوف شنو بلبس وشنو بسوي والمكياج لان الافتتاح بدري الساعه ٤ العصر وفكرت واتصلت على المها ماترد مره مرتين ردت
-هيا: وينج انتي ها خرعتيني عليج
-المها: اوه عاد مشغوله تعرفين
-هيا: خلي عنج شخبارج شمسويه من جنبج
*اسمع اصوات جبنها*
-المها: بخير محد ويلا بعدين أكلمج باي
وصكرت ماعرف شفيها اكيد مشغوله في الجامعه بس مش اسلوبها معاي جي يلا يمكن عندها شي انا بروح لها عقب بكره الصبح وقمت وخذت الاكل ورحت اوديه حق عبدالعزيز وعطيته الادوى ورجعت ابتدي في الكشخه وخلصت الا دش
-عبدالعيزيز: مشاءالله يلا بنروح
-هيا: يلا
ونزلنا وركبنا السياره
-هيا: يعني انا مش متعوده على جي احس مادري شلون
-عبدالعزيز: لا تحاتين مافي شي
-هيا: اوكي
وصلنا ونزلت ودشينا وعبدالعزيز راح يخلص شغله وكانت احلى قاعه شفتها من ترتيب واكل وعزف هادي شي خيال ورحت وقعدت على طاوله بروحي واشوف عبدالعزيز من بعيد وفي ناس عقب جاو اقعدو الا
-البنت: انتي مرت عبدالعزيز
-هيا: اي
-البنت: مشاءالله عليج جميله
-هيا: عيونج اجــمــل
-البنت: بس من دخلتوا وانتوا من مع بعض
-هيا: لا يعني انا ماحب الشغل وجي وماعرف
* يمه منج متى شفتي هه*
-البنت: طيب
وقعدت شوي الا
-الرجال: استاذ عبدالعزيز يقول أوديج البيت
-هيا: ليه يعني
-الرجال: ماقال لي
-هيا:طيب
ورجعت البيت وقعدت انطره لين فليل ولا جا ورحت خذت شور وعقبها طلعت وانسدحت على السرير ونمت وقمت الساعه ٩ الا عبدالعزيز نايم احذاي قمت بسرعه رحت أبدل ورجعت الا
-عبدالعزيز: على وين
-هيا: عند المها
-عبدالعزيز: اوكي تيك كير
-هيا: انت بعد
وخذت أغراضي ورحت ..
