- يوم جديد-
قمت على الساعه ٩ وسويت لي ريوق والقهوه اللي احبها وقعدت اكل وبعدها اتصلت على المها
المها: هلا هلا
هيا: أهلين بقول لج
المها: قولي
هيا: انا بروح بيت عمي
المها: وين هاي
هيا: بس أوصل بطرش لج
المها: زين عشان اجيج فليل بكره اجازه
هيا: اوكي
وصكرت منها وقمت أبدل وأروح الجامعه حق البنات ونزلت تحت وركبت مع عبدالعزيز
عبدالعزيز: صباح الخير
هيا: صباح النور
وسكتنا كالعاده وصلنا الجامعه ورحت حق البنات
منار: هلا هلا
هيا: أهلين عليا وين
عليا: اكاني
منار:ههه بسم الله
هيا: شخباركم
منار وعليا: بخير دامج بخير
وقعدنا سوالف وتعرفنا على بعض اكثر وخلصنا ودشينا الكلاس وخلصت على الساعه ٤ وقعدت انطر عبدالعزيز وأكمله واطرش له ولا يرد خذت السياره ورجعت الفندق ..
- البيت -
طبعا عقب ماخلص عبدالعزيز من سوالفه رجع الفندق وطق الباب
هيا: هلا
عبدالعزيز: أسف كنت مشغول
هيا: لا عادي مشغول ف البنات
عبدالعزيز: احترمي نفسج
هيا: هههههه اوكي
عبدالعزيز: يلا بنروح
هيا: انا جاهزه
عبدالعزيز: زين يلا
وطلعت وركبت السياره ورحنا البيت اقصد القصر مشاءالله كبير وايد شلون بعيش أهنيه بروحي بدون حد ولا عبدالعزيز محد يالله
عبدالعزيز: شوفي كل شي تبينه بيجيج وتبين تروحين وترجعين على كيفج وعندج خدامتج الخاصة هي اللي تسوي كلل شي
هيا: مشكور
عبدالعزيز: العفو
ودخلنا وجات الخدامه وخذت أغراضي ورحت غرفتي وخلصت وعقب جا وقت العشا ونزلت تحت اول شي قعدت تقولي كل شي عن البيت ولا طلبت ان كل يوم الريوق في الحديقة الا
عبدالعزيز: يلا نبي نأكل
هيا: زين
* اوف منك *
قعدت وهو قاعد الطاوله كبيره بس هو قاعد قدامي ويأكل وانا اكل وساكته
