الساعه١٠ الصبح.
ماكنت رايح المعمل الكولا بيومها لان كان عدي تحضيرات تخص ميلادها
اول مره نحتفل سوه رغم بطفولتنا نحتفل بي بس جنت بغير مشاعر
كعدت متلهف بين تحضير الغده والشي اللي هي تحبه.
ماعرف شنو اجيب هواي شغلات تفضلها بس اكو مطعم تحبه كلش رحتله ووصيت من كلشي قطعه صغيره صينيه. مرتبه. منوعه. وخلصت من الغده
رغم كانت محضره قبل بيوم بالثلاجه الغده بس ماكتلها. لا لتسوين عفتها تنسى
وصيت الكيكه كانت شكل اللولو كاتي مثل مكانت تحب بصغرها ومحشيه جوكليت
الكتاب استلمته والغلاف صار صورتنا عليه بصغرنا بعرس من الاعراس اني وياها وعمتي
وصورتنا. بعرسنا واني اكل بوجهه بعيوني
غلفته بصوره بسيطه نفس بساطتها
وحضرت الزينه ببساطه كرزات وجبس ونفاخ. من اباوع الهول. انترس وصار حلو طفيت الضوايات وخرت الشموع ونزلت اجيب الغده والكيك
جبته وصعدت بقيت كاعد متحضر واعاين من البلكون
بالعاده صارت تجي قبلي لان اخذت شفتين بالمعمل كوني اضوج من الكعده
ولمحتها دتنزل من سياره. صديقتها ودتطب العماره.
اليوم اخر يوم دوام رغم كورونا. لكن جامعتهم ماتركت البحوث الاجتماعيه. كل فتره والحمد لله من طلعت بهاليوم
صعدت تفتح بالباب بالمفتاح وطبت حنت خاتل وره البرده نزلت الكمام وشغلت الاضاءه
واسمع شهكتها وخنست تتلفت
تقربت للميز
بقيت بختلتي
همست
مال عيد ميلادي اي والله اليوم عيد ميلادي
صاحت
يماننن- يمان وينك
طبت للغرفه وطلعت رجعت وكفت يم الميز ولمحت مغلف الهديه مدت ايدها بتردد فتحت الشريط
وطلع الكتاب
القصه اللي تضم كل مشاعري بيها
كلبت بي مستغربه بعكده حاجبه متسائله وترجع تعاين عالغلاف
ورجعت على اول ورقه
الاهداء
والمقدمه
يامن اهدتني سكينه بعد فوضى روحي المبعثره
يامن طابت نفسي بين اضلعها
يا هاجزي واحساسي المولود باقصى اوقات حياتي رعبا
يا خليله قلبي وقالبي وطفولتي وصباي وشبابي
سنا. عمري وبهيتي وبهوي وبهاءي
تقبلي مني الاهداء
عل روحك ترضى عن اخطاء روحي.
اقراءي وتمعني بعذابي علك تغفرين. ذنبي
تحسسي واستشعري مايضم قلبي من مشاعر
ان كنت ابخل بالكلام. فها انا ادون ما اشعر
شكر لك
يمان
قرتها تبتسم وكعدت ذبت حجابها وسترتها لزمت بطنها توها تقره اول صفحه
وتلفوني دك
فضحني
