#تحت_خط_الصفر
#بارت ١٤
#مريم_السعدي
أسبوع مر
خميس على جمعه والوالد بلغنا انه اجر كيه وعزم العمه انعام وابن عمه والحجيه وسنا ولمى وزوجها ومها وخالد واني ومرت ابويه وهو وعلي وجهاله بسيارته
طلعنا الفجر
والدي جان كاعد بصفي
اما اني كان احساسي مثل المشتاق اللي يخاف يلتقي وي حبيبه
حتى سنا كاعده ورايه مستشعرت وجودها اعاين عالشباك ووالدي بصفي كل حسره يجرها توجع كلبي
النسوان تسولف وتضحك وتصنف الاصوتها مسمعته
قريب مدنوصل لوحه مكتوب
النجف٣٠ كم
لو گلبي انقبض
كمت اباوع لبيبان السياره اريد تنفتح
كذب ماريد اروح
ماريد اشوفهم بمگبره
خليهم بمخيلتي
ماريد اروح
كمت الوب ابويه حس بيه
- ها يابه شبيك
- يابه ااوكف وكف السياره
- وين ابني بعد ووصلنا
- حجي كوله يوكف بروح امي مداكدر
ضاق نفسي ورجعت حاله الرعشه عدي واتلفت اريد فتحه اريد هوا اختنكت
صحت بعصبيه محسيت بروحي
- اوووكف
السايق فز وشحطها ببريك قوي صاح
- شكو
كمت ركض واريد افك الباب متنفتح كمت اضرب عالقفل
وافتح ميفتح
حيلي راح ورايه ابويه فتحها ونزلت ركض كبالي رصيف كعدت واشتم الهوا بكل قوتي وارتعش نزل ابويه غسل وجهي واهز براسي بالرفض
ابويه كلي
- ها حبيبي احسن
- يابه ماروح كملو زيارتكم راجع اني
- لاابني لا على حسابك اجينا
باوع لبطن السياره مرت ابويه وخواتي وعمه انعام سألو شبي
رفعت راسي نزلت عمه انعام بيدها بطل مي بارد كالت
- اشرب يمه اشرب كوم اني وياك
- لاعمه فدوه اخذهم حجي وروح لتضغط عليه
طبكت سياره علي ونزل كال
- هاا.... حبله وتلعب نفسك يول
باوعتله ونصيت راسي
خله ايده على جتفي كال خلي ام سجاد بالسياره وانت ويايه كوم
- لا ماروح ماكدر علاوي
- ميهم كوم ويايه نعوفك هنا قاااابل جول يول يسلبوك
- دعوفني علي هسه اخذ تكسب وارجع
- دكوم وين اكو تكاسي هنا
- ام سجاد نزلي وي النسوان ديجي يمان ويايه
وباوع لبطن الكيه مها تعاين بقلق باوعتلها بصفها سنا تباوعلي بقلق وتدير وجهه من ارفع راسي
