ﻣﻨﻘــﻮﻟﺔ
# ﻧﺎﺯﺣﻪ _ ﻳﺎﻃﻴﺎﺡ _ ﺳﻊﺩﻱ
ﺍﻟﺤﻠﻘﻪ ﺍﻟﺜﺎﻧﻴﻪ
ﻋﺎﺋﺸﻪ : ﻧﻲ ﺍﻧﺮﻥ ﻋﻠﻴﻚ ﻣﺘﺮﺩﺵ؟
ﻧﺪﻱ : ﺣﻮﺷﻨﺎ ﻣﻔﺶ ﺗﻐﻄﻴﻪ ﻭﺑﻌﺪﻳﻦ ﺍﻣﺲ ﺭﻭﺣﺖ ﻣﻦ ﺟﺎﻣﻌﻪ ﺗﻌﺒﺎﻥ ﺭﻗﺖ
ﻭﻓﻲ ﻋﺸﻴﻪ ﻗﺮﺍﻳﻪ ﻣﻔﻀﻴﺘﺶ
ﻋﺎﺋﺸﻪ : ﺭﺑﻲ ﻳﻮﻓﻘﻚ ﺑﻴﺒﺘﻲ ﻃﻤﻨﻴﻨﻲ ﺗﺸﻮﻓﻲ ﻓﻲ ﺍﺣﻤﺪ؟
ﻧﺪﻱ : ﺍﻫﺎﺍ ﺍﻧﺸﻮﻑ ﻓﻴﻪ
ﻋﺎﺋﺸﻪ : ﺍﻣﻤﻢ ﻣﺤﻜﺶ ﻋﻠﻴﺎ
ﻧﺪﻱ : ﻻ ﺻﺢ ﻗﺒﻞ ﻳﺴﺄﻝ ﻋﻠﻴﻚ ﺑﺲ ﺗﻮﺍ ﻣﻌﺶ ﺳﺎﻝ ﺑﺼﺮﺍﺣﻪ ﻳﺎﻋﻴﻮﺷﻪ ﺑﻨﻘﻮﻟﻚ ﺣﺎﺟﻪ
ﻋﺎﺋﺸﻪ " ﺧﻴﺮ ﻗﻮﻟﻴﻠﻲ؟
ﻧﺪﻱ : ﻓﻮﺗﻴﻪ ﺍﺣﻤﺪ ﻣﺘﺎﻉ ﺑﻨﺎﺕ ﺭﺍ ﻭﺟﺎﻣﻌﻪ ﻛﻞ ﻣﺮﻩ ﻣﻊ ﻭﺣﺪﻩ ﻧﺎ ﺑﻨﻘﻮﻟﻚ ﻣﻦ ﻓﺘﺮﻩ
ﺑﺲ ﺧﻔﺘﻚ ﻣﺘﺼﺪﻗﻴﺶ
ﻋﺎﺋﺸﻪ : ﺑﻠﻜﻲ ﺯﻣﻴﻼﺗﻪ؟؟
ﻧﺪﻱ : ﺍﻧﺘﻲ ﻋﺎﺭﻓﻪ ﺻﺢ ﻧﺤﻨﺎ ﻭﺍﺟﺪﻳﻦ ﻓﻲ ﻛﻠﻴﺔ ﺍﻻﻗﺘﺼﺎﺩ ﺑﺲ ﺷﺒﻪ ﻧﻌﺮﻓﻮ ﺑﻌﻀﻨﺎ
ﻭﺍﻟﺸﺒﺎﺏ ﺍﻟﻠﻲ ﻛﻞ ﻣﺮﻩ ﻣﻊ ﻭﺣﺪﻩ ﻣﻌﺮﻭﻓﻴﻦ ﺑﻜﻞ ﻏﺎﺩﻱ ﻭﻧﻔﺲ ﺍﻟﺸﻲ ﺍﻟﺒﻨﺎﺕ
ﻳﻌﻨﻲ ﺍﻣﻤﻢ ﺍﻧﺘﻲ ﺑﻨﺖ ﻋﻤﻲ ﻭﻏﺎﻟﻴﻪ ﻋﻠﻴﺎ ﺍﺣﺴﻦ ﺣﺎﺟﻪ ﺍﻧﻚ ﺗﻨﺴﻴﻪ ﻳﻌﻨﻲ ﻣﺎﺷﺎﺀﺍﻟﻠﻪ
ﺗﻘﺮﻱ ﻃﺐ ﺗﻮ ﺑﻜﺮﻩ ﺗﺨﺸﻲ ﺟﺎﻣﻌﺔ ﺍﻟﻌﺮﺏ ﺍﻟﻄﺒﻴﻪ ﻭﺗﻠﻘﻲ ﺩﻛﺎﺗﺮﻩ ﻃﺮﻭﻑ
ﻭﺷﻬﺎﺩﺗﻬﻢ ﺳﻤﺤﻪ ﺍﺣﻤﺪ ﺷﻠﺘﻮﺕ ﻣﺶ ﻟﻚ ﺑﻜﻞ
ﻋﺎﺋﺸﻪ : ﺑﺲ ﻧﺎ ﻧﺤﺒﻪ ﻳﻌﻨﻲ ﻧﺎ ﺍﺣﻤﺪ ﻧﺤﺒﻪ ﻟﻴﺎ ﺯﻣﺎﻥ ﻣﻦ 2 ﺍﻋﺪﺍﺩﻱ ﻟﻴﺎ 5 ﺳﻨﻴﻦ
ﻭﻧﺎ ﻧﺤﺒﻪ ﻭﻧﺤﺲ ﻓﻴﻪ ﻳﺒﺎﺩﻟﻨﻲ ﻧﻔﺲ ﺍﻟﺸﻌﻮﺭ ﺍﻟﻴﻮﻡ ﺗﻼﻗﻴﻨﺎ ﻣﻌﺎﻩ ﻓﻲ ﺻﺒﺢ
ﻟﺤﻘﻨﻲ ﻟﻌﻨﺪ ﺍﻟﻤﺪﺭﺳﻪ ﻭﻓﻲ ﺷﺎﺏ ﺟﺎ ﻗﻌﺪ ﻳﻨﺎﺑﺶ ﻧﺰﻟﻪ ﻫﺰﺑﻪ ﻭﻗﺎﻟﻪ ﺷﻮﺭﻱ
ﻭﻗﻌﺪ ﻳﻠﺤﻖ ﻓﻴﺎ ﻟﻌﻨﺪ ﻣﺎﻭﺻﻠﺖ ﻳﻮﻣﻴﺎ ﻳﺮﺍﺟﻲ ﻓﻴﺎ ﻟﻌﻨﺪ ﻣﺎﻧﻨﺰﻝ
ﻋﺸﺎﻥ ﻳﺸﻮﻓﻤﻲ ﻣﻌﻘﻮﻟﻪ ﺻﺪﻑ؟؟؟
ﻧﺪﻱ : ﻧﺎ ﻗﺒﻞ ﻣﻨﺒﻴﺶ ﻧﻘﻮﻟﻚ ﺑﺲ ﺻﺤﺒﺎﺗﻲ ﻗﺎﻟﻠﻲ ﺍﺣﻜﻴﻠﻬﺎ ﻻﻥ ﺣﺮﺍﻡ ﻭﻟﻮ ﻣﺤﻜﻴﺘﺶ
ﺿﺮﻱ ﺑﻨﺖ ﻋﻤﻚ ﻳﺎﺭﻭﺣﻲ ﺗﻤﻨﻴﺖ ﻧﻘﻮﻟﻚ ﺍﻥ ﻫﻮﺍ ﻛﻮﻳﺲ ﺑﺲ ﻫﻮﺍ ﻫﻜﻲ
ﻣﺸﻜﻠﺔ ﺍﻟﺸﺒﺎﺏ ﻣﻴﺤﺒﻮﺵ
ﻋﺎﺋﺸﻪ : ﺑﺎﻫﻲ ﺑﻨﻌﺪﻱ ﺍﻧﺼﺒﻠﻜﻢ ﻋﺼﻴﺮ
ﻃﻠﻌﺖ ﻭﻣﻀﺎﻳﻘﻪ ﻟﺤﻘﺖ ﻋﻠﻴﻬﺎ ﻣﻼﻙ
ﺧﺸﺖ ﻋﻮﻳﺸﻪ ﻟﻠﻤﻄﺒﺦ ﻭﻧﺰﻟﺖ ﺍﻟﻄﻮﺍﺳﻲ ﻣﻦ ﻓﻮﻕ ﺍﻟﺪﻭﻻﺏ
ﻣﻼﻙ : ﻛﻨﻚ ﻗﺎﻟﺒﻪ ﻭﺟﻚ ﺷﻦ ﻗﺎﻟﺘﻠﻚ ﻧﺪﻱ؟
ﻋﺎﺋﺸﻪ : ..........
ﻣﻼﻙ : ﺳﻴﺒﻲ ﺍﻟﻠﻲ ﻳﺪﻙ ﻭﺍﺣﻜﻲ؟
ﻋﺎﺋﺸﻪ : ( ﺗﺒﻜﻲ ) ﻗﺎﻟﺘﻠﻲ ﻛﻞ ﻣﺮﻩ ﻣﻊ ﻭﺣﺪﻩ ﻓﻲ ﺟﺎﻣﻌﻪ ﻭﻗﺎﻟﺘﻠﻲ ﺍﻥ ﻣﺤﻜﻠﻬﺎﺵ ﻋﻠﻴﺎ
ﻣﻼﻙ : ﺻﺪﻗﺘﻴﻬﺎ؟؟؟
ﻋﺎﺋﺸﻪ : ( ﺗﺒﻜﻲ ) ﻭﻋﻠﻴﺶ ﺑﺘﻜﺬﺏ ﺷﻦ ﻣﺼﻠﺤﺘﻬﺎ؟
ﻣﻼﻙ : ﻣﺘﺼﺪﻗﻴﻬﺶ
ﻋﺎﺋﺸﻪ : ﺗﻘﻮﻟﻚ ﻣﺘﺎﻉ ﺑﻨﺎﺕ ﻳﻌﻨﻲ ﻳﻜﺬﺏ ﻳﻘﻮﻝ ﻳﺤﺒﻨﻲ ﻭﻫﻮ ﺑﻴﻜﺴﺪ
ﻣﻼﻙ : ﻭﻟﻮ ﻳﻜﺴﺪ؟؟ﻋﺎﺩﻱ ﺍﻗﻘﻌﺪﻱ ﺷﺎﻃﺮﻩ ﻭﺍﺗﺴﻤﻌﻲ ﻛﻼﻣﻪ ﻭﻫﻮﺍ ﺗﻮ ﻳﺤﺒﻚ
ﻋﺎﺋﺸﻪ : ﻧﻘﻮﻟﻚ ﻣﺘﺎﻉ ﺑﻨﺎﺕ؟؟
ﻣﻼﻙ : ﻓﻜﻴﻪ ﻣﻨﻬﻦ ﻛﻨﻚ ﻫﻜﻲ ﺍﻧﺘﻲ؟؟ﻟﻮ ﻳﺤﺐ ﺑﻨﺎﺕ ﻛﺮﻫﻴﻪ ﻓﻠﺒﻨﺎﺕ ﺗﻮﺍ ﺍﻟﻤﺠﻮﺯﻳﻦ
ﻳﻔﻜﻮ ﻓﻴﻬﻢ ﻓﻤﺎﺑﺎﻟﻚ ﺍﺣﻤﺪ
ﻋﺎﺋﺸﻪ : ﻣﻨﺮﺿﺶ ﻧﺮﺗﺒﻂ ﺑﻮﺍﺣﺪ ﻛﻞ ﻣﺮﻩ ﻣﻊ ﺑﻨﺖ ﻣﻨﺒﺶ ﻳﻀﺤﻚ ﻋﻠﻴﺎ
ﻣﻼﻙ : ﺍﺳﻤﻌﻲ ﺍﺣﻤﺪ ﻭﻟﺪ ﻧﺎﺱ ﻭﻧﻌﺮﻓﻮﻩ ﻛﻮﻳﺲ ﻭﻧﻌﺮﻓﻮ ﻫﻠﻪ ﻭﺧﻮﺍﺗﻪ ﻧﺎﺱ ﻛﻮﻳﺴﻴﻦ
ﻭﺍﺣﻤﺪ ﻣﻬﺘﻢ ﺑﻴﻚ
ﻋﺎﺋﺸﻪ ...........:
~
~
~
~
ﺍﻧﺎ : ﻫﺎﺍ؟؟؟
ﻧﻮﺍﺭﻩ : ﺗﻤﺎﻡ ﻭﺍ؟
ﺍﻧﺎ : ﺗﻤﺎﻡ ﻫﻴﺎﺍﺍ
ﻣﺎﻣﺎ : ﻫﻴﺎ ﺑﺎﺗﻚ ﻟﻮﻃﻪ
ﻧﺰﻟﻨﺎ ﻧﺎ ﻭﻣﺎﻣﺎ ﻭﻣﺮﺕ ﻋﻤﻲ ﺍﺑﻠﻪ ﺣﻠﻴﻤﻪ ﻭﺑﻨﻬﺎ ﻧﻮﺭﺍﻩ
ﺷﺎﻟﻨﺎ ﺑﺎﺑﺎ ...
ﻭﺻﻠﻨﺎ ﻧﺰﻟﻨﺎ ﻟﻠﻘﺎﻋﺪ ﻭﺧﺸﻴﺖ ﻧﺎ ﻭﻧﻮﺍﺭﻩ ﻟﻠﺤﻤﺎﻡ ﻭﺍﺳﻨﺎ ﺍﻟﻤﻜﻴﺎﺝ
ﻭﺧﺸﻨﺎ ﺗﻌﺸﻴﻨﺎ
ﻧﻮﺍﺭﻩ : ﺷﻦ ﺟﻮ ﺍﻟﻜﻠﻴﻪ؟
ﺍﻧﺎ : ﻣﺰﺍﻁ ﻛﻴﻒ ﻗﺒﻞ ﺍﻻﺳﺒﻮﻉ ﺍﻟﺠﺎﻱ ﺍﻣﺘﺤﻨﺎﺕ ﻭﺍﻧﺘﻲ؟؟
ﻧﻮﺍﺭﻩ : ﺗﻤﺎﻡ ﻣﻌﻬﺪ ﻛﻮﻳﺲ ﺑﺲ 3 ﻟﻴﺎﻡ ﻓﻲ ﺍﻻﺳﺒﻮﻉ ﻣﺶ ﻳﻮﻣﻴﺎ
ﻣﻠﻞ ﻓﻲ ﺣﻮﺵ
ﺍﻧﺎ : ﺧﺸﻲ ﺍﻧﺠﻠﻴﺰﻱ؟
ﻧﻮﺍﺭﻩ : ﻻ ﻭﺍﻋﺮﻩ ﺍﻧﺠﻴﺰﻱ ﻭﻣﻌﻬﺪ ﻫﻨﺪﺳﻪ
ﺍﻧﺎ : ﺻﺪﻗﻲ ﺷﻦ ﺟﻮﻭ ﺳﻠﻴﻤﺎﻥ؟
ﻧﻮﺍﺭﻩ : ﺗﻌﺮﻛﻨﺎ ﻟﻨﻪ ﺍﺳﺒﻮﻉ ﻣﻨﺤﻜﺶ ﻣﻊ ﺑﻌﻀﻨﺎ
ﺍﻧﺎ : ﻛﻨﻜﻢ؟؟
ﻧﻮﺍﺭﻩ : ﺑﻴﻨﻲ ﻭﺑﻴﻨﻚ ﻧﺒﻲ ﻳﺠﻲ ﻳﺨﻄﺐ ﺗﻲ ﻣﻠﻴﺖ ﻗﺮﻳﺐ ﺳﻨﺘﻴﻦ ﻋﻼﻗﻪ
ﻭﻧﺎ ﻣﺶ ﺍﺻﻐﻴﺮﻩ ﻧﺤﻨﺎ ﻛﺒﺮﻧﺎ
ﺍﻧﺎ : ﺻﺢ ﻛﺒﺮﻧﺎ ﺑﺲ ﺍﻧﺘﻲ ﻭﺳﻠﻴﻤﺎﻥ ﺗﺤﺒﻮ ﺑﻌﻀﻜﻢ ﺍﺻﺒﺮﻱ ﻋﻠﻴﻪ
ﻧﻮﺍﺭﻩ : ﺗﻲ ﻫﻤﺎ ﺑﺎﺭﺩﻳﻦ ﻳﺎﺟﻴﻬﺎﻥ ﻟﻮ ﻣﻨﻀﻐﻄﺶ ﻋﻠﻴﻪ ﻣﺴﺘﺤﻴﻞ ﻳﺠﻲ ﻳﺨﻄﺒﻨﻲ
ﺍﻧﺎ : ﺍﻓﻔﻔﻒ ﺭﺑﻲ ﻳﻬﺪﻳﻪ
ﻧﻮﺍﺭﻩ : ﺍﻧﺘﻲ ﻣﺰﻟﺘﻲ ﻣﻌﺼﻴﻪ ﻓﺶ ﺣﺎﻟﺠﻪ ﺟﺪﻳﺪﻩ
ﺍﻧﺎ : ﺟﻔﺎﻑ ﻋﺎﻃﻔﻲ ﻫﻬﻬﻬﻬﻪ ﻻ ﻣﻔﺶ
ﻧﻮﺍﺭﻩ " ﺣﺘﻲ ﺍﻋﺠﺎﺏ؟؟
ﺍﻧﺎ : ﻣﻔﺶ ﺣﺘﻲ ﺍﻟﻠﻲ ﻧﻨﻌﺠﺐ ﺑﻴﻪ ﻳﻄﻠﻊ ﺍﻋﺠﺎﺑﻲ ﻣﻦ ﻃﺮﻑ ﻭﺍﺣﺪ
ﻧﻮﺍﺭﻩ : ﺑﺎﻫﻲ ﻣﻌﻘﻮﻟﻪ ﻣﻔﺶ ﻣﻌﺠﺒﻴﻦ ﻓﺠﺎﻣﻌﻪ؟
ﺍﻧﺎ : ﻳﺒﻴﻮ ﻳﻜﺴﺪﻭ ﻫﺪﺭﺯﻱ ﻣﻌﺎﻫﻢ ﻭﻗﻤﻌﺰﻱ ﻣﻌﺎﻫﻢ ﻭﺩﻗﻲ ﺣﻨﻚ ﻭﺧﻼﺹ
ﺗﺸﻮﻳﻪ ﺳﻤﻌﻪ ﻣﺶ ﺍﻛﺜﺮ
ﻧﻮﺍﺭﻩ : ﺑﺲ ﺍﻧﺘﻲ ﺣﺘﻲ ﺧﻄﺒﻪ ﺗﺮﻓﻀﻲ ؟؟
ﺍﻧﺎ : ﻭﻣﺎﻣﺎ ﺳﺎﻛﻨﺘﻠﻲ ﻉ ﻣﻮﺿﻮﻉ ﻫﺬﺍ ﺍﻟﻤﺸﻜﻠﻪ ﻣﻨﺘﺮﻳﺤﺶ؟
ﻧﻮﺍﺭﻩ : ﻭﻋﻠﻴﺶ؟؟
ﺍﻧﺎ : ﻣﺶ ﻋﺎﺭﻑ ﻣﺶ ﺧﺎﻃﺮﻱ ﻧﺰﻭﺝ ﻫﻜﻲ ﻳﻌﻨﻲ ﺧﺎﻃﺮﻱ ﺣﺪ ﺭﺍﺟﻞ
ﻋﺎﺭﻓﻪ ﻳﺎﻧﻮﺍﺭﻩ ﺷﻦ ﻣﻌﻨﻲ ﺭﺍﺟﻞ ﺗﻲ ﻭﺍﺣﺪ ﻫﻜﻲ ﺟﻨﺘﻞ ﻭﺣﻤﺶ ﻳﻘﻌﺪ ﻭﺍﻋﺮ
ﻭﻳﺤﺒﻨﻲ ﻣﻮﻭﺕ ﻭﺑﻌﺪﻫﺎ ﻳﺨﻄﺒﻨﻲ ﻳﻌﻨﻲ ﻣﻨﻐﻴﺮ ﻣﺎﻧﺘﻌﺮﻑ ﻋﻠﻴﻪ
ﻧﻮﺍﺭﻩ : ﻫﻬﻬﻬﻬﻬﻪ ﻣﺸﻜﻠﺘﻚ ﻣﺰﻟﺘﻲ ﻓﻲ ﺭﻭﺍﻳﺎﺕ ﻭﻣﺬﻛﺮﺍﺕ ﻭﻗﻄﺎﻑ ﺍﻟﻤﺮﺍﻫﻘﺎﺕ
ﺍﻟﺤﺮﻛﺎﺕ ﻫﺬﻧﻪ ﻳﺪﻳﺮﻧﻬﻦ ﻣﻨﻴﺎ ﺍﻭ ﺍﺑﺘﻬﺎﻝ ﺍﻭ ﺭﻳﻤﺎﺱ ﺗﻲ ﻣﺶ ﺍﻧﺘﻲ
ﺍﻧﺎ : ﺧﺎﻃﺮﻱ ﻫﻚ ﺑﻌﺪﻳﻦ ﻛﻠﻪ ﻧﺼﻴﺐ
ﻧﻮﺍﺭﻩ : ﻛﻠﻪ ﻧﺼﻴﺐ
~
~
~
~
ﻧﺪﻱ : ﻛﻠﻴﺘﻨﺎ ﺟﻮ ﻣﺶ ﻋﺎﺩﻱ ﺑﻜﻞ
ﻣﻼﻙ : ﻋﻨﺪﻛﻢ ﺷﺒﺎﺏ ﻭﺍﺟﺪ؟
ﻧﺪﻱ : ﻫﻬﻬﻬﻬﻪ ﺗﻲ ﻣﻌﺮﻭﻓﻪ ﻓﻲ ﺟﺎﻣﻌﺔ ﺑﻨﻐﺎﺯﻱ ﺍﻛﺜﺮ ﺷﺒﺎﺏ ﻓﻲ ﻛﻠﻴﺔ ﺍﻻﻗﺘﺼﺎﺩ
ﻣﻼﻙ : ﺍﻣﻤﻤﻢ ﺧﻼﺹ ﻗﺮﺭﺕ ﺍﺻﻼ ﻧﺎ ﺍﻧﺤﺲ ﻓﻲ ﺭﻭﺣﻲ ﻧﺤﺐ ﺍﻟﻤﺤﺎﺳﺒﻪ
ﺍﺑﺘﻬﺎﻝ : ﻫﻬﻬﻬﻬﻬﻬﻬﻬﻪ
ﻣﻼﻙ : ﻫﻬﻬﻬﻬﻬﻬﻬﻪ
ﻣﻨﻴﺎ : ﺍﻧﺘﻲ ﻳﺎﻓﺮﺧﻪ ﻣﺶ ﻣﻌﺎﻧﻪ ﺑﻜﻞ ﻫﺬﻱ
ﻋﺎﺋﺸﻪ : ﻻ ﻣﻌﺎﻛﻦ ﻧﻜﺘﺐ ﻓﻲ ﻭﺍﺟﺐ ﺍﻟﻔﻴﺰﻳﺎﺀ
ﻧﺪﻱ : ﺻﻌﺐ ﺍﻟﻄﺐ ﺷﺪ ﺣﻴﻠﻚ ﻧﺎ ﺍﻗﺘﺼﺎﺩ ﻭﻣﻄﻠﻊ ﺍﻋﻴﻮﻧﻲ
ﺍﺑﺘﻬﺎﻝ : ﺑﺎﻫﻲ ﺷﻨﻮ ﺗﺨﺼﺼﺎﺗﻜﻢ؟؟ ﺑﻠﻜﻲ ﺣﺖ ﻧﺎ ﺍﻧﺨﺶ ﺍﻗﺘﺼﺎﺩ ﻫﻬﻬﻬﻬﻬﻪ
ﻧﺪﻱ : ﻫﻬﻬﻬﻬﻬﻬﻬﻬﻪ ﺍﻗﺴﺎﻡ ﻫﻨﻪ ﻣﺤﺎﺳﺒﻪ ﻭﻋﻨﺪﻙ ﺗﻤﻮﻳﻞ ﻭﺍﻗﺘﺼﺎﺩ ﻭﻋﻠﻮﻡ ﺳﻴﺎﺳﻴﻪ ﻭﺍﺩﺍﺭﻩ
ﻋﻤﺎﻣﻪ ﻭﺍﺩﺭﺍﺓ ﺍﻋﻤﺎﻝ ﻭﺗﺴﻮﻳﻖ
ﺍﺑﺘﻬﺎﻝ : ﻭﺍﻧﺘﻲ ﺗﺨﺘﺎﺭﻱ ﺑﺠﻮﻙ؟
ﻧﺪﻱ : ﻻﻻ ﺣﺴﺐ ﻣﻌﺪﻟﻚ ﻓﻲ ﺳﻤﺴﺘﺮﺍﺕ ﺍﻻﻭﻟﻲ ﻭﺣﺴﺐ ﺗﺼﻔﻴﺎﺗﻚ ﻳﻌﻨﻲ ﺍﻟﺘﺨﺼﺺ ﺍﻟﻠﻲ ﺗﺒﻴﻪ
ﺣﺎﻭﻟﻲ ﻳﻘﻌﺪﻥ ﺗﺼﻔﻴﺎﺗﻚ ﻓﻴﻪ ﻛﻮﻳﺴﻪ ﻋﺸﺎﻥ ﻳﻘﺒﻠﻮﻙ
ﻣﻼﻙ : ﺍﻛﺜﺮ ﺗﺨﺼﺺ ﻓﻴﻪ ﻣﺰﺯ ﻗﺼﺪﻱ ﺳﺎﻫﻞ ﻫﻌﻬﻬﻬﻬﻬﻬﻪ
ﻧﺪﻱ : ﺍﻣﻤﻤﻢ ﻣﻤﻜﻦ ﻗﺴﻤﻲ ﺍﻟﺘﻤﻮﻳﻞ ﻫﻬﻬﻬﻬﻪ
ﺍﺑﺘﻬﺎﻝ : ﺗﻠﺒﺴﻲ ﻛﻞ ﻳﻮﻡ ﻓﻲ ﻟﺒﺴﻪ ﻓﻲ ﺟﺎﻣﻌﻪ . ؟؟
ﻧﺪﻱ : ﻓﺮﻗﺖ ﺣﺎﻟﻲ ﻋﻨﺪﻱ 3 ﻟﺒﺴﺎﺕ ﻛﻮﻳﺴﺎﺕ ﻭﻣﺮﺍﺕ ﺑﺎﻟﻄﻮ ﻭﻣﺮﺍﺕ ﻋﺒﺎﻳﻪ
ﺑﺠﻮﻭ ﺑﺲ ﻋﺎﺩﻱ ﺍﻧﻌﺎﻭﺩ ﻳﻌﻨﻲ ﻭﻧﺎﺧﺪ ﻣﻦ ﻧﻮﺍﺭﻩ
ﻣﻼﻙ : ﺳﺮﻳﺐ ﺍﻟﺪﺑﺶ
ﻧﺪﻱ : ﺑﻜﻞ ﻭﻉ = ﻏﺎﺩﻱ ﻓﻲ ﺑﻨﺎﺕ ﻳﻠﺒﺴﻦ ﺩﺑﺸﻬﻦ ﻳﺠﺠﻦ
ﻫﻨﻪ ﻳﻬﺪﺭﺯﻥ ﻭﻧﺪﻱ ﺗﺤﻜﻴﻠﻬﻦ ﻉ ﺍﺟﻮﺍﺀ ﻭﻣﻘﺎﻟﺐ ﺟﺎﻣﻌﻪ
ﻭﻋﺎﺋﺸﻪ ﺗﻜﺘﺐ ﻓﻲ ﻭﺍﺟﺒﻬﺎ ﻭﻋﻘﻠﻬﺎ ﻓﻲ ﺍﺣﻤﺪ ﻭﻓﻲ ﻛﻼﻡ ﻧﺪﻱ ﻭﻛﻼﻡ ﻣﻼﻙ
ﺭﻭﺣﻨﺎ ﻟﻠﺤﻮﺵ ﻭﺭﻭﺣﺖ ﺍﺑﻠﻪ ﺣﻠﻴﻤﻪ ﻭﺑﻨﺎﺗﻬﺎ
ﻧﻮﺭﺍﺭﻩ : ﺍﻟﻌﺮﺱ ﻳﻬﺒﻞ ﻳﺎﻧﺪﻱ ﺍﻟﻌﺮﻭﺱ ﺳﻤﺤﻪ ﻋﻠﻴﻚ ﻓﻴﻠﻮﻭ ﻧﺎﻋﻼﺍﻱ ﺍﻟﻌﻘﺒﺎﻟﻲ
ﻧﺪﻱ : ﻣﺎﺷﺎﺀﺍﻟﻠﻪ ﻭﺍﻟﻌﺸﺎﺀ؟؟
ﻃﺒﻌﺎ ﻧﻮﺍﺭﻩ ﺗﻬﺪﺭﺯ ﻟﻨﺪﻱ ﻭﻧﺪﻱ ﻧﺠﻬﺰ ﻓﻲ ﻟﺒﺴﺘﻬﺎ ﻟﻠﺠﺎﻣﻌﻪ ﺑﻜﺮﻩ
ﻭﺗﺖ ﻣﺬﻛﺮﺍﺗﻬﺎ ﻭﻧﻮﺍﺭﻩ ﺗﻬﺪﺭﺯ :
ﻧﻮﺍﺭﻩ : ﺍﻟﻌﺸﺎﺀ : ﻛﻮﻳﺲ ﺑﺲ ﻋﺮﺱ ﺳﻤﺢ ﻓﺮﻗﻪ ﺳﻤﺤﻪ
ﻭﺷﺎﻓﺖ ﻧﺪﻱ ﻣﺬﺭﻛﺘﻬﺎ ﺍﻟﻲ ﻛﺘﺒﻠﻬﺎ ﺍﺣﻤﺪ ﻓﻴﻬﺎ ﺭﻗﻤﻪ
ﻧﻮﺍﺭﻩ : ﺍﻳﻮﺍﻩ ﻋﺎﺭﻓﻪ ﺟﻌﺖ ﻧﺪﻳﺮﻟﻚ ﻣﻌﺎﻳﻪ ﺳﻨﺪﻭﺗﺶ ؟
ﻧﺪﻱ : ﺍﻣﻤﻢ ﺍﻭﻙ
ﻧﻮﺍﺭﻩ : ﺑﻪ ﺻﻘﻊ ﻭﺟﻮ ﻳﻮﻛﻞ
ﻧﺪﻱ : ﻧﺎ ﺑﻨﻘﻌﺪ ﻓﻲ ﻣﺮﺑﻮﻋﻪ
ﻧﻮﺍﺭﻩ : ﺑﺎﻫﻲ
ﻃﻠﻌﺖ ﻧﻮﺍﺭﻩ ﻉ ﻣﻄﺒﺦ
ﻭﻧﺪﻱ ﻉ ﻣﺮﺑﻮﻋﻪ ﻭﻣﻌﺎﻫﺎ ﻓﻮﻧﻬﺎ ﻭﻣﺬﻛﺮﺗﻬﺎ
ﻋﻠﻘﺖ ﻓﻮﻧﻬﺎ ﻓﻲ ﺷﺤﻦ ﻭﻣﺴﻜﺖ ﺍﻟﻤﺬﻛﺮﻩ ﻭﻓﺘﺤﺖ ﻉ ﺭﻗﻢ ﺍﺣﻤﺪ
ﺳﺠﻼﺗﻪ ﻓﻲ ﻓﻮﻧﻬﺎ ﻭﺭﻧﺖ
ﺿﺮﺏ ﺿﺮﺏ ﺿﺮﺏ ...
ﺍﺣﻤﺪ : ﺍﻟﻮ؟
ﻧﺪﻱ : ﺍﻫﻠﻴﻦ ﺍﺣﻤﺪ ﻛﻴﻒ ﺣﺎﻟﻚ؟
ﺍﺣﻤﺪ : ﺗﻤﺎﺍﻡ ؟؟؟ ﺻﻮﺗﻚ ﻣﺶ ﻏﺮﻳﺐ ﻋﻠﻴﺎ؟
ﻧﺪﻱ : ﻧﺎ ﻧﺪﻱ؟
ﺍﺣﻤﺪ : ﻧﺪﻱ؟؟؟؟؟؟؟؟؟ ﺍﻫﺎﺍ ﺍﻭﻙ ﺍﺫﻛﺮﺗﻚ ﻧﺪﻱ ﺑﻨﺖ ﻋﻢ ﻋﻮﻳﺸﻪ؟؟؟
ﻧﺪﻱ : ﺍﻫﺎﺍ
ﺍﺣﻤﺪ : ﺍﻫﻠﻴﻦ ﻛﻴﻒ ﺍﻟﺤﺎﻝ \
ﻧﺪﻱ : ﺍﻟﺤﻤﺪﻟﻪ ﺗﻤﺎﻡ ﺍﻥ ﺷﺎﺀﺍﻟﻠﻪ ﻏﻴﺮ ﻣﺶ ﺭﺍﻗﺪ؟
ﺍﺣﻤﺪ : ﻻ ﻭﺍﻋﻲ ﻣﻜﺴﺪ ﻉ ﻻﺏ ﺷﻦ ﺍﻣﻮﺭﻙ ﺍﻧﺘﻲ؟
ﻧﺪﻱ : ﺍﻟﺤﻤﺪﻟﻠﻪ
ﺍﺣﻤﺪ : ﺍﻣﻤﻢ ﻃﻤﻨﻴﻨﻲ؟؟ ﺷﻨﻮ ﺻﺎﺭ ﺣﻜﻴﺘﻲ ﻣﻌﺎﻫﺎ؟
ﻧﺪﻱ : ﺍﻣﻢ ﺣﻜﻴﺖ
ﺍﺣﻤﺪ؟؟؟؟
ﻧﺪﻱ : ﺷﻦ ﺭﺍﻳﻚ ﻧﺘﻼﻗﻮ ﺑﻜﺮﻩ ﻓﻲ ﻛﻠﻴﻪ ﻭﻧﺤﻜﻮﻭ؟
ﺍﺣﻤﺪ : ﻫﻬﻬﻬﻬﻪ ﺑﺼﺮﺍﺣﻪ ﻋﻨﺪﻱ ﻓﻀﻮﻝ ﻧﻌﺮﻑ ﺗﻮﺍ ﻣﺶ ﺣﻨﺮﻗﺪ
ﻧﺪﻱ : ﻻﻻ ﻧﺸﻮﻓﻚ ﻭﻧﺤﻜﻮ ﻫﻜﻲ ﺍﺣﺴﻦ
ﻧﻮﺍﺭﻩ : ﻧﺪﻭﻭﺵ
ﻧﺪﻱ : ﺍﺣﻤﺪ ﻧﺘﻼﻗﻮ ﺑﻜﺮﻩ ﻋﻨﺪ ﺍﻟﻤﺪﺭﺟﺎﺕ ﺍﻟﺨﻀﺮﺭ ؟؟
ﺍﺣﻤﺪ : ﺑﺎﻫﻲ ﺑﺲ ﻓﻲ ﺻﺒﺢ
ﻧﺪﻱ : ﺗﻤﺎﻡ ﺍﻟﺴﺎﻋﻪ 9 ﻧﺘﻼﻗﻮ ﻭﺑﻴﻨﺎﺗﻨﺎ ﺗﻠﻴﻔﻮﻥ
ﻧﻮﺍﺭﻩ : ﻣﻊ ﻣﻦ ﺗﺤﻜﻲ؟
ﺍﺣﻤﺪ : ﺍﻭﻙ ﺗﺼﺒﺢ ﻉ ﺧﻴﺮ؟
ﻧﺪﻱ : ﺍﻭﻙ
ﺻﻜﺮﺕ ...
ﻧﻮﺍﺭﻩ : ﻣﻨﻮﻭ؟
ﻧﺪﻱ : ﺑﺴﻤﻪ ﺗﺒﻲ ﺣﻞ ﻣﺴﺌﻠﻪ
ﻧﻮﺍﺭﻩ : ﺍﻫﺎﺍ
~
~
~
~
ﻭﻓﻲ ﺻﺒﺢ ﻧﺰﻟﻦ ﻣﻼﻙ ﻭﻋﻮﻳﺸﻪ ﻭﻃﺒﻌﺎ ﻋﺎﺋﺸﻪ ﺭﺍﻗﻴﻠﻬﺎ ﻣﻦ ﺍﺣﻤﺪ
ﺍﺣﻤﺪ : ﺻﺒﺎﺡ ﺍﻟﻮﺭﺩ؟؟
ﻣﻼﻙ : ﺻﺒﺎﺡ ﺍﻟﺨﻴﺮﺍﺕ ﺷﻨﺞ؟
ﺍﺣﻤﺪ : ﺗﻤﺎﻡ ﻫﻼ ﻳﺎﺷﻴﻨﻪ ﻛﻴﻒ ﺣﺎﻟﻚ؟
ﻋﺎﺋﺸﻪ : ﻫﻴﺎ ﻣﻼﻙ ﻣﻌﻨﺪﻧﺎﺵ ﻭﻗﺖ
ﻭﻋﺪﺕ ﻭﺳﻴﺒﺎﺗﻪ ﻭﻛﺎﻧﺖ ﻣﻌﺎﻣﻠﺘﻬﺎ ﻗﺎﺳﻴﻪ ﻣﻌﺎﻩ؟؟؟
ﺻﺪﻗﺖ ﻛﻼﻡ ﻧﺪﻱ ﻭﻛﺬﺑﺖ ﻗﻠﺒﻬﺎﺍ
ﻛﺎﻧﺖ ﺯﻋﻼﻧﻪ ﻭﺗﺒﻴﻪ ﺑﺲ ﻣﺸﻜﻠﺘﻬﺎ ﻣﺘﻌﺮﻓﺶ ﺗﻌﺒﺮ ﻋﻦ ﻣﺸﺎﻋﺮﻫﺎ
ﻭﺍﺣﻤﺪ ﻣﻴﻌﻠﻤﺶ ﻋﻠﻲ ﺷﻲ
ﻣﻼﻙ : ﺍﻭﻓﺮﺗﻲ ﺭﺍﺱ ﻣﻄﻴﻬﺎ ﻭﺣﻖ ﺭﺑﻲ
ﻋﺎﺋﺸﻪ : ﺧﻠﻴﻪ ﺑﻴﺶ ﻳﻌﺮﻑ ﺍﻥ ﺑﻨﺎﺕ ﺍﻟﻨﺎﺱ ﻣﺶ ﻟﻌﺒﻪ
ﻣﻼﻙ : ﺧﺰﻳﻪ ﻟﻚ ﻭﺟﻪ ﻳﺠﻴﺐ ﺍﻟﻔﻘﺮ ﺑﻨﻌﺮﻑ ﺷﻦ ﻋﺠﺒﻪ ﻓﻴﻚ ﺣﺘﻲ ﻫﻮﺍ ﻓﺎﺿﻲ
ﻋﺎﺋﺸﻪ : ﻣﻼﻙ ﺻﻜﺮﻱ ﻓﻤﻚ ﻣﺶ ﻧﺎﻗﺼﺘﻚ ﻉ ﺻﺒﺢ؟؟
~
~
~
~
ﺍﺣﻤﺪ : ﻛﻴﻒ؟؟؟
ﻧﺪﻱ : ﻋﺎﺋﺸﻪ ﻣﺮﺗﺒﻂ ﻫﻨﺎ ﺑﺮﻭﺣﻲ ﺍﻧﻔﺠﻌﺖ ﺑﻌﺪ ﺳﻤﻌﺖ ﺍﻟﺨﺒﺮ
ﻳﻌﻨﻲ ﺍﻣﺲ ﻛﻴﻒ ﻗﺎﻟﺘﻠﻲ
ﺍﺣﻤﺪ : ﻣﺘﺎﻛﺪﻩ؟
ﻧﺪﻱ : ﺑﺮﻭﺣﻬﺎ ﺣﻜﺘﻠﻲ ﻫﻜﻲ ﺑﺼﺮﺍﺡ ﻫﻨﺎ ﻣﺘﺤﺸﻤﻪ ﻣﻨﻚ
ﺍﺣﻤﺪ : ﻫﻬﻬﻬﻬﻬﻪ ﺗﻲ ﻻ ﺟﻮ ﺗﻤﺎﻡ ﺗﻲ ﻋﺎﺩﻱ ﻣﺶ ﻣﻮﺿﻮﻉ ﻣﺘﻔﻜﺮﺵ
ﻧﺪﻱ : ﻧﺎﺍ ﻣﻌﺮﻓﺘﺶ ﻛﻴﻒ ﻧﻘﻮﻟﻬﺎ ﻟﻚ
ﺍﺣﻤﺪ : ﺗﻲ ﻓﻮﺗﻲ ﻳﺎﻣﺴﻜﻴﻨﻪ ﻋﻤﻮﻣﺎ ﺭﺑﻲ ﻳﻬﻨﻴﻬﺎ ﻭﻭﻋﺪ ﻣﻨﻲ ﻣﺶ ﺣﻨﻀﺎﻳﻘﻬﺎ
ﻣﺮﻩ ﺍﺧﺮﻱ ﻭﺳﺎﻣﺤﻴﻨﻲ ﺗﻌﺒﺘﻚ؟؟
ﻧﺪﻱ : ﻭﻻ ﻳﻬﻤﻚ ﺗﻌﺒﻚ ﺭﺍﺣﻪ ﻭﺻﺪﻗﻨﻲ ﻓﻲ ﺍﻟﻒ ﻭﺣﺪﻩ ﺗﻤﻨﺎﻙ ﻏﻴﺮﻫﺎ
ﺍﺣﻤﺪ : ﻣﻨﻮﺭﻩ ﻭﺍﺟﺪ ﺍﻣﻢ ﻋﻨﺪﻱ ﻣﺤﺎﺿﺮﻩ ﻧﺎ ﺗﻮﺍ
ﻧﺪﻱ : ﺑﺎﻫﻴﺲ ﻣﻨﺒﺶ ﺍﻧﻌﻄﻠﻚ ﺍﻭﻙ
ﺍﺣﻤﺪ : ﻓﻲ ﺍﻣﺎﻥ ﺍﻟﻠﻪ
ﻋﺪﺍ ﺍﺣﻤﺪ ﻭﻛﺎﻥ ﻣﻀﺎﻳﻖ ﺑﺲ ﻣﺒﻴﻨﺶ ﻟﻨﺪﻱ
ﻧﺪﻱ ﻓﺮﺣﺎﻧﻪ ﺍﻥ ﺧﺮﺑﺖ ﻛﻞ ﺣﺎﺟﻪ ﻋﺸﺎﻥ ﺗﺎﺧﺪﻩ
~
~
~
~
ﻣﺮﻥ ﺍﻳﺎﻡ ﻭﺍﻳﺎﻡ ﻭﺍﻳﺎﻡ
ﻛﻤﻞ ﺣﻮﺷﻨﺎ ﻭﻋﺎﺋﺸﻪ ﻻﺣﺔ ﺍﻥ ﺍﺣﻤﺪ ﻣﻌﺶ ﻣﻬﺘﻢ ﺑﻴﻬﺎ
ﻭﻣﻌﺶ ﻳﺮﺍﺟﻲ ﻓﻴﻬﺎ ﻛﻞ ﻣﺎﺗﻨﺰﻝ ﻫﻴﺎ ﻭﻣﻼﻙ ﻭﺑﺘﺪﻱ ﻟﻠﻤﺪﺭﺳﻪ
ﻣﺘﻠﻘﺶ ﻗﺎﻋﺪ ﻭﻳﺮﺍﺟﻲ ﻛﻴﻒ ﺯﻣﺎﻥ
ﻣﻼﻙ ﺗﺤﻂ ﻓﻲ ﻟﻮﻡ ﻋﻠﻲ ﻋﺎﺋﺸﻪ
ﻭﻋﺎﺋﺸﻪ ﻣﺶ ﻋﺎﺭﻑ ﺍﺫﺍ ﺗﺼﺮﻓﻬﺎ ﺻﺢ ﺍﻭ ﺧﻄﺎ
ﺧﺸﺖ ﻣﺎﻣﺎ ﻋﻠﻴﻨﺎ ﻓﻲ ﺩﺍﺭ :
ﻣﺎﻣﺎ : ﻟﻤﻦ ﺩﺑﺸﻜﻦ ﻛﻠﻪ ﻭﻟﺪ ﺧﺎﻟﺘﻜﻦ ﺟﺎﻳﺐ ﻛﻨﺘﺮﺓ ﺻﺎﺣﺒﻪ ﻭﺑﻴﺸﻴﻠﻮ ﺍﻟﺪﺑﺶ
ﺭﺍﻛﻦ ﺗﻨﺴﻦ ﺣﺎﺟﻪ؟؟؟
ﻋﺎﺋﺸﻪ : ( ﺗﺒﻜﻲ )
ﻣﻼﻙ : ﺑﺼﺮﺍﺣﻪ ﻣﻨﺒﺶ ﻧﺤﻮﻝ ﻣﻦ ﺍﻟﺴﻠﻤﺎﻧﻲ
ﺍﻧﺎ : ﺍﻟﺮﺍﺟﻞ ﺷﺎﺭﻱ ﺷﻘﺘﻨﺎ ﻭﻳﺒﻴﻬﺎ ﻭﻻﻩ ﻓﺘﺮﻩ ﻳﺮﺍﺟﻲ ﻓﻴﻨﺎ
ﻣﻼﻙ : ﺍﻓﻔﻔﻒ ﻭﺣﺎﻓﻠﻪ ﻭﻗﺼﻪ
ﺍﻧﺎ : ﻣﺶ ﻣﺸﻜﻠﻪ ﺍﻫﻢ ﺷﺸﻲ ﻧﺤﻮﻟﻮ ﺍﻟﺸﻘﻪ ﺿﻴﻖ ﺍﻗﻞ ﺣﺎﺟﻪ ﻧﺘﻮﺳﻌﻮ
ﻋﺎﺋﺸﻪ : ( ﺗﺒﻜﻲ )
ﺍﻧﺎ : ﻣﻌﺶ ﺗﺒﻜﻲ ﺑﺪﻝ ﻣﺎﺗﻔﺮﺣﻦ
ﻣﻨﻴﺎ : ﺗﻌﻮﺩﻧﺎ ﻉ ﺷﺎﺭﻋﻨﺎ ﻭﺟﻴﺮﺍﻧﻪ
ﺍﻧﺎ : ﻉ ﺍﺳﺎﺱ ﺑﺘﻘﻌﺪﻥ ﻃﻮﻝ ﺍﻟﻌﻤﺮ ﻋﻠﻲ ﻗﻠﺐ ﺑﺎﺑﺎ ﻭﻣﺎﻣﺎ ﻣﺎ ﺑﺘﺰﻭﺟﻦ
ﻣﻼﻙ : ﺍﻟﻠﻪ ﺯﻭﺍﺝ ﻳﺎﺭﻳﺖ .. ﻳﻮﻡ ﺍﻟﻤﻨﻲ ﻫﻬﻬﻬﻬﻬﻬﻪ
ﺍﻧﺎ : ﺣﻴﻮﺍﻧﻪ ﻫﻬﻬﻬﻬﻪ ﻋﻴﻮﺷﻪ ﺍﻧﺘﻲ ﻳﺎﻓﺴﺨﻪ ﺧﻼﺹ ﻣﻜﻤﻠﻨﺶ ﺩﻣﻮﻋﻚ؟
ﻋﺎﺋﺸﻪ : ( ﺗﺒﻜﻲ ) ﻣﻌﺶ ﺑﻨﺸﻮﻑ ﺍﺣﻤﺪ ﻗﺒﻞ ﻧﺘﻠﻬﻒ ﺍﻣﺘﻲ ﻧﻨﺰﻝ ﻟﺸﺎﺭﻉ ﻭﻧﺸﻮﻓﻪ
ﺍﻧﺎ : ﺍﻓﻔﻔﻒ ﺧﻼﺹ ﻳﺒﻴﻚ ﻳﺠﻲ ﻳﺨﻄﺒﻚ ﺍﻧﺘﻲ ﺗﻮﺍ ﻋﻤﺮﻙ 18 ﻳﻌﻨﻲ ﻣﺶ ﺍﺻﻐﻴﺮﻩ
ﻭﻫﻮﺍ ﻋﻤﺮﻩ ﻣﻨﺎﺳﺐ ﻟﻚ ﻳﺒﻴﻚ ﺣﻮﺷﻨﺎ ﻳﻌﺮﻓﻪ ﻭﺑﺎﺑﺎ ﺳﻤﻌﺘﻪ ﻣﻌﺮﻭﻓﻪ ﻓﻲ ﻣﻨﻄﻘﻪ
ﻋﺎﺋﺸﻪ : ( ﺗﺒﻜﻲ )
ﻣﻼﻙ : ﺗﻮﺍ ﺍﻧﺘﻲ ﻭﺍﺛﻘﻪ ﺍﻥ ﻧﺤﻨﺎ ﺑﻨﺘﺮﻳﺤﻮ ﺑﻌﺪ ﺍﻧﻮﻟﻮ؟
ﺍﻧﺎ : ﻭﻟﻴﺶ ﻻ؟؟؟ ﺣﻮﺵ ﻛﺒﻴﺮ ﻭﺟﻴﺮﺍﻥ ﻛﻮﻳﺴﻴﻦ؟؟؟
ﻣﻨﻴﺎ : ﺗﻮ ﻧﺮﺍﻳﻔﻮ ﻉ ﺑﻨﺎﺕ ﺍﻟﺠﻴﺮﺍﻥ؟
ﺍﻧﺎ : ﺗﻮ ﻧﺰﻭﺭﻭﻫﻦ ﻭﻳﺰﺭﻭﻧﺎ ﻋﺎﺩﻱ ﺍﻟﻨﺎﺱ ﻟﻬﺎ ﻫﻚ
ﻣﻼﻙ : ﻣﺶ ﻛﻴﻒ؟
ﺍﻧﺎ : ﺑﻼ ﻗﻄﺎﻑ ﺯﺍﻳﺪ ﺻﺒﻦ ﻭﺗﻦ ﺣﺎﺟﺘﻜﻦ ﺍﺳﻤﺎﻋﻴﻞ ﻭﻟﺪ ﺧﺎﻟﺘﻲ ﻗﺮﻳﺐ ﻳﺠﻲ ﻫﻴﺎﺍ
ﻣﻼﻙ : ﺍﻓﻔﻔﻒ
~
~
~
~
ﺷﻠﻨﺎ ﺩﺑﺸﻨﺎ ﻭﺣﺎﺟﺎﺗﻨﺎ ﻭﻣﻊ ﻣﺮﻭﺭ ﺍﻟﻮﻗﺖ ﻧﻘﻠﻨﺎ ﻛﻞ ﺩﺑﺸﻨﺎ ﺻﺎﻟﻮﻥ ﻓﺮﺵ ﻛﻞ ﺣﺎﺟﻪ
ﺻﻌﺒﻪ ﻃﻠﻌﻪ ﻣﻦ ﺷﻘﺘﻨﺎ ﻓﻲ ﺳﻠﻤﺎﻧﻲ ﺟﻴﺮﺍﻧﻪ ﻭﻛﻞ ﺣﺎﺟﻪ ﺑﺲ ﻫﻚ ﺭﺑﻲ ﻛﺘﺒﻠﻨﺎ ﻭﺍﻟﺤﻤﺪﻟﻠﻪ
ﻣﺮﺭ ﺍﻟﻮﻗﺖ ﻭﻧﺎﺱ ﺍﺭﺣﻪ ﻓﻲ ﻣﺬﻛﺮﺍﺗﻲ ﻭﺟﺎﻣﻌﺘﻲ ﻭﻭﻭﻭ # ﻣﺨﻴﻠﺘﻲ
...
ﺍﺳﺮﺡ ﺑﺘﻔﻜﻴﺮﻱ ﻛﺜﻴﺮﺍ ﺃﺗﺨﻴﻞ ﺍﻟﻤﻌﺠﺰﺍﺕ
ﻣﺎﺫﺍ ﻟﻮ ﻭﻣﺎﺫﺍ ﺇﺫﺍ؟؟؟ ﻭﻣﺎ ﺑﻌﺪ ﺫﻟﻚ
ﺍﺭﺗﺎﺡ ﺛﻴﺮﺍ ﺣﻴﻦ ﺍﻓﻀﻔﺾ ﻟﻘﻠﻤﻲ ﻻﻧﻨﻲ ﺍﻋﻠﻢ ﺟﻴﺪﺍ ﻫﻮﺍ ﻣﻦ ﻳﺤﺘﻔﻆ ﺑﺴﺮﻱ
ﻭﺍﻋﻠﻢ ﺍﻧﻪ ﻟﻦ ﻳﺨﺬﻟﻨﻲ ﻳﻮﻣﺎ
ﻭﺃﺑﻘﻲ ﻣﺘﺸﻮﻗﻪ ﻟﻠﺤﺐ ﻭﺍﻟﻲ ﺍﻟﺤﺒﻴﺐ ﻭﺍﺑﻘﻲ ﻭﻻﺯﻟﺖ ﺑﺎﻗﻴﻪ ﻋﻠﻲ ﻋﻬﺪ ﻗﻠﺒﻲ
ﻣﺎﺫﺍ ﻟﻮ ﻟﻢ ﺃﺟﺪﻩ؟؟؟ﺍﻭ ﺍﻧﻨﻲ ﺳﺄﺟﺪﻩ؟؟ ﻫﻞ ﻫﻮ ﺑﻌﻴﺪ ﺍﻡ ﻫﻮ ﻗﺮﻳﺐ
ﺍﻭ ﻫﻞ ﺳﻴﺄﻗﺘﺮﺏ؟؟ ﻫﻞ ﻫﻮﺍ ﻃﻮﻳﻞ ﺍﻡ ﻗﺼﻴﺮ ؟؟
ﺃﺳﺌﻠﻪ ﻛﺜﻴﺮﺍ ﺗﺮﻭﺍﺩ ﺍﻓﻜﺎﺭﻱ ﻭﻋﻘﻠﻲ ﻛﺄﻱ ﻓﺘﺎﺓ .. ﺃﺗﺸﻮﻕ ﻟﺮﺃﻳﺎﻩ ﺑﺸﺪﻩ
ﺃﺗﻠﻬﻒ ﻟﺴﻤﺎﻉ ﺻﻮﺗﻪ ﺍﻟﺪﺍﻓﺊ ؟؟ ﻭﻣﻦ ﻫﻮﺍ؟؟؟
ﺗﺒﻘﻲ ﻛﻠﻤﺎﺕ ﻣﺒﻌﺜﺮﻩ ﺗﻌﺒﺮ ﻋﻦ ﻣﺎ ﻓﻲ ﺩﺍﺧﻠﻲ ...
~
~
ﻧﺰﻟﻨﺎ ﻫﺬﻙ ﺍﻟﻴﻮﻡ ﻭﻭﺩﻋﻨﺎ ﻛﻞ ﺯﺍﻭﻳﻪ ﻓﻲ ﺷﻘﺘﻨﺎ
ﻣﻨﻴﺎ : ﻳﺎﺭﺏ
ﻋﺎﺋﺸﻪ : ( ﻣﺘﻨﻜﺪﻩ )
\ ﺑﺎﺑﺎ : ﻫﻴﺎ ﺑﻨﺎﺍﺍﺕ ﺑﺴﺮﻋﻪ
ﻣﺎﻣﺎ : ﻫﻴﺎﺍﺍ ﻫﻲ
ﻧﺰﻟﺖ ﻭﻟﻘﺖ ﺍﺣﻤﺪ ﻗﺎﻋﺪ ﻓﻲ ﻓﻢ ﺑﺎﺏ ﺍﻟﻌﻤﺎﺭﻩ ﻣﻘﻤﻌﺰ ﻭﻳﺪﺧﻦ ﻭﻛﺎﻥ ﻋﺎﺭﻑ ﺍﻥ ﻧﺤﻨﺎ ﺑﻨﺤﻮﻟﻮ
ﺑﺤﺘﺖ ﻓﻴﻪ ﻃﺒﺲ ﺭﺍﺳﻪ ﺻﺒﺎﺍ ﻭﺧﺶ ﻟﻠﻌﻤﺎﺭﻩ
ﺯﻋﻠﺖ ﻣﻦ ﺭﺩﺓ ﻓﻌﻠﻪ ﻭﻭﺟﻌﺘﻬﺎ ﻣﻨﻪ ﻳﻌﻨﻲ ﺧﻼﺹ ﻫﺬﻱ ﻧﻬﺎﻳﺔ ﺣﺐ ﺳﻨﻮﺍﺕ؟؟
ﺭﻛﺒﻨﺎ ﻓﻲ ﺳﻴﺎﺭﻩ ﻛﻠﻨﺎ
ﺍﺑﺘﻬﺎﻝ : ﻧﺎ ﺍﺭﻭﺷﻦ
ﺍﻧﺎ : ﺍﻧﺘﻲ ﻋﻴﻨﻚ ﺍﻛﺒﺮ ﻭﺣﺪﻩ ﺗﻘﻌﺪ ﻓﻲ ﻧﺺ
ﻣﻼﻙ : ﻳﺎﺭﺭﺏ ﻳﺎﻛﺮﻳﻢ ﻳﺎﺭﺏ ﻳﺎﺍﺭﺏ ﻳﻘﻌﺪ ﺷﺎﺭﻋﻨﺎ ﻛﻠﻪ ﻃﺮﻭﻑ ﻳﺎﺭﺏ
ﺍﺑﺘﻬﺎﻝ : ﺍﺳﻤﻌﻲ ﻣﻦ ﺗﻮﺍ ﻛﺎﻥ ﺍﻟﻠﻲ ﻣﻘﺎﺑﻠﻨﺎ ﻭﺍﺣﺪ ﺍﺳﻤﺮ ﻭﻓﻴﻪ ﻟﺤﻴﻪ ﻟﻴﺎ ﺍﻧﺎ
ﻣﻼﻙ : ﻋﻴﻨﻚ ﻟﻴﺎ ﻧﺎ ﻛﻠﻬﻢ ﻟﻴﺎ ﻧﺎ ﻭﺑﻌﺪﻫﺎ ﻧﻮﺍﺯﻱ ﻭﺍﻟﻔﻀﻠﻪ ﺧﻮﺩﻧﻬﺎ
ﺭﻳﻤﺎﺱ : ﻭﺍﻟﻠﻪ ﻋﻨﺪ ﻣﺎﻣﺎ ﻛﻠﻪ ﺑﺎﻫﻲ
ﻣﻼﻙ : ﻳﺎﻛﻠﺒﻪ ﺩﺍﻳﺮﻩ ﺭﻭﺣﻚ ﺭﺍﻗﺪﻩ؟؟؟؟؟؟؟؟؟
ﺍﻧﺎ : ﺷﻦ ﺗﻮﺷﻮﺷﻦ
ﻣﻼﻙ : ﻧﺴﺎﻝ ﻓﻴﻬﺎ ﺣﻮﺷﻨﺎ ﺟﻨﺒﻪ ﺟﺎﻣﻊ ﻋﺸﺎﻥ ﺗﺮﺍﻭﻳﺢ
ﺍﻧﺎ : ﻋﻄﻨﻲ ﻛﻢ ﺩﺍﺀ
ﻣﻨﻴﺎ : ﻋﺎﺋﺸﻪ
ﻋﺎﺋﺸﻪ : ﻫﺎﺍ؟
ﻣﻨﻴﺎ : ﻛﻨﻚ؟
ﻋﺎﺋﺸﻪ : ﺷﻲ ﻣﺘﻨﻜﺪﻩ ﻉ ﺷﻘﺘﻨﺎ
ﻭﺻﻠﻨﺎ ﺣﻮﺳﺖ ﺍﻟﺘﺮﺗﻴﺐ ﻭﻏﻴﺮﻩ ﻭﺣﻮﺳﻪ ﻭﺧﻮﺍﺗﻲ ﻛﻞ ﻭﺣﺪﻩ ﻓﻲ ﺣﺎﻝ
ﺑﻨﺴﺒﻪ ﻟﺪﺍﺭﻱ ﺧﺪﻳﺖ ﻣﻌﺎﻳﻪ ﻋﻮﻳﺸﻪ ﻫﺎﺩﻳﻪ ﻭﻣﺘﺎﻉ ﻗﺮﺍﻳﻪ ﻭﻣﻌﻨﺪﺵ ﺭﺍﺱ ﻟﻬﺮﺟﺔ ﻣﻼﻙ
ﻣﻼﻙ ﻭﺍﺑﺘﻬﺎﻝ ﻓﻲ ﺩﺍﺭ
ﻭﻣﻨﻴﺎ ﻭﺭﻳﻤﺎﺱ ﻓﻲ ﺩﺍﺭ
ﻋﺎﺋﺸﻪ ﻛﺎﻧﺖ ﻣﺘﻨﻜﺪﻩ
ﻣﻼﻙ : ﺑﻨﺮﻛﺐ ﻓﻮﻕ ﺍﻟﺴﻄﺎﺡ ﻧﺴﺘﻄﻠﻊ ﻉ ﻭﺿﻊ
ﺍﻧﺎ : ﺗﻌﺎﻟﻲ ﻫﻨﺎ ﻳﺎﻛﻠﺒﻪ ﻳﺸﻮﻓﻮﻙ ﺍﻟﺠﻴﺮﺍﻥ
ﻣﻼﻙ : ﻣﺪﺧﻠﻜﺶ
ﺍﺑﺘﻬﺎﻝ : ﺑﻨﺠﻲ ﻣﻌﺎﻙ
ﺍﻧﺎ : ﻛﻤﻠﺘﻦ ﺩﺑﺸﻜﻦ؟
ﻣﻼﻙ : ﻉ ﺍﺳﺎﺱ ﻋﻨﺪﻧﺎ ﻋﺮﻡ ﺩﺑﺶ ﻭﻧﺒﻲ ﺍﺳﻜﺘﻲ ﺑﻼ ﻣﺰﺍﻁ
ﻣﺎﻣﺎ : ﺷﻦ ﺻﺎﺭ ﻓﻴﻜﻦ
ﺭﻳﻤﺎﺱ : ﻣﻼﻙ ﺑﺘﺮﻛﺐ ﻓﻮﻕ ﺳﻄﺎﺡ
ﻣﻨﻴﺎ : ﻫﻬﻬﻬﻬﻬﻪ
ﻣﺎﻣﺎ : ﻋﻴﻨﻚ ﻓﻜﻨﻲ ﻣﻨﻪ ﺭﻛﻮﺏ ﺳﻄﺎﺡ ﺷﻦ ﺑﻴﺎﺧﺪﻭ ﻋﻠﻴﻨﺎ ﺟﻴﺮﺍﻥ ﻓﻜﺮﻩ؟
ﻣﻼﻙ : ﻋﻠﻴﻚ ﻧﻜﺪ ﻭﻏﻤﻪ
ﺭﻳﻤﺎﺱ : ﻣﻼﻙ ﺗﺒﺤﺚ ﻋﻦ ﻓﺎﺭﺳﻬﺎ ﻟﻼﺳﻤﺮ
ﻣﻨﻴﺎ : ﺻﺎﺣﺐ ﺍﻟﻠﺤﻴﻪ ﺍﻟﺴﻮﺩﻩ
ﻣﺎﻣﺎ : ﺗﺤﺸﻤﻲ ﻳﺎﻓﺮﺣﺦ ﺍﻧﺘﻲ ﻭﻳﺎﻫﺎ
ﻭﻓﻲ ﻟﻴﻞ ﺭﻛﺒﺖ ﻣﻼﻙ ﺭﻛﺒﺖ ﻣﻌﺎﻫﺎ ﻧﺎ ﻋﺸﺎﻥ ﻋﺎﺋﺸﻪ ﺗﺸﻢ ﻫﻮﺍﺀ ﻭﺗﻐﻴﺮ ﺟﻮ
ﺍﻧﺎ : ﻛﺎﻥ ﻓﻲ ﻧﺼﻴﺐ ﺗﺎﺧﺪﻳﻪ ﺗﺎﺧﺪﻳﻪ
ﻋﺎﺋﺸﻪ ...........:
ﻣﻼﻙ : ﻭﻭﻭﻭﻭﻭﻭﻭﻭﻭﻭﻭﻭﻭﻩ
ﺍﻧﺎ : ﻛﻨﻚ؟؟ﻳﺎﻛﻠﺒﻪ ﻓﺠﻌﺘﻴﻨﻲ
ﺍﺑﺘﻬﺎﻝ : ﻛﻨﻚ
ﺍﻧﺎ : ﺍﺣﻲ ﻳﺎﻓﺴﺨﻪ
ﻣﻼﻙ : ﻭﺍﻳﺮﻟﺲ
ﺍﻧﺎ : ﺍﻳﺶ؟؟؟
ﻣﻼﻙ : ﺗﻐﻄﻴﺔ ﻧﺖ ﻭﺣﻖ ﺭﺑﻲ
ﺍﻧﺎ : ﻣﻦ ﻭﻳﻦ؟؟
ﻣﻼﻙ : ﺟﻴﺮﺍﻧﻪ ﺷﻜﻠﻪ ﻋﻨﺪﻫﻢ ﺍﻟﻠﻪ ﺍﻟﻠﻪ ﺍﻟﻠﻪ
ﺍﻧﺎ : ﻭﺍﻧﺘﻲ ﻓﺎﺗﺤﻪ ﻉ ﻧﺖ ﻳﺎﻛﻠﺒﻪ؟؟
ﻣﻼﻙ : ﺍﺻﻜﺘﻲ ﻣﺶ ﻭﻗﺘﻚ ﻭﺍﻟﻠﻪ ﺍﺧﺮﺍ ﺍﺷﺎﺭﻩ ﻗﻮﻳﻪ
ﺍﻧﺎ : ﻣﻼﻙ؟
ﻣﻼﻙ : ﺍﻗﺴﻢ ﺑﺎﻟﻠﻪ ﺍﺣﻠﻲ ﺟﻮﻭﻭﻭ ﻭﻭﻭﻭﻩ ﻣﺶ ﻣﺼﺪﻗﻪ ﻳﺎﺭﺑﻲ
ﺍﺑﺘﻬﺎﻝ : ﻛﻴﻒ ﻳﻌﻨﻲ؟؟
ﻣﻼﻙ : ﺍﺳﻜﺘﻲ ﻣﺰﻟﺘﻲ ﺍﺻﻐﻴﺮﻩ
ﺍﺑﺘﻬﺎﻝ : ﻉ ﺍﺳﺎﺱ ﻓﺮﻕ ﻳﻌﻨﻲ ﺑﻴﻨﺎﺗﻨﺎ ﺳﻨﻪ
ﻣﻼﻙ : ﺍﺹ ﺍﺹ ﻃﻠﺒﺎﺕ ﺻﺪﺍﻗﻪ ﻭﺍﺍﺍﺟﺪ ﺑﻜﻞ
ﺍﻧﺎ : ﻣﻼﻙ ﺻﻜﺮﻱ ﺍﻟﺨﺎﺭﺏ ﺭﺍ ﻣﺶ ﻛﻮﻳﺴﺎﺕ ﺍﻟﺤﺎﺟﺎﺕ ﻫﺬﻧﻪ
ﻣﻼﻙ : ﺻﻜﺮﻱ ﺍﻧﺘﻲ ﻓﻤﻚ
ﻋﺎﺋﺸﻪ : ﻧﺎﺏ ﻧﻨﺰﻝ ﻧﻘﺮﺍﺍ
ﺍﻧﺎ : ﺣﺘﻲ ﻧﺎ ﺟﻤﺪﺕ
ﻣﻼﻙ : ﺍﻧﺰﻟﻦ ﻣﻨﺶ ﻧﺎﺯﻟﻪ ﺍﺷﺎﺭﻩ ﻗﻮﻳﻪ ﻫﻨﺎ ﻟﻮﻃﻪ ﻣﻴﻮﺻﻠﻨﺶ
ﺍﺑﺘﻬﺎﻝ : ﻋﻠﻤﻴﻨﻲ ﺷﻨﻮ ﻫﻀﺎ
ﻣﻼﻙ : ﻫﻀﺎ ﻓﻴﺲ
ﺍﺑﺘﻬﺎﻝ : ؟؟؟؟؟؟؟
ﻣﻼﻙ : ﻳﻨﺸﺮﻭ ﻓﻲ ﺻﻮﺭ ﻭﺗﻌﻠﻴﻘﺎﺕ ﻭﺩﺭﺩﺷﻪ
ﺍﺑﺘﻬﺎﻝ : ﺷﻨﻮ ﺩﺭﺩﺷﻪ؟؟
ﻣﻼﻙ : ﻳﻌﻨﻲ ﻫﺪﺭﺯﻩ
ﺍﺑﺘﻬﺎﻝ : ﻣﻊ ﻣﻦ؟؟
ﻣﻼﻙ : ﻣﻊ ﻣﺎﻣﺎ ﻭﺑﺎﺑﺎ ﻭﻧﺒﻲ ﺍﺳﻜﺘﻲ ﺯﻋﻤﺘﻲ ﻛﺒﺪﻱ
ﺍﺑﺘﻬﺎﻝ : ﻣﻠﻮﻛﺘﻲ ﻋﻠﻤﻴﻨﻲ ﺍﻟﻠﻪ ﻳﺮﺑﺤﻚ ﻧﺒﻴﻪ ﻓﻴﺲ
ﻣﻼﻙ : ﻣﺘﻌﺮﻓﺶ ﺗﺴﺘﻌﻤﻠﻴﻪ
ﺍﺑﺘﻬﺎﻝ : ﻋﻠﻤﻴﻨﻲ
ﻣﻼﻙ : ﺗﻠﻔﻴﻮﻧﻚ ﻣﻴﺨﻠﺶ ﺿﺮﻭﺭﻱ ﻣﺎﺟﻬﺎﺯ ﺣﺪﻳﺚ
ﺍﺑﺘﻬﺎﻝ : ﺑﻪ ﺗﺮﺍ ﺧﻠﻴﻨﻲ ﻧﺸﻮﻑ ﻣﻌﺎﺍﻙ ﺑﺎﻫﻲ ﻭﺭﺍﺱ ﺍﻣﻚ ﺑﺎﻫﻲ ﺑﺎﻫﻲ
ﻣﻼﻙ : ﺗﻌﺎﻟﻲ ﺷﻮﻓﻲ .. ﺗﻮﺍ ﺟﻨﻲ ﻃﻠﺒﺎﺕ ﺻﺪﺍﻗﻪ ﻳﻌﻨﻲ ﻭﺣﺪﻳﻦ
ﺍﺑﺘﻬﺎﻝ : ﺍﺗﻦ ﺷﺎﺀﺍﻟﻠﻪ ﺭﺟﺎﻟﻪ؟
ﻣﻼﻙ : ﻋﺎﺩﻱ ﻣﺮﺍﺕ ﺑﻨﺎﺕ ﻭﻣﺮﺍﺕ ﺷﺒﺎﺏ
ﺍﺑﺘﻬﺎﻝ : ﺣﻲ ﻋﻠﻴﻚ ﻳﺎﻣﻼﻙ؟
ﻣﻼﻙ : ﺗﻲ ﻋﺎﺩﻱ ﻫﺪﺭﺯﻩ
ﺍﺑﺘﻬﺎﻝ : ﺗﻌﺮﻓﻲ ﻋﻠﻴﻬﻢ ﻣﺘﻘﻮﻟﺶ ﺍﺳﻤﻚ ﻣﺮﺍﺕ ﻳﻌﺮﻓﻮﻙ
ﻣﻼﻙ : ﻻﻻ ﺍﺳﻤﻲ ﻣﻴﻤﻲ ﻛﻮﻳﻦ ﻭﺍﻟﻠﻲ ﻳﺴﺎﻟﻨﻲ ﻧﻘﻮﻟﻪ ﻣﺮﻳﻢ
ﺍﺑﺘﻬﺎﻝ : ﺟﻮﻭﻭ ﺷﻜﻠﻪ ﺟﻮﻭ ﻣﻨﻮ ﻫﺬﺍ ﺣﺎﻁ ﺻﻮﺭﺓ ﺣﺼﺎﻥ
ﻣﻼﻙ : ﺗﻮﺍ ﺩﺯﻟﻲ ﻃﻠﺐ ﻣﺘﻌﺮﻓﻮ ﻋﻠﻴﻪ؟ .
ﺍﺑﺘﻬﺎﻝ : ﻫﻴﺎﺍ ﻫﻴﺎﺍ ﺍﻧﺘﻌﺮﻓﻮﻭ
ﻣﻼﻙ : ﺱ ﻉ
ﺍﻟﺸﺎﺏ : ﻉ ﺱ
ﻣﻼﻙ : ؟؟؟
ﺍﻟﺸﺎﺏ : ﻧﺘﻌﺮﻓﻮﻭ؟
ﻣﻼﻙ : ﻣﻴﻤﻲ ﻣﻦ ﺑﻨﻐﺎﺯﻱ
ﺍﻟﺸﺎﺏ : ﻋﺎﺩﻝ ﻣﻦ ﺑﻨﻐﺎﺯﻱ
ﻣﻼﻙ : ﻉ ﺍﺳﺎﻣﻲ
ﺍﻟﺸﺎﺏ : ﺗﺴﻠﻤﻲ ﻭﻳﻦ ﻓﻲ ﺑﻨﻐﺎﺯﻱ؟
ﻣﻼﻙ : ﺍﻟﻠﻴﺜﻲ ﻭﺍﻧﺖ
ﻋﺎﺩﻝ : ﺍﻟﻤﺴﺎﻛﻦ
ﻣﻼﻙ : ﺍﻫﺎ
ﻋﺎﺩﻝ : ﻛﻢ ﻋﻤﺮﻙ؟
ﻣﻼﻙ : 97
ﻋﺎﺩﻝ : 93 ﻧﺎ ﻋﻤﺮ ﻛﻠﻪ ﻳﺎﻣﻴﻤﻲ
ﻣﻼﻙ : ﺷﻜﺮﺍ
ﻋﺎﺩﻝ : ﺷﻦ ﺟﻮ ﺻﻘﻊ ﻣﻌﺎﻙ؟
ﻣﻼﻙ : ﻫﻬﻬﻪ ﺗﻤﺎﻡ
ﻭﻗﻌﺪﻭ ﻳﺘﻌﺮﻓﻮﻭﻭ
ﻉ ﺍﺳﺎﺱ ﻣﻌﺮﻓﺔ ﻧﺖ ﻭﻉ ﺍﺳﺎﺱ ﺩﺭﺩﺷﻪ ﻋﺎﺩﻳﻪ ﺟﺪﺍ ﺑﺲ؟؟؟؟
ﻣﻌﻘﻮﻭﻟﻪ؟؟؟
ﻭﺍﺑﺘﻬﺎﻝ ﻃﺒﻌﺎ ﺍﺗﻌﻠﻢ ﻣﻦ ﻣﻼﻙ ﻭﻣﺎﺩﻩ ﻭﺟﻬﻬﺎ ﻓﻲ ﻧﻘﺎﻝ ﻣﻼﻙ
ﻭﺭﻳﻤﺎﺱ ﺭﺍﻗﺪﻩ ﻫﻴﺎ ﻭﻣﻨﻴﺎ ﺗﻌﺒﻨﺎﺕ ﻣﻦ ﺷﻴﻞ ﺟﻴﺐ ﺍﺭﻓﻊ ﺣﻂ
ﺻﻐﻴﺮ ﺍﻟﻘﻮﻡ ﺧﺎﺩﻣﻬﻢ
ﻭﻣﺎﻣﺎ ﻭﺑﺎﺑﺎ ﺭﻗﺪﻳﻦ
ﻭﻋﻮﻳﺸﻪ ﺩﺍﻳﺮﻩ ﺭﻭﺣﻬﺎ ﺗﻘﺮﺍ ﺑﺲ ﻣﺘﻨﻜﺪﻩ ﻉ ﺍﺣﻤﺪ ﻭﺍﺟﺪ ﻭﻣﺎﺛﺮ ﻓﻴﻬﺎ
ﺍﻧﺎ : ﻣﺰﻟﺘﻲ ﺑﻨﻄﻔﻲ ﺍﻟﻀﻲ ﻭﺍﻳﻪ ﺟﺎﻣﻌﻪ؟
ﻋﺎﺋﺸﻪ : ﺗﻮ ﻧﻄﻠﻊ ﺑﺮﻩ ﻧﻘﺮﺍﺍ
ﺍﻧﺎ : ﺧﻼﺹ ﺍﻗﻌﺪﻱ ﻋﺎﺩﻱ ﺗﻮ ﻧﻐﻄﻲ ﻭﺟﻲ
ﻋﺎﺋﺸﻪ : ﺑﻪ ﺑﺮﺍﺣﺘﻚ
ﺍﻧﺎ : ﻣﺘﺰﻋﻠﺶ ﻭﺗﻨﻜﺪﻱ ﻳﻌﻨﻲ ﺧﻼﺹ
ﻋﺎﺋﺸﻪ : ﺍﻧﺤﺒﻪ ﻳﺎﺟﻴﻬﺎﻥ
ﺍﻧﺎ : ﻣﺘﻨﺪﺭﺵ ﻣﺮﺍﺕ ﻳﻘﻌﺪ ﻣﻦ ﻧﺼﻴﺒﻚ؟؟
ﻋﺎﺋﺸﻪ : ﻣﺮﺍﺕ؟؟؟ ﺍﻓﻔﻔﻒ
ﻭﻓﻲ ﺻﺒﺢ ﺑﺎﺑﺎ ﻭﺗﻲ ﻓﻲ ﺩﺑﺸﻪ
ﺑﺎﺑﺎ ﺷﻐﻠﻪ ﺻﻌﺐ ﺷﻐﻠﻪ ﻛﻠﻪ ﺑﻴﻦ ﺍﻟﺒﻴﻀﺎﺀ ﻭﺑﻨﻐﺎﺯﻱ
ﻭﻣﺮﺍﺕ ﻃﺮﺍﺑﻠﺲ ﻭﺑﻨﻐﺎﺯﻱ ﻳﻌﻨﻲ ﺩﻳﻤﻪ ﻣﺴﺎﻓﺮ
ﻭﻳﺴﺎﻓﺮ ﻓﻲ ﺳﻴﺎﺭﺗﻪ ﺍﻟﻜﺒﻴﺮﻩ ﻳﻮﺻﻞ ﻓﻲ ﺑﻀﺎﻋﻪ ﻭﻫﻜﻲ
ﺳﻠﻤﻨﺎ ﻋﻠﻴﻪ ﻭﻭﻓﺮﻟﻨﺎ ﺣﺎﻓﻼﺕ ﻛﻠﻨﺎ ﻭﻭﺯﺍﻩ ﻭﺣﺪﻳﻦ ﻛﻮﻳﺴﻴﻦ ﻭﻣﻀﻤﻮﻧﻴﻦ
ﻋﺪﺍ ﻟﻤﺪﻳﻨﺔ ﺍﻟﺒﻴﻀﺎﺀ ﻭﻧﺎ ﻟﺠﺎﻣﻌﻪ
ﻭﻧﺎ ﻧﺎﺯﻟﻪ .........
........... ﻳﺘﺒﻊ
# ﻓﺎﻃﻤﻪ
