ﻣﻨﻘــﻮﻟﺔ
# ﻧﺎﺯﺣﻪ _ ﻳﺎﻃﻴﺎﺡ _ ﺳﻊﺩﻱ
ﺍﻟﺤﻠﻘﻪ 18
#
#
ﺍﻧﺎ : ﺍﻣﻤﻢ ﺑﻨﺴﺄﻟﻚ ﻋﻠﻲ ﻋﻤﺮ
ﻫﻨﺪ : ﺷﻨﻮ ?
ﺍﻧﺎ : ﻫﻮﺍ ﻭﺧﻄﻴﺒﺘﻪ ? ﺍﻛﻴﺪﻩ ﻋﻼﻗﻪ ﻳﺒﻴﻬﺎ ﻭﺗﺒﻴﻪ ?
ﻫﻨﺪ : ﻋﻤﺮ ﻗﺼﺘﻪ ﻗﺼﻪ
ﺍﻧﺎ : ﺷﻨﻮﻭ ?
ﻣﻼﻙ : ( ﻣﻦ ﺭﻭﺷﻦ ﺷﻘﺘﻨﺎ ) ﺍﻧﺘﻲ ﻫﻴﻴﻲ
ﺍﻧﺎ : ﻧﻌﻢ
ﻣﻼﻙ : ﻣﻦ ﻗﺎﻟﻚ ﺗﻠﺒﺴﻲ ﺑﻠﻮﺯﺗﻲ
ﺍﻧﺎ : ﻗﺎﻟﺘﻬﺎ ﺍﻟﻠﻲ ﻣﺘﻠﺒﺴﺶ ﻣﻨﻲ
ﻫﻨﺪ ; ﻃﻴﺢ ﺳﻌﺪﻙ
ﻣﻼﻙ : ﺷﻦ ﺗﺎﻛﻠﻦ ?
ﻫﻨﺪ : ﺳﻨﺪﻭﺗﺸﺎﺕ ﺷﻮﺭﻣﺎ ﺗﻌﺎﻟﻲ ﻛﻮﻟﻲ ?
ﻣﻼﻙ : ﻻﻻ ﺷﺎﺑﻌﻪ
ﻫﻨﺪ : ﻫﺒﻪ ﻓﻮ ﻕ ﻣﻌﺎﻙ ?
ﻣﻼﻙ : ﺍﻫﺎﺍ ﺗﻮﺍ ﻛﻴﻒ ﺍﺭﻛﺒﺖ ?
ﻫﻨﺪ : ﺑﺎﻩ ﺟﻮﻫﺎ ﻧﺎ ﺑﻨﺨﺶ ﻟﺤﻤﺎﻡ
ﺍﻧﺎ : ﺣﺘﻲ ﻧﺎ ﺑﻨﺮﻛﺐ ﺑﻨﻐﻴﺮ ﺩﺑﺸﻲ ﺍﺿﺎﻳﻘﺖ
ﻫﻨﺪ : ﺍﻧﺰﻟﻲ ﺑﻌﺪﻫﺎ ?
ﺍﻧﺎ : ﺍﺭﻛﺒﻲ ﺍﻧﺘﻲ ﺍﻣﺲ ﻧﺤﻨﺎ ﻧﺰﻟﻨﺎﻟﻜﻢ
ﻫﻨﺪ : ﺗﻢ
ﺧﺸﻴﻨﺎ
ﺭﻛﺒﺖ
#
#
#
ﻫﺒﻪ : ﻣﻔﺶ ﺍﺧﺒﺎﺭ ﻉ ﻣﺤﻤﺪ ﺗﻲ ﻣﺮﻧﺶ ﻋﻠﻴﻚ ﺑﻜﻞ
ﻣﻼﻙ : ﺍﺧﺮ ﻣﺮﻩ ﺳﻤﻌﺖ ﺻﻮﺗﻪ ﺑﻌﺪ ﻫﺰﺑﺎﺗﻪ ﺟﻴﻬﺎﻥ ﻭﻧﻜﺮﻧﻲ
ﻫﺒﻪ : ﺳﺤﻴﻘﻪ
ﻣﻼﻙ : ﺑﺲ ﺯﻫﺮﻩ ﺗﺸﺘﻐﻞ ﻛﻮﻳﺲ
ﻫﺒﻪ : ﺍﺻﻠﻴﻪ ﻓﺮﻳﺨﻪ ﻫﺬﻱ
ﻣﻼﻙ : ﺍﻧﺘﻲ ﻫﻲ
ﻫﺒﻪ : ﺷﻨﻮ
ﻣﻼﻙ : ﺍﻣﺲ ﻣﻨﻮ ﺍﻟﻠﻲ ﺭﻭﺡ ﻣﻨﻜﻢ 10 ﻛﺎﻥ ﻣﻊ ﺧﻮﻙ
ﻫﺒﻪ : ﻭﺍﺣﺪ ﻣﻦ ﺍﺻﺤﺎﺏ ﻋﻤﺮ
ﻣﻼﻙ : ﺷﻦ ﺍﺳﻤﻪ ?
ﻫﺒﻪ : ﺷﻦ ﺷﻜﻠﻪ ﺗﻮ ﻧﻌﺮﻓﻪ
ﻣﻼﻙ : ﺍﻗﺼﻴﺮ ﺍﺑﻴﺾ ﺷﻮﻳﻪ ﺷﻌﺮﻩ ﺧﻔﻴﻒ ?
ﻫﺒﻪ : ﺍﻧﻮﺭ
ﻣﻼﻙ : ﻃﺮﻑ
ﻫﺒﻪ : ﻧﺴﺮﻗﻠﻚ ﺭﻗﻤﻪ ﻣﻦ ﻋﻤﺮ
ﻣﻼﻙ ; ﻻﻩ ﺷﻌﻔﻪ ﺗﻮﺑﻪ ﺑﻌﺪ ﻣﺤﻤﺪ
ﻫﺒﻪ : ﺍﻭﻭﻭﻭ ﻣﻼﻙ ﺗﺸﻌﻒ
ﻣﻼﻙ : ﻛﻠﻬﻢ ﻛﺬﺍﺑﻴﻦ
ﻫﺒﻪ : ﻧﺠﻴﻠﻲ ﺍﻟﻠﻲ ﻗﻌﺪ ﻳﻔﻬﻢ ﻓﺮﺟﺎﻟﻪ
ﻣﻼﻙ : ﻣﺎﻻ ﺍﻳﺶ
ﻫﺒﻪ ﺧﺎﻃﺮﻱ ﻧﻄﻠﻊ ﺯﺣﺢ
ﻣﻼﻙ : ﻏﺒﻴﻪ ﻣﺤﻼﺕ ﺟﻨﺒﻜﻢ ﻭﻣﺘﻄﻠﻌﻨﺶ
ﻫﺒﻪ : ﺟﻴﺮﺍﻧﻪ ﺣﺸﻴﺸﺘﻬﻢ ﺩﻭﻩ
ﻣﻼﻙ : ﺷﻦ ﺭﺍﻳﻚ ﻧﻌﺪﻭ ﻧﺎ ﻭﻳﺎﻙ ﻭﺯﻫﺮﻩ
ﻫﺒﻪ : ﻻﻻﻻ ﻋﻤﺮ ﻓﻜﻴﻨﻲ
ﻣﻼﻙ ; ﻋﻴﻨﻚ ﺗﻮ ﻧﺴﻖ ﻧﺎ ﻭﺯﻳﺰﻭ
ﻫﺒﻪ : ﻣﺶ ﻋﺎﺭﻑ
ﻣﻼﻙ : ﺑﻨﺸﻴﻠﻚ ﻭﺑﻨﻌﺪﻱ
ﻫﺒﻪ : ﺍﺣﺤﺢ
ﻣﻼﻙ : ﺑﻤﺎ ﺍﻧﻚ ﻣﻄﻮﺣﻪ ﻓﺤﻮﺵ ﻫﻠﻚ ﻭﻻ ﻋﻤﺮﻩ ﺣﻴﻼﺣﻈﻚ
ﻫﺒﻪ : ﻭﺍﻋﺮ ﻳﺎﻟﻮﻛﻪ ﺣﺐ ﻣﻦ ﻃﺮﻑ ﻭﺍﺣﺪ
ﻣﻼﻙ : ﺧﻠﻴﻨﺎ ﻧﻌﺪﻭﻟﻪ ﻭﺣﻖ ﻣﺼﺤﻒ ﺟﻮ
ﻫﺒﻪ : ﻣﺤﻞ ﻣﺘﺎﻋﻪ ﻣﺤﻞ ﺷﺒﺎﺏ ﻭﻣﺶ ﻓﻲ ﺷﺎﺭﻉ ﺣﺪﺍﻳﻖ ﺑﺰﺑﻂ
ﻣﻼﻙ : ﻭﻳﻦ ﺑﺰﺑﻂ ?
ﻫﺒﻪ : ﻫﻮﺍ ﻓﻠﺤﺪﺍﻳﻖ ﺑﺲ ﻣﺶ ﻓﻲ ﺷﺎﺭﻉ ﺩﺑﺶ ﻣﺸﻜﻠﺘﻲ ﻧﻌﺮﻓﺶ ﻧﻮﺻﻒ
ﻣﻼﻙ : ﺑﻪ ﻣﺤﺼﻠﺘﺶ ﺑﻜﻞ ﻉ ﻓﻴﺲ ?
ﻫﺒﻪ : ﻧﻜﺘﺖ ﻋﻠﻴﻪ ﻓﻴﺲ ﻛﻠﻪ ﻣﻠﻘﻴﺘﺶ
ﻣﻼﻙ : ﻣﺴﻤﻲ ﺭﻭﺣﻪ ﻓﺎﺭﺱ ﺍﻟﻈﻼﻡ
ﻫﺒﻪ : ﺍﺳﺪ ﺍﻟﺼﺤﺮﺍﺀ
ﻣﻼﻙ : ﺭﻭﻣﺎﻧﺴﻲ ﻭﻣﺪﻟﻊ ﻧﻔﺴﻲ
ﻫﺒﻪ : ﻣﻐﺮﻭﺭ ﺍﻣﻮﺭ
ﻣﻼﻙ : ﺩﺍﻱ ﺍﻟﺸﺠﺎﻉ
ﻫﺒﻪ : ﻫﻬﻬﻬﻬﻬﻬﻪ
ﻣﻼﻙ : ﺍﻛﻴﺪﻩ ﻣﺤﻞ ﻋﻨﺪﻩ ﺻﻔﺤﻪ ﻉ ﻓﻴﺲ ?
ﻫﺒﻪ : ﺷﻔﺘﻪ ﻣﻠﻘﻴﺘﺶ
ﻣﻼﻙ : ﻣﻨﺼﻒ ﻣﻨﻮ ﻫﻮﺍ ?
ﻫﺒﻪ : ﻟﻌﻴﺖ #%$
ﻣﻼﻙ : ﺍﻭﻝ ﻣﺮﻩ ﻧﺴﻤﻊ ﺑﻴﻬﻢ
ﻫﺒﻪ : ﺟﺘﻲ ﻧﺎ ﺑﺲ ﺳﺎﻟﺖ ﺻﺤﺒﺎﺗﻲ ﻗﺎﻟﻠﻲ ﺍﺻﻮﻟﻬﻢ ﻣﻦ ﺩﺭﻧﻪ
ﻣﻼﻙ : ﺩﺭﻧﺎﻭﻱ ﺍﻻﺥ 😂
ﻫﺒﻪ : ﻋﻠﻲ ﻣﺎ ﻳﺒﺪﻭ 😂
ﻣﻼﻙ : ﺑﻪ ﻛﻢ ﻣﻮﺍﻟﻴﺪﻩ ﺍﻧﻮﺭ 😂
ﻫﺒﻪ : ﻭﺣﻖ ﺭﺑﻲ ﻣﺎﺗﺸﻌﻔﻲ 😂😂
#
#
#
ﺍﻧﺎ : ﺍﺑﺘﻬﺎﻝ ﻭﻳﻦ ?
ﻣﻨﻴﺎ : ﻓﻲ ﺩﺍﺭ
ﺍﻧﺎ ' ﻋﺎﺋﺸﻪ ?
ﻣﻨﻴﺎ : ﻣﻊ ﺍﺑﺘﻬﺎﻝ
ﺍﻧﺎ : ﻣﺎﻣﺎ ?
ﻣﻨﻴﺎ : ﻓﻲ ﺩﺍﺭﻫﺎ ﺗﻘﺮﺍ ﻓﻲ ﺍﻟﻘﺮﺍﺀﻥ
ﺍﻧﺎ : ﺭﻳﻤﺎﺱ ?
ﻣﻨﻴﺎ : ﺣﺎﻃﻪ ﻭﺫﻧﻬﺎ ﻉ ﺑﺎﺏ ﺩﺍﺭ ﺍﻟﻠﻲ ﻓﻴﻪ ﻫﺒﻪ ﻭﻣﻼﻙ
😂
ﺍﻧﺎ : 😱😱😱
ﻋﺪﻳﺘﻠﻬﺎ ?
ﺍﻧﺎ : ﻓﻴﺶ ﺗﺼﻨﺘﻲ ﻳﺎﺣﻴﻮﺍﻧﻪ 😠
ﺭﻳﻤﺎﺱ : ﻣﺴﻤﻌﺘﺶ ﺷﻲ ﻣﻮﻟﻌﺎﺕ ﺍﻏﻨﻴﺔ ﺣﺎﻟﺔ ﺣﺐ 😒
#
#
ﺟﺖ ﻫﻨﺪ ﻫﺪﺭﺯﻧﺎ ﺷﻮﻳﻪ ﻭﻧﺰﻟﺖ ﻫﻴﺎ ﻭ ﻫﺒﻪ
ﺭﻥ ﻓﻮﻧﻲ ﻣﻊ 11 ﻋﻤﺮ 😔
ﻣﺮﺩﻳﺘﺶ
ﻣﻨﻴﺎ ; ﻣﻦ ?
ﺍﻧﺎ : ﻧﻮﺍﺭﻩ ﺗﻮ ﻧﻜﻠﻤﻬﺎ ﺑﻌﺪﻳﻦ
ﻣﻼﻙ : ﻣﺘﻘﻌﺪﺵ ﺑﻼ ﻗﺼﻘﺼﻪ ﻫﺎﻟﻨﻮﺍﺭﻩ ﺷﻦ ﺩﺭﺗﻮ ﺷﻦ ﻛﻠﻴﺘﻮ ﻣﻦ ﺟﺎﻛﻢ 😒
ﺍﻧﺎ : ﺷﻦ ﺩﺧﻠﻚ 😒 ﻭﺑﻌﺪﻳﻦ ﻳﺎﺣﻘﻴﺮﻩ ﺗﻔﻀﺤﻲ ﺑﻴﺎ ﻗﺪﺍﻡ ﺍﻟﺒﻨﺖ ﻉ ﺑﻠﻮﺯﻩ ?
ﻣﻼﻙ ; ﻋﺸﺎﻥ ﻣﺮﻩ ﺍﺧﺮﺍ ﻣﻌﺶ ﺗﻘﺮﺑﻲ ﺩﺑﺸﻲ
ﺍﺑﺘﻬﺎﻝ : ﻭﺍﻧﺘﻲ ﺗﻠﺒﺴﻲ ﻑ ﺩﺑﺸﻨﺎ ﻭﻣﻦ ﻏﻴﺮ ﻣﺸﺎﻭﺭﻩ 😒
ﻣﻼﻙ : ﺍﻧﺘﻲ ﺍﺻﻼ ﻣﻌﻨﺪﻛﺶ ﺩﺑﺶ ﻳﻨﻌﺪ ﻉ ﺍﺻﺎﺑﻊ 😂
ﺍﺑﺘﻬﺎﻝ : ﺍﻟﺤﻤﺪﻟﻠﻪ 😌
ﻣﻨﻴﺎ : ﺟﻮﻫﺎ ﻛﺎﻥ ﻧﻄﻠﻌﻮ ﻟﺴﻮﻕ ﻭﻧﺸﺮﻭ 😍
ﺍﻧﺎ : ﺑﻌﺪﻙ ﺍﻟﺤﺪﺍﻳﻖ ﺧﻄﻮﺗﻴﻦ 😄
ﻣﻼﻙ : ﻧﻌﺪﻭ ﻉ ﻛﺮﻋﻴﻨﺎ 😍
ﺍﻧﺎ : ﻋﻴﻨﻚ ﺍﻧﺘﻲ ﻭﻳﺎﻫﺎ ﻧﺎﻗﺼﺘﻨﺎ 100 ﺣﺎﺟﻪ ﻧﺎﻗﺺ ﻋﻠﻴﻨﺎ ﺍﻻ ﺍﻟﺪﺑﺶ
ﻣﻼﻙ : ﺍﻧﺘﻲ ﻋﻨﺪﻙ ﻋﺮﻡ
ﺍﻧﺎ : ﻟﻴﺎ ﻓﺘﺮﻩ ﻣﺸﺮﻳﺘﺶ ﻧﺴﻴﺘﻪ ﺍﻟﺴﻮﻕ ﻫﺬﺍ ﻛﻠﻪ ﻋﻨﺪﻱ ﻣﻦ ﻗﺒﻞ ﺩﺑﺸﻲ
ﻣﻨﻴﺎ : ﺗﺬﻛﺮﻱ ﺍﻳﺎﻡ ﺣﻮﺷﻨﺎ ﻓﻠﻴﺜﻲ ﻣﺰﺍﻳﺎ ﻣﻮﻝ 😍
ﺍﻧﺎ : ﺣﺮﺍﻡ ﻣﺎﻓﺮﺣﻨﺎ ﺑﻴﻪ 😔
ﻣﻼﻙ : ﻉ ﻓﻴﺲ ﻗﺎﻟﻮ ﺳﺎﻭﻭﻩ ﺑﺎﻟﻮﻃﺎ ﻣﺪﻣﺮ ﻛﻠﻴﺎ
ﻣﻨﻴﺎ : ﺍﻩ ﻳﺎﺍﻳﺎﻡ ﻣﻌﻤﺮ 😭
ﻣﻼﻙ : ﺻﺢ ﻳﺘﺮﻳﺘﻪ ﻗﺎﻋﺪ
ﺍﻧﺎ : ﻉ ﺍﺳﺎﺱ ﺩﺍﺭ ﺧﻴﺮ ﻫﻮﺍ ﺍﺻﻼ 😒
ﺍﺑﺘﻬﺎﻝ : ﺍﻗﻞ ﺣﺎﺟﻪ ﻓﻲ ﺣﻮﺷﻨﺎ ﺭﺍ ﻭﻣﻔﺶ ﺣﺮﺏ
ﺍﻧﺎ : ﺍﻟﻤﻜﺘﻮﺑﻠﻚ ﻏﻴﺮ ﺯﺍﻳﺪ ﺑﻤﻌﻤﺮ ﻭﻻ ﺑﻼ ﻣﻌﻤﺮ
ﻣﻼﻙ : ﻋﻤﻮﻣﺎ ﻧﺒﻲ ﺩﺑﺶ ﺟﺪﻳﺪ 😞
ﺍﺑﺘﻬﺎﻝ : ﺗﺬﻛﺮﻱ ﺍﺧﺮ ﻋﻴﺪ ﻓﺤﻮﺷﻨﺎ ﺷﺎﻟﻨﺎ ﺑﺎﺑﺎ ﻟﺒﺒﺴﻲ 😍
ﻣﻼﻙ : ﻧﺎﻋﻠﻴﺎ ﻋﻠﻴﻚ ﺩﺑﺶ 😍😍
ﻣﻨﻴﺎ : ﻋﺎﺩﻱ ﻧﻄﻠﻌﻮ ﺍﻱ ﻣﻜﺎﻥ ﺍﻫﻢ ﺷﻲ ﺩﺑﺶ 😍
ﺍﻧﺎ : ﺍﻧﺘﻦ ﻳﺴﻜﺮﻭﻟﻜﻦ ﺣﺎﺟﻪ ﺗﻔﺘﺤﻦ ﺣﺎﺟﻪ 😏
ﻣﺎﻣﺎ : ﺟﻴﻬﺎﻥ ﻧﻮﺿﻲ ﺩﻳﺮﻱ ﺣﺎﺟﻪ ﺟﺎﺭﻳﻪ ﻟﻠﻌﺸﺎﺀ ?
ﺍﻧﺎ : ﺣﺎﺍﺿﺮ
#
#
#
ﺩﺭﺕ ﺍﻟﻌﺸﺎﺀ ﻭﺗﻌﺸﻴﻨﺎ
ﺧﺸﻴﺖ ﺑﻨﺮﻗﺪ ﺭﻥ ﻋﻠﻴﺎ ﺍﺧﺮﻱ 😫
ﺍﻧﺎ : ﺍﻓﻔﻔﻒ ﻫﺬﺍ ﺷﻦ ﻳﺒﻲ ﻣﻨﻲ 😥
ﺭﺩﻳﺖ
ﺍﻧﺎ : ﺍﻟﻮ
ﻋﻤﺮ : ﺿﺮﻭﺭﻱ ﻣﺎﻧﺮﻥ ﻋﻠﻴﻚ ﻣﺮﺗﻴﻦ ? ﻋﺸﺎﻥ ﺗﺮﺩﻱ
ﺍﻧﺎ : ﻛﻨﺖ ﺍﻧﺪﻳﺮ ﻓﻲ ﻋﺸﺎﺀ
ﻋﻤﺮ : ﺷﻦ ﺩﺭﺗﻲ ?
ﺍﻧﺎ : ﺭﺯ ﺟﺎﺭﻱ
ﻋﻤﺮ : ﻭﻛﻨﻜﻚ ﻣﺎﺩﺯﻳﺘﻴﻠﻲ 😏
ﺍﻧﺎ : ﺗﺎﻛﻞ ﻓﻴﻪ ﺟﺎﺭﻱ ?
ﻋﻤﺮ : ﺷﻦ ﻗﺎﻟﻮﻟﻚ ﻋﻠﻴﺎ ﺑﻠﺒﻮﻝ ?
ﺍﻧﺎ : ﻣﺶ ﻫﻚ
ﻋﻤﺮ : ﻧﺒﻲ ﺗﻮﺍ ﺟﺎ ﺧﺎﻃﺮﻱ ﻓﻴﻪ
ﺍﻧﺎ : ﺯﺍﺩ ﻓﻲ ﺛﻼﺟﻪ
ﻋﻤﺮ : ﺳﺨﻨﻴﻪ ﻭﻧﺰﻟﻴﻪ
ﺍﻧﺎ : ﺗﻮﺍ 😱😱
ﻋﻤﺮ : ﺍﺍﻩ 😁
ﺍﻧﺎ : ﺑﻪ ﺍﺻﺒﺮ ﺷﻮﻳﻪ
ﻋﻤﺮ : ﺑﻪ
ﺻﻜﺮﺕ ﺍﻃﻤﻨﺖ ﻉ ﺍﻭﺿﺎﻉ ﺍﻟﺴﻜﻮﺕ
ﺳﺨﻨﺘﻪ ﻻﻩ
ﺍﺑﺘﻬﺎﻝ : ﺣﻠﻚ ﺟﻌﺘﻲ ﺍﻧﺘﻲ ?
ﺍﻧﺎ : ﺍﻫﺎ ﺍﻧﺘﻲ ﻣﺮﻗﺪﺗﻴﺶ ?
ﺍﺑﺘﻬﺎﻝ : ﺗﺆﺅ
ﺍﻧﺎ : ﻣﻌﺶ ﺣﻜﻴﺘﻲ ﻣﻊ ﻋﻠﻲ ? 😒
ﺍﺑﺘﻬﺎﻝ : ﻻ ﻣﻨﺤﻜﻮﺵ ﺑﻜﻞ 😁 ﺑﻨﺸﻮﻑ ﻣﻼﻙ
) ﻫﺮﺑﺖ )
ﺭﻧﻴﺖ ﻋﻠﻴﻪ ???
ﺍﻧﺎ : ﺍﻧﺤﻄﻪ ﻟﻚ ﻗﺪﺍﻡ ﺷﻘﺘﻨﺎ ﻉ ﺩﺭﻭﺝ ﻭﺍﻧﺖ ﺍﺭﻛﺐ ﺧﻮﺩﻩ ﺑﻌﺪ ﺗﺴﻤﻌﻨﻲ ﺻﻜﺮﺕ ﺍﻟﺒﺎﺏ ?? ﺍﺭﻛﺐ ?
ﻋﻤﺮ : ﺷﻘﺘﻲ ﻗﺼﺪﻙ 😒 ﺑﺎﻫﻲ ﻏﻴﺮ ﻫﻴﺎ
ﺍﻧﺎ : ﻣﺘﺮﻛﺒﺶ ﻟﻌﻨﺪ ﺗﺴﻤﻊ ﻃﺒﻘﺖ ﺍﻟﺒﺎﺍﺍﺏ 😒
ﻋﻤﺮ : ﺗﻲ ﻫﻴﺎ ﺑﺲ 😒
ﻃﺒﻌﺎ ﺧﻮﺍﺗﻲ ﻭﺍﻋﻴﺎﺕ ﻟﺬﻟﻚ ﻣﺒﻴﺘﺶ ﺍﻧﺪﻳﺮ ﺭﻭﺣﻲ ﺷﺒﻬﻪ ﻭﻧﻠﺒﺲ ﺟﺎﻛﻪ ﺍﻭ ﻣﻼﻳﺔ ﺍﻟﺼﻼﻩ
ﻃﻠﻌﺖ ﺑﺘﻮﺗﻪ ﻭﺷﻌﺮﻱ ﻭﺣﺎﻟﺘﻲ ﺣﺎﻟﻪ ﻉ ﺍﺳﺎﺱ ﺑﻨﺤﻄﻬﺎ ﻭﻧﺨﺶ
ﻓﺘﺤﺖ ﺍﻟﺒﺎﺏ ﻟﻘﻴﺘﻪ ﻗﺪﺍﻡ ﻭﺟﻲ 😱😱
ﺣﻄﻴﺘﻬﺎ ﻉ ﻭﻃﺎ ﻭﺧﺸﻴﺖ
ﺻﻜﺮﺕ ﺍﻟﺒﺎﺏ
😫😫
ﺭﻥ ﻋﻠﻴﺎ
ﺍﻧﺎ ; ﻣﺶ ﻗﺘﻠﻚ ﻣﺘﺮﻛﺒﺶ ﻟﻌﻨﺪ ﻧﺼﻜﺮ ﺍﻟﺒﺎﺏ 😫
ﻋﻤﺮ : ﺣﻮﺷﻨﺎ ﻧﺮﻛﺐ ﻭﻧﻨﺰﻝ ﻛﻴﻒ ﻣﺎﻧﺒﻲ 😒
ﺍﻧﺎ : ﻋﻤﺮ ﻧﺤﻜﻲ ﺟﺪﻳﺎﺕ ﻣﺘﻈﺮ ﺍﻟﻠﻲ ﺷﻔﺘﻨﻲ ﺑﻴﻪ 😔
ﻋﻤﺮ : ﺗﻲ ﻣﺎﻻﺧﻴﺮ 😍😍😍
ﺍﻧﺎ : 😒
ﻋﻤﺮ : ﺑﺲ ﺍﻧﺘﻲ
ﺍﻧﺎ : ﺷﻨﻮ
ﻋﻤﺮ : ﻳﺎﺭﻳﺘﻚ ﻣﺎﺟﻴﺘﻲ ﻫﻨﺎ
ﺍﻧﺎ : ﻣﻔﻬﻤﺘﺶ ?
ﻋﻤﺮ : ﻗﺼﺪﻱ ﺑﻨﺎﻛﻞ ﻗﺒﻞ ﻣﺎﻳﺼﻘﻊ ﺑﻴﺶ ﻧﺮﻛﺒﻠﻚ ﺍﻟﺘﺒﺴﻲ
ﺍﻧﺎ : ﻻﻻ ﺧﻼﺹ ﺧﻠﻴﻪ ﻋﻨﺪﻛﻢ ?
ﻋﻤﺮ : ﻭﻛﺎﻥ ﺍﻣﻲ ﺣﻘﺎﺗﻪ ﻭﻗﺎﻟﺘﻠﻲ ﻣﻦ ﻭﻳﻦ ?
ﺍﻧﺎ : ﺑﺎﻩ ﺗﻜﻤﻞ ﺣﻄﻪ ﻗﺪﺍﻡ ﺑﺎﺏ ﺍﻟﺸﻘﻪ ﺗﻮ ﻧﻔﺘﺢ ﻧﺎﺧﺪﻩ
ﻋﻤﺮ : ﺑﻪ ﻫﻴﺎ ﺍﻭﻙ
ﺍﻧﺎ : ﺍﻭﻙ
#
#
#
ﺑﻌﺪ ﺭﺑﻊ ﺳﺎﻋﻪ
ﺭﻥ ﻋﻠﻴﺎ ﺭﺩﻳﺖ
ﺍﻧﺎ : ﺍﻟﻮ
ﻋﻤﺮ : ﻏﺴﻠﺘﻪ ﻟﻚ ﻭﺣﻄﻴﺘﻪ ﻗﺪﺍﻡ ﺍﻟﺸﻘﻪ ﺍﻃﻠﻌﻲ ﺧﻮﺩﻳﻪ
ﺍﻧﺎ : ﺑﺎﻩ ﺍﻧﺰﻝ ﺍﻧﺖ ﺑﺲ
ﻋﻤﺮ : ﻧﺰﻟﺖ ﻧﺎ
ﺍﻧﺎ : ﺑﻪ
ﺭﺍﺟﻴﺖ ﻗﺮﻳﺐ ﺭﺑﻊ ﺳﺎﻋﻪ ﺍﺧﺮﺍ ﻋﺸﺎﻥ ﻧﺘﺎﻛﺪ ﺍﻥ ﻧﺰﻝ
ﻓﺘﺤﺖ ﺍﻟﺒﺎﺏ
ﻭﻟﻘﻴﺘﻪ ﻗﺪﺍﻣﻲ 😓😓😓😓
ﺑﺤﺖ ﻓﻴﺎ ﺿﺤﻚ ﻭﻧﺰﻝ
ﺧﺪﻳﺖ ﺍﻟﺘﺒﺴﻲ ﻭﺧﺸﻴﺖ
ﺭﻥ ﻋﻠﻴﺎ
ﺍﻧﺎ : ﺿﺤﻜﺖ ﻋﻠﻴﺎ ﺍﻧﺖ
ﻋﻤﺮ : 😂😂 ﺩﻳﺮﻱ ﻓﻲ ﺭﻭﺣﻚ ﺷﺎﻃﺮﻩ 😂 ﺗﻔﻮﻟﻲ ﺍﻛﻴﺪﻩ ﻧﺰﻝ 😂
ﺍﻧﺎ : ﻣﻌﺶ ﺍﻧﺼﺪﻗﻚ 😒
ﻋﻤﺮ : 😒
ﺍﻧﺎ : ?/
ﻋﻤﺮ : ﺑﻜﺮﻩ ﺷﻦ ﻋﻨﺪﻙ ?
ﺍﻧﺎ : ﺷﻲ
ﻋﻤﺮ : ﻧﻄﻠﻌﻮ ﻧﺎ ﻭﻳﺎﻙ ﻫﻚ ﻗﺼﺎﺩ ﺍﻟﻌﺼﺮ ?
ﺍﻧﺎ : ﻭﻳﻦ 😱
ﻋﻤﺮ : ﻣﺘﺒﺶ ﺍﺗﻌﻠﻤﻲ 😭
ﺍﻧﺎ : ﺍﻫﺎ 😥
ﻋﻤﺮ : ﺗﻄﻠﻌﻲ ﻣﻌﺎﻳﻪ ﻗﺼﺪﻱ ﻣﻌﺎﻧﻪ ﻫﻨﺪ
ﺍﻧﺎ : ﺑﺎﻫﻲ ﻟﻮ ﺍﻧﺖ ﻓﺎﺿﻲ
ﻋﻤﺮ : ﻧﻔﻀﺎﻟﻚ 😉
ﺍﻧﺎ : ﺷﻜﺮﺍ ﻣﺘﻌﺒﺘﻚ ﻣﻌﺎﻳﻪ
ﻋﻤﺮ : ﻋﻠﻴﻚ ﻃﺮﻭﺡ 😂
ﺍﻧﺎ : ﻫﺎﺑﻪ ﺷﻦ ﻳﻘﻮﻟﻮ 😂
ﻋﻤﺮ : 😂😂
ﺍﻧﺎ : ﻫﻜﻲ ﻣﺶ ﻋﺎﺭﻑ
ﻋﻤﺮ : ﻭﻫﻚ ﺣﺘﻲ ﻧﺎ ﻧﻘﻮﻝ
ﺍﻧﺎ : ﻭﻫﻜﺎﺕ ﻋﺮﻡ 😂
ﻋﻤﺮ : 😂
ﺍﻧﺎ : ﺍﻣﻤﻤﻢ
ﻋﻤﺮ : ﻣﺶ ﻣﺮﺗﺒﻄﻪ ﻣﺶ ﻣﺨﻄﻮﺑﻪ
ﺍﻧﺎ : ﺍﻧﻼ
ﻋﻤﺮ : ﻋﻴﻨﻲ ﻑ ﻋﻴﻨﻚ 😉
ﺍﻧﺎ : ﻳﺎﺭﺑﻲ 😂 ﻗﺘﻠﻚ ﻻ ﻳﻌﻨﻲ ﻻ
ﻋﻤﺮ : ﺍﻫﺎ ﺣﺘﻲ ﻧﺎ 😂
ﺍﻧﺎ : ﻭﺗﺴﻨﻴﻢ ﻭﻳﻦ ﻃﻴﺮﺗﻬﺎ 😂
ﻋﻤﺮ : ﻣﺎﻃﻴﺮﺗﻪ ﻃﺎﺭ ﺑﺮﻭﺣﻪ 😂
ﺍﻧﺎ : ﺣﺮﺍﻡ ﺗﻨﻜﺮ ﻓﻴﻬﺎ ﺗﺴﻨﻴﻢ
ﻋﻤﺮ : ﻻ ﻭﺗﻌﺮﻓﻲ ﺍﺳﻤﻬﺎ ﺍﺧﺮﻱ
ﺍﻧﺎ : ﺍﻫﺎ ﺣﻜﻮﻟﻲ ﻫﻠﻚ
ﻋﻤﺮ : ﻭﺣﻜﻮﻟﻚ ﺍﻥ ﺧﻄﺒﺘﻨﺎ ﺗﻘﻠﻴﺪﻳﻪ ?
ﺍﻧﺎ : ﻻ
ﻋﻤﺮ : ﻫﻠﻲ ﺣﺎﺟﻪ ﻓﻴﻬﺎ ﻓﺎﻳﺪﻩ ﻣﺎﻳﺤﻜﻮﻫﺶ
ﺍﻧﺎ : ﻏﺮﻳﺒﻪ ﺻﺎﺣﺒﺔ ﻫﺒﻪ ﻳﻌﻨﻲ ﺍﻛﻴﺪﻩ ﺟﻮ ﺑﻴﻨﺎﺗﻜﻢ
ﻋﻤﺮ : ﺧﻄﺒﺘﻬﺎ ﺍﻣﻲ
ﺍﻧﺎ : ﻧﻜﺮﺗﻬﺎ 😏
ﻋﻤﺮ : ﻻ ﺑﻠﻌﻜﺲ ﺷﻮﻓﻲ ﺷﻔﺘﻬﺎ ﻋﺠﺒﺘﻨﻲ ﻭﻛﻨﻪ ﻣﺘﻔﺎﻫﻤﻴﻦ ﻟﻨﻪ ﻭﺍﺟﺪ ﻣﻊ ﺑﻌﻀﻨﺎ ﺍﻟﺒﻨﺖ ﺳﻤﺤﻪ ﻭﺑﻨﺖ ﻧﺎﺱ
ﺍﻧﺎ : ﺭﺑﻲ ﻳﺨﻠﻴﻜﻢ ﻟﺒﻌﻀﻜﻢ
ﻋﻤﺮ : ﺻﻜﺮﺗﻴﻬﺎ ﺑﻜﻞ 😒
ﺍﻧﺎ : ﻣﻔﻬﻤﺘﺶ ?
ﻋﻤﺮ : ﺗﺼﺒﺤﻲ ﻉ ﺧﻴﺮ
ﺻﻜﺮ ﻓﻲ ﻭﺟﻲ 😱
ﺣﻴﻮﻭﺍﻥ
ﺷﻨﻮ ﺍﻟﻠﻲ ﻗﻠﺘﻪ ﻏﻠﻂ ﻧﺎ
ﺯﻋﻤﺎ ﺍﻧﺮﻥ ??
ﻭﺍﻟﻠﻪ ﻣﺎﻧﻲ ﺭﺍﻧﻪ 👊😒
#
#
#
ﺭﻗﺪﺕ ﻣﻊ 2
ﻭﻋﻴﺖ ﺟﻤﻌﻪ ﺛﺎﻧﻲ ﻳﻮﻡ ﻣﺤﺸﻲ ﻭﻛﺴﻜﺴﻮ
ﺧﺸﻴﺖ ﻟﻠﻤﻄﺒﺦ ﺑﻌﺪ ﻓﻄﻮﺭ ﻉ ﻃﻮﻝ
ﺩﺭﻧﺎ ﻧﺎ ﻭﻣﺎﻣﺎ ﺍﻟﻐﺬﺍ
ﻭﺣﻄﻴﻨﺎ ﺗﻐﺬﻳﻨﺎ
ﻣﻊ ﻋﺼﺮ ﺭﻛﺒﺖ ﻫﻨﻮﺩﻩ ﺗﻬﺪﺭﺯ
ﻣﻘﺎﻟﺘﻠﻴﺶ ﻫﻴﺎ 😥
ﺍﻧﺎ : ﺧﻮﻙ ﻗﺒﻞ ﺑﻴﻌﻠﻤﻨﻲ ﺍﻟﻴﻮﻡ
ﻫﻨﺪ : ﻃﻠﻊ ﻣﻦ ﺻﺒﺢ ﻭﺻﺎﺣﺒﻪ ﻋﺎﺯﻣﻪ ﺗﻮ ﻧﻌﺪﻭ ﺍﻻﺭﺑﻌﺎﺀ ﺟﺎﻳﻪ
ﺍﻧﺎ : ﺑﻪ ﻉ ﺭﺍﺣﺘﻪ
ﻫﻨﺪ : ﻳﻮﻡ ﺍﻻﺭﺑﻌﺎﺀ ﻋﺎﺯﻣﻪ ﺻﺤﺒﺎﺗﻲ ﻭﻗﺮﻳﺒﺎﺗﻨﺎ ﺩﺍﻳﺮﻩ ﻻﻣﺔ ﺍﻧﺎ : ﺷﻦ ﺗﺒﻴﻨﻲ ﻧﺪﻳﺮﻟﻚ ﻣﻮﺍﻟﺢ ﻭﺣﻠﻮ ?
ﻫﻨﺪ : ﻻﻻ ﻣﺎﺗﻌﺒﺶ ﺭﻭﺣﻚ ﺗﻮ ﺑﻨﺒﺪﺍ ﻧﺪﻳﺮ ﻭﻧﺤﻂ ﻓﻠﻔﺮﻳﺰ
ﺍﻧﺎ : ﺗﻮ ﻧﺪﻳﺮﻟﻚ ﺗﺸﻴﺰ ﻛﻴﻚ ﻳﺴﺘﺮ ﺍﻧﺤﻄﻮﻩ ﻣﻊ ﻗﻬﻮﻩ
ﻫﻨﺪ : ﺑﻪ 😍
ﺍﻧﺎ : ﺗﺒﻲ ﺍﻱ ﺣﺎﺟﻪ ﻗﻮﻟﻴﻠﻲ ﺣﺘﻲ ﻧﺴﺎﻋﺪﻙ ﻋﺎﺩﻱ ﻭﺍﻟﻠﻪ
ﻫﻨﺪ : ﻧﺠﻚ ﻟﻴﺎ ﺍﻧﺘﻲ ☺😍😍
ﺍﻧﺎ ☺☺
#
#
#
ﻣﺮﺭﻥ ﻛﻢ ﻳﻮﻡ
ﻃﺒﻌﺎ ﻋﻤﺮ ﺯﻋﻼﻥ ﻻ ﺭﻥ ﻭﻻ ﺷﻔﺘﻪ
ﻧﻌﺪﻱ ﻟﻠﻤﺪﺭﺳﻪ ﻭﻣﻨﻌﻢ ﻣﻌﺎﻣﻠﺘﻪ ﻣﻌﺎﻳﻪ ﺳﻄﺤﻴﻪ
ﺗﺸﻴﻞ ﻓﻴﺎ ﺍﺑﻠﻪ ﺟﻤﻴﻠﻪ ﻭﺗﻌﻄﻲ ﻓﻴﺎ ﻓﺪﺭﻭﺱ ﻓﻠﻘﻴﺎﺩﻩ ﻓﻲ ﻃﺮﻳﻖ ﻟﻌﻨﺪ ﻣﺎﻧﻮﺻﻠﻮ ﻟﻠﻤﺪﺭﺳﻪ
ﺟﺎ ﺑﺎﺑﺎ ﺣﺒﻴﺒﻲ ﻭﻋﻄﻴﺘﻪ ﻓﻠﻮﺱ ﻟﻘﻄﺘﻬﻦ 😔
ﺑﺲ ﻣﺒﺶ ﻳﺎﺧﺪﻫﻦ ﻗﺎﻟﻲ ﺗﻌﺒﻚ ﺧﻠﻴﻬﻦ ﻋﻨﺪﻙ
ﺷﺮﻳﻨﻪ ﻏﺎﺯ ﻓﻴﻪ ﻛﻮﺷﺎ 😍
ﺭﺩ ﺑﺎﺑﺎ ﻟﺸﻐﻠﻪ ﻭﻋﺪﺍ
ﻭﻋﺎﺋﺸﻪ ﺑﺪﺕ ﻓﻠﻤﻌﻬﺪ
#
#
#
ﻳﻮﻡ ﺍﻻﺭﺑﻌﺎﺀ ﻓﻲ ﺻﺒﺢ ﺩﺭﺕ ﻃﺎﺟﻴﻨﻴﻦ ﺗﺸﻴﺰ ﻛﻴﻚ ﻭﺩﺭﺗﻠﻬﺎ ﺗﺎﺭﺕ ﻣﺎﻟﺢ
ﻻﻥ ﺑﺼﺪﻕ ﻫﻤﺎ ﻣﺶ ﻣﻘﺼﺮﻳﻦ ﻣﻌﺎﻧﻪ 😔
ﻣﻼﻙ ﺗﺴﺘﺸﻮﺭ ﻣﻦ ﺻﺒﺢ 😒
ﺍﻧﺎ : ﻋﻤﺮﻱ ﻓﻲ ﺣﻴﺎﺗﻲ ﻣﺎﺳﻤﻌﺖ ﺍﺳﺘﺸﻮﺍﺭ ﻣﻦ ﺳﺎﻋﻪ 10
ﻣﻼﻙ : ﺧﺎﻳﻔﻪ ﺍﻟﻀﻲ ﻳﻨﻘﻄﻊ 😒
ﺍﻧﺎ : ﻋﺎﺋﺸﻪ ﺑﺘﻨﺰﻟﻲ ?
ﻋﺎﺋﺸﻪ : ﻧﺒﻲ ﻧﻘﺮﺍ ﻣﻌﻨﺪﺵ ﺭﺍﺱ ﻧﻨﺰﻝ
ﺍﻧﺎ : ﺍﺑﺘﻬﺎﻝ ????
ﺍﺑﺘﻬﺎﻝ : ﺑﻨﻜﺴﺪ ﻉ ﻧﺖ
ﺍﻧﺎ ; ﻣﻮﻧﻲ ?
ﻣﻨﻴﺎ : ﻻﻻ ﻋﺎﺭﻓﺘﻴﻨﻲ ﻧﺤﺒﺶ ﺟﻮ ﻫﻀﺎ 😏
ﺍﻧﺎ : ﻧﺎ ﺓﻣﻼﻙ ﺑﺲ ????
ﺭﻳﻤﺎﺱ : ﺑﺘﺮﻛﺐ ﻫﻴﺎﻡ ﻭﺑﻨﻜﺴﺪﻭ ﻉ ﺗﻠﻔﺰﻳﻮﻥ 😍
ﺍﻧﺎ : ﺑﺮﺍﺣﺘﻜﻦ 😌
ﺭﻛﺒﺖ ﻫﻨﺪ ﺑﻌﺪ ﺍﻟﻐﺬﺍ
ﻫﻨﺪ : ﺷﻦ ﺑﺘﻠﺒﺴﻲ ?
ﺍﻧﺎ : ﻣﺶ ﻋﺎﺭﻑ
ﻫﻨﺪ : ﺍﻟﺒﺴﻲ ﻗﻮﻧﻪ ﺍﻭ ﻓﺴﺘﺎﻥ 😍
ﺍﻧﺎ : ﻋﻠﻴﺶ ﻋﺮﺱ ﻫﻮﺍ 😃
ﻫﻨﺪ ; ﻻﻻ ﺑﺲ ﻛﻠﻨﺎ ﻫﻚ ﻻﺑﺴﺎﺕ
ﺍﻧﺎ : ﺑﻨﻠﺒﺲ ﻗﻮﻧﺘﻲ ﺍﻟﺒﻴﻀﺎ ﻭﻋﻨﺪﻱ ﻫﺬﻱ ﻧﻠﺒﺲ ﻓﻴﻬﺎ ﻣﻌﺎﻫﺎ
ﻫﻨﺪ : ﺍﻟﺒﺴﻲ ﺣﺎﺟﻪ ﺍﻗﺼﻴﺮﻩ 😒
ﺍﻧﺎ : ﻫﺬﻱ ﻟﻌﻨﺪ ﺍﻟﺮﻛﺒﻪ ??? ﺍﻟﺒﻴﻀﺎﺀ
ﻫﻨﺪ : ﻣﻌﻨﺪﻛﺶ ﺣﺎﺟﻪ ﺍﻗﺼﻴﺮﻩ ﺍﻛﺜﺮ 😍
ﺍﻧﺎ : ﻻﻻ
ﻫﻨﺪ : ﺍﻟﺒﺴﻲ ﺍﻟﻔﺴﺘﺎﻥ ﺍﻟﻠﻲ ﻓﻲ ﻋﺮﺱ ﺻﻔﺎﺀ ??
ﺍﻧﺎ : ﻻﻻ ﺣﺮﺍﻡ ﻋﻠﻴﻚ ﻣﺘﺎﻉ ﺍﻓﺮﺍﺡ 😳
ﻫﻨﺪ : ﻧﻌﻄﻴﻚ ﻣﻨﻲ ??
ﺍﻧﺎ : ﻻﻻ ﺑﻨﻠﺒﺲ ﻫﺬ 😁
ﻫﻨﺪ ' ﺗﺼﻜﻴﺮ ﺭﺍﺱ 😓
ﺍﻧﺎ : ﺷﻴﻨﻪ 😞
ﻫﻨﺪ : ﺳﻤﺤﻪ ﺑﺲ ﺑﺪﻱ ﻛﻢ
ﺍﻧﺎ : ﻛﻮﻳﺴﻪ ﻣﻨﺤﺒﺶ ﺗﻌﺮﺍﻱ ﻧﺎ 😷
ﻫﻨﺪ : ﺍﺳﺘﺸﻮﺭﻱ ﻫﻴﺎﺍ
ﺍﻧﺎ : ﻧﺪﻭﺵ ﻗﺒﻞ ﻉ ﺳﺮﻳﻊ ﺍﻧﺘﻲ ﺭﻛﺰﻱ ﻉ ﺭﻭﺣﻚ ﺟﻴﻴﻨﻚ ﻣﺶ ﺟﺎﻳﻴﻨﻲ 😒
ﻫﻨﺪ : ﻧﺎ ﺧﻼﺹ ﻧﻠﻴﺲ ﻭﻧﻤﻜﻴﺞ ﻫﻴﺎ ﺑﻨﻨﺰﻝ ﻣﻜﺠﻲ ﺑﺎﻫﻲ ?
ﺍﻧﺎ : ﺑﺎﻫﻲ ﻳﺎﺑﻨﺘﻲ 😃 ﺧﻮﺩﻱ ﺍﻟﺘﺎﺭﺕ ﻗﺎﻋﺪ ﻉ ﻣﺮﻣﺮﻩ ﻓﻲ ﻣﻄﺒﺢ ﻭﺗﺸﻴﺰ ﺗﻮ ﻧﺎ ﻧﺰﻟﻪ ﻧﺒﻲ ﻧﺰﻳﻨﻪ
ﻫﻨﺪ : ﺑﺎﻫﻲ
ﻧﺰﻟﺖ
ﺍﺩﻭﺷﺖ ﻭﺻﻠﻴﺖ ﺍﻟﻌﺼﺮ
ﻟﺒﺴﺖ ﻗﻮﻧﺘﻲ ﺍﻟﺒﻴﻀﻪ ﻭﻣﻌﺎﻫﺎ ﺑﺪﻱ ﻛﻢ ﻣﺨﻄﻂ ﺗﺮﻛﻮﺍﺯ ﺑﺎﻻﺑﻴﺾ ﺍﺳﺘﺸﻮﺭﺗﻪ ﻭﻃﻠﻘﺖ ﺷﻌﺮﻱ ﻭﺩﺭﺕ ﻣﻴﻜﺎﺏ ﺧﻔﻴﻒ
ﻭﻣﻼﻙ 😳😳😳
ﻻﺑﺴﻪ ﺑﻨﻄﻠﻮﻥ ﺗﻮﺏ ﺗﺎﻳﻘﺮ ﻭ ﻃﺮﻑ ﻛﺖ ﺍﺳﻮﺩ ﻭﻛﻌﺐ ﺍﺑﺘﻬﺎﻝ ﺍﻻﺣﻤﺮ 😒
ﺍﺑﺘﻬﺎﻝ : ﻳﺎﺳﻼﻣﻤﻢ ﻉ ﻛﻨﺪﺭﺗﻲ 😒
ﻣﻼﻙ : ﺟﻴﻬﺎﻥ ﻧﺰﻟﺖ ﻧﺎ 😝
ﺍﻧﺎ : ﺑﺎﻫﻲ
ﻃﻠﻌﺖ ﺷﻜﻼﻃﻪ ﻭﺯﻳﻨﺔ ﺑﻴﻬﺎ ﺗﺸﻴﺰ ﺑﻌﺪ ﻧﺰﻟﺘﻪ ﻣﻦ ﻓﺮﻳﺰ ﻭﻟﺒﺴﺖ ﺳﺒﺎﻁ ﻧﺎﻳﻠﻮ ﻭﻧﺰﻟﺖ 😁✌
ﺧﺸﻴﺖ
ﺍﻧﺎ : ﻫﻨﻮﻭﺩﻩ ???
ﻫﻨﺪ : : ﺷﻲ ﻓﻲ ﺩﺍﺭ
ﺧﺸﻴﺖ ﻟﻠﻤﻄﺒﺦ ﺣﻄﻴﺘﻬﻦ ﻭﻃﻠﻌﺖ
ﺧﺸﻴﺖ ﻟﻠﺪﺍﺭ ﻟﻘﻴﺖ ﻣﻼﻙ ﺗﺴﺘﺸﻮﺭ ﻟﻬﺒﻪ
ﻭﻫﻨﺪ ﺗﻤﻜﻴﺞ 😏
ﺍﻧﺎ : ﻣﺰﻟﺘﻦ 😒
ﻫﻨﺪ : ﻛﻨﻚ ﻣﺶ ﺣﺎﻃﻪ ﻣﻜﻴﺎﺝ 😱
ﺍﻧﺎ : ﺣﻄﻴﺖ 😳
ﻫﻨﺪ : ﺗﻌﺎﻟﻲ ﺑﺲ ﺍﻧﺪﻛﻨﻠﻚ 😃
ﺍﻧﺎ : ﻻﻻ ﺳﺎﺩ ﺍﺑﻠﻪ ﺟﻤﻴﻠﻪ ﻗﺎﻋﺪﻩ
ﻫﻨﺪ ; ﻃﻠﻌﺖ ﻫﻴﺎ ﻭﺑﺎﺑﺎ
ﺍﻧﺎ : ﺷﻦ ﺗﺒﻮ ﻧﺪﻳﺮ ? ﺑﺮﻣﺘﻦ ﻉ ﻣﺮﺑﻮﻋﻪ ?
ﻫﻨﺪ : ﻣﻦ ﺻﺒﺢ ﺑﺮﻣﺖ ﻋﻠﻴﻬﺎ ﺑﻨﺤﻄﻮﻫﻦ ﺑﺮﻩ ﻓﻲ ﻣﺮﺑﻮﻋﺔ ﺍﻟﺮﺟﺎﻟﻪ ﺍﺻﻼ ﺻﺤﺒﺎﺗﻲ 5 ﻭﺑﻨﺎﺕ ﺟﻴﺮﺍﻧﻪ 3 ﻭﻗﺮﻳﺒﺎﺗﻨﺎ ﻗﺮﻳﺒﺎﺗﻨﺎ 10 ﺍﻭ ﻧﻤﻜﻦ ﺍﻛﺜﺮ ﺣﺘﻲ ﺻﻔﺎﺀ ﺟﺎﻳﻪ 😍
ﺍﻧﺎ : ﻣﺎﺷﺎﺀﺍﻟﻠﻪ ﺑﺨﺮﺗﻴﻬﺎ ?
ﻫﻨﺪ : ﺑﺨﻴﺖ ﻣﻠﻄﻒ ﺟﻮﻭ ﺑﺲ 😪
ﺍﻧﺎ : ﺿﺮﻭﺭﻱ ﻣﻨﻪ ﺍﻟﻔﺎﺳﻮﺥ 😱
ﻣﻼﻙ : ﺟﻮ ﻋﺰﺍﻳﺰ 😂😂
ﻫﺒﻪ : ﻃﺎﺣﺖ ﻣﻮﺿﺘﻪ ﺍﻟﻮﺷﻖ 😂
ﺍﻧﺎ : ﻋﻴﻨﻜﻦ ﺷﻦ ﻋﺮﻓﻜﻦ ﺍﻗﻞ ﺷﻲ ﻳﻠﺼﻖ ﻓﺼﺎﻟﻮﻥ ﻭﻓﺴﺘﺎﻳﺮ ﻃﻮﻝ ﺍﻟﺒﻨﻪ ﻛﻠﻪ ﻣﻌﻄﺮﺍﺕ ﻛﺬﺏ ﻳﻘﻌﺪﻥ ﻓﻲ ﻟﺤﻈﺘﻬﺎ ﻭﺑﻌﺪﻫﺎ ﻳﺮﻳﺤﻦ 😒
ﻫﻨﺪ : ﺗﻠﻘﻲ ﻓﻲ ﺩﺭﺝ ﺍﻟﻤﻄﺒﺦ ﺍﻟﺜﺎﻟﺚ
ﻭﺑﺨﺎﺭﻩ ﻓﻮﻕ ﻣﻜﺘﺒﻪ
ﺍﻧﺎ : ﺑﻪ ﺍﺳﺮﻋﻦ ﺍﻟﺒﻨﺎﺕ ﻗﺮﻳﺐ ﻳﺠﻦ
ﻫﻨﺪ : ﻗﻠﺘﻠﻬﻦ ﺍﻟﺤﻀﻮﺭ ﺳﺎﻋﻪ 5 😂
ﻃﻠﻌﺖ ﻉ ﺳﺮﻳﻊ ﺣﻄﻴﺖ ﺍﻟﻔﺤﻢ ﻉ ﻧﺎﺭ ﻭﺟﺒﺖ ﺍﻟﺒﺨﺎﺭﻩ
ﻭﺷﻜﺎﺭﺓ ﺍﻟﻔﺎﺳﻮﺥ ﻭﻃﻠﻌﺖ ﺑﺮﻩ ﺑﻜﻞ
ﻓﻲ ﺟﻨﺎﻥ ﻓﻲ ﺑﺎﺏ ﻗﻮﺱ ﻫﻮﺍ ﺍﻟﻠﻲ ﺩﺍﻳﺮﻳﻨﻪ ﻣﺮﺑﻮﻋﺔ ﺭﺟﺎﻟﻪ ﺍﻭﻝ ﻣﺮﻩ ﻧﺨﺸﻠﻬﺎ 😍
ﺑﺲ ﺗﻬﺒﻞ ﻣﺎﺷﺎﻟﻠﻪ ﺩﺍﻳﺮﻳﻠﻬﺎ ﺟﻮ ﺑﺨﺮﺗﻬﺎ ﻭﺧﻠﻴﺘﻪ ﻉ ﻃﺎﻭﻟﻪ ﻭﻟﻌﺖ ﻣﻜﻴﻒ ﻭﻃﻠﻌﺖ ﻭﺻﻜﺮﺗﻬﺎ
ﺩﻕ ﺍﻟﺒﺎﺏ
ﺧﺸﻴﺖ ﻧﺠﺮﻱ ﻟﻬﻨﺪ
ﺍﻧﺎ : ﺷﻜﻠﻪ ﺣﺪ ﺟﺎ
ﻫﻨﺪ : ﻛﻤﻠﺖ ﺍﺻﻼ ﺗﻮ ﻧﻄﻠﻊ ﻧﻔﺘﺢ
ﺍﻧﺎ : ﺑﻪ
ﻣﻼﻙ : ﺯﻫﺮﻩ ﺍﻣﺘﻲ ﺑﺘﺠﻲ ?
ﻫﺒﻪ : ﻛﻠﻤﺘﻬﺎ ﻗﺎﻟﺘﻠﻲ ﺗﻮ ﻧﺠﻲ
#
#
#
ﺑﺪﻥ ﻋﺎﺩ ﺍﻟﺒﻨﺎﺕ ﻳﺨﺸﻦ
ﻭﺍﻟﻠﻲ ﺟﺎﻳﺒﻪ ﺑﻴﺘﺰﺍ ﻭﺍﻟﻠﻲ ﺟﺎﻳﺒﻪ ﺷﻜﻼﻃﻪ
ﻭﺍﻟﻠﻲ ﺟﺎﻳﺒﻪ ﺑﻜﻼﻭﻩ ﻭﺍﻟﻠﻲ ﺟﺎﻳﺒﻪ ﺻﻨﺪﻭﻕ ﻋﺼﻴﺮ
ﻫﻨﺪ ﺗﻤﺪﻟﻲ ﻭﻧﺎ ﻧﺨﺸﺶ ﻓﻲ ﻣﻄﺒﺦ
ﺧﺸﻦ ﻟﻠﻤﺮﺑﻮﻋﻪ ﻭﻃﺒﻌﺎ ﻣﻼﻙ ﻭﻫﺒﻪ ﻫﻨﻪ ﺍﻻﻭﻻﺕ 😂
ﻫﻨﺪ : ﺍﺧﺘﻚ ﻭﺍﺧﺘﻲ ﺣﺴﺴﻨﻲ ﺍﻥ ﻋﺮﺱ ﺑﺠﺪ 😂
ﺍﻧﺎ : ﺍﻭﻓﺮ 😂😂
ﻫﻨﺪ : ﺍﻟﺒﺎﺏ ﻳﺪﻕ ﺗﻮ ﻧﺠﻲ
ﺍﻧﺎ : ﺑﻪ
ﺿﺮﺑﺖ ﺍﻟﻨﺴﻜﺎﻓﻲ ﻋﺸﺎﻥ ﻧﻮﺗﻴﻪ
ﺟﺖ ﺗﺴﻨﻴﻢ ﺧﻄﻴﺒﺔ ﻋﻤﺮ ﺑﻌﺘﺒﺎﺭﻫﺎ ﺻﺎﺣﺒﺔ ﻫﺒﻪ
ﺟﻦ ﺑﻨﺎﺕ ﻋﻤﺔ ﻫﻨﺪ ﺻﻔﺎﺀ ﻭﻣﺮﻭﻩ
ﻭﺻﺤﺒﺎﺕ ﻫﻨﺪ ﻛﻠﻬﻦ
ﻭﺑﻨﺎﺕ ﺟﻴﺮﺍﻧﻬﻢ
ﻭﺑﻨﺎﺕ ﺧﺎﻟﺔ ﺍﻣﻬﺎ ﺓﺑﻨﺎﺕ ﺧﻼﺗﻬﺎ
ﻫﻀﺎ ﻛﻠﻪ ﻣﺨﺸﻴﺘﺶ ﻧﺎ ﻉ ﺑﻨﺎﺕ ﺑﺮﻩ ﺑﻜﻞ
ﺧﺸﻴﺖ ﻫﻨﺪ ﺗﺠﺮﻱ ﻭﺩﺍﻫﺸﻪ
ﺍﻧﺎ : ﻛﻨﻚ /??
ﻫﻨﺪ : ﺳﻴﺒﻲ ﺍﻟﻠﻲ ﻓﻲ ﻳﺪﻙ ﻭﺗﻌﺎﻟﻲ 😘
ﺍﻧﺎ : ﻋﻠﻴﺶ
ﻫﻨﺪ : ﺗﺒﺶ ﺗﺴﻠﻤﻲ ﻉ ﺻﺤﺒﺎﺗﻲ 😘
ﺍﻧﺎ : ﺑﻪ ﻫﻴﺎ ﻫﻲ
ﻃﻠﻌﺖ ﻧﺎ ﻭﻳﺎﻫﺎ
ﻫﻨﺪ ' ﺳﺒﺎﻃﻚ ﻫﻀﺎ ﺍﺳﻠﺤﻴﻪ ﻗﺪﺍﻡ ﺑﺎﺏ ﺍﻟﻤﺮﺑﻮﻋﻪ 😂
ﺍﻧﺎ : ﺗﻲ ﺑﺎﻫﻲ 😂 ﻣﻨﺤﺒﺶ ﺍﻟﻜﻌﺐ
ﻫﻨﺪ : ﺍﺻﺒﺮﻱ ﺍﻧﺴﻘﻤﻠﻚ ﺷﻌﺮﻙ
ﺍﻧﺎ : ﻫﻨﺪ 😒
ﻫﻨﺪ : ﻫﻴﺎ ﺑﺲ
ﺍﻧﺎ : ﺗﻌﺎﻟﻲ ﻫﻨﺎ ﺷﻦ ﻓﻲ 😏
ﻫﻨﺪ : ﺑﻠﻌﺮﺑﻲ ﺍﺧﺖ ﻣﻨﻌﻢ ﺟﺖ ﻭﻣﻨﻌﻢ ﻣﻮﺻﻴﻬﺎ ﺍﻧﻬﺎ ﺗﺸﻮﻓﻚ ﻭﻗﺎﻟﻠﻬﺎ ﺍﻧﻚ ﻋﺎﺟﺒﺘﻴﻪ
ﺍﻧﺎ : ﺧﺰﻱ ﻋﻠﻴﻚ ﻛﻨﻚ ﻣﺎﻗﻠﺘﻴﻠﻲ 😫
ﻫﻨﺪ : ﻭﺍﻟﻠﻪ ﻭﺻﺘﻨﻲ ﺍﻥ ﻧﺤﻜﻴﻠﻜﺶ 😔 ﺑﺲ ﻧﺎ ﻣﻘﺪﺭﺗﺶ
ﺍﻧﺎ : ﺍﻓﻔﻔﻒ
ﻫﻨﺪ : ﻣﻨﻈﺮﻙ ﻳﻬﺒﻞ ﺑﺲ ﻫﻴﺎﺍ ﻫﻴﺎ 😍
ﺍﻧﺎ : ﺑﻪ
ﺧﺸﻴﺖ ﻧﺎ ﻭﻫﻨﺪ
ﺑﺪﻳﺖ ﺍﻧﺴﻠﻢ ﻉ ﺻﺤﺒﺎﺗﻬﺎ
ﻭﺑﻌﺪﻫﺎ ﻓﺪﻭﻱ ﺍﺧﺖ ﻣﻨﻌﻢ
ﺳﻼﻡ ﻭﺟﻮﻭ
ﻓﺪﻭﻱ : ﺷﻨﺠﻮﻙ ?
ﺍﻧﺎ : ﺍﻟﺤﻤﺪﻟﻠﻪ ﺷﻨﺠﻮﻙ ﺍﻧﺘﻲ ☺
ﻓﺪﻭﻱ : ﺗﻤﺎﻡ ﺍﻟﺤﻤﺪﻟﻠﻪ ☺
ﻫﻨﺪ : ﺗﻌﺎﻟﻲ ﺳﻠﻤﻲ ﻉ ﺧﻄﻴﺒﺔ ﻋﻤﺮ ﺗﺴﻨﻴﻢ 😉
ﺍﻧﺎ : ﻭﻳﻦ 😳
ﻃﺒﻌﺎ ﻣﻘﻤﻌﺰﺍﺕ ﻓﻲ ﺗﺮﻛﻴﻨﻪ
ﻣﻼﻙ ﻭﺗﺴﻨﻴﻢ ﻭﻫﺒﻪ
ﺍﻧﺎ : ﺍﻫﻼ
ﺗﺴﻨﻴﻢ : ﺍﻫﻠﻴﻦ ﻛﻴﻒ ﺍﻟﺤﺎﻝ 😊
ﺍﻧﺎ : ﺗﻤﺎﻡ ﺷﺨﺒﺎﺭﻙ ☺
ﺗﺴﻨﻴﻢ : ﺑﺨﻴﺮ
ﻣﻼﻙ : ﺍﻫﻠﻴﻦ ﻳﺎﺟﻴﻬﺎﻥ ﺷﺨﺒﺎﺭﻙ ﺷﻨﻮ ﺣﺎﻟﻚ 😂
ﺍﻧﺎ : 😒
ﻫﻨﺪ : ﺗﻌﺎﻟﻲ ﻫﺬﻧﻪ ﺑﻨﺎﺕ ﺟﻴﺮﺍﻧﻪ ﻭﺩﺍﺩ ﻭﻓﻮﺯﻳﻪ 😁
ﺍﻧﺎ : ﺍﻫﻠﻴﻦ 😃
ﺳﻼﻡ ﻭﺑﻮﺳﺎﺍﺕ 😌
ﻫﻨﺪ : ﺑﻨﺎﺕ ﺧﺎﻟﺔ ﻣﺎﻣﺎ ﻳﻘﺮﺑﻦ ﺣﺘﻲ ﺍﻟﻔﺪﻭﻱ 😁
ﺍﻧﺎ : ﺍﻫﻼ ﻭﺳﻬﻼ ☺
ﻛﻤﻠﺖ ﺗﺴﻠﻴﻢ ﻭﻃﻠﻌﺖ ﻋﺸﺎﻥ ﻧﻮﺗﻲ ﻗﻬﻮﻩ ﻭﻧﺴﻜﺎﻓﻲ 😌
#
#
#
ﻫﺒﻪ : ﻛﻨﻚ ﺍﻧﺘﻲ ﻭﻋﻤﺮ 😔
ﺗﺴﻨﻴﻢ : ﻓﺎﻳﺘﻨﻲ ﻻ ﻳﺮﻥ ﻻ ﻳﻨﺸﺪ ﻧﺎ ﻧﺘﺼﺒﻄﻞ ﻭﻧﺪﻭﺭ ﻭﻫﻮﺍ ﺷﻲ
ﻣﻼﻙ : ???
ﻫﺒﻪ : ﻣﺸﻐﻮﻝ ﻭﺩﻳﻤﻪ ﻓﻲ ﺍﻟﻤﺤﻮﺭ 4 ﺍﻳﺎﻡ ﻏﺎﺩﻱ ﻭ 3 ﺍﻳﺎﻡ ﻫﻨﺎ ﻭﺍﻟﻠﻪ ﻣﺴﻜﺴﻦ ﺳﺠﻲ ﻃﺎﻳﺢ ﻍ ﻭﺟﺎ ﻳﺮﻗﺪ ﻭﺍﺍﺍﺍﺍﺟﺪ ﻭﺩﺑﺸﻪ ﺣﺎﻟﻪ ﺗﻐﺴﻠﻪ ﻻﻩ ﻣﺎﻣﺎ 4 ﺍﻳﺎﻡ ﻧﺤﻘﻮﺵ ﻓﻴﻪ ﺑﻜﻞ
ﻳﺤﻄﻮ ﻓﻴﻬﻢ ﻻﻭﺭﺍ ﻟﺪﺭﺟﺔ ﻳﻮﻣﺘﻬﺎ ﻳﺤﻜﻲ ﻟﻤﺎﻣﺎ ﻗﺎﻟﻠﻬﺎ ﺻﻮﺕ ﺍﻟﻀﺮﺏ ﻭﻭﺗﺼﻔﻴﺮ ﺍﻟﺼﻮﺍﺭﻳﺦ ﻓﻲ ﻭﺫﻧﻲ ﺣﺘﻲ ﻭﻫﻮﺍ ﺭﺍﻗﺪ 😫
ﺗﺴﻨﻴﻢ : ﻭﻧﺎ ﻣﻘﺪﺭﻩ ﻫﻀﺎ ﻛﻠﻪ ﺑﺲ ﺻﺪﻗﻴﻨﻲ ﻧﺎ ﺣﺎﺳﻪ ﺍﻥ ﺑﻨﺖ ﺍﺧﺮﺍ ﻓﻲ ﺣﻴﺎﺗﻪ 😔 ﻣﺶ ﻣﺪﻭﺭﻧﻲ ﺑﻜﻞ
ﻫﺒﻪ : ﻭﺳﻌﻲ ﺑﺎﻟﻚ ﻋﻠﻴﻪ ﻫﻮﺍ ﻓﺼﻼﺕ ﻭﺣﺎﻻﺕ 😔
ﻣﻼﻙ : ﺍﻛﻴﺪﻩ ﺿﻐﻮﻃﺎﺕ 😔
ﺗﺴﻨﻴﻢ : ﻳﺎﺧﻮﻓﻲ ﻳﻘﻌﺪ ﺩﺍﻳﺮ ﻋﻼﻗﻪ ﻣﻊ ﻭﺣﺪﻩ ﻣﻦ ﻓﺮﺧﺎﺕ ﺍﻟﻠﻲ ﻓﻮﻗﻜﻢ ﻗﻠﺒﻲ ﻏﻢ ﻋﻠﻴﺎ ﻣﻦ ﺍﻭﻝ ﻣﺎﻗﺎﻟﻲ ﻋﻨﺪﻫﻢ ﺑﻨﺎﺕ
ﻣﻼﻙ : 😱😱😱😱
ﻫﺒﻪ : ﺍﺣﻤﻤﻢ 😱😱 ﺍﺣﻤﻢ
ﻣﻼﻙ : ﺍﻭﻻ ﻳﺎﻋﻤﺮﻱ ﻣﺶ ﻧﺤﻨﺎ ﺍﻟﻠﻲ ﻧﺠﺮﻭ ﻓﻲ ﺟﺮﺕ ﺭﺍﺟﻞ 😊
ﺗﺴﻨﻴﻢ : ???
ﻫﺒﻪ : ﻧﺴﻴﺖ ﺍﻧﻘﻮﻟﻚ ﻣﻼﻙ ﺑﻨﺖ ﺍﻟﻌﺮﺏ ﺍﺍﻟﻲ ﻣﺎﺟﺮﻳﻦ ﻣﻨﻪ 😥
ﺗﺴﻨﻴﻢ 😩😱:
ﻣﻼﻙ : ﺛﺎﻧﻴﺎ ﻧﺤﻨﺎ ﺑﻨﺎﺕ ﻧﺎﺱ ﻭﻣﺶ ﻣﻦ ﻋﻮﺍﻳﺪﻧﺎ ﻧﺤﻄﻮ ﻋﻴﻨﺎ ﻉ ﺣﺪ ﻣﺮﺗﺒﻂ ﺍﻭ ﺧﺎﻃﺐ
ﺗﺴﻨﻴﻢ : ﻣﻌﻠﺶ ﻣﺶ ﻗﺼﺪﻱ
ﻣﻼﻙ : ﻟﻮ ﺍﻧﺘﻲ ﻭﺣﺪﻩ ﺩﻣﻚ ﺛﻘﻴﻞ ﻭﺧﻄﻴﺒﻚ ﻣﺎﻝ ﻣﻨﻚ ﻣﺪﻓﻴﻬﺶ ﻓﻲ ﻭﺟﻮﻫﻨﺎ 😒
ﻫﺒﻪ : ﻣﻼﻙ ﻋﻴﺐ 😱
ﺗﺴﻨﻴﻢ : 😱 ﻟﻴﺎ ﺍﻧﺎ ﺍﻟﻜﻼﻡ ﻫﻀﺎ
ﻣﻼﻙ : ﻧﺎ ﻭﺧﻮﺍﺗﻲ ﺟﻤﻴﻼﺕ ﻣﺎﻣﻠﻠﻲ ﻣﺘﻤﻨﻴﻨﻪ 😌
ﺣﻘﻚ ﺗﻐﺎﺭﻱ ﻭﺣﻘﻚ ﻳﺘﻐﻴﺮ ﻋﻠﻴﻚ 😂
ﻫﺒﻪ : ﻣﻼﺍﺍﻙ 😞
ﺗﺴﻨﻴﻢ : ﺍﺻﻼ ﺍﻧﺘﻲ
ﻣﻼﻙ : ﺻﻜﺮﻱ ﻓﻤﻚ
ﻫﺒﻪ : ﻭﻧﺒﻲ ﻋﺸﺎﻥ ﺧﺎﻃﺮﻱ ﺧﻼﺍﺹ 😔
ﻣﻼﻙ : ﻭﺍﺧﻴﺮﺍﺍﺍ ﺯﻳﺰﻭﻭﻭ ﺟﻴﺘﻲ 😒
ﺯﻫﺮﻩ : ﻳﺎﺍﻫﻠﻴﻦ ﺳﻮﺭﻱ ﻉ ﺗﺎﺧﻴﺮ
ﻣﻼﻙ : ﻭﺍﺧﻴﺮﺍ ﺟﻴﺘﻲ ﺑﻌﺪﻙ ﻫﻨﺎ ﺍﻟﺠﻮ ﻳﻐﻤﻤﻤﻢ ﺍﻟﻘﻠﺐ 😒
ﻏﻤﻪ ﺑﻌﻴﺪ ﻋﻨﻚ ﻫﻴﺎ ﻧﺮﻛﺒﻮ ﻓﻮﻕ 😒
ﻫﺒﻪ : 😞 ﻻﻻ ﻳﺎﺑﻨﺎﺕ ﺍﻗﻌﺪﻥ ﻭﻧﺒﻲ
ﺯﻫﺮﻩ : ﺷﻦ ﻓﻲ ?
ﺗﺴﻨﻴﻢ : 😒😒
ﻣﻼﻙ : ﻧﺎ ﺭﺍﻛﺒﻪ 😒
ﻫﺒﻪ : ﻣﻼﻙ ﻋﺎﺩ ﺧﺪﻳﺘﻲ ﺣﻘﻚ ﺛﺎﻟﺚ ﻭﻣﺜﻠﺚ 😒
ﻣﻼﻙ : ﺍﻟﺤﺸﺮﻩ ﺍﻟﻤﻠﻴﻘﻪ 😷
ﺯﻫﺮﻩ : ﻣﻦ 😃
ﻫﺒﻪ : ﺍﻗﻌﺪﻱ ﺧﻼﺹ ﻛﻮﻛﻲ ﻋﺸﺎﻧﻲ ﻗﻤﻌﺰﻥ ﻫﻨﺎ
ﺗﻮ ﻧﺠﺎﻣﻠﻬﺎ ﺷﻮﻳﻪ ﻭﻧﺠﻴﻜﻦ 😔
ﺯﻫﺮﻩ : ﻋﺪﻱ ﻭﺧﻠﻲ ﺍﻟﻬﺒﻠﻪ ﻫﺪﻱ ﺷﻮﺭﻱ 😃
#
#
#
ﻫﺒﻪ : ﺍﻣﺴﺤﻴﻬﺎ ﻓﻲ ﻭﺟﻲ ﻳﺎﺗﺴﻨﻴﻢ 😔
ﺗﺴﻨﻴﻢ : ﻣﺶ ﻣﺘﺮﺑﻴﻪ ﺍﻟﻔﺮﺧﻪ ﻫﺬﻱ ﺷﻔﺘﻴﻬﺎ ﻛﻴﻒ ﺗﺤﻜﻲ ﻣﻌﺎﻳﻪ ﻭﺍﻟﻠﻪ ﺧﻔﺘﻬﺎ ﺍﻻ ﺗﻀﺮﺑﻨﻲ 😒 ﻛﻠﻪ ﻛﻮﻡ ﻭﻗﺎﺣﺘﻬﺎ ﻧﺒﻲ ﻧﺮﻛﺐ ﻧﺎﺳﻴﻪ ﺍﻥ ﺍﻟﺸﻘﻪ ﺷﻘﺘﻲ 😒
ﻫﺒﻪ : ﺧﻼﺍﺹ ﻓﻮﺗﻴﻬﺎ ﺍﺣﻜﻴﻠﻲ ﺷﻨﺠﻮ ﺧﻮﺍﺗﻚ
ﺗﺴﻨﻴﻢ : ﻧﺎ ﻣﻨﺤﻜﺶ ﺷﻲ ﻗﻮﻟﻴﻠﻲ ﻛﻨﻪ ﺧﻮﻙ ﻣﺘﻐﻴﺮ ﻋﻠﻴﺎ 😫
#
#
#
ﺯﻫﺮﻩ : ﺧﻴﺮ ﺍﻥ ﺷﺎﺀﺍﻟﻠﻪ 😂
ﻣﻼﻙ : ﺣﻜﺘﻠﻬﺎ 👉
ﺯﻫﺮﻩ : 😂😂😂
ﻣﻼﻙ : ﺣﺮﻗﺘﻠﻲ ﺩﻣﻲ ﺗﻲ ﻣﻦ ﺟﺪﻫﺎ ﻫﺒﻪ ﻣﺼﺎﺣﺒﺘﻬﺎ 😒
ﺯﻫﺮﻩ : ﻟﻮ ﻧﺎ ﻣﻜﺎﻧﻚ ﻧﻄﻴﺢ ﺍﻟﻠﻲ ﺍﺳﻤﻪ ﻋﻤﺮ ﻭﻧﺨﻠﻴﻪ ﻳﺤﺒﻨﻲ ﻭﺍﻗﻬﺮﻳﻬﺎ 😂😂😂
ﻣﻼﻙ : ﻓﻜﺮﺕ ﻓﻴﻬﺎ ﻭﻧﺎ ﻧﺠﺎﻟﻂ ﻓﻴﻬﺎ ﻻﻛﻦ ﺍﻟﻤﺸﻜﻪ ﺣﻘﻨﻲ ﻣﻊ ﻣﺤﻤﺪ 😂😂
ﺯﻫﺮﻩ : 😂😂😂
ﻣﻼﻙ : ﺍﺣﻜﻴﻠﻲ ﻉ ﺗﻄﻮﺭﺍﺕ 😍
ﺯﻫﺮﻩ : ﺍﺳﻜﺘﻲ ﻳﺒﻲ ﻳﺸﻮﻓﻨﻲ 😌
ﻣﻼﻙ : ﺷﻮﻓﻴﻪ 😂
ﺯﻫﺮﻩ : ﻋﺎﺭﻓﻪ ﺑﻨﺨﻄﻄﻠﻪ ﻓﻲ ﻣﻮﻋﺪ 😂
ﻣﻼﻙ : ﺗﺤﺴﻴﻪ ﻗﻌﺪ ﻳﺤﺒﻚ ?
ﺯﻫﺮﻩ : ﻃﺎﻳﺢ ﺑﻮﺟﻪ
ﻣﻼﻙ : ﺭﺍ ﺣﺘﻲ ﻧﺎ ﻛﺎﻥ ﻣﺤﺴﺴﻨﻲ ﻫﻚ 😫
ﺯﻫﺮﻩ : ﺗﻲ ﻓﻲ ﻛﻞ ﻭﻗﺖ ﻳﺮﻥ ﻭﺣﻲ ﻣﺮﺩﺵ ﻭﻳﻨﻚ ﻭﺭﺳﺎﺋﻞ ﻣﺸﻐﻮﻝ ﻋﻠﻴﻚ ﻳﺎﻋﻤﺮﻱ ﺭﺩﻱ ﺍﺻﺒﺮﻱ ﺑﺲ ﺗﻮ ﻧﻮﺭﻳﻚ 😂😂😂
ﻣﻼﻙ : ﻭﺭﻳﻨﻲ 😂
#
#
#
ﺣﻄﻴﺖ ﻟﻤﻴﻪ ﻭﺣﻠﻴﺐ ﻉ ﻧﺎﺭ
ﻭﻓﺠﺄﻩ ﺟﺎ ﻋﻤﺮ 😱😱😱
ﺍﻧﺎ : ﺍﺣﻤﻤﻢ
ﻋﻤﺮ : ﺷﻦ ﺩﻳﺮﻱ ﻓﻲ ﻛﻮﺟﻴﻨﺘﻨﺎ 😏
ﺍﻧﺎ : ﻧﺎ ﺍﺻﻼ ﻛﻨﺖ ﺑﻨﻄﻠﻊ ﺗﻮ ﻧﻄﻠﻊ ﻧﻜﻠﻢ ﻫﻨﺪ
( ﻛﺎﻥ ﺭﺍﻗﺪ ﻫﻮﺍ )
ﺣﻄﻲ ﻳﺪﻳﻪ ﻉ ﺑﺎﺏ ﻭﻣﺨﻠﻨﺶ ﻧﻄﻠﻊ ﻭﻧﺎ ﻛﻨﺖ ﻣﺘﺤﺸﻤﻪ ﻓﻲ ﻟﺒﺴﺘﻲ 😫 ﻭﻣﺮﺗﺒﻜﻪ ﺑﻜﻞ
ﺍﻧﺎ : ﻣﻤﻜﻦ ﻧﻄﻠﻊ 😒
ﻋﻤﺮ : ﺩﻳﺮﻳﻠﻲ ﻧﺴﻜﺎﻓﻲ ﺭﺍﺳﻲ 😒
ﺍﻧﺎ : ﺗﻮ ﻧﻜﻠﻢ ﻫﻨﺪ ﺩﻳﺮﻟﻚ 😒
ﻋﻤﺮ : ﻭﺍﻧﺘﻲ ﻳﺪﻳﻚ ﻣﺤﻨﻴﺎﺕ 😒
ﺍﻧﺎ : ﻟﻮ ﺳﻤﺤﺖ 😫
ﺣﻮﻝ ﻳﺪﻳﻪ ﻣﻦ ﺑﺎﺏ
ﻋﻤﺮ : ﺗﻔﻀﻠﻲ
ﻃﻠﻌﺖ
ﻋﻴﻄﺖ 😱😱
ﻭﺭﺩﻳﺖ ﺧﺸﻴﺖ ﻧﺠﺮﻱ ﻟﻠﻤﻄﺒﺦ
ﻋﻤﺮ : ﻛﻨﻚ 😂
ﺍﻧﺎ : ﻗﻄﻮﺳﻪ ﺳﻮﺩﻩ ﺩﺑﻪ ﻭﻭﻭﻩ ﺭﻋﺸﺘﻨﻲ ﺭﻋﺶ ﺣﺸﺎﻫﺎ 😢😢😢
ﻋﻤﺮ : ﺭﻳﺘﺎ 😒😒
ﺍﻧﺎ : ﺷﻨﻮﻭ 😥
ﻋﻤﺮ : ﺗﻌﺎﻟﻲ ﺭﻳﺘﺎﺍ ﺍﻧﺴﻠﻤﻮ ﻉ ﺧﻮﻳﻠﻪ ﺟﻬﻴﻨﻪ 😂
ﺍﻧﺎ : ﺑﻄﻄﻞ ﺣﻨﺎﻃﻪ ﻋﺎﺍﺍﺍﺩ ﺭﺍ ﻧﻌﻴﻂ ﻣﻨﺤﺒﻬﻨﺶ ﻭﺍﻟﻠﻪ ﻧﺨﺎﻑ ﻣﻨﻬﻦ
ﻋﻤﺮ : ﺑﻄﻠﻲ ﻋﻴﺎﻁ ﺗﻔﺠﻌﻲ ﺍﻟﻮﻟﻴﻪ ﺣﺎﻣﻞ 😂
ﺧﺸﺸﻬﺎ ﻟﻴﺎ ﻓﻲ ﻣﻄﺒﺦ
ﻭﻗﻌﺪ ﻳﺨﻮﻑ ﻓﻴﺎ ﺑﻴﻬﺎ 😢😫
ﻋﻤﺮ : ﺩﻳﺮﻳﻠﻲ ﻧﺴﻜﺎﻓﻲ ﻭﻻ ﻻ 😂
ﺍﻧﺎ : ﺣﻮﻭﻝ ﺑﺼﻴﺮﺗﻬﺎ ﻣﻦ ﻗﺪﺍﻡ ﻭﺟﻲ 😫
ﻋﻤﺮ : ﺳﻠﻤﻲ ﻋﻠﻴﻬﺎ 😂
ﻗﻌﺪ ﻳﺒﺮﻡ ﺑﻴﻬﺎ ﻭﺭﺍﻳﻪ ﻉ ﻃﺎﻭﻟﻪ ﻓﻲ ﻣﻄﺒﺦ 😲
ﺍﻧﺎ : ﺍﻟﺤﻠﻴﺐ ﻓﺎﺝ 😱😱
ﻃﻔﻴﺖ ﻉ ﺣﻠﻴﺐ
ﺍﻧﺎ ; ﺣﺎﺿﺮ ﺗﻮ ﻧﺪﻳﺮﻟﻚ ﺑﺲ ﻃﻠﻌﻬﺎ ﻭﺍﻟﻠﻪ ﻣﻨﺤﺒﻬﻦ 😭
ﻋﻤﺮ : ﻓﻲ ﺣﺪ ﻣﻴﺤﺒﺶ ﻗﻄﺎﻃﻴﺲ 😏
ﺍﻧﺎ : ﻧﺸﻤﺎﺯ ﻣﻨﻬﻦ ﺭﻋﺸﻦ ﻓﻲ ﺟﺴﻤﻲ 😫
ﻋﻤﺮ : ﺣﺎﺿﺮ ﺗﻮ ﻧﻄﻠﻌﻬﺎ
ﻃﻠﻌﻬﺎ ﻭﺑﺪﻳﺖ ﻧﺼﺐ ﻟﻠﺒﻨﺎﺕ ﻧﺴﻜﺎﻓﻲ ﻭﻛﻨﺖ ﻣﻮﺗﻴﻪ ﺗﺸﻴﺰ ﻭﺑﻜﻼﻭﻩ ﺟﺎﻳﺒﺘﻬﺎ ﺍﻟﺒﻨﺎﺕ ﻭﻧﻮﻉ ﺍﺧﺮ ﺣﻠﻮﻳﺎﺕ ﺩﺍﻳﺮﺗﻪ ﻫﻨﺪ
ﻋﻤﺮ : ﺣﻄﻴﻠﻲ ﻣﻦ ﻛﻞ ﺣﺎﺟﻪ 😍
ﺍﻧﺎ : ﻫﺎﺕ ﻛﺒﺎﻳﻪ ﻧﺼﺒﻠﻚ
ﻋﻤﺮ : ﻛﺜﺮﻱ ﺣﻠﻴﺐ ﺍﻳﻮﺍﻩ ... ﺭﺷﻲ ﻛﺎﻛﺎﻭ ﺣﺘﻲ ﻧﺎ ﻓﻮﻕ 😍
ﺍﻧﺎ : ﻳﺎﺭﺑﻲ ﺍﻟﺼﺒﺮ 😒
ﻋﻤﺮ : ﺭﻳﺘﺎ 😒
ﺍﻧﺎ : ﻧﺒﺼﺮ 😁
ﻋﻤﺮ : ﻗﺼﺪﻙ ﺍﻧﺘﻲ ﻧﺎﺯﻟﻪ ﻣﺶ ﻣﻨﺰﻟﻪ ﺣﺎﺟﻪ ﻣﻌﺎﻙ 😒
ﺍﻧﺎ : ﺍﻧﻼ ﺩﺭﺕ ﺗﺸﻴﺰ ﻛﻴﻚ 😌
ﻋﻤﺮ : ﻭﻳﻨﻪ 😒
ﺍﻧﺎ : ﺣﻄﻴﺘﻠﻚ ﻣﻨﻪ
ﺟﺖ ﻫﻨﻮﺩﻩ
ﻫﻨﺪ : ﻋﻤﻮﻭﺭﻱ ﻭﻋﻴﺖ 😱
ﻋﻤﺮ : ﺍﻟﺒﺎﺏ ﻛﻞ ﻣﺮﻩ ﻳﺨﺒﻂ 😒
ﻫﻨﺪ : ﺩﺍﻳﺮﻩ ﻟﻤﻪ 😁
ﺍﻧﺎ : ﻫﻴﺎ ﻗﺒﻞ ﻣﺎﻳﺼﻘﻊ ﺷﻴﻠﻲ ﺻﻔﺮﻩ ﻫﺬﻱ ﻭﻧﺎ ﺗﻮ ﻧﻠﺤﻖ
ﻋﻠﻴﻚ
ﻫﻨﺪ : ﻫﺒﻪ ﺍﻟﺤﻴﻮﺍﻧﻪ ﻣﺒﺘﺶ ﺗﺠﻲ ﺗﺴﺎﻋﺪﻧﻲ
ﺍﻧﺎ : ﻫﻴﺎ ﺑﺲ .. ﺍﺧﺘﻚ ﺗﻮ ﻧﺨﻠﻮﻫﺎ ﻟﻤﺎﻋﻴﻦ
ﻋﻤﺮ : ﺍﻋﺰﻣﻮ ﺭﻳﺘﺎ ﻣﻌﺎﻛﻢ ﺣﺮﺍﻡ ﺗﻮﺣﻢ 😂😔
ﺍﻧﺎ : 😒😒
ﻫﻨﺪ : ﻣﺶ ﻭﻗﺘﻬﺎ ﺑﻜﻞ .. ﺧﻄﺮﻫﺎ ﺍﻧﺘﻲ ﺑﻴﺶ ﺗﺮﺗﺰﻋﻲ ﺟﻨﺐ ﻓﺪﻭﻱ ﺍﻟﺒﻨﺖ ﺑﺘﻬﺪﺭﺯ ﻣﻌﺎﻙ 😒
ﻋﻤﺮ : ﻓﺪﻭﻱ ﺍﺧﺖ ﻣﻨﻌﻢ 😒
ﻫﻨﺪ : ﺍﻫﺎ ﺍﺩﻋﻲ ﻳﺼﻴﺮ ﻧﺼﻴﺐ 😍
ﻋﻤﺮ : ﻭﺍﻧﺘﻲ ﺷﺘﻐﻠﺘﻲ ﺧﻄﺎﺑﻪ 😒
ﺍﻧﺎ : ﻫﻴﺎ ﺻﻘﻊ ﻭﻧﻘﻊ 😒
ﻃﻠﻌﻨﺎ ﻧﺎ ﻭﻫﻨﺪ ﻭﺿﻴﻔﻨﺎﻫﻦ
ﻭﺭﺩﻳﻨﺎ ﺑﺼﻔﺮ
ﻭﻟﻘﻴﻨﺎ ﻋﻤﺮ ﻣﺰﺍﻝ ﻣﻘﻴﻢ ﻓﻲ ﻣﻄﺒﺦ 😒
ﻫﻨﺪ : ﺗﻮ ﻧﺎ ﻧﺼﺐ ﺍﻟﻌﺼﻴﺮ ﻭﺍﻧﺘﻲ ﻋﺪﻱ ﻫﺪﺭﺯﻱ
ﺍﻧﺎ : ﻣﺶ ﺩﺍﻋﻲ ﺻﺐ ﻭﺗﻠﺒﻴﺰ ﻛﺒﺎﺑﻲ ﺷﻔﺖ ﺻﻨﺪﻭﻕ ﻋﺼﻴﺮ
ﻫﻨﺪ : ﺍﻫﺎ ﺭﺍﻧﻲ ﻧﺤﻄﻮ ﻣﻦ ﻏﻴﺮ ﻗﺼﺒﺎﺕ ?
ﻋﻤﺮ : ﺭﺍﻧﻲ ﻳﻨﺸﺮﺏ ﺑﻌﻮﺩ 😂
ﺍﻧﺎ : ﺍﻧﺤﻄﻮ ﻫﻚ ﻭﺧﻼﺹ ﻭﻣﻊ ﺷﻜﻼﻃﻪ
ﻫﻨﺪ : ﺻﺪﻗﺘﻲ ﺑﻼ ﺗﻠﺒﻴﺰ ﻭﺻﺐ
ﻋﻤﺮ : ﻣﻦ ﺟﺎﻳﺒﻪ ﻋﺼﻴﺮ
ﻫﻨﺪ : ﻓﺪﻭﻱ ﺟﺎﺑﺎﺗﻪ
ﻋﻤﺮ : ﺟﺎﻳﻪ ﺗﺨﻄﺐ ﺭﺳﻤﻲ ﻫﺬﻱ ??
ﺍﻧﺎ : ﺳﻤﻌﺖ ﺍﻥ ﺧﻄﻴﺒﺘﻚ ﺑﺘﺠﻲ ﻗﺎﻟﺖ ﻋﻴﺐ ﺍﻧﺠﻲ ﻭﻣﻨﺠﻴﺒﻠﻬﺶ ﻋﺼﻴﺮ 😒
ﻋﻤﺮ : ﺗﺴﻨﻴﻢ ﺟﺖ
ﻫﻨﺪ : ﺍﻫﺎ ﺧﻄﺮﻫﺎ ﺟﺖ ﺍﻟﻬﺎﻧﻢ 😒 ﻣﺒﺮﺩﻫﺎ ﻭﻣﺒﺮﺩ ﻫﻠﻬﺎ ﻋﻤﺮﻱ ﻣﺎﺳﻤﻌﺖ ﺑﻨﺖ ﺗﻌﺪﻱ ﻟﻬﻞ ﺧﻄﻴﺒﻬﺎ 😒
ﻋﻤﺮ : ﺍﻫﺎﺍﺍ
ﻫﻨﺪ : ﺧﻄﺮﻫﺎﺍﺍ ﻧﺎ ﻣﺬﻫﻮﺑﺔ ﺍﻟﺸﻴﺮﻩ ﺍﻧﺘﻲ ﻛﻴﻒ ﻗﺎﻋﺪ ﺑﻴﻨﺎﺗﻨﺎ ﻣﻤﻜﻦ ﺗﻄﻠﻊ ?? ﺍﺷﺮﺏ ﺍﻟﻨﺴﻜﺎﻓﻲ ﻓﻲ ﺩﺍﺭﻙ
ﻋﻤﺮ : ﺣﻮﺷﻨﺎ ﻭﻳﻦ ﻣﺎﻳﺼﺤﻠﻲ ﻧﺸﺮﺏ ﻧﺸﺮﺏ
ﻫﻨﺪ : ﻋﻤﻮﺭﻱ ﺧﻠﻠﻲ ﺍﻟﺒﻨﺖ ﺗﺎﺧﺪ ﺭﺍﺣﺘﻬﺎ
ﻋﻤﺮ : ﺻﺤﺒﻪ ﻧﺎ ﻭﺟﻬﻴﻨﻪ ﺻﺎﺡ ??
ﺍﻧﺎ ; ﺧﻮﻙ ﻣﺎﻓﻲ ﺣﺎﺟﻪ ﻣﺎﺷﻬﺪ ﻋﻠﻴﻬﺎ
ﻫﻨﺪ : ﻏﺮﻳﺒﻪ ﻗﺒﻞ ﻳﻄﻠﻊ 😒
ﻋﻤﺮ : ﺍﻟﻴﻮﻡ ﺑﺬﺍﺕ ﻣﻨﻴﺶ ﻃﺎﻟﻊ
ﺍﻧﺎ : ﺗﺴﻨﻴﻢ ﻗﺎﻋﺪﻩ ﻛﻴﻒ ﺗﺒﻴﻪ ﻳﻄﻠﻊ 😜
ﻋﻤﺮ : ﻉ ﻓﻜﺮﻩ ﺍﻟﻜﻴﻚ ﻣﺎﻛﻴﻚ ﻃﻌﻤﺘﻪ ﺷﻴﻨﻪ 😒
ﺍﻧﺎ : ﻋﺎﺩﻱ ﻣﺘﻜﻠﺶ 😉 ﻫﻨﻮﺩﻩ ﻭﺗﻴﺖ ﺍﻟﻌﺼﻴﺮ ﻭﺷﻜﻼﻃﻪ ﺗﻤﺎﻡ ﺧﺪﻳﺖ ﻓﻨﺠﺎﻟﻲ ﺑﻨﻌﺪﻱ ﻧﺸﺮﺑﻪ ﻣﻊ ﻓﺪﻭﻱ ﻟﺤﻘﻲ ﻋﻠﻴﺎﺍ
ﻫﻨﺪ : ﺗﻢ
ﻃﻠﻌﺖ
#
#
#
ﻓﺪﻭﻱ : ﺟﻴﻬﺎﻥ
ﺍﻧﺎ : ﻧﻌﻢ
ﻓﺪﻭﻱ : ﺗﺒﻲ ﺍﻟﺤﻖ ﺧﻮﻳﺎ ﺩﻭﻳﻠﻲ ﻋﻠﻴﻚ ﻭﺍﺟﺪ ﻭﻻﻩ ﻓﺘﺮﻩ ﺍﺧﺮﺍ ﺩﺍﻭﻳﻠﻲ ﻏﻴﺮ ﻟﻬﻴﻨﺎ ﻭﻛﺎﻧﺖ ﻣﺎﻣﺎ ﻣﺴﺎﻓﺮﻩ
ﺳﺒﺐ ﺟﻴﺘﻲ ﺍﻟﻴﻮﻡ ﻉ ﺳﺒﺎﻙ ﻭﻋﺠﺒﺘﻴﻨﻲ
ﺍﻧﺎ : ﺗﺴﻠﻤﻴﻠﻲ ☺
ﻓﺪﻭﻱ : ﻫﻮﺍ ﻣﻮﺍﻟﻴﺪ 82 ﺑﺸﻘﺘﻪ ﻭﺑﺸﻐﻠﻪ ﻭﺷﻜﻠﻪ ﻭﺍﺳﻠﻮﺑﻪ ﺍﻧﺘﻲ ﺗﻌﺮﻓﻴﻬﻦ ﻫﻮﺍ ﺍﻟﻠﻲ ﺧﻼﺗﻪ ﻳﺘﺮﺩﺩ ﻭﻣﻴﺤﻜﻠﺶ ﻗﺎﻟﻲ ﺍﻟﺒﻨﺖ ﻣﺤﺘﺮﻣﻪ ﻭﻣﺶ ﻋﺎﻃﻴﺘﻨﻲ ﻣﺠﺎﻝ
ﺍﻧﺎ : ﻫﻮﺍ ﺍﻟﺤﻖ ﺍﺳﻠﻮﺑﻪ ﻛﻮﻳﺲ ﻭﻣﺤﺘﺮﻡ ﺑﺲ ﻧﺎ ﺍﻟﺮﺍﻱ ﺍﻻﻭﻝ ﻭﺍﻻﺧﻴﺮ ﻟﺒﺎﺑﺎ
ﻓﺪﻭﻱ : ﺍﻛﻴﺪﻩ ﺑﺲ ﻗﺒﻠﻪ ﺑﻨﻌﺮﻑ ﻧﺎﻗﺮﺍﺭﻙ ﺍﻧﺘﻲ ?
ﺍﻧﺎ : ﻭﺍﻟﻠﻪ ﺷﻦ ﻧﻘﻮﻟﻚ .. ﻣﻌﺶ ﻋﺮﻓﺖ ﻣﺎﻧﻘﻮﻝ
ﻓﺪﻭﻱ : ﻣﻌﻨﺎﻫﺎ ﺍﺣﻜﻲ ﻣﻊ ﺍﻣﻚ ﺍﻟﻴﻮﻡ ﻭﻋﻄﻴﻨﻲ ﺭﻗﻤﻬﺎ
ﻋﻄﻴﺘﻬﺎ ﺭﻗﻢ ﻣﺎﻣﺎ ﻭﺭﻗﻤﻲ
ﺍﻧﺎ : ﺍﻥ ﺷﺎﺀﺍﻟﻠﻪ ﺧﻴﺮ
ﻓﺪﻭﻱ : ﺍﻥ ﺷﺎﺀﺍﻟﻠﻪ ﻭﺣﺎﻝ ﺍﻟﻐﺎﻳﻪ ﺗﻘﻌﺪﻱ ﻛﻨﺘﻨﺎ 😍
ﺍﻧﺎ : ☺
ﻓﺪﻭﻱ : ﻣﻔﺶ ﺍﺧﺒﺎﺭ ﻉ ﺣﻮﺷﻜﻢ ?
ﺍﻧﺎ : ﻛﻞ ﺣﺪ ﻳﻘﻮﻝ ﻓﻲ ﻗﻮﻝ ﺷﻲ ﻳﻘﻮﻝ ﻃﺎﻳﺢ ﻭﺷﻲ ﻳﻘﻮﻝ ﻣﺎﻓﻲ ﺷﻲ ﻭﺷﻲ ﻳﻘﻮﻝ ﺍﺿﺮﺍﺭ ﺑﺴﻴﻄﻪ
ﻓﺪﻭﻱ : ﺻﺎﺭ ﻫﻜﻲ 😔
ﺍﻧﺎ : ﺍﻓﻔﻔﻒ 😔😥
ﻓﺪﻭﻱ : ﺭﺑﻲ ﻳﻔﺮﺝ ﻋﻠﻴﻜﻢ ﻭﺍﻟﻠﻪ ﻧﺎﺱ ﻭﺍﺟﺪﻩ ﻛﻴﻔﻜﻢ ﺍﺣﻤﺪﻭ ﺭﺑﻜﻢ ﻭﺍﻟﻠﻪ ﻓﻲ ﻧﺎﺱ ﻓﻲ ﻣﺪﺍﺭﺱ 😔
ﺍﻧﺎ : ﺍﻟﺤﻤﺪﻟﻠﻪ ﻻ ﺍﻋﺘﺮﺍﺽ ﺍﻛﻴﺪ ﺑﺲ 😫
ﻓﺪﻭﻱ : ﺣﺎﺳﻪ ﺑﻴﻚ
ﺣﺴﻴﺖ ﺩﻣﻮﻋﻲ ﺑﻴﻨﺰﻟﻦ
ﺻﺒﻴﺖ ﻉ ﻃﻮﻝ ﻭﺧﺸﻴﺖ ﺟﻮﻩ
ﻭﻛﻨﺖ ﻧﺒﻲ ﻧﺮﻛﺐ
ﻃﻠﻌﺖ ﻫﻨﻮﺩﻩ : ﺟﻮﻫﺎ ﻧﺎ ﺑﻨﻠﻢ ﺍﻟﻔﻨﺎﺟﻴﻞ ﻭﻧﺒﻲ ﺳﺨﻨﻲ ﺍﻟﻤﻮﺍﻟﺢ ﺑﺴﺮﻋﻪ 😘
ﻃﻠﻌﺖ
ﺭﺩﻳﺖ ﻧﺰﻟﺖ ﻭﺧﺸﻴﺖ ﻟﺤﻮﺷﻬﻢ
ﻟﻘﻴﺖ ﻋﻤﺮ ﻣﺰﺍﻝ ﻓﻲ ﻣﻄﺒﺦ ﻭﻳﺮﺑﺶ ﻓﻲ ﻧﻘﺎﻟﻪ
ﺧﺴﻴﺖ ﺑﺤﺖ ﻓﻴﺎ
ﻧﺎ ﻧﺰﻟﺖ ﺍﻋﻴﻮﻧﻲ ﻭﺑﺪﻳﺖ ﺍﻧﺤﻂ ﺍﻟﻤﻮﺍﻟﺢ ﺷﻲ ﻓﻲ ﻣﻴﻜﺮﻭﻳﻒ ﻭﺷﻲ ﻓﻲ ﻛﻮﺷﺎ
ﺩﻣﻮﻭﻋﻲ ﻧﺰﻟﻦ 😢
ﻓﻄﻨﻠﻲ
ﺻﺒﺎ ﻣﻦ ﻃﺎﻭﻟﻪ
ﻋﻤﺮ : ﻛﻨﻚ ??
ﺍﻧﺎ ﺷﻲ ﻋﻴﻮﻧﻲ ﻳﺤﺮﻗﻦ ﻓﻴﺎ ﻣﻤﻜﻦ ﻣﻦ ﻛﻮﺷﺎ 😢
ﻋﻤﺮ : ( ﻋﺒﺎﻟﻲ ﻛﺒﺎﻳﺔ ﻣﻴﻪ ) ﺍﺷﺮﺑﻲ
ﺍﻧﺎ : ( ﺷﺮﺑﺖ )
ﻋﻤﺮ : ﺗﻌﺎﻟﻲ ﻗﻤﻌﺰﻱ
ﺍﻧﺎ : ﺣﻄﺖ ﻫﻨﺪ ﺍﻟﺸﺎﻫﻲ ﻉ ﻧﺎﺭ 😢
ﻋﻤﺮ : ﺗﻌﺎﻟﻲ ﺑﺲ
ﺍﻧﺎ : ( ﺩﻣﻮﻋﻲ ﻣﻌﺶ ﻭﻗﻔﻦ ) 😭
ﻋﻤﺮ : ﺍﺣﻜﻴﻠﻲ ﻣﻦ ﺯﻋﻠﻚ ﺑﺮﻩ
ﺍﻧﺎ : ﻣﻀﺎﺍﻳﻘﻪ 😭
ﻋﻤﺮ : ﺍﺣﻜﻲ ﺑﺲ
ﺍﻧﺎ : ﻣﺤﺪ ﺑﺲ ﺧﻄﺮ ﻋﻠﻴﺎ ﺣﻮﺷﻨﺎ 😭
ﻋﻤﺮ : ﻋﺎﺩﻱ ﻳﻌﻨﻲ
ﺍﻧﺎ : ( ﻧﺒﻜﻲ ) ﻻ ﻣﺶ ﻋﺎﺩﻱ
ﻋﻤﺮ : ﻭﺍﻟﻠﻪ ﻛﻼﻡ ﺍﻛﻴﺪ ﺭﺍ ﻛﺬﺑﻪ ﻳﻘﻠﻮﻟﻚ ﺣﻮﺍﺷﻴﻦ ﻃﺎﻳﺤﺎﺕ ﻣﺘﺎﺧﺬﻳﺶ ﻉ ﻛﻼﻡ ﺍﻟﻔﻴﺲ ﻭﻗﻄﺎﻑ ﺍﻟﺼﺒﺎﻳﺎ ﺻﺢ ﻓﻲ ﺍﻣﻜﺎﻥ ﻣﻀﺮﺭﻩ ﺑﺲ ﺍﻻﻣﺎﻛﻦ ﺍﻟﻠﻲ ﺭﺋﻴﺴﻲ
ﺍﻧﺘﻢ ﺣﻮﺷﻜﻢ ﺟﺎﻱ ﺟﻮﺍ ﻣﻤﻜﻦ ﺍﺿﺮﺍﺭ ﺑﻴﺴﻄﻪ ﺑﺶ ﻗﻮﺓ ﺍﻟﻀﺮﺏ ﺭﻭﺍﺷﻦ ﻣﻜﺴﺮﺍﺕ ﺍﻭ ﻫﻜﻲ
ﺍﻧﺎ : ﺍﻥ ﺷﺎﺀﺍﻟﻠﻪ 😢
ﻋﻤﺮ : ﻓﻲ ﻧﺎﺱ ﻭﺍﺟﺪﻩ ﻃﻠﻌﻮ ﻛﻴﻔﻜﻢ ﻣﺶ ﺍﻧﺘﻢ ﺑﺲ ﻋﺎﺋﻼﺕ ﻭﺍﺟﺪ ﻋﺎﻳﺸﻴﻦ ﻓﻲ ﻣﻌﺎﻧﺎﻩ ﺍﻧﺘﻢ ﺍﻟﺤﻤﺪﻟﻠﻪ ﺑﺎﺗﻚ ﺑﺸﻐﻠﻪ ﻭﺍﻧﺘﻲ ﺑﻨﺖ ﺷﺎﻃﺮﻩ ﻭﻋﺎﻗﻠﻪ ﻭﺗﺒﺬﻟﻲ ﻓﻲ ﺟﻬﺪ ﻋﺸﺎﻥ ﻫﻠﻚ ﻭﺧﻮﺍﺗﻚ ﻣﺘﺮﻳﺤﻴﻦ ﻭﻭﺧﺪﻳﻦ ﺷﻘﺘﻲ 😂
ﺍﻧﺎ : ﺳﺎﻣﻂ 😢😒
ﻋﻤﺮ : 😂😂😂
#
#
#
ﻣﻼﻙ : ﺷﻨﺮﺍﻳﻚ ﺍﻻﺣﺪ 😍
ﺯﻫﺮﻩ : ﺷﻦ ﻣﻌﻨﻲ ﺍﻻﺣﺪ
ﻣﻼﻙ : ﺍﺧﺘﻲ ﻋﻨﺪﻫﺎ ﻣﺪﺭﺳﻪ ﻭﺗﻮ ﻧﻘﻮﻝ ﻟﻤﺎﻣﺎ ﺍﻥ ﺑﻨﺠﻴﻚ ﻟﻮ ﺣﻜﻴﺖ ﻗﺪﺍﻡ ﺟﻴﻬﺎﻥ ﺗﻘﻮﻝ ﻟﻤﺎﻣﺎ ﻣﺘﺨﻠﻴﻬﺶ ﻭﻣﺎﻣﺎ ﺗﺴﻤﻊ ﻓﻲ ﻛﻼﻣﻬﺎ 😒
ﺯﻫﺮﻩ : ﺗﻌﺪﻱ ﻣﻌﺎﻧﻪ ﻫﺒﻪ 😍
ﻣﻼﻙ : ﻏﺼﺒﺎ ﻋﻨﻬﺎ
ﺯﻫﺮﻩ : ﻋﺎﺭﻓﻪ ﺩﻳﻤﻪ ﻧﻘﻮﻟﻠﻬﺎ ﻧﻌﺪﻭ ﻧﺎ ﻭﻳﺎﻙ ﻣﺤﻼﺕ ﺣﺪﺍﻳﻖ ﻗﺮﻳﺒﺎﺕ ﺧﻄﻮﻩ ﺗﺒﺶ ﺗﻘﻮﻟﻲ ﺍﻧﺨﺎﻑ ﻣﻦ ﺧﻮﻳﺎ
ﻣﻼﻙ : ﺧﻠﻴﻬﺎ ﺷﻮﺭﻱ 😂😂
ﺟﺖ ﻫﺒﻪ
ﻫﺒﻪ : ﺍﻧﺸﻮﻑ ﻓﻴﻜﻦ ﺗﺴﻬﻮﻛﻦ 😍 ﻣﺴﻬﻔﻪ ﻉ ﻗﻌﺪﻩ ﻣﻌﺎﻛﻦ 😍
ﻣﻼﻙ : ﻋﺪﻱ ﺍﺭﺗﺰﻋﺐ ﺟﻨﺐ ﺍﻟﻠﻔﻌﻪ ﻣﺮﺕ ﺧﻮﻙ 😒
ﻫﺒﻪ : ﻣﺴﺮﻉ ﻣﺎﻛﺮﻫﺘﻴﻬﺎ 😒
ﻣﻼﻙ : ﺑﺎﺭﺩﻩ
ﺟﺖ ﺗﺴﻨﻴﻢ
ﺗﺴﻨﻴﻢ : ﺗﻌﺎﻟﻲ ﻫﺒﻪ ﻧﺒﻴﻚ ﺷﻮﻳﻪ
ﻫﺒﻪ : ﺗﻮ ﻧﺠﻴﻜﻦ ﺑﻄﻠﻦ ﻗﺮﻣﻪ 😂
ﻣﻠﻼﻙ : ﻣﻄﻮﻟﺶ 😂 ﻳﺎﻣﺎ ﻓﺎﺗﻚ 😂
ﻫﻴﻪ : ﺑﻪ ﺑﺎﻩ
ﻃﻠﻌﺖ ﻫﻴﺎ ﻭﺗﺴﻨﻴﻢ ﻟﺠﻨﺎﻥ
ﻫﺒﻪ : ﻛﻨﻚ ﻃﻠﻌﺘﻴﻨﺎ
ﺗﺴﻨﻴﻢ : ﺑﻨﺸﻮﻑ ﻋﻤﺮ 😁
ﻫﺒﻪ : ﺭﺍﻗﺪ ﻓﻜﻴﻨﺎ ﻣﻨﻪ ﻳﺤﺒﺶ ﺣﺪ ﻳﻮﺍﻋﻴﻪ 😒
ﺗﺴﻨﻴﻢ : ﻫﻮﺍ ﺩﻳﻤﻪ ﻳﻘﻮﻟﻲ ﻳﺎﺭﻳﺘﻚ ﻣﺮﺍﺗﻲ ﻋﺸﺎﻥ ﺗﻮﺍﻋﻴﻨﻲ 😔
ﻫﺒﻪ : ﻗﺼﺪﻙ ﺑﺘﺨﺸﻴﻠﻪ 😱😱😱
ﺗﺴﻨﻴﻢ : ﺍﻧﺘﻲ ﻣﻌﺎﻳﻪ 😁
ﻫﺒﻪ : 😱😱
ﺗﺴﻨﻴﻢ : 😍
ﻫﺒﻪ : 😳😳
...... ﻳﺘﺒﻊ
# ﻓﺎﻃﻤﻪ
