ﻣﻨﻘــﻮﻟﺔ
# ﻧﺎﺯﺣﻪ
ﺍﻟﺤﻠﻘﻪ 38
ﻋﺎﺋﺸﻪ : ﻗﺎﻟﻲ ﺍﻣﻚ ﺗﺒﻲ ﻣﺸﻮﺍﺭ؟؟ﺷﻜﻠﻬﺎ ﻣﺎﻣﺎ ﺭﺍﻧﻪ ﻋﻠﻴﻪ؟
ﺍﻧﺎ : ﺗﻮ ﻧﺸﻮﻓﻬﺎ ﻛﻨﻬﺎ ﻛﻤﻠﻲ ﺍﻟﻌﻔﻦ ﺍﻟﻠﻲ ﻓﻲ ﻳﺪﻙ
ﺧﺸﻴﺖ ﻉ ﻣﺎﻣﺎ ﻓﻲ ﺩﺍﺭ ﺗﺒﺪﻝ
ﺍﻧﺎ : ﻭﻳﻦ؟؟؟
ﻣﺎﻣﺎ : ﺑﻨﻌﺪﻱ ﻟﺠﻤﻴﻠﻪ ﻭﻟﺪﻫﺎ ﻓﻲ ﺍﻟﻌﻨﺎﻳﻪ
ﺍﻧﺎ ..: ﻗﺼﺪﻙ ﻋﻤﺮ؟؟
ﻣﺎﻣﺎ : ﻣﺴﻜﻴﻨﻪ ﺭﺍﺱ ﻭﻟﻴﺪ ﻭﺍﺣﺪ ﻳﺎﺧﻴﺘﻲ
ﺍﻧﺎ : ﺣﻲ ﻋﻠﻴﺎ ﻳﺎﻣﺎﻣﺎ؟
( ﻉ ﻃﻮﻭﻝ ﻗﻠﺒﻲ ﻭﺟﻌﻨﻲ ﻭﺣﺴﻴﺖ ﻧﻔﺴﻲ ﺍﻧﻘﻄﻊ )
ﻣﺎﻣﺎ : ﻛﻨﻚ ﻳﺎﺑﻨﺖ ؟ ﺗﻮﺍ ﺑﺠﻴﻨﻲ ﻣﺮﺍﺩ ﻭﺑﻨﻌﺪﻱ ﺷﺎﻭﺭﺕ ﺑﺎﺗﻚ ﻭﺑﺼﺮﺍﺣﻪ ﻣﺘﻮﻗﻌﺘﺶ ﻳﻮﺍﻓﻖ ﺑﺲ ﻭﺍﻓﻖ
ﺍﻧﺎ : ﺍﻟﻠﻪ ﻳﺮﺑﺤﻚ ﺑﻨﻌﺪﻱ ﻣﻌﺎﻙ
ﻣﺎﻣﺎ : ﺗﺒﻲ ﺑﺎﺗﻚ ﻳﻄﻠﻘﻨﻲ؟؟ﺑﻌﺪ ﺍﻟﻠﻲ ﺻﺎﺭ ﻛﻠﻪ ﻭﺗﺒﻴﻨﻲ ﻧﺸﻴﻠﻚ ﻣﺴﺘﺤﻴﻞ
ﺍﻧﺎ : ( ﻧﺒﻜﻲ ) ﻣﺎﻣﺎ ﺍﻟﻠﻪ ﻳﺮﺑﺤﻚ ﻳﺎﻣﺎﻣﺎ ﺑﻨﻌﺪﻱ ﻣﻌﺎﻙ
ﻣﺎﻣﺎ : ﻳﺎﺟﻴﻬﺎﻥ ﺑﺎﺗﻚ ﻣﻨﻘﺪﺭﺵ ﻧﺸﻴﻠﻚ؟
ﺍﻧﺎ : ( ﻧﺒﻜﻲ )
ﻃﻠﻌﺖ ﻣﻦ ﺩﺍﺭ ﺟﺮﻱ ﻟﺒﺴﺖ ﺳﺮﻭﺍﻟﻲ ﻭﺟﺎﻛﻪ ﻃﻮﻳﻠﻪ
ﻭﺭﻧﻴﺖ ﻉ ﻫﻨﺪ؟؟؟
ﻣﺮﺩﺩﺗﺶ ﺭﻧﻴﺖ ﻉ ﻫﺒﻪ ﻧﻔﺲ ﺍﻟﺸﻲ
ﻣﻨﻴﺎ : ﻣﻌﺶ ﺗﺒﻜﻲ ﻭﺳﻌﻲ ﺑﺎﻟﻚ؟
ﺍﻧﺎ : ( ﻧﺒﻜﻲ ) ﺭﻳﻤﺎﺱ ﺟﻴﺒﻲ ﻧﻘﺎﻝ ﻣﺎﻣﺎ ﻧﺎﺧﺪ ﺭﻗﻢ ﺍﺑﻠﻪ ﺟﻤﻴﻠﻪ
ﺭﻳﻤﺎﺱ : ﺑﺎﻩ
ﻋﺎﺋﺸﻪ : ﺍﻓﻔﻔﻒ ﺭﺑﻚ ﻳﺴﺘﺮ
ﺍﻧﺎ : ( ﻧﺒﻜﻲ ) ﻛﺎﻥ ﻣﺎﺣﺎﻟﺘﻪ ﺧﻄﻴﺮ ﻫﺮﺍ ﻣﺶ ﻓﻲ ﻋﻨﺎﻱ ﻩ
ﻳﺎﺭﺑﻲ ﻳﺎﺭﺑﻲ ﺑﻨﻤﻮﻭﻭﺕ ﻧﺎ ﺑﻨﻤﻮﻭﻭﻭﻭﻭﻭﺕ
ﺍﺑﺘﻬﺎﻝ : ﻭﺳﻌﻲ ﺑﺎﻟﻚ ﻛﻨﻚ ﺗﻔﺎﻭﻟﻲ ﻉ ﺭﺍﺟﻞ؟
ﺍﻧﺎ : ( ﻧﺒﻜﻲ )
ﻣﻼﻙ : ﺍﺷﺮﺑﻲ ﻣﻴﻪ
ﺍﻧﺎ : ( ﻧﺒﻜﻲ ) 😢😢
ﻣﻨﻴﺎ : ﺍﻛﻴﺪﻩ ﻛﻮﻳﺲ ﻣﺘﺨﺎﻓﺶ ﻋﻠﻴﻪ 😩
ﺍﻧﺎ : ( ﻧﺒﻜﻲ ) ﺑﻨﻌﺪﻱ ﻣﺘﺒﺶ ﺗﺸﻴﻠﻨﻲ 😢
ﻣﻼﻙ : ﻉ ﺍﺳﺎﺱ ﺗﺒﻲ ﺗﺸﻮﻓﻴﻪ ﻟﻮ ﻋﺪﻳﺘﻲ؟
ﺍﻧﺎ : ( ﻧﺒﻜﻲ ) 😢😢
ﺍﺑﺘﻬﺎﻝ : ﻣﺎﻣﺎ ﺗﺒﻲ ﺗﻌﺪﻱ ﻻﻣﻪ ﻓﻠﺤﻮﺵ ﻭﻫﻮﺍ ﻓﻴﻠﻤﺴﺘﺸﻔﻲ ﻣﻦ ﺑﻴﺸﻴﻠﻚ
ﻋﺎﺋﺸﻪ : ﻭﻭﺿﻌﻚ ﺣﺴﺎﺱ ﻣﻊ ﺑﺎﺑﺎ 😨
ﻣﻼﻙ : ﺣﻴﻜﺴﺮ ﺍﻟﺪﻧﻴﺎ ﻓﻮﻕ ﺭﺍﺳﻨﺎ ﻭﻣﺮﻩ ﺟﺎﻳﻪ ﻳﺤﻄﻨﺎ ﻓﻲ ﺑﺮﺍﻛﺔ ﺣﻤﺎﻡ 😂
ﺭﻳﻤﺎﺱ : ﻫﺎﻛﻲ 😩
ﺧﺪﻳﺖ ﺍﻟﻨﻘﺎﻝ ﻭﻃﻠﻌﺖ ﺭﻗﻤﻬﺎ ﻭﺭﻧﻲ ﻣﺒﺘﺶ ﺗﺮﺩ 📞
ﺍﻧﺎ : ( ﻧﺒﻜﻲ ) ﻣﺤﺪ ﻳﺮﺩ ﺣﻲ ﻋﻠﻴﺎ ﺣﻲ ﻋﻠﻴﺎ 😭
ﻋﺎﺋﺸﻪ : ﺍﻛﻴﺪﻩ ﺣﻮﺷﻬﻢ ﻣﻌﺒﻲ ﻧﺎﺱ ﻭﻣﺶ ﻓﻄﻨﺎﺕ ﻟﻠﻨﻘﻼﺗﻬﻦ
ﻣﻨﻴﺎ : ﺷﺪ ﺣﻴﻠﻬﻢ ﻋﻠﻴﻚ ﻓﺠﻌﻪ 😣😣
ﺍﺑﺘﻬﺎﻝ : ﻭﺍﻟﻠﻪ ﺣﺘﻲ ﻧﺎ ﻭﺟﻌﻨﻲ 😩😱
ﻣﻼﻙ : ﺣﺘﻲ ﻧﺎ ﺭﺑﻲ ﻳﺸﻔﻴﻪ ﺍﻥ ﺷﺎﺀﺍﻟﻞ 😩 ﻩ
ﺍﻧﺎ : ( ﻧﺒﻜﻲ ) ﺧﺎﻳﻔﻪ ﺗﺼﻴﺮ ﻓﻲ ﺣﺎﺟﻪ ﻧﻤﻮﻭﺕ ﺑﻌﺪﻫﺎ 😢
ﺭﻳﻤﺎﺱ : ﺍﻟﺒﺎﺏ ﺷﻜﻠﻪ ﻣﺮﺍﺩ
ﻋﺎﺋﺸﻪ : ﺗﻌﺎﻟﻲ ﺗﻌﺎﻟﻲ ﻧﺎ ﺗﻮ ﻧﻔﺘﺢ ﺍﺣﻤﻢ ﻫﺎﺗﻲ ﻭﺷﺎﺡ؟ 😌 ؟
ﻣﻼﻙ : ﻣﺜﻘﻞ ﺩﻣﻚ ﻛﻼ ﺍﻧﺘﻲ ﺗﻲ ﺍﻃﻠﻌﻴﻠﻪ ﻫﻚ ﺧﻠﻲ ﺍﻟﺮﺍﺟﻞ ﻳﺒﻞ ﺭﻳﻘﻪ؟ 😂
ﺍﺑﺘﻬﺎﻝ؛ﻣﻼﻙ ﺍﺳﻜﺘﻲ ﻣﺶ ﻭﻗﺘﻚ 😩
ﻣﻼﻙ : ﺧﻼﺹ ﻗﻠﺒﺘﺘﻬﺎ ﻧﻜﺪ
ﻋﺎﺋﺸﻪ : ﺍﻟﻬﻲ ﻓﻲ ﺭﻭﺣﻚ ﺍﻧﺘﻲ 😒
ﻟﻔﺖ ﻭﺷﺎﺣﻬﺎ ﻭﻃﻠﻌﺖ
ﻓﺘﺤﺘﻠﻪ ﺍﻟﺒﺎﺏ :
ﻣﺮﺍﺩ : ﻣﺮﺣﺒﺎ 😄
ﻋﺎﺋﺸﻪ : ﺍﻧﺴﺘﻨﺎ ﻛﻴﻒ ﺍﻟﻚ؟ ☺
ﻣﺮﺍﺩ : ﺍﻟﻠﻪ ﻳﺎﻧﺴﻚ ﻫﺎﻛﻲ
ﻋﺎﺋﺸﻪ : ( ﺍﻧﻔﺠﻌﺖ ) ﻫﻀﺎ ﻛﻠﻪ ﺩﺑﺶ؟؟؟ 😱
ﻣﺮﺍﺩ : ﻣﺶ ﻭﺍﺟﺪ 😌
ﻋﺎﺋﺸﻪ : ﺣﺮﺍﻡ ﻋﻠﻴﻚ ﺟﺎﻳﺒﻠﻲ ﺷﻨﻄﻪ ﻣﻌﺒﻴﻪ ﻭﺗﻘﻮﻟﻲ ﻣﺶ ﻭﺍﺟﺪ؟ 😣
ﻣﺮﺍﺩ : ﺍﻓﻄﻨﻴﻠﻪ ﻭﺍﻧﺘﻲ ﺗﻐﺴﻠﻲ ﺑﺸﻮﻳﻪ ﺑﺸﻮﻳﻪ ﻋﻠﻴﻪ 😠
ﻋﺎﺋﺸﻪ : ﻓﻬﻤﻨﺎ ﺍﻓﻔﻒ ﻣﻨﻚ 😠
ﻣﺮﺍﺩ : ﻛﻨﻚ ﺑﺘﻀﺮﺑﻲ ﺍﻧﺘﻲ؟ 😠
ﻋﺎﺋﺸﻪ : ﺍﺣﻤﻢ ﻗﺼﺪﻱ ﺣﺎﺿﺮ 😒☺
ﻣﺮﺍﺩ : ﺍﻟﺸﺎﻣﺒﻮ ﻭﺣﺪﺍﺩ ﺟﻮﺍ ﻓﻲ ﺷﻨﻄﻪ ﺗﺤﺮﻗﻲ ﺣﺎﺟﻪ ﻧﻬﺎﺭﻙ ﺍﺳﻮﺩ؟ 😒ﻭﻓﻲ ﻣﻌﻄﺮ ﺑﻌﺪ ﺗﻨﺸﺮﻳﻪ ﺭﺷﻲ ﻣﻨﻪ ﻍ ﺩﺑﺶ 😒😒
ﻋﺎﺋﺸﻪ : ﺣﺎﺿﺮ 😒
ﻣﺮﺍﺩ : ﻗﻮﻟﻲ ﻟﺨﺎﻟﺘﻲ ﻫﻴﺎ
ﺍﻧﺎ : ( ﻣﺴﺤﺖ ﺩﻣﻮﻋﻲ ) ﻣﺎﻣﺎ ﺑﻨﻌﺪﻱ؟ 😢😢
ﻣﺎﻣﺎ : ﺗﻲ ﻭﺍﻟﻠﻪ ﻣﺎﻧﻚ ﻣﺎﺷﻴﺘﻴﻬﺎ ﻏﻴﺮﻱ ﺩﺑﺸﻚ ﻭﺍﺭﺗﺰﻋﻲ ﺟﻨﺐ ﺧﻮﺍﺗﻚ 😠😠😠
ﺑﺎﻱ ﻭﺟﻪ ﺑﺘﺨﺸﻲ ﺣﻮﺷﻬﻢ؟؟؟ﺑﺘﺴﻮﺩﻱ ﻭﺟﻪ ﺑﺎﺗﻚ 😠
ﺍﻧﺎ : ﻳﺎﻣﺎﻣﺎ؟؟ﺍﻟﻠﻪ ﻳﺮﺑﺤﻚ ﺷﻴﻠﻴﻨﻲ ﻣﻌﺎﻙ ؟ 😢😢
ﻣﺎﻣﺎ : ﺟﻴﻬﺎﻥ ﺗﺤﺸﻤﻲ ﻉ ﻭﺟﻚ ؟؟؟ 😠
ﺍﻧﺎ : ﻳﺎﻣﺎﻣﺎ 😢😢
ﻣﺎﻣﺎ : ﻏﻤﺎﻣﺎ ﺍﺭﺗﺰﻋﻲ ﻫﻦ ﻭﺍﻟﻠﻪ ﻣﺎﻧﻚ ﻣﺎﺷﻴﺘﻴﻬﺎ 😠
ﻃﻠﻌﺖ ﻭﺳﻴﺒﺘﻨﻲ ﻭﻧﺎ ﻗﻠﺒﺘﻬﺎ ﻋﺰﺍﺍﺍﺍ 😭😭
ﺷﺎﻟﻬﺎ ﻣﺮﺍﺩ :
ﻣﻨﻴﺎ : ﺗﻮ ﻧﻜﻠﻢ ﺍﻧﻮﺭ ﻧﺴﺎﻟﻪ ﻋﻠﻴﻪ
ﻣﻼﻙ : ﺧﻄﺮﻫﺎ ﻧﺴﻴﻨﺎﻩ ﺑﻜﻞ ﺻﺢ ﻛﻠﻤﻴﻪ
ﻣﻨﻴﺎ : ....
ﺍﻧﻮﺭ : ﺍﻟﻮ
ﻣﻨﻴﺎ : ﻫﻼ ﺷﻨﺠﻮﻙ؟، 😩
ﺍﻧﻮﺭ : ﻣﺎﺷﻲ ﺍﻟﺤﺎﻝ 😣
ﻣﻨﻴﺎ : ﻛﻨﻪ ﻋﻤﺮ ﻻﺑﺎﺱ ﻋﻠﻴﻪ؟ 😩
ﺍﻧﻮﺭ : ﻭﺍﻟﻠﻪ ﻣﺎﻧﻲ ﻋﺎﺭﻑ ﻣﻠﺘﻤﻴﻦ ﻧﺎ ﻭﺷﺒﺎﺏ ﻓﻠﻤﺴﺘﺸﻔﻲ ﻭﻫﻠﻪ 😞😞
ﻣﻨﻴﺎ : ﺷﻦ ﺻﺎﺭﻟﻪ ﺑﻪ؟
ﺍﻧﻮﺭ : ﺻﺎﺭﻭﺥ ﻛﺎﻳﻦ ﻗﺎﻋﺪ ﻫﻮﺍ ﻭﺷﺒﺎﺏ ﻣﺎﺳﻜﻴﻦ ﺗﻮﻛﺎ 😩😩
ﻣﻨﻴﺎ : ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
ﺧﺬﻳﺖ ﻣﻨﻬﺎ ﺍﻟﻨﻘﺎﻝ
ﺍﻧﺎ : ﺍﻧﻮﺭ ﻛﻴﻒ ﺣﺎﻟﻪ؟ 😢😢😢
ﺍﻧﻮﺭ : ﺍﺩﻋﻮﻟﻪ ﺑﺲ ﺍﺩﻋﻮﻟﻪ ( ﻗﻌﺪ ﻳﺒﻜﻲ ) 😢
ﺍﻧﺎ : ( ﺯﺭﺩﺕ ﻣﻌﺶ ﻧﺤﻤﻞ ﺑﻤﺎ ﺍﻥ ﺍﻧﻮﺭ ﺑﻜﺎ ﻣﻌﻨﺎﻫﺎ ﻓﻴﻪ ﺣﺎﺟﻪ ) 😫😢😢😭😭😭
ﻛﻨﻪ ﺑﺨﺘﻲ ﻫﻜﻲ ﻧﺎﺍﺍ ﺍﻣﺘﻲ ﺑﻨﺘﺮﻳﺢ 😢
ﻣﻼﻙ : ﺍﺳﻜﺘﻲ ﺣﺮﺍﻡ ﻋﻠﻴﻚ ﻋﻠﻴﺶ ﺗﻔﺎﻭﻟﻲ ﻋﻠﻴﻪ 😞
ﺍﻧﻮﺭ ﺻﻜﺮ ﺍﻟﺨﻂ ﻓﻲ ﻭﺟﻲ 😭
ﺍﻧﺎ : ( ﻧﺒﻜﻲ ) ﺣﺘﻲ ﺍﺻﺤﺎﺑﻪ ﻳﺒﻜﻮ ﺍﻛﻴﺪﻩ ﺣﺎﻟﺘﻪ ﺧﻄﻴﺮﻩ ﻛﻴﻒ ﺑﻨﺘﺤﻤﻞ ﻧﺎ؟😢
ﺍﺑﺘﻬﺎﻝ : ﻣﺘﺎﺛﺮﻳﻦ ﺑﺲ ﺍﻛﻴﺪﻩ ﻛﻮﻳﺲ ؟
ﺍﻧﺎ : ( ﻧﺒﻜﻲ ) ﻣﺶ ﻋﺎﺭﻑ ﻛﺎﻥ ﺍﻣﻚ ﺷﺎﻟﺘﻨﻲ ﻣﻌﺎﻫﺎ؟ 😢
ﻣﻨﻴﺎ : ﻭﻳﻦ ﺑﺘﺸﻴﻠﻚ؟ ﺟﻴﻬﺎﻥ ﻋﻴﺐ؟ 😨
ﺍﻧﺎ : ( ﻧﺒﻜﻲ ) 😢
ﻣﻼﻙ : ﺻﻜﺮﻱ ﻓﻤﻚ ﺗﺒﻲ ﺗﻄﻤﻦ ﻉ ﺭﺍﺟﻞ ﺷﻦ ﻓﻴﻬﺎ ﻣﻦ ﻋﻴﺐ؟ 😒
ﻣﻨﻴﺎ : ﻏﻠﻂ ﺷﻦ ﺗﻌﺪﻳﻠﻪ ﻓﻲ ﺣﻮﺷﻬﻢ ﻣﻬﻤﺎ ﻳﻜﻮﻥ ؟ 😒
ﻣﻼﻙ : ﺻﻜﺮﻱ ﻓﻤﻚ ﺍﻧﺘﻲ ﺷﻦ ﻋﺮﻓﻚ ﻓﺮﺧﻪ ﺧﻼﺹ ﻛﺎﻥ ﺧﻄﺒﻮﻙ ﻣﻌﻨﺎﻫﺎ ﺗﻔﻬﻤﻲ؟ 😒
ﻣﻨﻴﺎ : ﺍﻗﻞ ﺣﺎﺟﻪ ﻧﻄﻴﺮ ﻧﻨﺰﻝ ﻳﻤﻴﻦ ﻳﺴﺎﺭ ﻣﻌﺮﻭﻓﻪ ﻧﺎ ﺍﻋﻘﻞ ﻣﻨﻚ 😉😊
ﺍﺑﺘﻬﺎﻝ : ﻣﻨﻴﺎ؟؟ﻣﻼﻙ؟؟ﻣﺶ ﻭﻗﺖ ﻋﺮﺍﻳﻜﻦ؟ 😠
ﻋﺎﺋﺸﻪ : ﺍﺑﺘﻬﺎﻝ ﺻﺪﻗﺖ ﺧﻼﺹ ﺗﺸﻮﻓﻨﺶ ﻓﻲ ﺟﻴﻬﺎﻥ؟ 😰
ﺍﻧﺎ : ( ﻧﺒﻜﻲ ) ﺣﻲ ﻋﻠﻴﺎ ﻧﺎ ﺷﻦ ﻧﺪﻳﺒﺮ ﻳﺎﺭﺑﻲ
ﻋﺎﺋﺸﻪ : ﻣﺪﻳﺮﺵ ﻓﻲ ﺭﻭﺣﻚ ﻫﻜﻲ
ﻣﻨﻴﺎ : ﺗﻮ ﻧﺮﻥ ﻉ ﺍﻧﻮﺭ
ﺍﺑﺘﻬﺎﻝ : ﺳﻜﻨﺘﻲ ﻟﻠﺮﺍﺟﻞ ﺣﻠﻠﻲ ﻋﻦ ﺳﻤﺎﻩ؟ 😒 ﺍﻛﻴﺪﻩ ﻣﻊ ﺭﺟﺎﻟﻪ ﻭﻣﺴﺘﺸﻔﻲ ﺯﺍﺣﻢ ﻭﻣﺶ ﻓﺎﺿﻲ؟
ﻣﻨﻴﺎ : ﺑﻪ ﺑﻨﻜﻤﻨﻮ ﻉ ﻋﻤﺮ ﻋﺸﺎﻥ ﺟﻴﻬﺎﻥ؟
ﺍﻧﺎ : ( ﻧﺒﻜﻲ ) ﻣﻨﺮﻳﺤﺶ ﻟﻌﻨﺪ ﻣﺎﻧﻌﺪﻱ 😢
ﻣﻼﻙ : ﺷﻦ ﺭﺍﻳﻚ ﻧﻌﺪﻭ؟؟؟
ﻋﺎﺋﺸﻪ : ﻭﻳﻦ ﺑﺘﻌﺪﻱ ﺗﺮﻳﻲ ﺭﺍ ﺧﻴﺮﻟﻚ ﻭﺟﻪ ﺍﻟﻤﺼﺎﻳﺐ
ﻣﻼﻙ : ﻣﻨﻌﺪﻭﺵ ﻟﻬﻞ ﻋﻤﺮ؟؟ﻧﻌﺪﻭ ﻟﻌﻤﺮ ﺷﺨﺼﻴﺎ
ﺍﺑﺘﻬﺎﻝ : ﺍﻫﺎ ﺻﺎﺡ ﺑﺲ ﺗﻮﺍ ﺍﻟﺮﺍﺟﻞ ﻓﻲ ﺍﻟﻌﻨﺎﻳﻪ
ﺍﻧﺎ : ( ﻧﺒﻜﻲ ) ﺍﻛﻴﺪﻩ ﺗﻌﺒﺎﻥ ﻭﺣﺎﻟﺘﻪ ﺣﺮﺟﻪ ﻛﺎﻥ ﻫﻀﺎ 😢 ﻳﺤﻄﻮﺵ ﻓﻲ ﻋﻨﺎﻳﻪ ﺻﺎﺡ؟؟
ﺍﻛﻴﺪﻩ ﻣﻀﺮﺭ ﻭﺍﺟﺪ
ﻣﻼﻙ : ﺻﺎﺭﻭﺥ ﺣﺘﻲ ﻫﻮﺍ ﺑﺎﻫﻲ ﺍﻟﻠﻲ ﻋﺎﺵ ﺍﻻﻏﻠﺐ ﻳﻤﻮﺗﻮ ﻋﻤﺮ ﺍﻟﺸﻘﻲ ﺑﻘﻲ
ﺍﺑﺘﻬﺎﻝ : ﺻﻜﺮﻱ ﻓﻤﻚ ﻫﻀﺎ ﻛﻼﻡ ﻳﻨﻘﺎﻝ؟؟
ﺍﻧﺎﻧﺒﻜﻲ ) ﻱ ﻋﻠﻴﺎ ﻧﺎ ﺍﻟﺘﻪ ﻣﻌﻨﺎﻫﺎ ﺧﻄﻴﺮﻩ 😢
ﻣﻼﻙ : ﺍﻛﻴﺪﻩ ﺭﺍﻳﺢ ﻓﻴﻬﺎ ﻣﻦ ﺟﻤﺎﻋﺔ ﻋﺎﻟﻘﻴﻠﻪ ﺍﺟﻬﺰﻩ ﻭﻛﺎﻥ ﻓﻜﻮﻫﻦ ﻳﻤﻮﺕ
ﻋﺎﺋﺸﻪ : ﻣﻼﻙ ﻳﺎﺳﺨﻴﻔﻪ؟
ﺍﻧﺎ : ( ﻧﺒﻜﻲ ) ، 😢 ﻳﺎﺭﺑﻲ ﻻ ﻣﻌﺶ ﺗﺤﻜﻲ ﻫﻜﻲ ﺍﻥ ﺷﺎﺀﺍﻟﻠﻪ ﻓﻴﺎ ﻭﻻ ﻓﻴﻪ
ﻣﻨﻴﺎ : ﺗﻮ ﺗﺠﻲ ﻣﺎﻣﺎ ﻭﺗﻌﻄﻴﻨﺎ ﺍﻟﺰﺑﺪﻩ 😩
ﻣﻼﻙ : ﺍﻟﻤﺸﻜﻠﻪ ﻫﺒﻪ ﻣﺘﺮﺩﺵ؟ 😩
ﻣﻨﻴﺎ : ﻭﻻ ﻫﻨﺪ ﻭﻻ ﺍﻧﻮﺭ؟ 😩
ﻋﺎﺋﺸﻪ : ﻭﻻ ﺍﺑﻠﻪ ﺟﻤﻴﻠﻪ 😩
ﺍﻧﺎ : ( ﻧﺒﻜﻲ ) ﻭﺍﻟﻠﻪ ﻛﺎﻥ ﻣﺎﻣﺎ ﺷﺎﻟﺘﻨﻲ ﺍﻗﻞ ﺷﻲ ﻧﺘﺮﻳﺢ ﺷﻮﻳﻪ ﺑﺎﻟﻚ ﻳﻄﻤﻨﻮﻱ 😭😭😭
ﻧﺎﺭ ﺭﺍﻛﺒﻪ ﻓﻲ ﻗﻠﺒﻲ 100 ﻓﻜﺮﻩ ﺳﻮﺩﻩ ﻳﺒﺮﻣﻦ ﻓﻲ ﺭﺍﺳﻲ 😭
ﻣﻨﻴﺎ : ﺗﻔﺎﺅﻟﻮ ﺑﻠﺨﻴﺮ ﺗﺠﻴﺪﻭﻩ؟ 😞
ﻋﺎﺋﺸﻪ : ﺧﻄﺮﻫﺎ ﺩﺑﺶ ﻣﺮﺍﺩ ﻳﺒﻴﻪ ﺍﻟﻴﻮﻡ ﺍﻓﻔﻔﻒ ﺍﻣﺘﻲ ﺑﻴﻘﺐ؟ﻭﺍﻣﺘﻲ ﺑﻨﺤﺪﺩ؟ 😩
ﺍﺑﺘﻬﺎﻝ : ﻣﺰﺍﻝ ﻓﻲ ﻭﻗﺖ؟
ﻣﻼﻙ : ﻉ ﺍﺳﺎﺱ ﻋﺎﺋﺸﻪ ﺗﻌﺮﻑ ﺗﻐﺴﻞ ﺩﺑﺶ ﻣﺎﻃﻴﺐ ﻧﻴﺘﻪ ﻛﻼ ﻣﺮﺍﺩ 😂
ﻋﺎﺋﺸﻪ : ﺿﺮﻭﺭﻱ ﻧﺒﺎﻥ ﻗﺪﺍﻣﻪ ﺣﺮﻩ ﻭﻧﻈﻴﻔﻪ ﺳﺎﻋﺪﻧﻲ 😞 ؟؟
ﻣﻨﻴﺎ : ﺗﺎﻟﻲ ﺗﻮ ﻧﻮﺭﻳﻚ ﻛﻴﻒ ﺗﻐﺴﻠﻴﻪ 😉
ﻋﺪﻥ ﺍﻟﺤﻤﺎﻡ
ﻣﻨﻴﺎ : ﺷﻐﻠﻲ ﺍﻟﻐﺴﺎﻟﻪ ﻭﻋﺒﻴﻬﺎ ﻣﻴﻪ
ﻋﺎﺋﺸﻪ : ﺍﻟﻨﺎﺱ ﺗﻐﺴﻞ ﺑﺘﻮﻣﺎﺗﻚ ﻭﻧﺤﻨﺎ ﻣﺰﻟﻨﺎ ﻓﻲ ﻫﺬﻧﻪ؟ 😷
ﻣﻨﻴﺎ : ﻋﺒﻴﻬﺎ ﻣﻴﻪ ﻭﺍﺳﻜﺘﻲ 😒
ﻋﺎﺋﺸﻪ : ﻗﺎﻟﻲ ﻧﻐﺴﻞ ﻓﻲ ﻉ ﺍﻳﺪﻳﻪ؟ 😱
ﻣﻨﻴﺎ : ﺗﺮﺍ ﺍﻟﺪﺑﺶ؟؟ﺍﻫﺎ ﻗﻤﺼﺎﻥ ﻭﻳﻨﺎﻃﻴﻞ ؟؟ﻋﺒﻲ ﺍﻟﻤﺤﺒﺲ ﻣﻴﻪ ﺳﺎﺧﻨﻪ
ﻋﺎﺋﺸﻪ : ﺑﻌﺪﻫﺎ
ﻋﺒﻨﻪ 🏰🌊
ﻣﻨﻴﺎ : ﺷﺎﻣﺒﻮ ﺣﻄﻴﻪ ﻣﻨﻪ ﺗﺎﺧﺪﻳﻪ ﺍﻟﻘﻤﻴﺺ ﺑﺮﺍﺣﻪ ﺑﺮﺍﺣﻪ ﺗﺤﻜﻴﻪ ﻓﻲ ﺑﻌﻀﻪ ﺑﺲ ﺑﺸﻮﻳﻪ 👖
ﻋﺸﺎﻥ ﻣﻴﺘﺒﻬﺪﻟﺶ 😌
ﻋﺎﺋﺸﻪ : ﺣﻄﻴﻪ ﻓﻲ ﻋﺴﺎﺭﻩ؟
ﻣﻨﻴﺎ : ﻻ ﻳﺎﺭﻭﺣﻲ ﺣﻄﻴﻠﻪ ﻣﻴﻪ ﻗﺒﻞ ﻭﻫﻜﺬﺍ
ﻋﺎﺋﺸﻪ : ﻳﻴﻴﻪ ﺗﻮ ﺭﻗﺒﺘﻲ ﺗﻮﺟﻌﻨﻲ ﻣﻦ ﺗﻄﺒﻴﺲ؟ﺍﺳﻤﻌﻲ ﻣﻮﻧﻲ ﺍﻏﺴﻠﻴﻪ ﻻﻩ ﺍﻧﺘﻲ ﺗﻌﺮﻓﻴﻪ 😍😍
ﻭﻧﺒﻲ ﻭﻧﺒﻲ؟ 😍😍😍
ﻣﻨﻴﺎ : ﺍﻗﻔﻔﻒ ﻋﺪﻱ ﺟﻨﺐ ﺟﻴﻬﺎﻥ ﺗﻮ ﻧﺎ ﻧﻜﻤﻠﻪ 😒
#
#
#
ﺣﻮﺵ ﻫﻞ ﻋﻤﺮ ﻗﺎﻟﺒﻴﻨﻪ ﻋﺰﺍﺍ 😭
ﻭﻣﻠﻴﺎﻥ ﻧﺎﺱ
ﻭﻫﻨﺪ ﻭﻫﺒﻪ ﻓﻲ ﻣﻄﺒﺦ
ﺑﺮﻩ ﺭﺟﺎﻟﻪ ﻭﺍﻗﺎﺭﺑﻬﻢ ﻭﺍﺻﺤﺎﺑﻪ ﻗﺎﻋﺪﻳﻦ ﻣﻊ ﻋﻤﻪ
ﻭﺣﻮﺍ ﺍﻗﺎﺭﺑﻬﻢ ﻛﻠﻬﻢ ﻣﻦ ﻫﻞ ﺍﻣﻪ ﻭﻫﻞ ﺑﺎﺗﻪ ﻭﺻﺤﺒﺎﺕ ﺍﻟﺒﻨﺎﺕ
ﻭﺟﻴﺮﺍﻧﻬﻢ ﺣﺘﻲ ﻫﻞ ﺍﺻﺤﺎﺏ ﻋﻤﺮ ﺟﺎﻳﻦ
ﻭﻣﻊ ﺍﻻﺳﻒ ﺑﺎﺗﻪ ﻓﻲ ﺍﻟﻤﺴﺘﺸﻔﻲ ﺭﻗﻲ ﻋﻠﻴﻪ ﺍﻟﺴﻜﺮ ﻭﺍﻟﻀﻐﻂ
ﻫﻨﺪ : ( ﺗﺒﻜﻲ ) ﺑﺎﺑﺎ ﻭﻋﻤﺮ ﻣﺮﻩ ﻭﺣﺪﻩ؟ 😢
ﻣﺮﻭﻩ ( ﺑﻨﺖ ﻋﻤﺘﻬﻢ ) : ﺧﻼﺹ ﻳﺎﻫﻨﻮﺩﻩ ﻧﺰﺣﺘﻲ ﺑﻜﺎﺀ ﺗﻮﺍ ﻗﻠﻤﺖ ﻋﺒﻮﺩﻱ ﺧﻮﻳﺎ ﻗﺎﻟﻲ ﻛﻮﻳﺲ
ﻫﻨﺪ : ( ﻧﺒﻜﻲ ) ﻭﺑﺎﺑﺎ ﻣﺴﻜﻴﻦ ﻣﻘﺪﺭﺵ ﻳﺘﺤﻤﻞ 😢😢
ﻣﺮﻭﻩ : ﺧﺎﻟﻲ ﻋﺒﺪﺍﻟﻜﺮﻳﻢ ﺣﺘﻲ ﻫﻮﺍ ﺗﻮ ﻳﻘﻌﺪ ﻛﻮﻳﺲ ﺧﻼﺹ ﺍﻧﺘﻲ ﺍﻫﺪﻱ ﺑﺲ
ﻭﻫﺒﻪ ﺗﺤﻜﻲ ﻣﻊ ﻣﻨﺼﻒ ﻓﻲ ﺩﺍﺭ :
ﻣﻨﺼﻒ : ﻭﺳﻌﻲ ﺑﺎﻟﻚ ﻭﺭﻳﺤﻲ ﺭﻭﺣﻚ ﻭﻗﺖ ﺯﻱ ﻫﻀﺎ ﺍﻟﻮﺍﺣﺪ ﻳﻤﺴﻚ ﻗﺮﺍﺀﻥ ﺍﻭ ﻳﺼﻠﻲ ﻭﻳﺪﻋﻲ
ﻣﺶ ﻳﻘﻠﺒﻬﺎ ﻋﺰﺍ
ﻫﺒﻪ : ( ﺗﺒﻜﻲ ) 😢 ﺧﻮﻳﺎ ﻫﻀﺎ ﺧﻮﻳﺎ ﻣﺶ ﻣﺘﺨﻴﻠﻪ ﻓﻜﺮﺕ ﺍﻥ ﻧﻔﻘﺪﻭﻩ ﻣﺶ ﻣﺘﺨﻴﻠﻪ ﻓﻜﺮﺕ ﺍﻥ ﻣﻌﺶ ﻧﺸﻮﻓﻮﻩ
ﺍﻧﺖ ﻟﻮ ﻛﻨﺖ ﺗﻌﺮﻓﻪ ﻣﻜﻨﺘﺶ ﺣﻜﻴﺖ ﻫﻜﻲ
ﻣﻨﺼﻒ : ﻋﺎﺭﻑ ﻳﻌﻨﻲ ﻛﻠﻨﺎ ﻓﻘﺪﻧﺎ ﻧﺎﺱ ﺑﺲ ﻫﻀﺎ ﻗﺎﻋﺪ ﻳﻌﻨﻲ ﻧﺎ ﺳﻤﻌﺖ ﺍﻥ ﺍﻟﺸﺒﺎﺏ ﺍﻟﻠﻲ ﻛﺎﻧﻮ ﻣﻌﺎﻩ
ﺍﺳﺘﺸﻬﺪﻭ ﻭﻗﻌﺪ ﻫﻮﺍ ﻭ 3 ﺟﺮﺣﻲ ﺍﺣﻤﺪﻱ ﺭﺑﻚ ﺍﻥ ﻣﺰﺍﻝ ﻗﺎﻋﺪ ؟؟
ﻫﺒﻪ : ( ﺗﺒﻜﻲ ) 😢 ﻣﺰﻟﻨﺎ ﻣﻨﻨﺪﺭﻭﺵ ﻋﻠﻴﻪ ﻗﺎﻋﺪ ﺑﻴﻦ ﺣﻴﺎﻩ ﻭﻣﻮﺕ ﻓﻲ ﻟﺤﻈﻪ ﻣﺘﻮﻗﻌﺘﻬﻢ ﻳﺠﻴﺒﻮ ﺍﻟﺨﺒﺮ
ﻣﺘﺎﻋﻪ ﻣﻨﺼﻒ ﻧﺎ ﻣﻨﻘﺪﺭﺵ ﻧﺘﺤﻤﻞ ﺗﺼﺴﺮ ﻓﻲ ﺣﺎﺟﻪ
ﻣﻨﺼﻒ : ﺍﻧﺘﻲ ﺍﻫﺪﻱ ﺗﻮﺍ ﻭﻓﻜﺮﻱ ﻓﻲ ﺣﺎﺟﺎﺕ ﻛﻮﻳﺴﻪ ﻣﺘﻔﻜﺮﻳﺶ ﻓﻲ ﺣﺎﺟﺎﺕ ﻛﻴﻒ ﻫﺬﻱ
ﻣﻔﺮﻭﺽ ﻓﻲ ﻭﻗﺖ ﻛﻴﻒ ﻫﻀﺎ ﺗﺼﺒﻲ ﺟﻨﺐ ﺍﻣﻚ ﺗﺤﺎﻭﻟﻲ ﺗﻬﺪﻱ ﺍﻟﻮﺿﻊ
ﻫﺒﻪ : ( ﺗﺒﻜﻲ ) 😢😢 ﻧﺎ ﺗﻌﺒﺎﻧﻪ ﺍﻋﺼﺎﺑﻲ ﺗﻠﻔﻦ ﻣﻦ ﻭﻗﺖ ﻣﺎﺟﺎﻧﻪ ﺍﻟﺨﺒﺮ ﻭﻧﺎ ﺩﻣﻌﺘﻲ ﻣﺎﻧﺸﻔﺖ
ﺍﺻﻼ ﻫﻮﺍ ﺍﻟﻔﺘﺮﻩ ﺍﻟﻠﻲ ﻓﺎﺗﺖ ﻛﻠﻪ ﺟﻮﺍ ﻣﺶ ﺗﻤﺎﻡ ﻭﻣﻀﺎﻳﻖ ﺗﻘﻮﻝ ﻟﺤﺎﺱ ﺍﻥ ﻓﻲ ﺣﺎﺟﻪ ﺑﺘﺼﻴﺮ ﻣﻌﺎﻩ
ﻣﻨﺼﻒ : ﻛﻼﻣﻚ ﻛﻠﻪ ﻏﻠﻂ .. ﻓﻲ ﺷﺒﺎﺏ ﻭﺍﺟﺪ ﻋﺪﻭ ﻓﻲ ﺍﻻﺣﺪﺍﺙ ﻫﺬﻧﻪ ﻣﻦ ﻃﺮﻓﻴﻦ
ﻋﻨﺪﻱ ﺧﻮﻳﺎ ﺗﻲ ﻧﺎ ﻓﺎﻗﺪﻩ ﺑﺲ ﺍﻟﻠﻪ ﻏﺎﻟﺐ ﻫﻮﺍ ﺍﻛﻴﺪﻩ ﺭﺑﻲ ﻛﺎﺗﺒﻠﻪ ﻋﻤﺮ ﺟﺪﻳﺪ
ﻳﻌﻨﻲ ﻛﺎﻥ ﻫﻀﺎ ﺭﺍ ﺭﺑﻲ ﺧﺬﺍ ﺭﻭﺣﻪ ﻉ ﻃﻮﻝ 😩
ﻫﺒﻪ : ( ﺗﺒﻜﻲ ) 😭
#
#
#
ﺧﺪﻳﺠﻪ : ( ﻋﻤﺘﻬﻦ ) ﻭﺍﻟﻠﻪ ﻳﺎﺟﻤﻴﻠﻪ ﻛﻢ ﻣﺮﻩ ﻗﺘﻠﻚ ﻉ ﻓﺮﺥ ﺭﺍﺱ ﺟﺤﺎ ﺍﻣﺴﻜﻴﻪ ﺍﻧﺘﻲ ﺷﻲ ﻓﻴﻚ ﻳﺎﻭﺍﺩﻱ 😒
ﻧﻌﻴﻤﻪ : ( ﻋﻤﺘﻬﻢ ) ﺧﻼﺹ ﻣﺶ ﻭﻗﺘﻬﺎ ﺩﻭﻩ ﻫﺬﻱ 😒
ﺧﺪﻳﺠﻪ : ﻻ ﻭﻗﺘﻬﺎ ﻛﻞ ﻭﺣﺪﻩ ﺗﻤﺴﻚ ﻭﻟﺪﻫﺎ ﻗﺎﻋﺪﻳﻦ ﻳﻘﺘﻠﻮ ﻓﻲ ﺑﻌﻀﻬﻢ ﻳﺤﺴﺎﺑﻮﻫﺎ ﻣﺮﺟﻠﻪ
ﻭﻫﻤﺎ ﺩﻣﺮﻭ ﻟﺒﻼﺩ ﺍﻟﻐﻠﻂ ﻏﻠﻂ ﻭﺍﻟﻌﺎﺭ ﻋﺎﺭ 😒
ﺟﻤﻴﻠﻪ : ( ﺗﺒﻜﻲ ) 😢 ﻭﻟﻴﺪﻱ ﻣﻘﻬﻮﺭ ﻗﻠﺒﻲ ﻋﻠﻴﻪ ﻧﺎﻋﻠﻴﺎ ﻳﺎﻣﻲ
ﻣﺎﻣﺎ : ﻭﺳﻌﻮ ﺑﺎﻟﻜﻢ ﻋﺎﺩ 😞
ﺧﺪﻳﺠﻪ : ﻭﻳﻦ ﻳﺎﺣﻨﻪ ﻗﺎﻟﻚ ﺍﻟﻠﻲ ﻣﻌﺎﻩ ﻛﻠﻬﻢ ﻣﺎﺗﻮ ﻃﺮﺍﻃﻴﺶ ﻳﻠﻤﻮ ﻓﻴﻬﻢ😒
ﺟﻤﻴﻠﻪ : ( ﺯﺍﺩﺕ ﻓﻠﺒﻜﺎﺀ ) 😭
ﻧﻌﻴﻤﻪ : ﺧﺪﻳﺠﻪ ﺧﻼﺹ ﻛﻨﻚ ﻻ ﺍﻻﻩ ﺍﻻ ﺍﻟﻞ 😠 ﻩ
ﺧﺪﻳﺠﻪ : ﻛﻢ ﻣﺮﻩ ﻗﻠﺖ ﻟﺨﻮﻳﺎ ﺍﻣﺴﻚ ﻭﻟﺪﻙ ﻧﺎ
ﻣﺎﻣﺎ : ﺧﻼﺹ ﻳﺎﺟﻤﻴﻠﻪ ﺗﻮ ﺭﺑﻲ ﻳﻄﻤﻨﻚ ﻋﻠﻴﻪ ﺍﺩﻋﻴﻠﻪ ﺑﺲ 😩
ﺧﺪﻳﺠﻪ : ﻭﻟﺪﻱ ﻗﺎﻟﻲ ﻓﻲ ﺍﻟﻌﻨﺎﻳﻪ ﻭﻫﺎﺩﻛﺎﺗﺮﻩ ﻣﺎﺩﺭﻭﻟﻪ ﺣﻞ ﺧﺎﺷﻴﻦ ﻃﺎﻟﻌﻴﻦ ﻋﻠﻴﻪ ﻉ ﻓﺎﺿﻲ 😒
ﻧﻌﻴﻤﻪ : ﺧﺪﻳﺠﻪ ﺷﻦ ﺑﻴﺪﺭﻭﻟﻪ ﻣﺜﻼ؟ ﻗﺎﻋﺪﻳﻦ ﻣﺴﺎﻛﻴﻦ ﺷﻦ ﻓﻲ ﻳﺪﻳﻬﻢ ﻳﺪﻳﺮﻭﻩ 😒
ﺧﺸﺖ ﺗﺴﻨﻴﻢ ﻭﺍﻣﻬﺎ ﺳﻠﻤﺖ ﻋﻠﻴﻬﻦ
ﻭﻗﻌﺪﺕ ﺍﻣﻬﺎ ﻣﻊ ﺍﻟﺼﺒﺎﻳﺎ
ﻭﻫﻴﺎ ﺧﺸﺖ ﻟﻠﻤﻄﺒﺦ ﻟﻘﺖ ﻫﻨﺪ ﺍﺿﺒﻄﺘﻬﺎ ﻗﻌﺪﺕ ﺗﺒﻜﻲ
ﻣﺮﻭﻩ : ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
ﺗﺴﻨﻴﻢ : ( ﺗﺒﻜﻲ ) 😭 ﺍﻭﻝ ﻣﺎﺳﻤﻌﺖ ﺍﻟﺨﺒﺮ ﻭﻧﺎ ﻧﺒﻜﻲ ﻣﻘﺪﺭﺗﺶ ﻧﻘﻌﺪ ﻓﻲ ﺍﻟﺤﻮﺵ
ﻫﻨﺪ : ( ﺗﺒﻜﻲ ) 😢 ﻭﺍﻟﻠﻪ ﻳﺎﺗﺴﻨﻴﻢ ﻛﻠﻨﺎ ﻧﻐﻠﻮ ﻭﺑﺎﺑﺎ ﻃﺎﺡ ﻋﻠﻴﻨﺎ ﺷﺎﻟﻮﻩ ﺩﻏﺮﻱ ﻟﻠﻤﺴﺘﺸﻔﻲ
ﺗﺴﻨﻴﻢ : ( ﺗﺒﻜﻲ ) 😭 ﺍﻣﺘﻲ ﺟﺎﻛﻢ ﺍﻟﺨﺒﺮ؟
ﻫﻨﺪ : ﻓﻲ ﺻﺒﺢ ﺑﺲ ﻫﻮﺍ ﻣﻦ ﺍﻟﻔﺠﺮ ﺟﺎﻧﻪ ﺻﺎﺣﺒﻪ ﻓﺘﺤﻲ ﺩﻕ ﺍﻟﺤﻮﺵ ﻭﻗﺎﻟﻬﺎ ﻟﻤﺎﻣﺎ
ﻭﻣﺎﻣﺎ ﺧﺸﺖ ﺗﻌﻴﻂ ﻭﺑﺎﺑﺎ ﻃﺎﺡ ﻣﻦ ﻃﻮﻟﻪ ﻭﺑﻌﺪﻫﺎ ﺑﺪﺍ ﺍﻟﺤﻮﺵ ﻳﺘﻌﺒﺎ
ﺗﺴﻨﻴﻢ : ﻭﺍﻟﻠﻪ ﻧﻘﻮﻟﻪ ﻳﺎﻋﻤﺮ ﻣﻌﺶ ﺗﻌﺪﻱ ﻳﻘﻮﻟﻲ ﻻﻻ ﻣﺶ ﻓﻲ ﺍﻟﻮﺍﺟﻬﻪ ﻧﺎ ﻣﻨﻄﻠﻘﺶ ﻉ ﺣﺪ ﻧﺎ ﻣﻨﻘﺘﻠﺶ ﻓﻲ ﺣﺪ
ﻣﺮﻭﻩ : ﺻﻮﺍﺭﻳﺦ ﻳﻄﻴﺤﻦ ﻉ ﻧﺎﺱ ﻓﻲ ﺣﻮﺷﻬﻢ ﻣﺶ ﻳﺎﺑﺎﻟﻚ ﺍﻟﺸﺒﺎﺏ ﺍﻟﻠﻲ ﻗﺎﻋﺪﻳﻦ ﻏﺎﺩﻱ
ﻳﻤﻘﺼﺪﻭ ﻓﻴﻬﻢ ﻭﻋﺎﺭﻓﻴﻦ ﻛﻞ ﺣﺎﺟﻪ ﻋﻠﻴﻬﻢ
ﺟﺘﻬﻦ ﻫﺒﻪ ﻓﻲ ﺍﻟﻤﻄﺒﺦ ﻟﻘﺖ ﺗﺴﻨﻴﻢ ( ﺍﻧﻔﺠﻌﺖ ) 😱
ﺍﺿﺒﻄﺘﻬﺎ ﻭﻗﻠﺒﻨﻬﺎ ﻋﺰﺍ 😭😭
ﻫﻨﺪ : ﺧﻄﺮﻫﺎ ﻧﻘﺎﻟﻲ ﻭﻳﻦ ﻧﺸﻮﻑ ﺭﺟﺐ؟؟ 😞
ﻣﺮﻭﻩ : ﺻﺎﻣﺖ ﻣﻌﺰﻭﻕ ﻓﻲ ﺩﺍﺭ ﺍﻣﻚ
ﻫﻨﺪ : ﺗﻮ ﻧﺠﻲ ﻧﺎ
ﻣﺮﻭﻩ : ﻧﻌﻄﻲ ﺍﻟﺸﺎﻫﻲ؟؟
ﻫﻨﺪ : ﺣﻄﻴﻠﻪ ﺳﻜﺮ ﻣﺤﻄﻴﺘﻠﺶ
ﺧﺸﺖ ﻟﺪﺍﺭ ﺍﻣﻬﺎ ﻭﻟﻘﺖ ﻣﻜﺎﻟﻤﺎﺗﻲ ﻋﺎﻭﺩﺗﻠﻲ
#
#
#
ﺍﻧﺎ : ( ﻧﺒﻜﻲ (😢 ﻗﻬﺮﺗﻪ ﻧﺎ ﻭﺯﻋﻠﺘﻪ ﻭﺍﺟﺪ ﻭﺗﻮﺍ ﺍﻫﻮ ﺭﺍﻗﺪ ﻓﻲ ﻣﺴﺘﺸﻔﻲ ﻣﺎﻧﻨﺪﺭﻱ ﻋﻠﻴﻪ ﺷﻦ ﺻﺎﻳﺮﻟﻪ
ﺍﺑﺘﻬﺎﻝ : ﺷﻦ ﻗﻬﺮﺗﻴﻪ ﻣﻌﺶ ﺗﻔﻜﺮﻱ ﻫﻚ ﻋﻤﺮ ﻋﺎﺭﻑ ﺑﻈﺮﻓﻚ ﻭﻣﻘﺪﺭ
ﺍﻧﺎ : ( ﻧﺒﻜﻲ ) 😢 ﻟﻌﻨﺪ ﻳﻮﻡ ﺍﻟﺠﻤﻌﻪ ﺍﻣﻪ ﺣﻜﺖ ﻣﻌﺎﻳﻪ ﻗﺎﻟﺘﻠﻲ ﻣﻴﺒﺶ ﻭﺣﺪﻩ ﻏﻴﺮﻙ؟
ﻟﻴﺶ ﺩﺭﺕ ﻓﻴﻪ ﻫﻚ
ﺍﺑﺘﻬﺎﻝ : ﻳﻌﻨﻲ ﻟﻮ ﻫﻮﺍ ﻳﻜﻠﻢ ﻓﻴﻚ ﻭﻣﺘﻮﺍﺻﻞ ﻣﻌﺎﻙ ﻣﻜﻨﺶ ﺗﻮﺍ ﻓﻲ ﺍﻟﻤﺴﺘﺸﻔﻲ؟
ﺍﻧﺎ : ( ﻧﺒﻜﻲ ) 😢 ﺑﺎﻟﻚ ﻣﻤﻜﻦ ﻗﺪﺭﺕ ﻧﻘﻨﻌﻪ ﺍﻭ ﻣﻤﻜﻦ ﻣﺶ ﻋﺎﺭﻑ ﻣﺶ ﻋﺎﺭﻑ
ﺍﺑﺘﻬﺎﻝ : ﻗﻬﺮﺗﻲ ﻋﻤﺮﻙ ﻟﻚ 3 ﺳﺎﻋﺎﺕ ﻭﺍﻧﺘﻲ ﺗﺒﻜﻲ ﺷﻮﻓﻲ ﻭﺟﻚ ﻛﻴﻒ ﻗﻌﺪ ﻭﺑﻌﺪﻳﻦ ﺑﺎﺑﺎ ﻗﺮﻳﺐ
ﻳﺠﻲ ﻟﻮ ﻳﺸﻮﻓﻚ ﻫﻚ ﻳﻘﺘﻠﻚ ﻭﻳﻜﻤﻞ ﻋﻘﺎﺑﻬﺎ
ﺍﻧﺎ : ( ﻧﺒﻜﻲ ) 😢 ﻋﻠﻴﻚ ﺑﺨﺖ ﺑﺨﺘﻲ ﻭﺑﺨﺘﻪ ﺍﻩ ﻳﺎﺭﺑﻲ ﻳﺎﺭﺑﻲ ﻣﺶ ﻗﺎﺩﺭﻩ ﻧﺴﻜﺖ
ﺑﺮﻭﺣﻬﻦ ﻳﻨﺰﻟﻦ ﻳﺎﺭﻭﺣﻲ ﻫﻮﺍ ﻭﺍﻟﻠﻪ ﻣﺎﻳﺴﺘﺎﻫﻞ .. ﻧﻘﺎﻟﻲ ﻫﺎﺗﻲ ﺑﺎﻟﻚ ﻫﻮﺍ ﻫﺎﺗﻴﻪ؟
ﺍﺑﺘﻬﺎﻝ : ﻫﻨﺪ ﺗﻮﺭﻥ
ﺍﻧﺎ : ﺍﻟﻮﻭﻭ
ﻫﻨﺪ : ( ﺗﺒﻜﻲ ) 😱😢 ﺟﻴﻬﺎﺍﺍﺍﺍﺍﺍﺍﺍﺍﻥ
ﺍﻧﺎ : ( ﻧﺒﻜﻲ (| ﻧﺎﻋﻠﻴﺎ ﻳﺎﻫﻨﺪ 😭😭😭
ﻫﻨﺪ : ﻳﺎﺭﻳﺘﻚ ﺟﻴﺘﻲ ﻣﻊ ﺍﻣﻚ ﺧﻔﻔﺘﻲ ﻋﻠﻴﺎ 😢
ﺍﻧﺎ : ( ﻧﺒﻜﻲ (😭 ﻭﺍﻟﻠﻪ ﻛﻨﺖ ﺑﻨﺠﻲ ﻣﺨﻠﺘﻨﺶ ﻣﺨﻠﺘﻨﺶ
ﻫﻨﺪ : ﺍﻟﺤﻮﺵ ﻣﻌﺒﻲ ﻭﻧﺎ ﻣﺶ ﻃﺎﻳﻘﻪ ﻧﺒﺤﺖ ﻓﻲ ﺣﺪ ﻗﻠﺒﻲ ﻏﺎﻡ ﻋﻠﻴﺎ
ﺍﻧﺎ : ( ﻧﺒﻜﻲ ) ﻛﻴﻒ ﺣﺎﻟﻪ ﻃﻤﻨﻴﻨﻲ ﻋﻠﻴﻪ؟ 😭
ﻫﻨﺪ : ( ﺗﺒﻜﻲ (😭 ﻭﺍﻟﻠﻪ ﻣﺎﻧﻨﺪﺭﻭ ﻋﻠﻴﻪ ﺍﻟﻠﻲ ﻧﻜﻠﻤﻮﻩ ﻏﺎﺩﻱ ﻳﻘﻮﻝ ﻛﻮﻳﺲ ﻛﻴﻒ ﻛﻮﻳﺲ ﻭﻓﻲ ﺍﻟﻌﻨﺎﻳﻪ؟؟
ﻋﻠﻲ ﻣﻦ ﻳﻜﺬﺑﻮﻭ؟
ﺍﻧﺎ : ( ﻧﺒﻜﻲ ) ﻫﻨﺪ ﻧﺎ ﺿﺮﻭﺭﻱ ﻧﻌﺪﻱ ﺍﻧﺸﻮﻓﻪ
ﻫﻨﺪ : ( ﺗﺒﻜﻲ ) ﻣﺎﻋﻨﺪﻙ ﻛﻴﻒ ﺑﺘﺸﻮﻓﻴﻪ ﻗﺎﻋﺪ ﻓﻲ ﻣﺴﺘﺸﻔﻲ ﻋﺎﻡ ﻭﻣﻌﺒﻲ ﺭﺟﺎﻟﻪ ﻭﺍﻗﺎﺭﺑﻨﺎ ﻛﻠﻬﻢ ﻏﺎﺩﻱ
ﺍﻧﺎ : ( ﻧﺒﻜﻲ ) ﻧﺎﻋﻠﻴﺎ ﻋﻤﺮ ﻣﺶ ﻣﺼﺪﻗﻪ ﻧﺎ
ﻫﻨﺪ : ( ﺗﺒﻜﻲ ) ﺣﺘﻲ ﻧﺎ ﻭﺍﻟﻠﻪ ﻟﻌﻨﺪ ﺗﻮﺍ ﻧﻘﻮﻝ ﺑﻴﺨﺶ ﻋﻠﻴﻨﺎ ﺑﻴﻘﻮﻟﻠﻨﺎ ﻧﺎ ﻛﻮﻳﺲ
ﻣﺘﺨﺎﻓﻮﺵ ﻋﻠﻴﺎ
ﺍﻧﺎ : ( ﻧﺒﻜﻲ ) ﺍﻟﻠﻪ ﻳﺴﺎﻣﺤﻬﺎ ﻣﺎﻣﺎ ﻛﺎﻥ ﻧﺨﻠﺘﻲ ﻧﺠﻴﻜﻢ
ﻫﻨﺪ : ﻭﺑﺎﺑﺎ ﻣﺴﻜﻴﻦ ﺣﺘﻲ ﻫﻮﺍ ﻗﺎﻋﺪﻳﻦ ﺑﻴﻪ ﺍﻟﻤﺴﺘﺸﻔﻲ ﺑﺲ ﻗﺎﻟﻮ ﻭﺿﻌﻪ ﻛﻮﻳﺲ
ﺍﻧﺎ : ( ﻧﺒﻜﻲ ) ﻫﻨﻮﺩﻩ ﺍﻟﻠﻪ ﻳﺮﺑﺤﻚ ﺧﻠﻲ ﻧﻘﺎﻟﻚ ﻣﻌﺎﻙ ﻃﻤﻤﻨﻴﻨﻲ ﻋﻠﻴﻪ ﻛﻞ ﻧﺺ ﺳﺎﻋﻪ ﺗﻮ ﻧﺎ ﻧﺮﻥ ﻋﻠﻴﻚ
ﻫﻨﺪ : ﺣﺎﺍﺿﺮ
ﺍﻧﺎ : ﺧﻼﺹ ﺭﺩ ﺑﺎﻟﻚ ﻉ ﺭﻭﺣﻚ ﻭﻉ ﺍﻣﻚ ﻭﺭﺑﻲ ﻳﻄﻤﻨﻜﻢ ﻋﻠﻴﻬﻢ ﺍﻧﺸﺎﺀﺍﻟﻠﻪ
ﻫﻨﺪ : ﺳﻠﻤﻚ ﻭﺑﺎﺭﻙ ﺍﻟﻠﻪ ﻓﻴﻚ ﺍﺟﻌﻨﻲ ﻣﺎﻧﻔﻘﺪﻙ
ﺍﻧﺎ : ﺯﻱ ﻣﺎﻗﺘﻠﻚ ﻟﻮ ﻣﺮﺩﻳﺘﺶ ﻋﻠﻴﺎ ﻧﺘﺨﺮﻳﻂ ﻧﺎ؟؟ﺧﻠﻲ ﻧﻘﺎﻝ ﻣﻌﺎﻙ 😢😣😢
ﻫﻨﺪ : ﺣﺎﺿﺮ
#
#
#
ﻭﻓﻲ ﺍﻟﻠﻴﻞ ﻗﺼﺎﺩ 10
ﻧﺎ ﻣﻄﻠﻌﺘﺶ ﻣﻦ ﺩﺍﺭ ﻧﺒﻜﻲ ﻭﺧﻼﺹ ﻣﻔﺶ ﻓﻲ ﻳﺪﻱ ﺷﻲ ﻧﺪﻳﺮﻩ ﻛﻴﻒ ﺍﻟﻌﺎﺟﺰﻩ ﺍﻟﻤﺘﻜﺘﻔﻪ 💔💔
ﻣﻼﻙ ﺗﺤﻜﻲ ﻣﻊ ﻫﻴﺜﻢ ﻉ ﻓﻮﻥ 📱
ﻭﻋﻮﻳﺸﻪ ﺗﻘﺮﺍ 📚📒 ﻭﺭﻳﻤﺎﺱ ﻣﻊ ﺑﺎﺑﺎ ﻓﻲ ﻭﺳﻂ ﺍﻟﺤﻮﺵ ﻳﺘﻔﺮﺟﻮ ﻉ ﺗﻠﻔﺰﻳﻮﻥ 📺
ﻣﻨﻴﺎ : ﻣﺮﺍﺩ ﺩﺑﺸﻪ ﺟﻒ؟؟ﺍﻧﻠﻤﻪ ﻻﻩ؟
ﻋﻮﻳﺸﻪ : ﺣﻠﻪ ﻗﺐ؟؟ 😏
ﻣﻨﻴﺎ : ﻧﺎﺷﻒ ﺗﻮﺍ ﺷﻔﺘﻪ ﺗﻲ ﺭﻳﺢ ﺳﺎﺧﻨﻪ ﺑﺮﻩ ﺷﻮﻱ
ﻋﻮﻳﺸﻪ : ﺑﻪ ﻟﻤﻴﻪ ﻭﺣﺪﺩﻳﻪ ﻗﺒﻞ ﻣﺎﻳﻨﻘﻄﻊ ﺍﻟﻀﻲ
ﻣﻨﻴﺎ : ﺑﻪ ﺍﻗﺮﻱ ﺍﻧﺘﻲ ﺑﺲ
ﻋﺎﺋﺸﻪ : ﻧﺠﻚ ﻟﻴﺎ ﺍﻧﺘﻲ ﻋﺴﻞ ﻭﺣﻖ ﺭﺑﻲ 😍
ﻃﻠﻌﺖ ﻣﻨﻴﺎ ﻟﻤﺎﺗﻪ ﻭﺧﺨﺸﺸﺎﺗﻪ ﻛﻠﻪ ﻭﻋﻠﻘﺖ ﺣﺪﺍﺩ ﺍﻟﺒﺨﺎﺭﻱ
ﺑﺎﺑﺎ : ﺩﺑﺶ ﻣﻨﻮ ﻫﻀﺎ ﻭﺣﺪﺍﺩ ﻣﻦ؟ 😠
ﻣﻨﻴﺎ : ﻣﺮﺍﺩ ﻭﻟﺪ ﺧﺎﻟﺘﻲ 😩
ﺑﺎﺑﺎ : ﺑﻠﻤﺮﻩ ﺧﻮﺩﻱ ﺩﺑﺸﻲ ﺣﺪﺩﻳﻪ ﻟﻴﺎ 😁
ﻣﻨﻴﺎ : ﺣﺎﺿﺮ 😂
ﺑﺎﺑﺎ : ﺭﻳﻤﺎﺱ ﻧﻮﺿﻲ ﺳﺨﻨﻴﻠﻲ ﺍﻟﺸﺎﻫﻲ 😒
ﺭﻳﻤﺎﺱ : ﺣﺎﺿﺮ 😒
ﺩﻕ ﺍﻟﺒﺎﺏ 🚪
ﺭﻳﻤﺎﺱ : ﻧﺎ ﻧﻔﺘﺢ
ﻓﺘﺤﺖ ﻣﺎﻣﺎ ﻭﻣﺮﺍﺩ
ﺍﻭﻝ ﻣﺎﺳﻤﻌﺖ ﺻﻮﺕ ﺍﻟﺒﺎﺏ ﺗﻮﻗﻌﺖ ﻣﺎﻣﺎ
ﺍﻧﺎ : ﻋﻮﻳﺸﻪ ﻛﻠﻤﻴﻬﺎ ﺑﺴﺮﻋﻪ؟ 😢
ﻋﺎﺋﺸﻪ : ﺍﺻﻼ ﻣﺮﺍﺩ ﺟﺎ ﻧﻄﻠﻊ ﻧﺸﻮﻑ ﻫﺎﺗﻲ ﻭﺷﺎﺡ ؟؟
ﺍﻧﺎ : ﺧﻮﺩﻱ ﻣﻌﻠﻖ ﻓﻲ ﺭﻭﺷﻦ؟ 😢
ﻋﺎﺋﺸﻪ : ﺍﺣﻤﻢ ﻣﻨﻈﺮﻱ ﻛﻮﻳﺲ 😁
ﺍﻧﺎ : ﻣﺶ ﻭﻗﺘﻚ ﺍﻃﻠﻌﻲ ﻣﻦ ﻗﺪﺍﻡ ﻭﺟﻲ ﻛﻠﻤﻲ ﺍﻣﻚ 😡
ﻋﺎﺋﺸﻪ : ﺑﺎﻫﻲ ﺍﻓﻔﻒ ﻣﻨﻚ 😒
#
ﻣﺮﺍﺩ : ﺍﻭﻭﻭﻩ ﻣﻨﻴﺎ ﺷﻦ ﺩﻳﺮﻱ؟ 😳
ﻃﻠﻌﺖ ﻋﺎﺋﺸﻪ : 😱😱
ﻋﺎﺋﺸﻪ : ﺍﻫﻼ ﺍﻧﺴﺘﻮ 😁
ﻣﻨﻴﺎ : ﻧﺤﺪﺩ 😁
ﻣﺮﺍﺩ ﺑﺤﺖ ﻓﻲ ﻋﺎﺋﺸﻪ؟؟؟ 😒
ﻣﻨﻴﺎ : ﻏﺴﻼﺗﻪ ﻋﻮﻳﺸﻪ ﻭﻧﺎ ﺣﺪﺩﺗﻪ 😁
ﻋﺎﺋﺸﻪ : ﻣﻦ ﻗﺎﻟﻚ ﺗﺤﺪﺩﻳﻪ ﺍﻓﻔﻒ ﺣﺪﺩﺍﺗﻪ ﻣﻦ ﻭﺭﺍﻳﻪ ﺗﻮﺍ ﻧﺎ ﻗﺘﻠﻚ ﺣﺤﺪﻳﻪ؟ﻣﻌﻘﻮﻟﻪ ﻫﻜﻲ؟ 😁😒
ﻣﺮﺍﺩ؟؟؟ 😏
ﺑﺎﺑﺎ : ﺗﻔﻀﻞ ﻳﺎﻣﺮﺍﺩ ☺
ﻣﺮﺍﺩ : ﻓﻀﻞ ﻋﻠﻴﻚ ☺
ﺑﺎﺑﺎ : ﺭﻳﻤﺎﺱ ﺍﺣﺴﺒﻲ ﻣﺮﺍﺩ ﻓﻲ ﺷﺎﻫﻲ
ﻣﺮﺍﺩ : ﻣﻨﻮﻭﺭ
ﻋﺎﺋﺸﻪ : ﺣﻮﻟﻲ ﺗﻮ ﻧﺎ ﻧﻜﻤﻠﻪ؟ 😠
ﻣﻨﻴﺎ : ﻫﺎﻛﻲ 😒
ﻋﺎﺋﺸﻪ : ﺗﻌﺎﻟﻲ ﻫﻨﺎ ﺍﻣﺴﻜﻲ ﻣﻌﺎﻳﻪ 😰😨
ﻣﻨﻴﺎ : ﺧﻼﺹ ﺧﻠﻴﻪ ﺗﻮ ﻧﺎﻧﻜﻤﻠﻪ ﻋﺪﻱ ﺍﻧﺘﻲ ﺑﺲ 😒
ﻣﺮﺍﺩ : ؟؟ 😏
ﻋﺎﺋﺸﻪ : 😣
ﻣﻨﻴﺎ 😂:
ﻣﺮﺍﺩ : ﺍﻣﻮﺭ ﻃﻴﺒﻪ ﺻﺎﺭ؟
ﺑﺎﺑﺎ : ﻣﻴﻪ ﺍﻟﻤﻴﻪ ﻛﻴﻒ ﺣﺎﻟﻪ ﻋﻤﺮ
ﻣﺎﻣﺎ : ﻛﻮﻳﺲ 😩
ﻣﺮﺍﺩ : ﻭﺍﻟﻠﻪ ﻣﺴﻜﻴﻦ ﻭﺍﻛﻠﻬﺎ 😞
ﻣﺎﻣﺎ : ﻻﻻ؟ 😱
ﻣﺮﺍﺩ : ﻭﺍﻟﻠﻪ ﻳﺎﺧﺎﻟﺘﻲ ﻭﺍﻛﻠﻬﺎ ﻧﺎ ﻛﻨﺖ ﻏﺎﺩﻱ 😞
ﻣﻨﻴﺎ : ﻗﺼﺪﻙ ﺍﻧﺖ ﻋﺪﻳﺖ ﻟﻠﻤﺴﺘﺸﻔﻲ؟ 😱
ﻋﺎﺋﺸﻪ : ؟؟
ﻣﺮﺍﺩ : ﻃﺒﻌﺎ ﺍﻧﺴﺎﺑﺘﻨﺎ ﻭﻻ ﻧﺴﻴﺘﻲ؟
ﻋﺎﺋﺸﻪ : ﻗﺼﺪﻙ ﺭﺍﻳﺢ ﻓﻴﻬﺎ ﺑﻪ ﻛﻨﻪ ﺷﻦ ﻋﻨﺪﻩ ﺑﺰﺑﻂ؟؟
ﻣﺮﺍﺩ : ﻭﺍﻛﻠﻬﺎ ﻣﺴﻜﻴﻦ ﺗﻲ ﻭﻳﻦ ﺗﻔﺠﺮ ﻓﻲ ﻭﺳﻄﻪ ﻣﺎﺗﻮ ﻗﺮﻳﺐ 8 ﺷﺒﺎﺏ ﻭﻣﺼﺎﺑﻴﻦ 4
ﻭﻣﺎ 4 ﺣﺎﻟﺘﻬﻢ ﺣﺮﺟﻪ ﺍﻟﻤﺴﺘﺸﻔﻲ ﺯﺍﺣﻢ ﻟﻌﻨﺪ ﻧﻔﺴﻴﺘﻚ ﺗﺪﻣﺮ
ﺑﺎﺑﺎ : ﻭﺍﻟﻠﻪ ﻟﺒﻼﺩ ﺍﻧﺒﺎﻋﺖ ﻭﺭﺍﺣﺖ ﻓﻴﻬﺎ 😣
ﻣﺮﺍﺩ : ﻭﺍﻟﻠﻪ ﺻﺪﻗﺖ ﻣﺶ ﻏﻴﺮ ﺍﻧﺒﺎﻋﺖ
ﺑﺎﺑﺎ : ﻣﺎﻛﻼﻫﺎ ﺍﻻ ﺍﻟﻠﻲ ﻃﻠﻊ ﻣﻦ ﺣﻮﺷﻪ ﻭﺍﺷﺮﺩﻧﺎ ﻭﺍﻃﺮﻃﺸﻨﺎ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﻣﺎﻣﺎ : ﻭﺍﻟﻠﻪ ﻏﺎﺩﻱ ﻳﺎﻣﺎ ﺑﻜﻴﺖ ﺑﻌﺪ ﺗﺸﻮﻑ ﺣﺮﻗﺖ ﺩﻡ ﺍﻻﻣﻬﺎﺕ ﺍﻟﻠﻲ ﻳﺒﻜﻦ ﺗﻘﻮﻝ
ﺍﻟﺤﻤﺪﻟﻠﻪ ﻃﻠﻌﻪ ﻣﻦ ﺍﻟﺤﻮﺵ ﻭﻻ ﻧﻔﻘﺪﻭ ﺣﺪ
ﺑﺎﺑﺎ : ﺍﻟﺤﻤﺪﻟﻠﻪ ﻉ ﻛﻞ ﺣﺎﻝ ﻣﺎﺷﻴﺎﺕ ﺍﻭﺿﺎﻋﻨﺎ
ﻣﺮﺍﺩ : ﺷﺪﻩ ﻭﺗﺰﻭﻝ ﻣﺴﺎﻟﺔ ﻭﻗﺖ ﺑﺲ
ﺑﺎﺑﺎ : ﻳﺎﻣﺮﺍﺩ ﺍﻟﻨﺎﺱ ﻣﻌﺶ ﺗﺤﻤﻠﺖ ﺑﻌﻀﻬﺎ ﻗﻌﺪﻭ ﻳﺘﻔﺸﺸﻮ ﻓﻲ ﺑﻌﻀﻬﺎ ﻃﺮﻳﻖ ﺯﺣﻤﻪ ﺗﺤﻖ ﺍﻟﻠﻲ ﻳﺴﺐ ﻭﺍﻟﻠﻲ ﻳﻜﻔﺮ ﻭﺍﻟﻠﻲ ﻳﺴﺘﻌﺮﺽ ﺑﺴﻼﺡ ﻣﺶ ﻣﻨﻬﻢ ﻣﻌﺎﻫﻢ ﺣﻖ ﺿﻐﻮﻃﺎﺕ ﻭﺍﻻﺳﻌﺎﺭ ﻣﻮﻟﻌﻪ ﺗﻲ ﻭﻳﻦ
ﻣﺮﺍﺩ : ﺗﻲ ﺣﺘﻲ ﺍﻟﻌﻘﺎﺭﺍﺕ ﻣﺸﺎﻛﻞ ﻭﺟﻴﺞ ﻭﻛﺬﺏ ﻭﺳﺮﻗﻪ ﻭﻟﺨﺒﻄﻪ ﻳﺠﻴﺒﻠﻚ ﻗﻄﻌﺔ ﺍﺭﺽ ﻳﻘﻮﻟﻚ ﺑﻴﻌﻬﺎ ﻟﻴﺎ ﻭﺗﻠﻘﻲ ﻓﻴﻬﺎ ﻭﺭﺛﻪ ﻭﻣﺸﺎﻛﻞ ﻭﺗﻄﻠﻊ ﻣﺶ ﻻﻩ ﺑﻜﻞ
ﺑﺎﺑﺎ : ﻧﺎﺱ ﻗﻌﺪﺕ ﺍﻻﻏﻠﺐ ﻣﻌﺶ ﺗﺨﺎﻑ ﺭﺑﻲ ﻳﺎﻛﻞ ﺣﺮﺍﻡ ﻭﻳﻮﻛﻞ ﺣﺮﺍﻡ ﺯﻣﺎﻥ ﺍﺷﺘﻐﻠﺖ ﻓﻲ ﺟﻤﺮﻙ
ﻧﺎ ﻭﻋﻢ ﻟﻮﻟﻴﺪ ﻋﻤﺮ
ﻣﺮﺍﺩ : ﺗﻤﺎﻡ
ﺑﺎﺑﺎ : ﺭﺷﻮﻩ ﻋﻴﻨﻲ ﻋﻴﻨﻚ ﻧﻈﺎﻡ ﻣﺼﺮﻳﻪ ﻳﺎﺧﺪﻭ ﻓﻴﻬﺎ ﻭﺍﻟﻠﻲ ﺗﺼﺒﻴﻪ ﺑﺘﻨﺎﻗﺸﻪ ﻳﻤﺪﻟﻚ ﺑﻴﺶ ﺗﺴﻜﺖ
ﻭﻓﻲ ﻧﺎﺱ ﺗﺎﺧﺪ ﻛﺎﻧﻬﻮ ﺟﺎﻳﺐ ﺑﻀﺎﻋﻪ ﻳﻌﻄﻲ ﻣﻨﻬﺎ ﺑﻴﺶ ﻳﺨﻠﻮﻩ ﻳﺨﺶ ﻟﺒﻀﺎﻋﻪ
ﻣﻘﺪﺭﺗﺶ ﺍﻧﻜﻤﻞ ﺣﺴﻴﺖ ﻓﻲ ﺣﺎﺟﺎﺕ ﻗﻌﺪﻥ ﻳﺼﻴﺮﻥ ﻏﺼﺒﺎ ﻋﻨﻲ ﻉ ﻃﻮﻝ ﺳﻴﺒﺖ
ﻭﺧﺬﻳﺖ ﺳﻴﺎﺭﻩ ﻛﺒﻴﺮﻩ ﻭﻗﻌﺪﺕ ﻧﺨﺪﻡ ﻋﻠﻴﻬﺎ
ﻣﺮﺍﺩ : ﻻ ﻭﻳﻦ ﻋﻬﺪﻙ ﻋﺪﺍ ﻓﻴﻬﺎ ﺗﻮﺍ ﺟﻮ ﻓﺎﻳﺢ ﻣﺘﻠﻤﻴﻦ ﻳﻬﺪﻭ ﻉ ﻣﺼﺎﺭﻑ ﺑﻘﻮﺓ ﺍﻟﺴﻼﺡ
ﺑﺎﺑﺎ : ﻭﺍﻟﻠﻪ ﻓﻲ ﻧﻘﻄﻪ ﻫﺬﻱ؟؟؟ﻓﻲ ﺍﻟﻠﻲ ﻣﻌﺎﻫﻢ ﺣﻖ ﺗﻲ ﻓﻲ ﻧﺎﺱ ﻣﻌﺶ ﻟﻘﺖ ﺑﻴﺶ ﺗﺎﻛﻞ
ﺗﻲ ﺍﻻﺟﺎﺭ ﻧﺎﺭ ﻭﺍﻟﻠﻪ ﺻﺎﺣﺒﻲ ﻣﺎﺟﺮ ﺑﺎﻟﻒ ﻭﻋﻨﺪﻱ ﺻﺎﺣﺒﻲ ﺍﻻﺧﺮ ﻃﺎﻟﻊ ﻣﺴﻜﻴﻦ ﻣﻦ ﺻﺎﺑﺮﻱ
ﻣﺎﺟﺮ ﺏ 800 ﻣﻔﺶ ﺭﻭﺍﺗﺐ ﺍﻟﻨﺎﺱ ﺟﺎﻋﺖ ﻳﺎﺭﺍﺟﻞ
ﻣﺮﺍﺩ : ﻭﺍﻟﻠﻪ ﻣﻌﺎﻙ ﺣﺤﻖ
ﻣﻨﻴﺎ : ﻛﻤﻠﺘﻪ ﻭﻃﺒﻘﺘﻪ ﻟﻚ ﻭﺭﺩﻳﺘﻪ ﻓﻲ ﺷﻨﻄﻪ ﻭﻋﻄﺮﺗﻪ ﻟﻚ
ﻣﺮﺍﺩ : ﺍﺻﻠﻴﻪ ﻳﺎﻣﻮﻧﻲ ﻣﻨﻮﺭﻩ ﺑﻜﻞ ﺭﺑﻲ ﻳﺤﻔﻈﻚ 😉
ﻋﺎﺷﻪ : 😨...
ﻣﻨﻴﺎ : ﻭﻟﻮ ﺗﺒﻲ ﺃﻱ ﺣﺎﺟﻪ ﻗﻮﻟﻲ ﻋﺎﺩ ﺧﻮﻳﺎ ﺍﻧﺖ 😁
ﻧﺎ ﺳﻤﻌﺖ ﺩﻭﺗﻪ ﻛﻠﻬﺎ ﻗﺎﻋﺪﻩ ﻭﺭﺍ ﺍﻟﺒﺎﺏ ﻭﻧﺒﻜﻲ 😢
ﻃﻠﻊ ﻣﺮﺍﺩ ﻭﻟﺤﻘﻦ ﻋﻠﻴﻪ ﻋﻮﻳﺸﻪ ﻭﻣﻨﻴﺎ :
ﻣﺮﺍﺩ : ﺑﺲ ﺍﺻﻠﻲ ﺍﻧﻮﺭ 😉
ﻣﻨﻴﺎ : ﺷﻔﺘﻪ؟ 😳
ﻣﺮﺍﺩ : ﻃﺸﻪ ﻛﻴﻔﻚ ﻫﻬﻬﻬﻪ ﻣﺎﻫﻨﺎﻙ ﺷﻲ ﻗﺼﻴﺮ 😂
ﻣﻨﻴﺎ : ﺑﺲ ﺷﺨﺼﻴﻪ 😜
ﻣﺮﺍﺩ : ﺍﻭﻭﻭ ﺗﺤﺸﻤﻲ ﻳﺎﻓﺮﺧﻪ؟ 😒
ﻣﻨﻴﺎ : ﻫﻬﻬﻬﻬﻬﻪ ﻧﺤﻜﻮ ﻗﺎﻋﺪﻳﻦ 😂
ﻋﺎﺋﺸﻪ : ﻣﺶ ﻫﻚ ﺩﻭﻩ ﻋﻴﺐ؟ 😠
ﻣﺮﺍﺩ : ﺷﻦ ﺩﺧﻠﻚ ﻳﺎﻭﺟﻪ ﺍﻟﻨﻜﺪ؟ 😂
ﻣﻨﻴﺎ : ﻣﻌﻨﺎﻫﺎ ﻧﺨﺶ ﻭﻧﺨﻠﻴﻚ ﻣﻊ ﻭﺟﻪ ﺍﻟﻨﻜﺪ 😂 ﻫﻬﻬﻬﻬﻬﻬﻪ
ﺧﺸﺖ
ﻣﺮﺍﺩ : ﻳﺤﻄﻮﻙ ﻓﻲ ﺷﻮﺍﻳﻪ ﻣﺎﺗﻨﻔﻌﻲ ﻳﺤﻄﻮﻝ ﻓﻲ ﻏﺴﻞ ﺩﺑﺶ ﻣﺎﺗﻨﻔﻌﻲ؟؟ﺷﻦ ﺑﻨﺪﻱ ﺭﺑﻴﻚ ﻣﺜﻼ ﻧﺎ 😏
ﻋﺎﺋﺸﻪ : ﻧﺎ ﺍﻟﻠﻲ ﻏﺴﻠﺘﻪ ﻭﻧﺸﺮﺗﻪ ﻭﺣﺪﺩﺗﻪ 😠
ﻣﺮﺍﺩ : ﻭﺍﻟﻠﻪ ﺍﻻ ﺷﻜﻠﻬﺎ ﻣﻨﻴﺎ ﺩﺍﺭﺕ ﻛﻞ ﺣﺎﺟﻪ 😂
ﻋﺎﺋﺸﻪ : ﻻ ﻧﺎ ﻣﻌﺶ ﺗﺤﻠﻒ ﺣﺮﺍﻡ؟ﻫﻬﻬﻬﻬﻪ 😂
ﻣﺮﺍﺩ : ﺷﻦ ﺟﻮ ﺍﻟﺒﺤﺚ ﻣﺘﺎﻋﻜﻦ ﺍﻧﺘﻲ ﻭﻧﻬﻲ؟ﻧﻬﻮﺵ ﺷﺎﻃﺮﻩ ﻛﻤﻼﺗﻪ ؟
ﻋﺎﺋﺸﻪ : ﺍﻭﻻ ﻧﺎ ﺑﺲ ﻧﺪﻟﻌﻬﺎ ﻧﻬﻮﺵ ﻉ ﻗﻮﻟﺘﻚ ﻗﻮﻟﻠﻬﺎ ﻧﻮﻧﻲ ﻭﺛﺎﻧﻴﺎ ﻧﺤﻨﺎ ﺍﻟﺒﺤﺚ ﻣﺘﺎﻋﻨﺎ ﻣﻤﻴﺰ
ﺍﻣﻴﺰﻧﻖ ﺑﻨﺪﻳﺮﻭ ﺣﺎﺟﻪ ﻧﺨﻠﻮ ﺍﻟﺪﻛﺘﻮﺭ ﻳﻨﺼﺪﻡ
ﻣﺮﺍﺩ : ﺑﻪ ﺷﺪﻱ ﻳﻠﻚ
ﻋﺎﺋﺸﻪ : ﻣﺮﺍﺩ ☺
ﻣﺮﺍﺩ : ﺍﻋﻴﻮﻧﻪ؟ 😍
ﻋﺎﺋﺸﻪ : ﺍﻣﻢ ﻧﺒﻲ ﻣﻨﻚ ﻃﻠﺐ ﻧﺒﻲ ﺍﻟﺨﺎﺗﻢ ﺍﻟﻲ ﻋﻄﻴﺘﻪ ﻟﻨﻬﻲ ﻗﻮﻟﻠﻬﺎ ﺗﻌﻄﻲ ﻟﻴﺎ؟
ﻣﺮﺍﺩ : ﻻ ﻋﻴﺐ ﺍﻗﻞ ﺷﻲ ﻣﻜﺎﻓﺎﻩ ﻟﻬﺎ 😒
ﻋﺎﺋﺸﻪ : ﺑﺲ ﻧﺎ ﻋﺠﺒﻨﻲ؟ 😠
ﻣﺮﺍﺩ : ﺑﻌﺪ ﺗﻘﻌﺪﻱ ﻭﺣﺪﻩ ﻋﺎﻗﻠﻪ ﻭﺗﻘﺪﺭﻱ ﺍﻟﺤﺎﺟﻪ ﺍﻟﻠﻲ ﻓﻲ ﻳﺪﻙ ﻧﻔﻜﺮ ﻧﺸﺮﻳﻠﻚ ﺧﺎﺗﻢ 😉
ﻋﺎﺋﺸﻪ : ﺑﻨﻌﺮﻑ ﻟﻌﻨﺪ ﺍﻣﺘﻲ ﺍﻟﻌﻘﺎﺏ ﻫﻀﺎ؟ 😞
ﻣﺮﺍﺩ : ﺧﺸﻲ ﺧﻼﺹ ﺑﻨﺮﻭﺡ ﻧﺎ ﺍﻛﻴﺪﻩ ﺍﻣﻲ ﻭﺍﺳﻤﺎﻋﻴﻞ ﺟﻮ
ﻋﺎﺋﺸﻪ : ﺍﻣﻤﻢ ﻣﺮﺍﺩ
ﻣﺮﺍﺩ : ﻫﺎ؟
ﻋﺎﺋﺸﻪ : ﻳﻌﻨﻲ ﻋﻤﺮ؟
ﻣﺮﺍﺩ : ﻭﺍﻟﻠﻪ ﻣﺎﻧﻲ ﻋﺎﺭﻑ ﺑﻜﺮﻩ ﺗﻮ ﻧﻌﺪﻳﻠﻪ ﻭﻧﺸﻮﻑ ﻭﺍﺻﻼ ﺭﺟﺐ ﻗﺎﻋﺪ ﻏﺎﺩﻱ
ﻋﺎﺋﺸﻪ : ﺑﻪ ﺗﺼﺒﺢ ﻉ ﺧﻴﺮ ﻭﺳﻠﻤﻨﺎ ﻋﻠﻲ ﺧﻮﻳﻠﻪ؟
ﻣﺮﺍﺩ : ﻳﻮﺻﻞ ﺍﻭﻙ ﺧﻼﺹ ﺧﺸﻲ
ﻋﺎﺋﺸﻪ : ﺍﺭﻛﺐ ﺍﻟﺴﻴﺎﺭﻩ ﻗﺒﻞ
ﻣﺮﺍﺩ : ﻫﻬﻬﻬﻬﻬﻬﻬﻪ ﻫﺒﻠﻪ 😝
ﻋﺎﺋﺸﻪ : ﻫﻬﻬﻬﻬﻪ 😄😁
#
#
#
ﻭﺧﺸﺘﻠﻲ ﻣﺎﻣﺎ ﻭﻗﻌﺪﺕ ﺗﺤﻜﻴﻠﻴﻨﺎ ﻋﻠﻠﻲ ﺻﺎﺭ ﻏﺎﺩﻱ
ﺭﻳﻤﺎﺱ : ﻳﺎﻣﻴﻨﺘﻲ؟ 😩
ﻣﺎﻣﺎ : ﻣﺎﻻ ﺧﻮﺍﺗﻪ ﻭﻻ ﻫﺒﻪ ﻣﺴﻜﻴﻨﻪ ﻗﺮﻳﺐ ﻳﻤﻮﺗﻦ ﻋﻠﻴﻪ ﻗﺎﻟﺒﻴﻨﻪ ﻋﺰﺍ ﻏﺎﺩﻱ
ﺍﻧﺎ : ( ﻧﺒﻜﻲ ) ﻳﺎﺭﻳﺘﻚ ﺷﻠﺘﻴﻨﻲ 😢
ﻣﺎﻣﺎ : ﻗﻤﻌﺰﻱ ﻭﺍﻧﺘﻲ ﺳﺎﻛﺘﻪ ﺳﺎﻳﺒﻪ ﻭﻻ ﺳﺎﻳﺒﻪ ﻋﺸﺎﻥ ﻧﺸﻴﻠﻚ ﻳﺎﻙ ﺍﻻ ﻫﺬ😒
ﻭﺑﻌﺪﻳﻦ ﺧﻄﻴﺒﺘﻪ ﺍﻻﻭﻟﻲ ﻭﺍﻣﻬﺎ ﺟﻦ 😒😌
ﻣﻼﻙ : ﺗﺴﻨﻴﻢ؟؟؟؟؟؟؟؟؟ﻡﺑﺮﺩﻫﺎ 😱
ﻣﺎﻣﺎ : ﻣﻌﻨﻘﺮﺍﺕ ﺧﺸﻮﻣﻬﻦ ﻣﺎﻳﺤﻘﻦ ﻓﻲ ﺣﺪ ﻛﺎﻥ ﺗﺸﻮﻓﻲ ﺍﻣﻬﺎ ﻛﻴﻒ ﺳﻠﻤﺖ ﻋﻠﻴﻨﺎ
ﺑﺲ ﻟﺒﻨﻴﻪ ﻣﺘﺎﺛﺮﻩ ﻣﺴﻜﻴﻨﻪ ﻛﻼ ﺍﻣﻬﺎ ﻭﺍﺿﺢ ﺍﻥ ﺟﺎﻳﻪ ﻣﻐﺼﻮﺑﻪ
ﻣﻼﻙ : ﺍﻟﺒﻨﺎﺕ ﺍﻟﺸﺎﻃﺮﺍﺕ ﻗﺎﺩﺭﺍﺕ ﻋﻠﻲ ﺍﻣﻬﺎﺗﻬﻦ ﺍﺳﻤﻠﻪ ﻋﻠﻴﻚ ﻳﺎﺟﻴﻬﺎﻥ 😜
ﺍﻧﺎ : ( ﻧﺒﻜﻲ ) 😢
ﻣﺎﻣﺎ : ﺻﻜﺮﻱ ﻓﻤﻚ ﻳﺎﻣﺮﺑﻮﻃﺔ ﺍﻟﻌﺎﺭ .. ﺗﻌﺎﻟﻲ ﻫﻨﺎ ﺍﻧﺘﻲ؟
ﻋﺎﺋﺸﻪ : ﻧﻌﻢ؟ 😳
ﻣﺎﻣﺎ : ﺷﻦ ﻗﺼﺘﻚ ﻣﻊ ﻣﺮﺍﺩ ﻃﺎﻟﻌﻪ ﺧﺎﺷﻪ ﻗﺪﺍﻣﻪ ﻭﺍﺑﺘﺴﺎﻣﺎﺕ ﻭﺍﺗﻨﻮﻃﺮﻱ؟😠
ﻋﺎﺋﺸﻪ : ﺍﻟﻠﻪ ﻳﺴﺎﻣﺤﻚ ﻳﺎﻣﺎﻣﺎ ﻣﻌﻘﻮﻟﻪ ﺍﻟﻜﻼﻡ ﻫﻀﺎ؟ 😳
ﻣﺎﻣﺎ : ﺍﺣﺤﺢ ﻣﻨﻜﻦ ﺍﻧﺘﻦ ﺍﻟﻠﻲ ﻳﻔﻬﻤﻜﻦ ﻳﺪﻭﺥ ﺟﻴﻞ ﻣﻴﺘﺤﺸﻢ ﺑﻜﻞ 😠
ﻣﻼﻙ : ﺑﻜﻞ ﻣﻌﺶ ﻳﺘﺤﺸﻤﻦ ﺍﻟﺒﻨﺎﺕ ﺧﺰﻳﻪ ﻋﻠﻴﻬﻦ 😂
ﻣﺎﻣﺎ : ﻫﺎﺑﺎ ﺍﻧﺘﻲ ﻛﺎﻥ ﻣﺎﺗﺴﻜﺘﻲ 😠
ﺍﻧﺎ : ( ﻧﺒﻜﻲ (| ﺑﻬﻢ ﺣﺪ ﻋﺮﻑ ﻋﻠﻴﻪ ﺣﺎﺟﻪ ﺑﻜﻞ 😢
ﻣﺎﻣﺎ : ﻣﺶ ﻗﻠﺘﻴﻠﻲ ﺍﻧﺴﻴﺘﻪ ﻭﺧﻼﺹ؟؟ﻋﻠﻴﺶ ﺗﺮﺷﻔﻲ ﻗﺪﺍﻡ ﻭﺟﻲ 😠
ﺍﻧﺎ 😢......:
ﻣﻼﻙ : ﻣﺎﻣﺎ؟؟؟ﻣﻬﻤﺎ ﻳﻜﻮﻥ ﻳﻌﻨﻲ ﻭﺍﻟﻠﻪ ﺣﺘﻲ ﻧﺤﻨﺎ ﻭﺟﻌﻨﺎ ﻳﺎﺑﺎﻝ ﺟﻴﻬﺎﻥ 😩
ﺍﻧﺎ .....:
ﻣﺎﻣﺎ : ﻭﺍﺟﻊ ﺍﻟﻨﺎﺱ ﻛﻠﻬﺎ ﻣﺎﻭﺟﻌﺘﻨﻲ ﺍﻻ ﺍﻣﻪ ﺑﺘﻤﻮﻭﻭﺕ ﻋﻠﻴﻪ ﺑﺘﻤﻮﺕ
ﺍﺑﺘﻬﺎﻝ : ﻫﻴﺎ ﻣﻦ ﻏﺎﺩﻱ ﻣﺎﺗﺤﻤﻞ ﻓﻴﻪ ﺷﻲ
ﻣﺎﻣﺎ : ﻻ ﻭﻻ ﻋﻤﺘﻬﻢ ﺍﻟﻠﻲ ﺍﺳﻤﻬﺎ ﺧﺪﻳﺠﻪ ﻧﺎﻋﻠﻴﺎ ﻣﺰﻃﺘﻨﻲ ﻓﺴﻮﺍﻳﻪ ﻭﻣﺘﻌﺮﻓﺶ ﺗﺪﻭﻱ
ﺯﻋﻤﺖ ﻛﺒﺪﺭﻱ ﻓﻮﺿﺘﻠﻲ ﺍﻟﻤﺮﺍﺭﻩ
ﻣﻼﻙ : ﺷﺪ ﺣﻴﻞ ﻫﺒﻪ ﻭﻫﻨﺪ ﺣﻮﺳﻪ ﻭﻏﺴﻞ ﻣﺎﻋﻴﻦ ﻭﺗﻨﻈﻴﻒ ﻭﻳﻀﻴﻔﻦ ﻓﻲ ﻧﺎﺱ
ﺍﺑﺘﻬﺎﻝ : ﻣﺎﻣﺎ ﻗﻮﻟﻲ ﻟﺒﺎﺑﺎ ﻳﺸﻴﻠﻨﺎ ﺍﻧﺴﺎﻋﺪﻭﻫﻦ 😁
ﻣﺎﻣﺎ : ( ﺷﻬﻬﻬﻘﺖ (😱 ﻓﻜﻨﻲ ﻣﻨﻪ ﺑﺎﺗﻜﻦ ﻣﺎﻳﻨﻘﺮﺏ ﻣﺎﺻﺪﻗﻨﺎﻩ ﻫﺎﺩﻱ ﻭﻃﺎﺭﺏ ﺍﻻﻳﺎﻡ ﻫﺬﻧﻪ
ﺣﺘﻲ ﺷﻴﻞ ﻣﻘﺘﻠﺶ ﺷﻴﻠﻨﻲ ﻧﺎ
ﻣﻼﻙ : ﺑﺲ ﻋﻴﺐ ﺍﻟﻤﻔﺮﻭﺽ ﻋﺪﺍ
ﻣﺎﻣﺎ : ﻗﺎﻟﻲ ﻳﺒﻲ ﻳﻌﺪﻱ ﺑﻜﺮﻩ ﺍﺻﻼ ﺑﺎﺗﻪ ﻓﻲ ﻣﺴﺘﺸﻔﻲ ﻳﻄﻠﻊ ﻗﺒﻞ
ﻣﺮﺭﺭﻥ ﺍﻳﺎﻡ ﻭﺍﻳﺎﺍﻡ ﻭﺍﻳﺎﺍﻡ 👉👉👉👉👉
ﻭﻧﺎ ﻧﻐﻠﻲ ﻋﻠﻴﻪ ﻭﻧﻜﻠﻢ ﻓﻲ ﻫﻨﺪ ﻉ ﺳﺒﺎﻩ 💔
ﻭﻫﻀﻚ ﺍﻟﻴﻮﻡ ﻧﺮﻥ ﻋﻠﻴﻬﺎ ﻣﺘﺮﺩﺵ 😱
ﺍﻧﺸﻐﻠﺖ 😩
ﻛﻨﻬﺎ ﻫﺬﻱ 😰
ﻻﻧﺮﻥ ﺍﻧﺮﻥ ﺍﻧﺮﻥ ﻣﻔﺶ ﺣﺪ ﻳﺮﺩ 😱
ﺭﻧﻴﺖ ﻉ ﺍﻣﻪ ﻭﻉ ﻫﺒﻪ ﻣﺤﺪ ﺭﺩ 😱
ﺭﻧﻴﺖ ﻉ ﺍﻧﻮﺭ ﻣﺮﺩﺵ 😱
ﻻﻧﻘﺎﻧﻲ ﺧﻼﺹ ﻣﻌﺶ ﻗﺪﺭﺕ ﺍﻧﺘﺤﻤﻞ ﺭﻧﻴﺖ ﻉ ﻣﺮﺍﺩ 😣
ﻗﻠﺖ ﺑﻨﻤﺴﻚ ﺭﻭﺣﻲ ﻭﻣﻨﺒﺶ ﻧﺒﻜﻲ ﻗﺪﺍﻣﻪ
ﺍﻧﺎ : ﺍﻟﻮ
ﻣﺮﺍﺩ : ﺟﻴﻬﺎﻥ ﻛﻨﻚ ﻓﻲ ﺣﺎﺟﻪ؟ 😳
ﺍﻧﺎ : ( ﻧﺒﻜﻲ ) ﻣﻀﺎﻳﻘﻪ ﺷﻮﻳﻪ 😢
ﻣﺮﺍﺩ : ﻭﺳﻌﻲ ﺑﺎﻟﻚ ﻛﻨﻚ؟
ﺍﻧﺎ : ﻫﻜﻲ ﻣﻮﺍﺿﻴﻊ ﺧﻠﻄﻦ ﻋﻠﻴﺎ 😢😢
ﻣﺮﺍﺩ : ﺍﻥ ﺷﺎﺀﺍﻟﻠﻪ ﺧﻴﺮ ﺍﻣﻢ ﺷﻦ ﺭﺍﻳﻜﻦ ﺑﻜﺮﻩ ﺍﻧﺠﻴﻜﻦ ﺍﻧﻄﻠﻌﻜﻦ؟ﺍﻧﺘﻲ ﻭﺧﻮﺍﺗﻚ؟
ﺍﻧﺎ : ﺍﻣﻤﻢ ﺑﻨﺴﺎﻟﻚ ﻋﻠﻲ ﺍﻣﻢ ﻫﻀﺎ ﺧﻮ ﻫﻨﺪ ﺧﻄﻴﺒﺖ ﺭﺟﺐ ﺍﻟﻨﺎﺱ ﺍﻟﻠﻲ ﻛﻨﻪ ﻣﺎﺟﺮﻳﻦ ﻋﻨﺪﻫﻢ؟
ﻣﺮﺍﺩ : ﻋﻤﺮ ﺍﻟﻠﻲ ﻓﻲ ﺍﻟﻤﺴﺘﺸﻔﻲ؟
ﺍﻧﺎ : ﺍﻫﺎ ﻛﻴﻒ ﺣﺎﻟﻪ ﻛﻌﺶ ﺳﻤﻌﻨﺎ ﻋﻠﻴﻪ ﺍﺧﺒﺎﺭ
ﻣﺮﺍﺩ : ﺷﺎﻟﻪ ﺑﺎﺗﻪ ﻻﺭﺩﻥ ﺭﺟﺐ ﻗﺎﻟﻲ ﻉ ﻓﺠﺮ ﺍﻟﻴﻮﻡ ﺻﻘﺪﻭ ﻋﻨﺪﻩ ﻋﻤﻠﻴﻪ ﺧﻄﻴﺮﻩ ﺷﻮﻳﻪ
ﺳﻔﺮﻭﻩ
ﺍﻧﺎ : ﺍﻫﺎﺍ ﺑﻪ ﻳﻌﻨﻲ ﻗﻌﺪ ﻛﻮﻳﺲ؟ 😢
ﻣﺮﺍﺩ : ﻳﻘﻮﻟﻮ ﻧﺎﺽ ﻭﺣﺎﻟﻪ ﺧﻴﺮ ﻣﻦ ﻗﺒﻞ
ﺍﻧﺎ : ( ﻓﺮﺣﺖ ﻭﻣﺴﺤﺖ ﺩﻣﻮﻋﻲ ) ﺍﻟﺤﻤﺪﻟﻠﻪ ﺍﻟﺤﻤﺪﻟﻠﻪ
ﻣﺮﺍﺩ : ) ﺍﺳﺘﻐﺮﺏ )
ﺍﻧﺎ : ﻫﻮﺍ ﺍﻟﻠﻲ ﻋﻠﻤﻨﻲ ﺍﻟﻘﻴﺎﺩﻩ ﻳﻌﻨﻲ
ﻣﺮﺍﺩ : ﺍﻭﻙ ﻓﺎﻫﻢ ﺗﻮ ﻧﺘﺼﻞ ﺑﺎﺗﻚ ﻭﻧﺠﻴﻜﻦ ﺑﻜﺮﻩ ﻧﻔﺸﻲ ﺭﻭﺣﻲ ﻧﺎﺧﺬﻛﻦ
ﺍﻧﺎ : ﺑﻪ ﺑﺎﺭﻙ ﺍﻟﻠﻪ ﻓﻴﻚ ﺧﻼﺹ ﻣﻨﺒﺶ ﺍﻧﻌﻄﻠﻚ ﺍﻭﻙ
ﻣﺮﺍﺩ : ﺣﺎﻭﻟﻲ ﺗﻬﺪﻱ ﺭﻭﺣﻚ ﻭﻣﻌﺶ ﺗﻔﻜﺮﻱ ﻓﻲ ﺷﻲ
ﺍﻧﺎ : ﺣﺎﺿﺮ ﺍﻭﻙ
ﻣﺮﺍﺩ : ﺍﻭﻙ
ﺍﻟﺤﻤﺪﻟﻠﻠﻪ ﺍﻟﺤﻤﺪﻟﻠﻠﻪ
ﻣﻼﻙ؟؟؟؟؟؟؟؟؟
ﺍﻧﺎ : ﻗﺎﻟﻮ ﻧﺎﺽ ﻭﻗﻌﺪ ﺧﻴﺮ ﻣﻦ ﻗﺒﻞ ﺑﺲ ﻋﻨﺪﻩ ﻋﻤﻠﻴﻪ ﺑﻴﺪﻳﺮﻭﻫﺎ ﻻﻩ ﻓﻲ ﺍﻻﺭﺩﻥ
ﻣﻼﻙ : ﺍﻟﺤﻤﺪﻟﻠﻠﻪ ﻳﻴﻴﻴﻪ ﻳﺎﻓﺮﺣﺘﻨﺎ ﻳﺎﻓﺮﺣﺘﻨﺎ
ﺍﻧﺎ : ﺍﻟﺤﻤﺪﻟﻠﻪ ﺍﻫﻲ ﻫﻨﺪ ﺗﺮﻥ
ﺍﻧﺎ : ﻫﻨﻮﺩﻩ
ﻫﻨﺪ : ﻟﻘﻴﺘﻚ ﺭﺍﻧﻪ ﻋﻠﻴﺎ ﻭﺍﻟﻠﻪ ﺣﻮﺷﻨﺎ ﻣﻌﺒﻲ ﻧﺎﺱ ﺣﺘﻲ ﻧﻘﺎﻟﻲ ﻳﺮﻥ ﻣﺎﻧﺴﻤﻌﻪ
ﺍﻧﺎ : ﻻ ﻋﺎﺩﻱ ﻋﺎﺫﺭﺗﻚ
ﻫﻨﺪ : ﻧﺎﺽ ﻋﻤﻮﺭﻱ
ﺍﻧﺎ : ﺳﻤﻌﺘﻬﺎ ﺍﻟﺤﻤﺪﻟﻠﻪ ﻗﺎﻟﻮ ﻭﺿﻌﻪ ﺍﺣﺴﻦ ﻣﻦ ﻗﺒﻞ
ﻫﻨﺪ : ﺑﻮﺍﺟﺪ ﺑﺲ ﺍﻟﻴﻮﻡ ﻋﺪﺍ ﻫﻮﺍ ﻭﺑﺎﺑﺎ ﻭﻓﺘﺤﻲ ﺻﺎﺣﺒﻪ ﻭﺭﺟﺐ ﻭﻟﺪ ﺧﺎﻟﺘﻚ ﻭﻋﻤﻲ ﻣﺨﺘﺎﺭ
ﺣﻄﻮﻫﻢ ﻓﻲ ﻣﻄﺎﺭ ﻭﺭﻭﺡ ﺭﺟﺐ ﺑﻲ ﺑﺎﺑﺎ
ﺍﻧﺎ : ﻣﺤﻜﻴﺘﻴﺶ ﻣﻌﺎﻩ؟
ﻫﻨﺪ : ﻻﻩ ﺑﺲ ﺟﺎﺑﻮ ﺻﻮﺭﻩ ﻭﺟﻪ ﻣﺘﺨﺮﺏ ﺑﻜﻞ ﻭﺧﺪﻩ ﻣﻔﺘﻮﺡ ﻭﺩﺍﻳﺮﻳﻠﻪ ﻛﻢ ﻋﻤﻠﻴﻪ
ﺍﻳﺪﻩ ﻃﺎﻳﺮ ﻟﺤﻢ ﻣﻨﻬﺎ ﺭﻗﻌﻮﻫﺎ ﻻﻩ ﻣﻦ ﻓﺨﺪﻩ ﻭﻋﻨﺪﻩ ﻋﻤﻠﻴﻪ ﺍﺧﺮﺍ
ﺍﻧﺎ : ﻛﺎﻥ ﺧﻠﻮﻩ ﻫﻨﺎ ﺧﻴﺮﻟﻪ؟
ﻫﻨﺪ : ﺑﺎﺑﺎ ﺧﺎﻳﻒ ﻋﻠﻴﻪ ﺑﻜﻞ ﻭﻣﺎﻣﺎ ﺗﺎﻧﺒﻠﻪ ﻓﻲ ﺿﻤﻴﺮﻩ ﻃﻠﻌﻮﻩ ﺳﻔﺮﻭﻩ ﻭﻧﺎﺱ ﻛﻠﻬﺎ ﺗﻌﻴﻂ
ﺳﻔﺮﻭﻩ ﺳﻔﺮﻭﻩ ﻣﺎﻏﻴﺎﻙ ﺍﻟﻠﻲ ﻳﺠﻴﻨﺎ ﻳﻘﻌﺪ ﻳﺘﻔﻨﻦ ﺑﺮﻳﺎﺗﻪ ﻛﻞ ﻭﺍﺣﺪ ﺭﺍﻱ
ﺍﻧﺎ : ﻣﺶ ﻣﻬﻢ ﺍﻫﻢ ﺣﺎﺟﻪ ﻫﻮﺍ
ﻧﺴﻤﻊ ﻓﻲ ﻫﺒﻪ ﺍﺿﺒﺢ ﻟﺘﺴﻨﻴﻢ 😱
ﺍﻧﺎ : ﺍﻫﺎ ﺗﺴﻨﻴﻢ ﻗﺎﻋﺪﻩ؟؟ 😒
ﻫﻨﺪ : ﺗﺠﻲ ﺩﺍﻳﺮﻩ ﺭﻭﺣﻬﺎ ﺗﺴﺎﻋﺪ ﻓﻴﻨﺎ ﺑﺲ ﺑﺎﺭﻙ ﺍﻟﻠﻪ ﻓﻴﻬﺎ ﺍﻟﺤﻖ
ﺍﻧﺎ : ﺑﻪ ﺍﻟﺤﻤﺪﻟﻠﻪ ﻉ ﺳﻼﻣﺘﻪ ﻭﺍﻥ ﺷﺎﺀﺍﻟﻠﻪ ﻳﻮﺻﻞ ﻃﻴﺐ ﻋﻄﻴﻨﻲ ﺍﻣﻚ؟
ﻫﻨﺪ : ﺣﺎﺿﺮ ﺍﺻﺒﺮﻱ ﺑﺲ ﺩﻗﻴﻘﻪ ﺍﻧﻜﻠﻤﻬﺎ
ﺍﻧﺎ : ﺑﻪ ﺧﻮﺩﻱ ﺭﺍﺣﺘﻚ
ﻛﻠﻠﻤﺘﻬﺎ
ﺟﻤﻴﻠﻪ : ﺧﻴﺮ ﻳﺎﺟﻴﻬﺎﻥ
ﺍﻧﺎ : ﺍﻫﻠﻴﻦ ﻛﻴﻒ ﺣﺎﻟﻚ ( ﺩﻣﻮﻋﻲ ﻧﺰﻟﻦ ) 😢😢
ﺟﻤﻴﻠﻪ : ﺍﻟﺤﻤﺪﻟﻠﻪ ﻳﺎﺑﻨﺘﻲ ﺍﻟﺤﻤﺪﻟﻠﻪ ﺍﻟﺤﻤﺪﻟﻠﻪ ﻉ ﻛﻞ ﺣﺎﻝ
ﺍﻧﺎ : ﻣﺶ ﻋﺎﺭﻓﻪ ﺷﻦ ﻧﻘﻮﻟﻚ ( ﻧﺒﻜﻲ )
ﺟﻤﻴﻠﻪ : ﻳﻴﺎﻣﺎ ﺻﺎﺭ ﻓﻴﻨﺎ ﻗﺮﻳﺐ ﻣﺘﻨﺎ ﻋﻠﻴﻪ ﻛﺒﻴﺪﺗﻲ ﻭﻭﻟﻴﺪﻱ ﻣﺎﻋﻨﺪﻱ ﻏﻴﺮﻩ
ﺍﻧﺎ : ( ﻧﺒﻜﻲ )
ﺟﻤﻴﻠﻪ : ﺧﻼﺹ ﻣﻌﺶ ﺗﺒﻜﻲ ﺍﺣﻤﺪﻱ ﺭﺑﻚ ﻭﻟﺸﻜﺮﻳﻪ ﺑﻌﺪ ﻗﺎﻟﻮﻟﻲ ﻧﺎﺽ
ﻓﺮﺣﺖ ﻭﻗﻠﺒﻲ ﻗﺮﻳﺐ ﻃﺎﺭ ﻣﻦ ﺍﻟﻔﺮﺣﻪ
ﺍﻧﺎ : ﺍﻟﺤﻤﺪﻟﻠﻪ ﺍﻟﺤﻤﺪﻟﻠﻪ ﺍﻟﻌﻘﺒﻪ ﻣﺎﻳﺮﻭﺡ ﻃﻴﺐ ﻭﺗﻄﻤﻨﻮ ﻋﻠﻴﻪ
ﺟﻤﻴﻠﻪ : ﺑﻌﺪ ﻳﻄﻠﻊ ﺗﻌﺎﻟﻲ ﺷﻮﻓﻴﻪ ﻓﺮﺣﻴﻪ؟
ﺍﻧﺎ : ( ﺍﻧﺤﺮﺟﺖ ) ﺍﻧﺎ؟ 👆😳
ﺟﻤﻴﻠﻪ : ﺿﺮﻭﺭﻱ ﺗﺠﻲ ﺑﻌﺪ ﻳﺮﻭﺡ ﻓﺮﺣﻴﻪ 😉
ﺍﻧﺎ : ﺣﺎﺿﺮ ﺍﻫﺎ ﺍﻛﻴﺪﻩ ﺗﻮ ﻧﺠﻲ
ﺟﻤﻴﻠﻪ : ﺧﻼﺹ ﺯﻱ ﻣﺎﺗﻔﻘﻨﺎ
ﺍﻧﺎ : ﺗﺴﻠﻤﻲ ﻛﻴﻒ ﺣﺎﻟﻪ ﻋﻤﻲ ﻋﺒﺪﺍﻟﻜﺮﻳﻢ؟
ﺟﻤﻴﻠﻪ : ﻛﻮﻳﺲ ﺭﺍﻗﺪ ﺗﻌﺒﺎﻥ ﻣﻦ ﻃﺮﻳﻖ ﻋﻠﻲ ﻣﺎﺷﻠﻮﻩ ﻟﻠﻤﻄﺎﺭ ﻟﺒﺮﻕ ﺷﺎﻟﻪ ﻭﻟﺪ ﺧﺎﻟﺘﻚ
ﺍﻧﺎ : ﻗﺎﻟﺘﻠﻲ ﻫﻨﺪ
ﺟﻤﻴﻠﻪ : ﻭﺍﻟﻠﻪ ﻧﺎﺱ ﻃﻴﺒﻪ ﻣﺎﻳﻨﻌﺮﻓﻮ ﺍﻻ ﻭﻗﺖ ﺍﻟﺸﺪﻩ
ﺍﻧﺎ : ﻫﻴﻮﺍﻟﻠﻪ ﺻﺪﻗﺘﻲ
ﺟﻤﻴﻠﻪ : ﺍﻟﺤﻖ ﻣﺎﺷﺎﺀﺍﻟﻠﻪ ﻋﻠﻴﻪ ﺗﻘﻮﻝ ﺧﻮﺗﻪ ﻫﻮﺍ ﻭﺍﻧﻮﺭ ﻭﻓﺘﺤﻲ ﻣﺎﻟﻪ ﺍﻧﻮﺭ ﻣﺒﺮﻛﻬﺎ ﻋﻠﻴﻜﻢ ﻋﻄﻴﻪ
ﺷﻦ ﺗﺒﻲ ﻳﺎﻋﻤﺘﻲ ﻭﺷﻦ ﻧﺎﻗﺼﻚ ﻳﺎﻋﻤﺘﻲ
ﺍﻧﺎ : ﺣﺘﻲ ﻫﻮﺍ ﻣﺎﺷﺎﺀﺍﻟﻠﻪ ﻣﺶ ﻣﻘﺼﺮ ﻣﻊ ﺣﺪ ☺
ﺟﻤﻴﻠﻪ : ﺣﻲ ﻭﺣﻲ ﺩﻓﻌﺎﺕ ﺟﻮﻳﻪ 😁
ﺍﻧﺎ : ﻫﻬﻬﻪ ﻻ ﺑﺲ ﻫﻜﻲ ﻧﺤﻜﻲ 😳☺
ﺟﻤﻴﻠﻪ : ﺣﺘﻲ ﺑﺎﺗﻚ ﺟﺎ ؟
ﺍﻧﺎ : ﺻﺎﺡ؟
ﺟﻤﻴﻠﻪ : ﺟﺎﻧﺎ ﻣﺮﺗﻴﻦ ﺑﺎﺭﻙ ﺍﻟﻠﻪ ﻓﻴﻪ ﺣﺘﻲ ﻫﻮﺍ
ﺍﻧﺎ : ﺗﺴﻠﻤﻲ ﻳﺎﺭﺏ ﺧﻼﺹ ﺍﻛﻴﺪﻩ ﻋﻨﺪﻛﻢ ﻧﺎﺱ ﻣﻨﺒﺶ ﺍﻧﻌﻄﻞ ﻋﻠﻴﻚ
ﺟﻤﻴﻠﻪ : ﺧﻼﺹ ﺑﺲ ﺗﻌﺎﻟﻲ ﺍﻧﺘﻲ ﻭﺧﻮﺍﺗﻚ؟
ﺍﻧﺎ : ﺣﺎﺿﺮ ﻫﻴﺎ ﺑﺴﻼﻣﻪ ﺳﻠﻤﻴﻨﺎ ﻋﻠﻴﻬﻢ
ﺟﻤﻴﻠﻪ : ﺍﻟﻠﻪ ﻳﺴﻠﻤﻚ ﺑﺴﻼﻣﻪ
ﺗﺮﻳﺤﺖ ﻭﻛﻼﻡ ﺍﻣﻪ ﺯﺍﺩ ﺭﻳﺤﻨﻲ ﺣﺴﻴﺘﻬﺎ ﻣﺘﻔﺎﺋﻠﻪ 👌😌 ﻭﻧﻔﺴﻴﺘﻬﺎ ﻣﺘﺮﻳﺤﻪ ﻭﻓﺮﺣﺎﻧﻪ
ﻣﺮﺭﻥ ﺍﻳﺎﻡ ﻭﺍﻳﺎﻡ ﻭﺍﻳﺎﻡ ﻭﻓﻜﻴﺖ ﺟﺒﺲ ﻣﻦ ﻳﺪﻱ ❎
ﺩﺍﺭﻭﻟﻪ ﻋﻤﺮ ﻋﻤﻠﻴﻪ ﻭﻧﺠﺤﺖ ﺍﻟﺤﻤﺪﻟﻠﻪ
ﻭﺧﺎﻟﺘﻲ ﺗﻘﺪﻣﻮ ﻟﻌﻮﻳﺸﻪ ﻣﺮﻩ ﺍﺧﺮﺍ ﻭﺑﺎﺑﺎ ﻃﺒﻌﺎ ﻳﻌﺰ ﻣﺮﺍﺩ ﻋﻄﺎﻫﺎ ﻻﻩ ﻭﻣﺘﺮﺩﺩﺵ
ﻭﺗﻤﺖ ﺧﻄﺒﺘﻬﻢ ﻣﻦ ﺟﺪﻳﺪ 💐💍
ﺩﺭﻧﺎﻟﻬﻢ ﺣﻔﻠﻪ ﺍﺻﻐﻴﻴﻴﻴﺮﻩ ﺑﻜﻞ ﻓﻲ ﺍﻟﺤﻮﺵ
ﻭﻧﺎ ﻋﻘﻠﻲ ﻓﻲ ﺍﻻﺭﺩﻥ ✈
ﻭﻳﻮﻣﻴﺎ ﺍﻧﺮﻥ ﻋﻠﻲ ﻫﻨﺪ ﻭﻧﻄﻤﻦ ﻋﻠﻴﻪ
ﻭﺗﺤﻜﻴﻠﻲ ﻋﻠﻴﻪ ﻻﻥ ﻣﺘﻮﺍﺻﻠﻴﻦ ﻣﻊ ﻋﻤﻬﺎ ﻭﺻﺎﺣﺒﻪ ﻏﺎﺩﻱ
ﻭﺍﻧﻮﺭ ﻣﺶ ﻣﻘﺼﺮ
ﺧﺎﻟﺘﻲ ﺣﺪﺩﺕ ﻣﻮﻋﺪ ﻋﺮﺱ ﻣﺮﺍﺩ ﻭﺭﺟﺐ ﺑﻌﺪ ﺍﻟﻌﻴﺪ ﻉ ﻃﻮﻝ
ﻭﻫﻀﻚ ﺍﻟﻴﻮﻡ
ﺑﺎﺑﺎ : ﻣﻠﻴﺖ ﻣﻦ ﺷﻴﻞ ﺟﻴﺐ ﺷﻴﻞ ﺟﻴﺐ 😠
ﻋﺎﺋﺸﻪ 😩,,.,:
ﻣﺎﻣﺎ : ﺍﻟﺒﻨﺖ ﻋﺮﺳﻬﺎ ﻗﺮﺏ ﻭﺿﺮﻭﺭﻱ ﺗﻜﻤﻞ ﺣﺎﺟﺘﻬﺎ
ﻣﻼﻙ : ﻣﺶ ﺧﺎﻟﺘﻲ ﻭﺻﺖ ﻭﻗﺎﻟﺖ ﻣﺘﺠﻴﺒﺶ ﺷﻲ ﺍﻻ ﺩﺑﺸﻬﺎ؟ 😏
ﻣﺎﻣﺎ : ﻭﺩﺑﺶ ﻳﺒﻲ ﺷﺮﺍ ؟ﻭﺑﻌﺪﻳﻦ ﺍﻗﻞ ﺍﺟﻪ ﺗﺎﺧﺪ ﺍﻟﻤﻬﻢ ﺍﻟﻤﻬﻢ ﺗﺎﺧﺪ ﻣﻌﻤﺎﻫﺎ ﺣﺎﺟﺎﺕ ﺑﺴﻴﻄﻪ
ﺑﺪﻟﻪ ﻭﻛﻢ ﺑﻠﻮﺯﻩ ﻭﺣﺎﺟﺎﺕ ﻭﻣﻼﺑﺲ ﺣﻮﺵ ﻭﺗﺎﺧﺪ ﺧﻼﻁ ﻭﺷﻮﻳﺔ ﻣﺎﻋﻴﻦ
ﺑﺎﺑﺎ : ﻧﺎ ﻣﻠﻴﺖ ﺷﻴﻞ ﺟﻴﺐ ﻣﻌﺶ ﻋﻨﺪﻱ ﻻ ﺭﺍﺱ ﻭﻻ ﻓﻠﻮﺱ ﺑﻠﻌﺮﺑﻲ
ﺧﺸﺖ ﻋﺎﺋﺸﻪ ﻣﺘﻨﻜﺪﻩ ﻭﺗﺒﻜﻲ ﻓﻲ ﺩﺍﺭ
ﺍﻧﺎ : ؟؟؟
ﻋﺎﺋﺸﻪ : ( ﺗﺒﻜﻲ ) ﻧﺒﻲ ﻧﺸﺮﻱ ﺣﺎﺟﺎﺕ ﺳﻤﺎﺡ ﻛﻴﻒ ﺍﻟﻌﺮﺍﻳﺲ 😭
ﺍﻧﺎ : 😞.........
ﺭﻥ ﻋﻠﻴﻬﺎ ﻣﺮﺍﺩ
ﻣﻼﻙ : ﻣﺮﺍﺩ ﻳﺮﻥ
ﻋﺎﺋﺸﻪ : ﺍﻟﻮ
ﻣﺮﺍﺩ : ﻋﻮﻳﺸﻪ ﻧﺎ ﺍﺗﻔﻘﺖ ﻣﻊ ﺍﻣﻲ ﺍﻧﻬﺎ ﺗﺠﻴﺒﻠﻚ ﻓﻠﻮﺳﻚ ﺗﻮﺍ ﻓﻠﻮﺱ ﺍﻟﻔﺮﺡ
ﺍﻗﻞ ﺷﻲ ﺗﻘﺸﻲ ﺑﻴﻬﻦ ﺣﺎﺟﺘﻚ ﻋﺎﺭﻓﻚ ﺗﻮﺍ ﺗﻄﻠﻌﻲ ﺗﺸﺮﻱ ﻭﻫﻚ
ﻋﺎﺋﺸﻪ : ﺍﻫﺎﺍ ﺑﺎﻩ ﻋﺎﺩﻱ ﻣﻔﺶ ﻣﺸﻜﻠﻪ
ﺣﻜﻮ ﺷﻮﻳﻪ ﻭﺻﻜﺮﺕ ﻓﺮﺣﺎﻧﻪ
ﻣﻼ : ﻙ : ﺍﻥ ﺷﺎﺀﺍﻟﻠﻪ ﺧﻴﺮ ﻣﺎﻳﺠﻴﺒﻠﻚ ﺍﻟﻔﻴﻦ ﻛﻴﻒ ﺻﺤﺒﺘﻲ
ﺍﻧﺎ : ﺍﻧﺘﻲ ﺍﻗﺘﺼﺪﻱ ﻳﺎﻋﻮﻳﺸﻪ
ﻋﺎﺋﺸﻪ : ﻗﺎﻟﻲ ﺍﻣﻲ ﻗﺎﻟﺖ ﻋﻄﻮ ﻫﻨﺪ 5 ﻭﻋﻄﻮ ﻋﻮﻳﺸﻪ 5
ﻣﻼﻙ : ﻫﻴﻴﻴﻴﻴﻴﻴﻴﻴﻴﻴﻴﻪ؟؟ 😍_
ﻋﺎﺋﺸﻪ : ﻓﺮﺣﺖ
ﺍﻧﺎ : ﺳﺒﺤﺎﻥ ﺍﻟﻠﻪ ﺭﺑﻲ ﻛﺮﻳﻢ
ﻋﺎﺋﺸﻪ : ﻭﻗﺎﻟﻲ ﺍﺧﺮﺍ ﻧﻌﻄﻴﻚ ﺍﻟﻔﻴﻦ ﻣﻨﻲ ﻧﺎ ﻭﻗﺎﻟﻲ ﺗﻨﻘﺼﻚ ﺣﺎﺟﻪ ﻗﻮﻟﻴﻠﻲ ﺑﺲ ﻧﺎﻡ ﻧﺒﺶ ﻧﻘﻮﻟﻪ
ﻃﺒﻌﺎ ﺑﺲ ﻫﻮﺍ ﻗﺎﻟﻲ ﺧﻮﺩﻳﻬﻦ ﻟﻔﻠﻮﺱ ﺍﻟﻠﻲ ﻣﻨﻲ
ﺍﻧﺎ : ﺗﻤﺎ ﻓﻠﻮﺱ ﺍﻟﺪﻓﻊ ﻣﻊ ﻓﻠﻮﺱ ﺍﻟﻌﺮﺱ ﻣﻊ ﻓﻠﻮﺳﻪ ﻫﻮﺍ ﻣﻊ ﺍﻟﻒ ﻣﻦ ﺑﺎﺑﺎ ﻗﺮﻳﺐ 10 ﺍﻻﻑ
ﻋﺎﺋﺸﻪ : ﺧﺎﻳﻔﻪ ﺑﺎﺑﺎ ﻳﺎﺧﺪﻫﻦ ﻣﻨﻲ؟
ﺍﻧﺎ : ﺍﻫﻢ ﺷﻲ ﻋﻄﻲ ﻣﺎﻣﺎ 3 ﺍﻻﻑ ﺣﻖ ﺍﻟﻘﺎﻋﻪ ﺑﻴﺪﻳﺮﻭﻩ ﻣﺸﺘﺮﻙ ﻭﺍﺻﺮﻓﻲ ﻓﻲ 7
ﻋﺎﺋﺸﻪ : ﺿﺮﻭﺭﻱ ﻣﺎﺗﻄﻠﻌﻲ ﻣﻌﺎﻳﻪ ﻣﺰﺍﻟﻲ ﺿﺮﻭﺭﻱ ﻧﺎﺧﺪ ﺻﺎﻟﻮﻥ ﻭﻓﻴﻠﻮ ﺣﻖ ﻛﻮﺍﻓﻴﺮ 😱😩
ﺍﻧﺎ : ﺗﻮ ﻧﻈﻤﻮﻫﻦ ﺗﻮ ﻳﺴﺪﻥ
ﻣﻨﻴﺎ : ﺧﻮﺩﻱ ﻣﻜﻴﺎﺟﻲ ﻗﺎﻋﺪ ﻓﻲ ﺳﻠﻪ ﻣﺘﺎﻋﻪ ﻣﻘﺮﺑﺘﺶ ﺑﻜﻞ ﻭﻛﺎﻣﻞ
ﻋﺎﺋﺸﻪ ﻧﺠﻚ ﻟﻴﺎ ﺍﻧﺘﻲ 😍
ﻣﻼﻙ : ﻭﺧﻮﺩﻱ ﺩﺑﺸﻬﺎ
ﻣﻨﻴﺎ : ﺍﻫﺎ ﺧﻮﺩﻱ ﻻﻥ ﻧﺎ ﻋﺮﺳﻲ ﻣﺰﺍﻝ ﻭﻣﺴﺘﺤﻴﻞ ﻧﺸﻴﻞ ﺣﺎﺟﻪ ﻫﻤﺎ ﺟﺎﻳﺒﻴﻨﻬﺎ ﻟﻴﺎ
ﻭﺍﻥ ﺷﺎﺀﺍﻟﻠﻪ ﺑﻌﺪ ﻳﻄﻠﻊ ﻓﺮﺣﻲ ﻧﻘﻌﺪﻭ ﺭﺍﺩﻳﻦ ﻟﺤﻮﺷﺸﻨﺎ
ﺍﻧﺎ : ﺗﻤﺎﻡ ﻣﻜﻴﺎﺝ ﺣﻠﻴﻨﺎﻩ ﻭﻋﻄﺮ
ﻣﻨﻴﺎ : ﻋﻨﺪﻱ ﻋﻄﺮﻳﻦ
ﺍﻧﺎ : ﺧﻼﺹ ﻧﺰﻳﺪﻭ ﺍﺭﻭﺍﺏ؟ﻭﺗﺒﻴﻠﻚ ﺩﺑﺶ ﻃﻠﻌﻪ
ﻋﺎﺋﺸﻪ : ﺿﺮﻭﺭﻱ ﺗﻄﻠﻌﻲ ﻣﻌﺎﻳﻪ؟
ﺍﻧﺎ : ﺑﺎﺑﺎ؟؟
#
#
#
ﻣﺎﻣﺎ : ﺑﻪ ﻭﻛﺎﻥ ﻣﺎﺍﻧﺖ ﺍﻫﺘﻜﻴﺖ ﺑﻲ ﺑﻨﺎﺗﻚ ﻣﻦ ﺑﻴﻬﺘﻢ؟
ﺑﺎﺑﺎ : ﺧﻠﻲ ﺟﻴﻬﺎﻥ ﺗﺴﻮﻕ 😒
ﻣﺎﻣﺎ : ﺍﻣﻤﻤﻢ ﺑﺲ ﺍﻟﺤﻮﺵ ﺑﻌﻴﺪ؟؟
ﺑﺎﺑﺎ : ﻳﻘﻌﺪﻥ ﻋﻨﺪ ﻋﻤﻬﻦ ﻓﺘﺮﻩ ﻟﻌﻨﺪ ﻣﺎﻳﻜﻤﻠﻦ ﺩﺑﺸﻬﻦ؟
ﻣﺎﻣﺎ : ﺗﻮ ﻧﺴﺎﻟﻬﻦ ﻭﻧﺸﻮﻑ
ﺧﺸﺖ ﻋﻠﻴﻨﺎ ﻣﺎﻣﺎ ﻭﺣﻜﺘﻠﻨﺎ
ﺍﻧﺎ : ﻳﻴﻴﻴﻴﻪ ﻭﺍﺧﻴﺮﺍ ﻗﺼﺪﻙ ﺑﺎﺑﺎ ﺳﺎﻣﺤﻨﻲ؟ 😍😌
ﻣﺎﻣﺎ : ﺷﻜﻠﻪ ﻫﻚ 😁
ﺍﻧﺎ : ﺑﺲ ﻋﻨﺪ ﻋﻴﺖ ﻋﻤﻲ؟ 😩
ﻣﺎﻣﺎ : ﺍﻧﺘﻦ ﻣﺎﺗﻜﺜﺮﻧﺶ ﺭﺍﺑﺶ ﺭﺍ ﺑﺎﺗﻚ ﺗﻮﺍ ﻗﺎﻟﻬﺎ ﻟﻴﺎ ﻗﺎﻟﻲ ﻣﻌﻨﺪﺵ ﻓﻠﻮﺱ ﺩﻭﺑﻚ ﺣﻖ ﺍﻻﺟﺎﺭ ﻭﻭﻛﺎﻟﻨﺎ ﻭﺷﺮﺍﺑﻨﺎ
ﺍﻧﺎ : ﺑﺎﻫﻲ ﺍﻫﻢ ﺷﻲ ﺳﻴﺎﺭﺗﻲ 🚗😌👌
ﻋﺎﺋﺸﻪ : ﺍﻫﺎ ﻭﺍﺻﻼ ﻋﻴﺖ ﻋﻤﻲ ﻧﻤﻮﺕ ﻓﻴﻬﻢ ﻫﻬﻬﻬﻬﻬﻬﻪ
ﻣﻼﻙ : ﺷﺪ ﺣﻴﻠﻜﻦ ﻛﻴﻒ ﺑﺘﺤﻤﻠﻦ ﺛﻘﺎﻟﺔ ﺩﻡ ﺣﻠﻴﻤﻪ ﻭﺑﻨﺎﺗﻬﺎ 😷
ﻋﺎﺋﺸﻪ : ﻣﺶ ﻣﻬﻢ ﺍﻫﻢ ﺷﻲ ﻧﻄﻠﻊ ﻭﻧﺸﺮﻱ ﺣﺎﺟﺘﻲ
ﺍﻧﺎ : ﺗﻮ ﻧﻜﻠﻢ ﻧﻮﺍﺭﻩ ﺗﻮﺍ
ﻣﻼﻙ : ﺑﻪ ﺳﻴﺎﺭﻩ ﻋﻨﺪ ﺟﻴﻬﺎﻥ ﻭﻧﺤﻨﺎ؟
ﻣﻨﻴﺎ : ﻗﺼﺪﻙ ﺑﻨﻌﺪﻭ ﻭﻧﺠﻮ ﻓﻲ ﺑﻄﺎﺡ؟؟
ﻣﺎﻣﺎ : ﻫﻬﻬﻬﻬﻪ ﻓﻲ ﺍﻟﻌﻼﻟﻲ ﻧﻘﻌﺪﻭ ﻫﻬﻬﻬﻬﻬﻬﻬﻬﻪ 😂😂😂😂
ﺍﺑﺘﻬﺎﻝ : ﻭﺍﻟﻠﻪ ﺟﻮ ﻫﻬﻬﻬﻬﻬﻬﻪ 😂😁
ﻛﺎﻥ ﻳﻮﻡ ﺣﻠﻮ ﺑﺪﻳﺘﻬﺎ ﺑﻔﺮﺣﺘﻲ ﺑﻌﻤﺮ ﻭﺧﺘﺘﻬﺎ ﺑﺎﻥ ﺑﺎﺑﺎ ﺑﺪﺍ ﻳﺮﺿﻲ ﻋﻠﻴﺎ 😌
ﻛﻠﻤﺖ ﻧﻮﺍﺭﻩ
ﻭﺗﻴﺖ ﺩﺑﺸﻨﺎ ﻧﺎ ﻭﻋﺎﺋﺸﻪ، 👠🎒👜👚👗👖👓⌚💄
ﻭﺛﺎﻧﻲ ﻳﻮﻡ ﺕ ﺧﺎﻟﺘﻲ ﻭﻋﻄﺘﻨﺎ ﻟﻔﻠﻮﺱ 💰 ﺣﻖ ﺍﻟﻔﺮﺡ ﻭﻫﻜﻲ
ﻭﻗﺼﺎﺩ ﺍﻟﻤﻐﺮﺏ ﺭﻭﺣﺖ
ﻭﺷﺎﻟﻨﺎ ﺑﺎﺑﺎ ﻟﻌﻴﺖ ﻋﻤﻲ
ﻧﺰﻟﻨﺎ ﻭﺍﺫﻛﺮﺕ ﺍﻻﻳﺎﻡ ﺍﻟﻠﻲ ﺍﻭﻝ ﻣﺎﻃﻠﻌﻨﺎ ﻣﻦ ﻟﻴﺜﻲ ﻭﻗﻌﺪﻧﺎ ﻋﻨﺪﻫﻢ 😣😣
ﺗﻨﺬﻛﺮ ﻭﻣﺘﻨﻌﺎﺩ 👌
ﻏﻴﺮﻧﺎ ﺟﻮﻧﺎ ﻋﻨﺪﻫﻢ ﻭﻋﻄﺎﻧﻲ ﺑﺎﺑﺎ ﻓﻠﻮﺱ ﻣﺪﻳﺘﻪ ﻟﻬﺎ ﻉ ﺍﺳﺎﺱ ﻣﺼﺮﻭﻓﻨﺎ
ﻛﻠﻤﻨﻲ ﺑﺎﺑﺎ ﻃﻠﻌﺘﻠﻪ ﻧﺠﺮﻱ
ﺍﻧﺎ : ﻧﻌﻢ؟؟
ﺑﺎﺑﺎ : ﺍﻟﻠﻪ ﺍﻟﻠﻪ ﻓﻲ ﻃﺮﻳﻖ ﺑﺸﻮﻳﻪ ﺑﺸﻮﻳﻪ ﺳﻮﻗﻲ ﻭﻗﺒﻞ ﺍﻟﻤﻐﺮﺏ ﺗﻘﻌﺪﻱ ﻓﻲ ﺣﻮﺵ ﻋﻤﻚ 😠 ﻭﺷﻴﻠﻲ ﺍﺧﺘﻚ ﻟﻤﺤﺎﺿﺮﺍﺗﻬﺎ 😠
ﺍﻧﺎ : ﺣﺎﺿﺮ ﻳﺎﺑﺎﺑﺎ ☺
ﺑﺎﺑﺎ : ﺭﺩ ﺑﺎﻟﻚ ﻉ ﺭﻭﺣﻚ ﻭﻉ ﺍﺧﺘﻚ ﻭﺗﺒﻦ ﺣﺎﺟﻪ ﻗﻮﺍﻥ ﻟﻌﻤﻜﻦ ﻣﺎﺗﺤﺸﻤﻨﺶ ﻣﻨﻪ ﻫﻀﺎ ﻛﻴﻒ ﺑﺎﺗﻜﻦ؟، ☺
ﺍﻧﺎ : ﺣﺎﺿﺮ ☺
ﺑﺎﺑﺎ : ﺧﻼﺹ ﻧﺎ ﺗﻮﺍ ﻣﺎﺷﻲ ﻋﻨﺪﻛﻦ ﺍﺳﺒﻮﻋﻴﻦ ﺑﺲ ؟؟؟
ﺍﻧﺎ : ﺗﻤﺎﻡ ﺗﻤﺎﻡ ﺗﻮ ﻧﻄﻠﻌﻮ ﻓﻲ ﺻﺒﺢ ﻭﻓﻲ ﺍﻟﻌﺸﻴﻪ ﻭﻧﻮﺍﺭﻩ ﺑﺘﻄﻠﻊ ﻣﻌﻨﺎﻩ
ﺑﺎﺑﺎ : ﺑﺎﻫﻲ ﺗﻤﺎﻡ ﺧﻼﺹ ﻫﻴﺎ ﺍﻭﻙ
ﺍﻧﺎ : ﺑﺎﻱ ﺑﺎﺑﺎ
ﺧﺸﻴﺖ ﻉ ﻃﻮﻝ ﻛﺴﺪﻧﺎ ﻧﺎ ﻭﻋﻮﻳﺸﻪ ﻭﻧﺪﻱ ﻭﻧﻮﺍﺭﻩ
ﻋﻮﻳﺸﻪ : ﻣﺮﺍﺩ ﻗﺎﻟﻲ ﺍﻟﻠﻲ ﺗﻨﻘﺼﻚ ﻗﻮﻟﻴﻠﻲ ﻣﺶ ﻣﻨﻘﺺ ﻋﻠﻴﺎ ﺷﻲ 😌
ﻧﺪﻱ : ؟؟ 😭
ﻧﻮﺍﺭﻩ " ﺭﺑﻲ ﻳﺨﻠﻴﻜﻢ ﻟﺒﻌﻀﻜﻢ 😊
ﻋﺎﺋﺸﻪ : ﺳﻠﻤﻚ 😌
ﺧﺸﺖ ﻟﻠﺤﻤﺎﻡ ﺧﺸﻴﺖ ﻭﺭﺍﻫﺎ
ﺍﻧﺎ : ﺑﻄﻠﻲ ﺗﻔﺸﻴﻚ ﻉ ﻧﺪﻱ ﻓﻜﻴﻨﺎ ﻣﻨﻬﺎ ﻭﻣﻦ ﺷﺮﻫﺎ؟ 😠
ﻋﺎﺋﺸﻪ : ﻫﻬﻬﻬﻬﻬﻬﻬﻪ 😂
ﺍﻧﺎ : ﻓﻜﻴﻨﻲ ﻣﻦ ﻣﺸﺎﻛﻞ ﺍﻟﻠﻪ ﻳﺮﺑﺤﻚ 😠
ﻋﺎﺋﺸﻪ : ﺗﻲ ﺑﺎﻫﻲ ﺍﻃﻠﻌﻲ ﻧﺒﻲ ﺣﻤﺎﻡ 😒
ﻋﺪﻥ ﺍﻻﻳﺎﻡ ﻭﺳﻤﻌﺖ ﺍﻥ ﻋﻤﺮ ﺭﻭﺡ ﻭﻗﻌﺪ ﻛﻮﻳﺲ
ﻓﻲ ﺍﻟﺼﺒﺢ ﺑﺮﻣﻨﺎ ﻭﺷﺮﻳﻨﺎ ﻛﻢ ﺣﺎﺟﻪ ﻟﻌﺎﺋﺸﻪ ﻭﻧﻮﺍﺭﻩ ﺑﻠﻤﺮﻩ ﻃﻠﻌﺖ ﻣﻌﺎﻧﻪ ﻭﺩﺑﺶ ﻭﻫﻚ
ﺑﺘﺎﺕ ﻭﺟﻮ
ﻛﻨﺖ ﺑﻌﺪ ﻧﻄﻠﻊ ﻧﻠﺒﺲ ﻓﻲ ﺟﺎﻛﻪ ﻃﻮﻳﻠﻪ ﺑﻴﺞ ﻋﺎﺩﻳﻪ ﻭﻭﺷﺎﺡ ﺍﺳﻮﺩ ﻭﻋﻮﻳﺸﻪ ﺑﺎﻟﻄﻮ ﻭﻧﻮﺍﺭﻩ ﻋﺒﺎﻳﻪ
ﺑﺲ ﻫﻀﻚ ﺍﻟﻴﻮﻡ؟؟؟ 😉
ﻫﺌﻪ ﻣﻔﺶ ﺣﺎﺟﻪ ﺍﺳﻤﻬﺎ ﺟﺎﻛﻪ ﻃﻮﻳﻠﻪ 😌
ﺍﺩﻭﺷﺖ ﻭﺗﻌﻄﺮﺕ 🌺🛀
ﻟﺒﺴﺖ ﺑﻠﻮﺯﻩ ﻭﺭﺩﻳﻪ ﻭﻟﺒﺴﺖ ﻓﻮﻗﻬﺎ ﺟﺎﻛﻪ ﻛﺤﻠﻴﻪ ﻭﻟﺒﺴﺖ ﺑﻨﻄﻠﻮﻥ ﺗﻮﺏ ﺍﻣﺮﻳﻜﻲ ﻭﻛﻨﺪﺭﺗﻲ ﺑﻔﻴﻮﻧﻜﺎ ﺍﻟﻮﺭﺩﻳﻪ 🎀
ﻭﺍﺳﺘﺸﻮﺭﺕ ﺷﻌﺮﻱ ﻭﻟﻤﻴﺘﻪ ﻓﻮﻕ ﻭﻟﺒﺴﺖ ﻭﺷﺎﺡ ﺍﻟﻮﺍﻧﻪ ﻫﺎﺩﻳﻪ ﻭﺣﻠﻮﻩ
ﻧﻮﺍﺭﻩ : ﺍﻭﻭﻭﻩ ﻭﻳﻦ ﻭﻳﻦ ﻳﺸﻮﻓﻚ ﻣﺤﻤﺪ ﻳﺬﺑﺤﻚ ﻫﻬﻬﻬﻬﻬﻬﻪ 😂
ﺍﻧﺎ : ﺍﻟﺤﻤﺪﻟﻠﻪ ﺍﻥ ﻣﺶ ﻗﺎﻋﺪ 😁
ﻋﻮﻳﺸﻪ : ﺷﻦ ﺧﻄﺮﻟﻚ ﺍﻟﻴﻮﻡ؟ 😉
ﺍﻧﺎ : ﻫﻜﻲ ﺗﻐﻴﺮﺕ ﺟﻮ ﻫﻴﺎ ﻭﺗﻴﺘﻦ 😉
ﺧﺪﻳﺖ ﺷﻨﻄﻲ ﺍﻟﺴﻮﺩﻩ ﻃﻠﻌﺖ
ﺭﻛﺒﻨﺎ ﻓﻲ ﺳﻴﺎﺭﻩ 🚗
ﺷﻠﺘﻬﻦ ﻟﺴﻮﻕ ﻧﺰﻟﺖ ﻟﻠﻤﺤﻞ
ﺧﻠﻴﺘﻬﻦ ﻳﺒﺮﻥ ﻭﺧﺸﺖ ﺟﺮﻱ ﻉ ﻏﺮﻓﺔ ﺍﻟﻘﻴﺎﺱ
ﻭﺻﻜﺮﺗﻬﺎ ﺩﺭﺕ ﺭﻭﺣﻲ ﺑﻨﻘﻴﺲ ﻓﻜﻴﺖ ﺍﻟﻮﺷﺎﺡ
ﻭﻃﻠﻌﺖ ﻣﻜﻴﺎﺟﻲ 👛💄 ﻣﻦ ﺷﻨﻄﻲ ﻭﺩﺭﺗﻪ ﺑﺲ ﺳﻨﺒﻞ ﺑﻜﻞ ﺩﺭﺕ ﺑﻮﺩﺭﻩ ﻭﺍﺣﻤﺮ ﺧﺪﻭﺩ ﻭﺭﺩﻱ
ﻭﺑﻠﻮﺱ ﻭﺭﺩﻱ ﻭﺩﺭﺕ ﻃﺸﺔ ﻗﻠﻢ ﺍﺳﻮﺩ ﻓﻲ ﻧﻬﺎﻳﺔ ﺍﻟﻌﻴﻦ ﻭﻣﺴﻜﺮﻩ 💋👀💟
ﻭﻃﻠﻌﺖ
ﻋﺎﺋﺸﻪ : ﻫﺎ ﺟﺖ ﻋﻠﻴﻚ ﺍﻟﺠﺎﻛﻪ؟
ﺍﻧﺎ ﻻﻻ ﻣﺶ ﺣﻠﻮﻩ ﻓﻲ ﻟﺒﺲ 😁
ﺭﺩﻳﺘﻬﺎ ﻧﻮﺭﺍﻩ ﻭﻋﺎﺋﺸﻪ ﻓﻄﻨﻦ ﻟﻤﻴﻜﺎﺏ ﺍﻟﺨﻔﻴﻒ 😳😳😳
ﻛﻤﻠﻦ ﺣﺎﺟﺘﻬﻦ
ﻭﺭﻭﺣﺖ ﺑﻴﻬﻦ
ﻧﺎ : ﺍﻧﺰﻟﻦ؟ 😁
ﻋﻮﻳﺸﻪ : ﺗﺒﺶ ﺗﻨﺰﻟﻲ؟ 😝😳😳
ﻧﻮﺍﺭﻩ : ؟؟
ﺍﻧﺎ : ﻻﻻ ﻋﻨﺪﻱ ﻣﺸﻮﺍﺭ ﺳﺮﻳﻊ؟
ﻋﺎﺋﺸﻪ : ﻣﺸﻮﺍﺭ؟؟
ﻧﻮﺍﺭﻩ : ﻣﺸﻮﺍﺭ ﺷﻨﻮ؟؟
ﻃﺒﻌﺎ ﻧﻮﺍﺭﻩ ﻣﺘﻨﺪﺭﻳﺶ ﻋﻠﻲ ﺷﻲ ﻭﻣﺤﻜﻴﺘﻠﻬﺶ ﺑﺲ ﻋﺎﺋﺸﻪ ﻓﻬﻤﺖ 😌
ﻋﺎﺋﺸﻪ : ﺍﻫﺎ ﻓﻬﻤﺖ 😁
ﻧﻮﺍﺭﻩ : ﻭﻳﻦ؟ 😒
ﺍﻧﺎ : ﺑﻨﺸﻮﻑ ﺻﺤﺒﺘﻲ ﺗﺴﻜﻦ ﻗﺮﻳﺐ ﻣﻨﻜﻢ ﻧﺒﻲ ﻧﻌﺰﻳﻬﺎ
ﻧﻮﺍﺭﻩ : ﻛﺎﻥ ﺷﻠﺘﻴﻨﺎ ﻣﻌﺎﻙ ﻋﺎﺩﻱ 😄
ﻋﺎﺋﺸﻪ : ﺗﻲ ﻋﺮﺏ ﻣﺎﺗﻌﺮﻓﻴﻬﻤﺶ ﺗﻌﺎﻟﻲ ﺗﻌﺎﻟﻲ ﻧﺮﻛﺒﻮ ﺣﺎﺟﺘﻨﺎ ﻭﻧﻘﻴﺴﻮ ﺑﺮﻭﺍﻕ ﺍﻭﻙ ﺟﻮﺟﻮ ﻣﻄﻮﻟﺶ
ﺍﻧﺎ : ﺗﻢ ﺍﻧﺰﻟﻦ 😁
ﻃﺒﻌﺎ ﻉ ﻃﻮﻭﻭﻭﻭﻭﻝ ﻗﺪﺍﻡ ﺣﻮﺵ ﻋﻤﺮ 😌
ﻣﻜﻨﺘﺶ ﺣﺎﺑﻪ ﻧﻜﺴﺮ ﻛﻠﻤﺔ ﺑﺎﺑﺎ ﺑﺲ ﺿﺮﻭﺭﻱ ﺍﻧﺸﻮﻓﻪ 😣
ﺑﺤﺖ ﻓﻲ ﻭﺟﻲ ﻓﻲ ﺍﻟﻤﺮﺍﻳﻪ ﻭﻃﻠﻌﺖ ﻋﻄﺮ ﻃﺒﻌﺎ ﻃﺒﻌﺎ
ﻃﻔﻴﺖ ﺍﻟﺴﻴﺎﺭﻩ ﻭﺣﻄﻴﺖ ﻟﻤﻔﺎﺗﻴﺢ ﻓﻲ ﺷﻨﻄﻪ 😌
ﻭﻧﺰﻟﺖ
........... ﻳﺘﺒﻊ
# fatma
