ﻣﻨﻘــﻮﻟﺔ
# ﻧﺎﺯﺣﻪ _ ﻳﺎﻃﻴﺎﺡ _ ﺳﻊﺩﻱ
ﺍﻟﺤﻠﻘﻪ 22
ﺍﻣﻪ : ﺗﻮﻭ ﻧﺮﻥ ﻋﻠﻴﻪ ﺍﻛﻴﺪﻩ ﻃﺎﻟﻊ ﻳﺸﺮﻱ ﻓﻲ ﻫﺪﻳﻪ ﻟﺘﺴﻨﻴﻢ ﺍﻭ ﺩﺑﺶ ﻟﺮﻭﺣﻪ
ﻫﻨﺪ : ﻫﺎﻛﻲ
ﺍﻣﻪ : ﻣﻘﻔﻞ
ﻫﺒﻪ : ﻋﻠﻴﻚ ﻓﻀﻴﺤﻪ؟
ﻫﻨﺪ : ﺑﺎﻟﻚ ﻃﺎﻟﻊ ﻣﻊ ﺻﺤﺎﺑﻪ ﻭﻧﺎﺳﻲ ﻧﻘﺎﻟﻪ ﺑﻼ ﺷﺤﻦ
ﻫﺒﻪ : ﻣﺎﻣﺎ ﻧﻘﺎﻟﻚ؟ﻳﺮﻥ؟
ﻫﻨﺪ : ﺍﻛﻴﺪﻩ ﻫﻮﺍ ﺑﻴﻘﻮﻝ ﺷﻦ ﻧﺎﻗﺼﻜﻢ
ﺍﻣﻪ : ﻻ ﻫﻀﺎ ﺍﻧﻮﺭ ﺻﺎﺣﺒﻪ ﻳﺎﺳﺎﺗﺮ ﻳﺎﺭﺑﻲ ﺭﺑﻲ ﺗﻘﻲ ﻋﺎﻟﻴﻬﺎ ﻋﻴﻞ ﻳﺎﺭﺑﻲ
ﻫﺒﻪ : ﺭﺩﻱ
ﺍﻣﻪ : ﺍﻳﻮﺍﻩ
ﺍﻧﻮﺭ : ﺍﻭﻭﻭ ﺍﻫﻠﻴﻦ ﻛﻴﻒ ﺣﺎﻟﻚ؟
ﺍﻣﻪ : ﺍﻫﻠﻴﻦ ﻳﺎﺍﻧﻮﺭ ﺗﻲ ﻭﻳﻨﻪ ﺍﻟﻔﺮﺥ ﻭﻋﻴﻨﻪ ﻣﻦ ﺻﺒﺢ ﺭﺑﻲ ﻭﻣﺎﻟﻘﻴﻨﻪ
ﺍﻧﻮﺭ : ﺩﺍﺭﻭﻟﻬﻢ ﺍﺳﺘﺪﻋﺎﺀ ﻉ ﻓﺠﺮ ﻭﻃﻠﻊ ﻭﻭﺻﺎﻧﻲ ﺍﻥ ﻧﻜﻠﻤﻚ ﻋﺸﺎﻥ ﻣﺘﻨﺸﻐﻠﻮﺵ ﻋﻠﻴﻪ
ﺍﻣﻪ : ﻳﺎﻧﺎﻋﻠﻴﺎﺍﺍ ﻉ ﻓﺮﺥ ﺑﻴﻬﺒﻠﻨﻲ ﻳﺼﺮﻑ ﻣﻦ ﺭﺍﺳﻪ ﺍﻟﻴﻮﻡ ﻣﺎﺷﻴﻦ ﻻﻧﺴﺒﺎﺗﻪ
ﺍﻧﻮﺭ : ﻭﺍﻟﻠﻪ ﻳﺎﺧﺎﻟﺘﻲ ﻫﻀﺎ ﺍﻟﻠﻲ ﺻﺎﺭ
ﺍﻣﻪ : ﺷﻦ ﺑﻨﻘﻮﻟﻮ ﻟﻠﻨﺎﺱ؟ ﺑﻴﺠﻠﻄﻨﻲ
ﺍﻧﻮﺭ : ﺗﻲ ﻻﺍ ﺍﻧﺘﻲ ﻋﺎﺭﻓﻪ ﻭﺿﻊ ﻟﺒﻼﺩ
ﺍﻣﻪ : ﺍﻣﺲ ﺗﻔﻘﻨﺎ ﻉ ﻛﻞ ﺣﺎﺟﻪ ﻭﺍﻟﻴﻮﻡ ﺑﻴﺤﻠﻖ ﻭﺣﺪﺩﻟﻪ ﺧﻮﺍﺗﻪ ﻟﺒﺴﺘﻪ؟
ﺍﻧﻮﺭ : ﻣﺘﺰﻋﻠﺶ ﺭﻭﺣﻚ ﻭﻟﺪﻙ ﻋﺎﺭﻓﺘﻴﻪ ﺗﻮ ﻳﺮﻭﺡ ﻭﻳﻌﺪﻳﻠﻬﺎ
ﺍﻣﻪ : ﺑﺎﻫﻲ ﺷﻜﺮﺍ ﺑﺎﺭﻙ ﺍﻟﻠﻪ ﻓﻴﻚ
ﺍﻧﻮﺭ : ﺭﻗﻤﻲ ﻋﻨﺪﻙ ﺗﺒﻲ ﺷﻲ ﺍﻋﺘﺒﺮﻳﻨﻲ ﻛﻴﻒ ﻋﻤﺮ؟
ﺍﻣﻪ : ﻋﺎﺭﻓﺘﻚ ﻣﺎﻋﻤﺮﻙ ﻗﺼﺮﺕ ﺳﻠﻤﻠﻲ ﻋﻠﻴﻬﺎ ﺍﻣﻚ؟
ﺍﻧﻮﺭ : ﻳﻮﺻﻞ ﻳﻮﺻﻞ ﺑﺴﻼﻣﻪ
ﺍﻣﻪ : ﺑﺴﻼﻣﻪ
ﺻﻜﺮﺕ
ﺍﻣﻪ : ﺗﻮ ﻧﻌﺪﻱ ﻧﺤﺮﺵ ﻓﻲ ﺑﺎﺗﻪ ﻫﻮﺍ ﻣﻴﺨﺎﻓﺶ ﻣﻦ ﺣﺪ ﺍﻻ ﺑﺎﺗﻪ
ﻫﺒﻪ : ﻻﻻ ﻳﺎﻣﺎﻣﺎ ﺗﻮ ﻳﻬﺰﺑﻪ ﻭﺑﻌﺪﻫﺎ ﻋﻤﺮ ﻳﻨﻔﺼﻞ ﻋﻠﻴﻨﺎ ﻧﺤﻨﺎ
ﻫﻨﺪ : ﺻﺢ ﻣﺘﺨﺸﻴﺶ ﺑﺎﺑﺎ ﻓﻲ ﺍﻟﻤﻮﺿﻮﻉ ﺍﻋﺘﺬﺭﻭ ﻣﻨﻬﻢ
ﻫﺒﻪ : ﻻﻻ ﺍﻛﻴﺪﻩ ﺗﺎﻋﺒﻴﻦ ﺍﻟﻌﺮﺏ ﻋﻴﺐ ﺗﻲ ﺍﻣﺲ ﻛﻠﻪ ﺗﺴﻨﻴﻢ ﻗﺎﻟﺘﻠﻲ
ﻣﻮﺻﻴﻦ ﻉ ﻣﻮﺍﻟﺢ ﻭﻋﺼﻴﺮ ﻃﺒﻴﻌﻲ ﻭﻣﻜﻠﻔﻴﻦ ﺭﻭﺍﺣﻬﻢ ﻋﺸﺎﻧﻪ
ﻫﻨﺪ : ﺳﺒﺐ ﺍﻟﻤﺸﻴﻪ ﻋﻴﺪ ﻣﻴﻼﺩ ﻋﻤﺮ ﻭﻫﻮﺍ ﻣﺶ ﻣﺎﺷﻲ؟
ﺍﻣﻪ : ﻛﻼ ﻣﻨﻚ ﻳﺎﻭﺟﻪ ﺍﻟﺸﻜﻞ ﻣﻦ ﺍﻭﻝ ﻧﻘﻴﺘﻲ ﻓﻴﻬﺎ
ﻫﻬﻨﺪ : ﺷﻦ ﺩﺧﻠﻨﻲ ﻧﺎ؟؟ ﻭﻟﺪﻙ ﻫﺮﺏ ؟ ﻃﺒﻌﺎ ﻋﻤﺮ ﻣﺘﻘﺪﺭﻳﺶ ﻋﻠﻴﻪ ﻻﻛﻦ
ﺍﻧﺎ ﻉ ﻃﻮﻝ
ﺍﻣﻪ : ﺍﺳﻜﺘﻲ ﻳﺎﺍﻡ ﻟﺴﺎﻥ
ﻫﻨﺪ : ﻧﺮﻛﺐ ﻧﻬﺪﺭﺯ ﻣﻊ ﺍﻟﺒﻨﺎﺕ ﺍﺣﺴﻨﻠﻲ
ﻫﺒﻪ : ﻳﺎﻣﺎﻣﺎ ﺷﻦ ﺩﻳﺮﻭ ﻋﻠﻴﻚ ﻓﻀﻴﺤﻪ ﻗﺪﺍﻡ ﺍﻟﺒﻨﺖ ﺍﻟﻤﺸﻜﻠﻪ ﻛﻠﻪ ﻓﻲ ﻭﺟﻲ
ﻧﺎ ﺍﻓﻔﻒ ﻋﻠﻴﻚ ﺍﺣﺮﺍﺝ ﻣﺶ ﻋﺎﺭﻑ ﻣﺎﻟﻘﻴﺘﻮ ﺍﻻ ﺻﺤﺒﺘﻲ ﺗﺴﻨﻴﻢ
ﺗﺨﻄﺒﻴﻬﺎ ﻟﻮﻟﺪﻙ؟؟ ﺑﺘﺨﺮﺑﻮ ﺑﻴﻨﻲ ﻭﺑﻴﻦ ﺍﻟﺒﻨﺖ ﻟﻴﺶ؟؟؟؟؟
ﺍﻣﻪ : ﺷﻦ ﺍﻧﺪﻳﺮﻭﻭ ﺗﻮﺍ؟
ﻫﺒﻪ : ﺭﻧﻲ ﻋﻠﻴﻪ ﺍﺧﺮﺍ ﺑﺎﻟﻚ ﺗﺤﺼﻠﻴﻪ
ﺍﻣﻪ : ﺗﻮ ﻧﻌﺎﻭﺩﻟﻪ؟؟؟ ﻣﻘﻔﻞ؟
ﻫﺒﻪ : ﻗﻮﻟﻲ ﻻﻧﻮﺭ ﻳﻜﻠﻤﻪ ﺑﺎﻟﻚ ﻳﻮﺻﻠﻪ؟
ﺍﻣﻪ : ﺷﻦ ﺑﻴﻘﻮﻟﻪ ﺍﻟﺮﺍﺟﻞ ﺑﻌﺪ ﻭﻟﺪﻧﺎ ﻣﺎﻫﻮ ﻣﻌﺪﻝ ﻋﻠﻴﻨﺎ ﻻﻓﻜﺮ ﻓﻴﺎ
ﻭﻻ ﻓﻜﺮ ﺷﻦ ﺑﻨﻘﻮﻝ ﻟﻠﻨﺎﺱ ﻭﻧﺎﺱ ﻋﺎﺑﻴﻦ ﺑﻴﻪ
ﻫﺒﻪ : ﺑﺲ ﺍﻟﺒﻨﺖ ﺗﺎﻋﺒﻪ ﻭﻣﻜﻠﻔﻴﻦ ﺍﺭﻭﺍﺣﻬﻢ ﻋﻴﺐ ﻣﻔﺮﻭﺽ ﻧﻌﺪﻭ ﺣﺘﻲ ﻧﺺ
ﺳﺎﻋﻪ ﺍﻧﺠﺎﻣﻠﻮ ﻭﻧﺮﻭﺣﻮ
ﺍﻣﻪ : ﺷﻦ ﺑﻨﻘﻮﻝ ﻻﻣﻬﺎ ؟
ﻫﺒﻪ : ﻣﺎﻧﻲ ﻋﺎﺭﻓﻪ ﻋﻠﻴﻚ ﻧﻘﻪ ﺩﺍﺭﻫﺎ ﻭﻟﺪﻙ
ﺍﻣﻪ : ﺷﻦ ﻧﺪﻳﺮﻭ ﺗﻮﺍ؟
ﻫﺒﻪ : ﺍﺣﺴﻦ ﺣﻞ ﻧﻄﻠﻌﻮ ﻥ ﺍﻭﻳﺎﻙ ﻭﻧﺎﺧﺪﻭ ﻟﻠﺒﻨﺖ ﻫﺪﻳﻪ ﺳﻤﺤﻪ
ﻭﻧﻐﻠﻔﻮﻫﺎ ﻟﻬﺎ ﻋﻨﺪ ﻣﺤﻞ ﻭﻧﺒﺪﻟﻮ ﻭﻧﻌﺪﻭ ﻥ ﺍﻭﻳﺎﻙ ﻭﻫﻨﺪ
ﻭﻧﻘﻮﻟﻮﻟﻬﻢ ﺍﻟﻠﻲ ﺻﺎﺭ ﺍﺗﺼﻠﻮ ﺑﻴﻪ ﻭﻋﺪﺍ
ﺍﻣﻪ : ﺑﺎﻫﻲ ﻫﻴﺎ ﺧﻮﺩﻱ ﻋﺒﺎﻳﺘﻚ ﺗﻮ ﻧﻄﻠﻌﻮ ﺗﻮﺍ ﻻﻛﻦ ﺷﻦ ﻧﺎﺧﺪﻭﻟﻬﺎ؟
ﻫﺒﻪ : ﺗﻮ ﻧﺎﺧﺪﻭﻟﻬﺎ ﺳﺎﻋﻪ؟
ﺍﻣﻪ : ﻏﻴﺮ ﻫﻴﺎ ﻭﺗﻲ ﺭﻭﺣﻚ ﺑﺴﺮﻋﻪ
#
#
#
ﺩﻗﻴﺖ ﻋﻠﻴﻨﺎ ﻫﻨﺪ ﻓﺘﺤﺘﻠﻬﺎ ﺭﻳﻤﺎﺱ
ﻫﻨﺪ : ﻋﺎﺭﻓﻪ ﺻﺒﺢ ﻭﻣﺶ ﻭﻗﺖ ﺟﻲ
ﻣﺎﻣﺎ : ﺧﺸﻲ ﺍﻧﺘﻲ ﻛﻴﻒ ﺑﻨﺎﺗﻲ
ﻫﻨﺪ : ﺻﺒﺎﺡ ﺍﻟﺨﻴﺮ ﺍﻟﺒﻨﺎﺕ ﺭﺍﻗﺪﺍﺕ؟
ﻣﺎﻣﺎ : ﺻﺒﺎﺡ ﺍﻟﺨﻴﺮ ﻧﺺ ﻫﻚ ﻭﻧﺺ ﻫﻚ
ﺍﻧﺎ ﻛﻨﺖ ﻭﺍﻋﻴﻪ ﻣﻘﺪﺭﺗﺶ ﻧﺮﻗﺪ ﻭﻧﻮﺽ ﻧﺮﻗﺪ ﻭﻧﻮﺽ ﺳﻤﻌﺖ ﺻﻮﺕ
ﻫﻨﺪ ﻧﻀﺖ
ﺍﻧﺎ : ﺻﺒﺎﺡ ﺍﻟﺨﻴﺮ
ﻫﻨﺪ : ﺿﺒﺎﺡ ﺍﻟﻮﺭﺩ ﻫﻬﻬﻬﻪ ﻫﺬﻱ ﺍﻟﻨﻮﺿﻪ ﻳﺎﻣﺸﺘﺸﺘﻪ
ﺍﻧﺎ : ﻫﺬﻱ ﺍﻟﻨﻮﺿﻪ ﺍﻧﺨﺶ ﺍﻟﺤﻤﺎﻡ ﻭﻧﺠﻴﻚ
ﻣﺎﻣﺎ : ﺷﻦ ﺗﺤﺒﻲ ﺗﻔﻄﺮﻱ؟
ﻫﻨﺪ : ﻋﺎﺩﻱ ﺍﻟﻠﻲ ﺗﺤﻄﻮﻩ ﻧﻔﻄﺮ ﻣﻌﺎﻛﻢ
ﺭﻳﻤﺎﺱ : ﻫﻴﺎﻡ ﻣﺮﻭﺣﺘﺶ ﻣﻦ ﻋﻴﺖ ﺧﺎﻟﺘﻚ؟
ﻫﻨﺪ : ﻻﻻ ﻣﺰﺍﻟﺖ ﻗﺎﻋﺪﻩ
ﺣﻄﺖ ﻣﺎﻣﺎ ﺍﻟﻤﻔﺮﺵ ﻭﻓﻄﻮﺭ ﻭﺍﻟﺨﺒﺰﻩ
ﺍﻧﺎ : ﺍﻧﺪﻳﺮﻟﻚ ﺳﻨﺪﻭﺗﺶ؟
ﻫﻨﺪ : ﻻ ﺗﻮ ﻧﺪﻳﺮ ﺑﺮﻭﺣﻲ ﻣﺶ ﺑﺮﺍﻧﻴﻪ
ﺍﻧﺎ : ﺑﺎﻫﻲ ﺍﺣﺴﻦ ﺭﻳﺤﺘﻴﻨﻲ
ﺍﺑﺘﻬﺎﻝ : ﺻﺒﺎﺍﺍﺣﻮﻭ ﻣﻦ ﻋﻨﺪﻧﺎ ﻉ ﺻﺒﺢ
ﻫﻨﺪ : ﺻﺒﺎﺡ ﺍﻟﺨﻴﺮ ﺷﺨﺒﺎﺭﻙ؟
ﺍﺑﺘﻬﺎﻝ : ﺗﻤﺎﻡ ﻭﺍﻟﻠﻪ ﺷﻨﻮ ﺍﻟﻤﻔﺎﺟﺎﻩ ﺍﻟﺤﻠﻮﻩ ﻉ ﺻﺒﺢ
ﻫﻨﺪ : ﺗﺒﻮ ﺍﻟﺤﻖ؟ ﻣﺸﺎﻛﻞ
ﺍﻧﺎ : ﺷﻦ ﺻﺎﻳﺮ ﺍﻥ ﺷﺎﺀﺍﻟﻠﻪ ﺧﻴﺮ؟
ﻋﺎﺋﺸﻪ : ﺻﺒﺎﺍﺡ ﺍﻟﺨﻴﺮ
ﻣﻨﻴﺎ : ﺻﺒﺎﺡ ﺍﻟﺨﻴﺮ
ﻫﻨﺪ : ﺻﺒﺎﺡ ﺍﻟﻮﺭﺩ ﻣﺤﻼﻫﺎ ﻟﻤﺘﻜﻦ
ﻣﻨﻴﺎ : ﺍﻧﺴﺘﻴﻨﺎ ﻳﺎﺣﻨﻪ
ﻣﺎﻣﺎ : ﺧﺎﻃﺮ ﻋﻠﻴﺎ ﺑﺘﺠﻲ ﺗﻔﻄﺮﻱ ﻣﻌﺎﻥ ﻫﺮﺍ ﺩﺯﻳﺖ ﻉ ﻗﺸﻄﻪ
ﻫﻨﺪ : ﻻﻻﻻ ﻣﻨﻌﺪﻟﺶ ﻋﻠﻴﻬﺎ ﺍﻧﺤﺐ ﻳﺎﺟﺒﻨﻪ ﻳﺎﻣﺮﺑﻲ ﻉ ﺻﺒﺢ ﻛﻴﻔﻜﻢ
ﻣﺎﻣﺎ : ﻛﻮﻟﻲ ﺻﺤﻪ
ﻫﻨﺪ : ﺳﻠﻤﻚ .. ﻣﻼﻙ ﻧﻮﻡ؟
ﺍﺑﺘﻬﺎﻝ : ﻣﻼﻙ ﺑﺠﻮﻫﺎ ﺭﺍ ﻛﻞ ﺣﺎﺟﻪ ﺑﺠﻮﻫﺎ ﺗﻮﻋﻲ ﺑﻜﻴﻔﻬﺎ ﻭﺗﺮﻗﺪ ﺑﻜﻴﻔﻬﺎ
ﻣﻼﻙ : ﺗﻘﺮﻣﻮ ﻓﻴﺎﺍ
ﻫﻨﺪ : ﺻﺒﺎﺡ ﺍﻟﺨﻴﺮ
ﻣﻼﻙ : ﻳﻴﻴﻴﻪ ﻋﻴﺖ ﺑﺮﺍﺩﻩ ﻋﻨﺪﻧﺎ ﻫﻬﻬﻬﻬﻬﻬﻪ
ﻣﺎﻣﺎ : ﻋﻴﺐ ﻳﺎﺳﺨﻴﻔﻪ
ﻣﻼﻙ : ﺑﺒﻴﻨﻲ ﻭﺑﻴﻦ ﺍﻟﺒﻨﺖ ﺍﻃﻠﻌﻲ ﻣﻨﻬﺎ ﺑﺲ
ﻫﻨﺪ : ﻫﻬﻬﻬﻬﻬﻪ ﻋﺎﺭﻓﺘﻬﺎ ﻟﺴﺎﻧﻬﺎ ﻣﺘﺒﺮﻱ ﻣﻨﻬﺎ
ﻣﻼﻙ : ﺻﺒﻮﻟﻲ ﺣﻠﻴﺐ ﺳﺎﺧﻦ ﻭﻻ ﻧﺴﺨﻨﻪ؟
ﻣﺎﻣﺎ : ﻻ ﺳﺎﺧﻦ ﻛﻴﻒ ﺣﻄﻴﻨﺎ
ﻣﻼﻙ : ﺻﺒﻴﻠﻲ ﻳﺎﻣﺎﻣﺎ ﺟﻴﻬﺎﻥ ﺳﻨﺪﻭﺗﺶ
ﺍﻧﺎ : ﺣﺮﻛﻲ ﻳﺪﻳﻚ ﻭﻻ ﻣﺤﻨﻴﺎﺕ؟
ﻣﻼﻙ : ﻫﻨﺪ ﺩﻳﺮﻳﻠﻲ ﺳﻨﺪﻭﺗﺶ
ﻫﻨﺪ : ﺣﺎﺿﺮ ﻫﻬﻬﻬﻬﻪ
ﻣﺎﻣﺎ : ﺗﻮ ﻧﺎ ﻧﺪﻳﺮﻟﻬﺎ ﺍﻓﻄﺮﻱ ﺍﻧﺘﻲ
ﻣﻼﻙ : ﺍﻳﻮﺍﻩ ﻣﺘﺠﻮﺵ ﺍﻻ ﺑﻠﻌﻴﻦ ﺍﻟﺤﻤﺮﺍ ﻫﻬﻬﻬﻬﻬﻬﻬﻪ
ﺭﻳﻤﺎﺱ : ﻗﻠﺘﻲ ﻣﺸﺎﻛﻞ ﻟﻮﻃﻪ ﻛﻨﻜﻢ؟؟
ﺍﻧﺎ : ﻋﻴﺐ ﻳﺎﺑﺎﺭﺩﻩ ؟
ﺭﻳﻤﺎﺱ : ﻋﺎﺩﻱ ﻣﺎﻓﻴﻬﺎ ﺷﻲ
ﻫﻨﺪ : ﻫﻬﻬﻬﻪ ﺍﻟﻴﻮﻡ ﻉ ﺍﺳﺎﺱ ﺑﻨﻌﺪﻭ ﻻﻧﺴﺎﺑﺎﺕ ﺧﻮﻳﺎ؟
ﻣﺎﻣﺎ : ﻭﺑﻪ
ﻫﻨﺪ : ﻋﻴﺪ ﻣﻴﻼﺩﻩ ﺍﻟﻴﻮﻡ ﺷﺎﺭﻳﻠﻪ ﻫﺪﻳﻪ ﻭﻣﻜﻠﻤﻴﻦ ﻣﺎﻣﺎ ﺗﻌﺎﻟﻲ ﺍﻧﺘﻲ ﻭﻟﺒﻨﺎﺕ
ﺧﻮﻳﺎ ﻧﻀﻨﺎ ﻓﻲ ﺻﺒﺢ ﻣﻠﻘﻴﻨﺶ
ﻣﻼﻙ : ﻫﺮﺏ ﻣﻦ ﻭﺟﻬﻬﺎ ﺍﻟﻌﻨﺰ
ﻣﺎﻣﺎ : ﺍﺳﻜﺘﻲ ﻳﺎﺑﻨﺖ
ﻣﻼﻙ : ﺗﻲ ﺑﺎﻫﻲ
ﻫﻨﺪ : ﻫﻬﻬﻬﻬﻬﻬﻬﻬﻪ
ﺍﻧﺎ : ﻭﻳﻦ ﻋﺪﺍ؟
ﻫﻨﺪ : ﻟﻤﺤﻮﺭ ﻛﺎﻟﻌﺎﺩﻩ ﺍﻟﻤﺸﻜﻠﻪ ﻣﺎﻣﺎ ﻫﺰﺑﺘﻨﻲ ﻧﺎ ﺷﻦ ﺩﺧﻠﻨﻲ ﻧﺎ؟
ﺗﻘﻮﻝ ﺍﻧﺎ ﺍﻟﻠﻲ ﻗﺘﻠﻪ ﻋﺪﻱ
ﺍﻧﺎ : ﻛﻴﻒ ﺗﺒﻮ ﺩﻳﺮﻭ ﺗﻮﺍ؟
ﻫﻨﺪ : ﻣﺶ ﻋﺎﺭﻑ ﺭﻛﺒﺖ ﻭﺧﻠﻴﺘﻬﺎ ﺗﻨﺎﻗﺶ ﻣﻊ ﻫﺒﻪ ﻳﺤﻤﺪﻭ ﺭﺑﻬﻢ
ﺍﻧﻲ ﻭﻓﻘﺖ ﻣﻦ ﺍﻭﻝ ﻧﻤﺸﻲ ﻣﻌﺎﻫﻢ
ﻣﻼﻙ : ﺍﻡ ﺍﻡ ﺍﻟﻤﻼﻗﻪ ﺍﻟﻠﻲ ﺍﺳﻤﻬﺎ ﺗﺴﻨﻴﻢ ﺑﺠﺪ
ﻫﻨﺪ : ﻣﺸﻔﺘﻴﺶ ﺧﻮﺍﺗﻬﺎ ﻭﺍﻣﻬﺎ ؟؟؟ ﺗﻲ ﺍﺷﺮ ﻣﻦ ﺗﺴﻨﻴﻢ
ﻣﻼﻙ : ﺣﻆ ﺍﻟﻘﺒﺎﻳﺢ ﻳﺎﺣﻨﻪ
ﻣﺎﻣﺎ : ﺣﺮﺍﻡ ﺍﻟﺘﻘﺮﻳﻢ ﺭﺑﻲ ﻳﺼﻠﺢ ﺣﺎﻝ ﺍﻟﺠﻤﻴﻊ
ﻣﻼﻙ : ﻋﻮﻳﺸﻪ ﻣﺴﻤﻌﻨﺶ ﺻﻮﺗﻚ ﺑﻜﻞ؟
ﻋﺎﺋﺸﻪ : ﺷﻦ ﻧﺒﻲ ﻧﻘﻮﻝ؟
ﺍﻧﺎ : ﻋﺎﺋﺸﻪ ﻓﻲ ﺍﻟﻴﻮﻡ ﺍﻟﻠﻲ ﻣﻴﻘﻌﺪﺵ ﻓﻴﻪ ﻋﻨﺪﻫﺎ ﻣﻌﻬﺪ ﺗﺨﺶ ﻓﻲ ﺟﻮ ﺣﺰﻥ
ﻣﻼﻙ : ﻫﻬﻬﻬﻬﻪ ﻗﺎﻟﻚ
ﻫﻨﺪ : ﻛﺴﺎﺩ ﺍﻟﺤﻮﺵ
ﻋﺎﺋﺸﻪ : ﺑﻜﻞ ﻣﻠﻞ ﻣﻔﺶ ﺟﺪﻳﺪ
ﻫﻨﺪ : ﺍﻣﺘﻲ ﻓﺮﺣﻚ؟
ﻋﺎﺋﺸﻪ : ﻣﺶ ﻣﻌﺮﻭﻑ ﻣﺰﺍﻝ
ﻣﺎﻣﺎ : ﺍﺧﺘﻲ ﻗﺎﻟﺖ ﺍﻣﺘﻲ ﻣﺎﻫﻤﺎ ﻳﻘﺮﺭﻭ ﻋﺎﺋﺸﻪ ﻭﻣﺮﺍﺩ
ﻋﺎﺋﺸﻪ : ﺍﻧﻜﻤﻞ ﻗﺮﺍﻳﺘﻲ ﻗﺒﻞ ﺑﻌﺪﻫﺎ ﻧﻄﻠﻊ ﺍﻟﻔﺮﺡ ﻋﺎﺟﺒﻬﻢ
ﺍﻫﻼ ﻭﺳﻬﻼ ﻣﺶ ﻋﺎﺟﺒﻬﻢ ﺑﺠﻮﻫﻢ
ﻣﺎﻣﺎ : ﺣﺴﺴﺘﻴﻨﻲ ﺧﻄﻄﺒﻴﻦ ﺍﻣﻴﺮﻩ ﻭﻻ ﺑﻨﺖ ﻣﻌﻤﺮ ﺍﻟﻘﺬﺍﻓﻲ
ﻣﻼﻙ : ﻫﻬﻬﻬﻬﻬﻬﻬﻪ ﻟﻴﺎ ﺯﻣﺎﻥ ﻣﻌﺶ ﺳﻤﻌﺘﻬﺎ
ﺭﻳﻤﺎﺱ : ﻳﺎﺭﻳﺘﻪ ﺑﺎﺗﻨﺎ ﻣﻌﻤﺮ ﺍﻗﻞ ﺷﻲ ﻋﺮﻡ ﻓﻠﻮﺱ ﺍﻫﻮ ﻗﺘﻠﻮﻩ
ﻳﻌﻨﻲ ﻭﺭﺙ ﻛﻠﻪ ﻟﻨﻪ ﻫﻬﻬﻬﻬﻪ
ﺍﻧﺎ : ﺣﺸﺎ ﺑﺎﺑﺎ ﻣﻨﻪ
ﻋﺎﺋﺸﻪ : ﺷﺒﻌﺖ ﻧﺎ
ﺻﺒﺖ
ﻣﺎﻣﺎ : ﺍﺧﺘﻜﻦ ﻣﺶ ﻋﺎﺟﺒﺘﻨﻲ ﻗﺒﻞ ﺗﻬﺪﺭﺯ ﻭﺗﺤﻜﻲ ﻭﻟﺴﺎﻧﻬﺎ ﺭﻃﺐ
ﺗﻮﺍ ﺍﻧﻜﻠﺒﺖ
ﺍﺑﺘﻬﺎﻝ : ﻧﻔﺴﻴﺘﻬﺎ ﺗﻌﺒﺎﻧﻪ
ﻣﻼﻙ : ﻛﻠﻨﺎ ﻧﻔﺴﻴﺘﻨﺎ ﺗﻌﺒﺎﻧﻪ ﻣﺶ ﻏﻴﺮ ﻫﻴﺎ
ﻫﻨﺪ : ﻣﺤﺪ ﻣﺘﺮﻳﺢ
ﺍﻧﺎ : ﻓﻌﻼ ﻛﻞ ﺣﺪ ﺑﻬﻤﻪ
ﻣﻨﻴﺎ : ﺍﻻ ﺍﻧﺎ ﻭﺍﻟﺤﻤﺪﻟﻠﻪ
ﻫﻨﺪ : ﻣﻨﻴﺎ ﺑﺴﻴﻄﻪ ﺑﻜﻞ ﻋﺸﺎﻥ ﻫﻚ ﻣﺶ ﺣﺘﺘﻌﺒﻲ ﻓﻲ ﺣﻴﺎﺗﻚ؟
ﺍﻧﺎ : ﻃﻮﻝ ﻋﻤﺮﻱ ﺑﺴﻴﻄﻪ ﻭﺍﻧﻲ ﺗﺎﻋﺒﻪ
ﻣﺎﻣﺎ : ﻭﺷﻦ ﻧﺎﻗﺼﻚ ﻋﻴﻦ ﻭﻻ ﺟﻤﻪ؟
ﺍﻧﺎ : ﺗﻌﺒﺎﻧﻪ ﻭﺧﻼﺹ
ﻣﺎﻣﺎ : ﻛﻨﻚ ﻣﺠﻮﺯﻩ ﺭﺍﻙ ﻣﺘﺮﻳﺤﻪ
ﺍﻧﺎ : ﻳﺎﺳﻼﻡ ﻳﻌﻨﻲ ﺍﻟﻤﺠﻮﺯﺍﺕ ﻣﺘﺮﻳﺤﺎﺕ؟؟
ﻫﻨﺪ : ﻣﺶ ﻗﺎﻋﺪﻩ ﻳﺎﺑﻠﻪ ﻧﻌﺮﻑ ﺻﺤﺒﺎﺗﻲ ﻧﺼﻬﻦ ﻧﺎﺩﻣﺎﺕ
ﻣﻼﻙ : ﺧﺎﻳﻔﺎﺕ ﻉ ﺭﻭﺣﻬﻦ ﻣﻦ ﻋﻴﻦ ﻛﺬﺍﺑﺎﺕ ﻳﺸﻜﻦ ﻉ ﻧﻘﺎﻝ ﻭﺑﻌﺪ ﻳﺮﻭﺡ ﺭﺍﺟﻠﻬﺎ
ﺣﺒﻴﺒﻲ ﺍﻧﺪﻳﺮﻟﻚ ﻋﺸﺎﺀ؟؟ ﻭﺍﻟﺒﺎﻗﻲ ﺍﻧﺘﻲ ﻋﺎﺭﻓﺘﻴﻪ ﻫﻬﻬﻬﻬﻬﻬﻪ
ﻣﺎﻣﺎ : ﺻﺒﻲ ﻣﻦ ﻗﺪﺍﻡ ﻭﺟﻲ ﺍﻧﺎ ﻣﺶ ﻋﺎﺭﻑ ﺍﻟﺒﻨﺖ ﻫﺬﻱ ﻟﻤﻦ ﻃﺎﻟﻌﻪ ﻗﻠﻴﻠﺔ
ﺗﺮﺑﻴﻪ ﻫﻜﻲ؟
ﺍﻧﺎ : ﺍﻛﺒﺮ ﻏﻠﻄﻪ ﻓﻲ ﺣﻴﺎﺗﻚ ﺍﻥ ﺳﻤﻴﺘﻴﻬﺎ ﻣﻼﻙ ﻣﺶ ﻻﻳﻖ ﺍﻻﺳﻢ
ﻣﻼﻙ : ﻣﻠﻜﺔ ﺍﻟﻤﻠﻮﻙ ﻣﻠﻮﻭﻛﻪ ﻣﻘﻬﻮﺭﻳﻦ ﻣﻦ ﺍﻟﻤﻠﻜﻪ
ﻣﺎﻣﺎ : ﻫﺎﺑﺎ ﻛﺎﻥ ﻣﺎﺗﺴﻜﺘﻲ ﺗﻮ ﻧﺼﺒﻴﻠﻚ
ﻣﻼﻙ : ﻧﻔﺘﺢ ﻧﺖ ﺧﻴﺮﻟﻲ ﻣﻔﻴﻜﻤﺶ ﺟﻮ
ﺻﺒﺖ ﺣﺘﻲ ﻣﻼﻙ ﻭﺭﻳﻤﺎﺱ ﻭﺧﺸﻦ ﻟﻠﺪﺍﺭ
ﻣﺎﻣﺎ : ﻫﻮﺍ ﺯﻭﺍﺝ ﻣﺶ ﺭﺍﺣﻪ ﺑﺲ ﺍﻟﺒﻨﺖ ﻋﻨﺪﻫﺎ ﻋﻤﺮ ﻣﻌﻴﻦ ﺗﺠﻮﺯ ﻓﻴﻪ
ﻭﻓﻲ ﻛﻞ ﺣﻮﺵ ﻳﺼﻴﺮﻥ ﺍﻟﻤﺸﺎﻛﻞ
ﻫﻨﺪ : ﺍﻫﻢ ﺷﻲ ﺍﻟﻄﺮﻓﻴﻦ ﻳﻘﻌﺪﻭ ﻣﻘﺘﻨﻌﻴﻦ
ﺍﻧﺎ : ﻭﺍﻟﻠﻪ ﻣﺎﻧﻲ ﻋﺎﺭﻓﻪ
ﻫﻨﺪ : ﺍﻟﺤﻤﺪﻟﻠﻪ ﻧﺎ
ﻣﺎﻣﺎ : ﺯﻳﺪﻱ ﻛﻮﻟﻲ
ﻫﻨﺪ : ﻻ ﻭﺍﻟﻠﻪ ﺑﻄﻨﻲ ﺗﻌﺒﺖ ﺷﻜﺮﺍ ﺻﻔﺮﻩ ﺩﺍﻳﻤﻪ
ﻣﺎﻣﺎ : ﺻﺤﻪ
ﺍﻧﺎ : ﺗﻮ ﻧﺎ ﻧﻠﻢ
ﻫﻨﺪ : ﺗﻮ ﻧﺴﺎﻋﺪﻙ
ﻟﻤﻴﻨﺎ ﻛﻞ ﺣﺎﺟﻪ ﻭﻏﺴﻠﺖ ﻟﻤﺎﻋﻴﻦ
ﻫﺪﺭﺯﻧﺎ ﻟﻞ 1 ﻇﻬﺮ ﻭﻧﺰﻟﺖ
#
#
#
ﻫﻨﺪ : ﺷﻦ ﺩﺭﺗﻮ ﻓﻲ ﻏﻴﺎﺑﻲ ؟
ﺍﻣﻬﺎ : ﻫﻀﺎ ﻭﻳﻦ ﺧﻄﺮﻟﻚ ﺗﺴﺎﻟﻲ؟
ﻫﺒﻪ : ﺧﺪﻳﻨﺎﻟﻬﺎ ﺳﺎﻋﻪ ﻫﻴﺎ ﻭﺍﻣﻬﺎ
ﻫﻨﺪ : ﻭﺭﻭﻧﻲ؟؟ ﻣﻐﻠﻔﺘﻮﻫﻨﺶ
ﻫﺒﻪ : ﻣﺤﻞ ﺍﻟﻠﻲ ﻓﻲ ﺣﺪﺍﻳﻖ ﻣﺴﻜﺮ ﺑﻨﺸﻴﻠﻮﻫﻦ ﻓﻲ ﺍﻛﻴﺎﺳﻬﻦ
ﻫﻨﺪ : ﺗﻬﺒﻞ ﻫﺬﻱ؟؟؟ ﺑﻜﻢ
ﻫﺒﻪ : ﻫﺬﻱ ﻣﺘﺎﻉ ﺗﺴﻨﻴﻢ 110 ﻭﻫﺬﻱ ﻣﺘﺎﻉ ﺍﻣﻬﺎ 95
ﻫﻨﺪ : ﺧﺴﺎﺭﻩ ﻓﻲ ﻭﺟﻬﻬﺎ ﻋﻄﻮﻫﺎ ﻟﻴﺎ
ﺍﻣﻬﺎ : ﺧﻮﺩﻱ ﻟﻔﻠﻮﺱ ﺍﻟﻠﻲ ﻃﻠﻌﻲ ﻓﻴﻬﻦ ﻣﻦ ﻣﺪﺭﺳﻪ ﻭﺧﻮﺩﻱ ﻭﺣﺪﻩ
ﻫﻨﺪ : ﻧﺒﻴﻬﻢ ﺑﻨﻠﻢ ﺣﻖ ﺍﻳﻔﻮﻥ 6 ﻃﺎﻣﻌﻴﻦ ﻓﻴﻬﺎ ﺍﻟﻘﺮﺷﻴﻦ
ﻫﺒﻪ : ﻫﻨﻪ ﺍﻻﺛﻨﻴﻦ ﺫﻭﻕ ﻫﺎﺗﻲ ﻧﺼﻮﺭﻫﻦ ﻧﺰﻟﻬﻦ ﻉ ﺍﻧﺴﺘﺎ ﻭﺑﻠﻤﺮﻩ ﻧﻮﺭﻳﻬﻦ ﻟﻌﻤﺮ
ﻫﻨﺪ : ﻣﻦ ﺩﻓﻊ ﺣﻘﻬﻦ؟
ﺍﻣﻬﺎ : ﺍﻧﺎ ﻳﻌﻨﻲ ﻣﻦ ﺑﻴﺪﻓﻊ ﺣﻘﻬﻦ ﻻﻛﻦ ﺗﻮ ﻧﻮﺭﻳﻪ ﺧﻮﻙ
ﻫﻨﺪ : ﺑﺎﻟﻚ ﺣﺘﻲ ﻣﻌﻨﺪﺵ ﻓﻠﻮﺱ؟
ﺍﻣﻬﺎ : ﻛﺎﻥ ﻗﺎﻟﻲ ﺭﺍ ﻋﻄﻴﺘﻪ ﻣﻦ ﺍﻣﺘﻲ ﻣﺎﺳﻜﻪ ﺍﻳﺪﻱ ﻋﻠﻴﻜﻢ؟؟
#
#
#
ﺩﺍﺭﺕ ﻣﺎﻣﺎ ﺇﺫﺍ ﺍﻟﺠﻤﻌﻪ ﺗﻐﺬﻳﻨﺎ
ﺑﻌﺪ ﺍﻟﻐﺬﺍ
ﺟﺘﻨﻲ ﻣﻼﻙ
ﻣﻼﻙ : ﺷﻦ ﺩﻳﺮﻱ؟
ﺍﻧﺎ : ﺷﻲ
ﻣﻼﻙ : ﻧﺒﻲ ﻧﺴﺌﻠﻚ؟؟
ﺍﻧﺎ : ﺷﻨﻮ؟
ﻣﻼﻙ : ﻫﻮﺍ ﻣﺶ ﺳﺆﺍﻝ ﻫﻮﺍ ﻣﺸﻜﻠﻪ ﻣﺶ ﻣﺸﻜﻪ ﻧﻘﺼﺪ ﻣﻮﺿﻮﻉ ﻋﻤﻮﻣﺎ
ﺍﻧﺎ : ؟؟؟؟؟؟؟؟؟؟؟
ﻣﻼﻙ : ﺻﺤﺒﺘﻲ ﻣﺘﻌﺮﻓﻪ ﻉ ﻭﺍﺣﺪ ﻣﺤﺒﻮﺱ ﻳﻌﻨﻲ ﺗﺤﻜﻲ ﻣﻌﺎﻩ ﻭﻫﻮﺍ ﻓﻲ ﺍﻟﺤﺒﺲ
ﺍﻧﺎ : ﻳﺎﺳﻼﻡ ﻋﻠﻴﻚ ﺷﺮﻑ ﻭﺍﻟﻠﻪ ﻣﺤﺒﻮﺱ ﻣﺮﻩ ﻭﺣﺪﻩ ؟؟؟
ﻣﻼﻙ : ﺟﻴﻬﺎﻥ ﻋﻠﻴﺶ ﺍﻟﻈﻠﻢ ﻓﻲ ﺍﻟﻨﺎﺱ؟؟ ﺭﺍ ﻓﻲ ﻧﺎﺱ ﻣﺤﺒﻮﺳﻴﻦ ﻭﻣﻈﻠﻮﻣﻴﻦ
ﺍﻧﺎ : ﺍﻟﻠﻲ ﻣﻴﺪﻳﺮﺵ ﺷﻲ ﻭﻣﻴﺠﻴﺶ ﺷﻲ؟؟ﻭﺍﺿﺤﻪ؟؟ ﺍﻣﺎ ﺍﻟﻠﻲ ﻳﻨﺒﺶ ﻉ ﻣﺼﺎﻳﺐ
ﻳﻤﻴﻦ ﻭﻳﺴﺎﺭ ﻭﻣﺶ ﻣﺮﻳﺢ ﺭﻭﺣﻪ ﻳﺘﻠﻘﻲ ﻣﺎﻳﺠﻴﻪ
ﻣﻼﻙ : ﺗﻠﻤﺤﻴﻠﻲ ﻗﺼﺪﻙ؟؟ ﺻﺪﻗﻴﻨﻲ ﻓﻲ ﻧﺎﺱ ﻣﻈﻠﻮﻣﻪ
ﺳﻼﻡ ﺍﻧﺤﺒﺲ ﻭﻫﻮﺍ ﻣﻈﻠﻮﻡ ؟؟
ﺍﻧﺎ : ﺍﻟﻠﻪ ﻳﺮﺑﺤﻚ ﻣﺘﺤﺮﻓﻴﺶ ﺍﻟﻘﺮﺍﺀﻥ ﻭﺧﻄﻴﻨﻲ ﻣﺶ ﻭﻗﺘﻚ
ﻣﻼﻙ : ﺗﻮﺍ ﻧﺎ ﺳﺆﺍﻟﻲ ﻭﺍﺿﺤﺎﻝ ﺑﻨﺖ ﺗﻘﺪﺭ ﺗﺸﻮﻓﻪ ﻭﻻ ﻻ
ﺍﻧﺎ : ﺍﺣﺴﺎﺳﻲ ﻳﻘﻮﻟﻲ ﺍﻧﻚ ﺍﻧﺘﻲ ﺍﻟﺒﻨﺖ؟؟
ﻣﻼﻙ : ﺍﻧﺎﺍﺍ؟؟؟ﻫﻬﻬﻬﻪ ﻭﻣﻦ ﺑﻴﻨﺤﺼﻠﻪ ﺍﻟﻤﺤﺒﻮﺱ ﻣﻦ ﻗﻠﺔ ﺍﻟﺮﺟﺎﻟﻪ ﻳﻮﻣﻴﺎ
ﻳﺪﺯﻭﻟﻲ ﻃﻠﺒﺎﺕ ﺻﺪﺍﻗﻪ ﻭﺍﻗﺎﺭﺏ ﺻﺤﺒﺎﺗﻲ ﺑﺲ ﻧﺎ ﻣﺶ ﻣﻮﺍﻓﻘﻪ
ﺍﻧﺎ : ﻭﺍﻟﻠﻪ؟؟
ﻣﻼﻙ : ﺗﻘﺪﺭ ﺗﺸﻮﻓﻪ ﻭﻻ ﻻ؟
ﺍﻧﺎ : ﻛﻴﻒ ﺗﻘﺪﺭ ﺗﺸﻮﻓﻪ ﻭﻻ ﻻ ﻣﺎﺳﻜﻪ ﺷﺆﻭﻥ ﻣﺘﺎﻋﺎﺕ ﺍﻟﺤﺒﺲ ﻧﺎ؟؟
ﻣﻼﻙ : ﻭﻳﻦ ﺍﻟﺤﺒﺲ ﻓﻲ ﺑﻨﻐﺎﺯﻱ؟
ﺍﻧﺎ :| ﺣﺒﺲ ﻭﺍﺣﺪ ﻓﻲ ﺍﻟﻜﻮﻳﻔﻴﺎ
ﻣﻼﻙ : ﻗﺮﻳﺒﻪ ﺑﻜﻞ ﻧﺤﺴﺎﺑﻬﺎ ﻓﻲ ﺿﻮﺍﺣﻲ ﻧﺎ ﺑﺎﻫﻲ ﻭﺍﻣﺘﻲ ﺯﻋﻤﺎ ﻣﻮﺍﻋﻴﺪ ﺍﻟﻠﺰﻳﺎﺭﻩ
ﺍﻧﺎ : ﺧﻄﻴﻨﻲ ﻣﺶ ﺭﺍﻳﻘﺘﻠﻚ ﺍﻧﺘﻲ ﻭﺻﺤﺒﺎﺗﻚ
ﻣﻼﻙ : ﺳﺆﺍﻝ ﻋﺎﺩﻱ
ﺍﻧﺎ : ﻭﻣﻦ ﺟﺪﻫﺎ ﺍﻟﻤﻄﺮﺷﻘﻪ ﺑﺘﻌﺪﻱ ﺗﺸﻮﻓﻪ؟؟
ﻣﻼﻙ : ﻓﻲ ﻣﺴﻠﺴﻼﺕ ﺍﻟﺘﺮﻛﻴﻪ ﻳﺪﻳﺮﻭ ﻓﻴﻬﺎ
ﺍﻧﺎ : ﺗﺒﻌﻦ ﻣﺴﻠﺴﻼﺕ ﺗﺮﻛﻴﻪ ﺗﻮ ﺗﻘﺪﻣﻦ ﻗﺪﺍﻡ ﻛﻴﻒ ﺍﻧﺘﻲ ﻛﻴﻒ ﺻﺤﺒﺎﺗﻚ
#
#
#
ﻭﺗﻦ ﺭﻭﺍﺣﻬﻦ ﻫﻨﺪ ﻭﻫﺒﻪ ﺍﻣﻬﻢ
ﻭﻋﺪﻥ ﺷﻮﺭ ﻫﻞ ﺗﺴﻨﻴﻢ
ﻓﺘﺤﺖ ﺗﺴﻨﻴﻢ ﺍﻟﺒﺎﺏ
ﺍﻡ ﺗﺴﻨﻴﻢ ( ﺣﻴﺎﻩ ) : ﺗﻔﻀﻠﻮﻭﻭ ﻳﺎﺍﻫﻠﻴﻦ
ﺟﻤﻴﻠﻪ : ﺍﻫﻠﻴﻦ ﺣﻴﺎﻩ ﻛﻴﻒ ﺣﺎﻟﻚ
ﺣﻴﺎﻩ : ﻳﺎﺍﻫﻼ ﺍﻧﺴﺘﻮ ﻫﺒﻮﺷﻪ ﻳﺎﻋﻤﺮﻱ ﻳﻒ ﺍﻟﻚ؟
ﻫﺒﻪ : ﺍﻫﻴﻠﻴﻦ ﺍﺑﻠﻪ ﺣﻴﺎﻩ ﻛﻴﻒ ﺣﺎﻟﻚ
ﺣﻴﺎﻩ : ﺍﻟﺤﻤﺪﻟﻠﻪ ﺍﻭﻭﻭ ﻫﻨﺪ ﺍﻫﻠﻴﻦ ﻛﻴﻒ ﺣﺎﻟﻚ ﺗﻌﺎﻟﻲ ﻳﺎﺩﺍﺭﻳﻦ ﺳﻠﻤﻲ ﻫﺬﻱ ﻫﻨﺪ
ﺩﺍﺭﻳﻦ ﺍﻫﻠﻴﻦ
ﻫﻨﺪ / ﺍﻫﻼ
ﺳﻠﻤﻦ ﻛﻠﻬﻦ ﻉ ﺑﻌﻀﻬﻦ
ﻭﺧﺸﻦ
ﺗﺴﻨﻴﻢ : ﻋﻤﺮ ﻭﻳﻦ؟؟؟ ﺍﻧﺮﻥ ﻋﻠﻴﻪ ﻣﻦ ﺻﺒﺢ ﻣﻘﻔﻞ؟؟؟؟
ﺟﻤﻴﻠﻪ : ﻋﻤﺮ ﺍﻩ ﻋﻠﻲ ﻋﻤﺮ ﺍﻩ ﻛﻠﻤﻮﻩ ﻣﺴﻜﻴﻦ ﻉ ﺍﻟﻔﺠﺮ ﻭﻗﺎﻟﻮﻟﻪ ﺗﻌﺎﻝ
ﺑﺴﺮﻋﻪ ﻃﻮﺍﺉ ﻓﻲ ﻟﺒﻼﺩ ﻭﻋﺎﺭﻓﺘﻴﻪ ﺍﻧﺘﻲ ﻣﻴﻘﻌﺪﺵ
ﺗﺴﻨﻴﻢ / ﻣﺶ ﺟﺠﺎﻱ ﻳﻌﻨﻲ؟؟؟؟؟؟؟؟؟
ﺣﻴﺎﻩ : ﻣﻌﻘﻮﻟﻪ ﻛﻨﻪ ﻣﺎﺟﺎ
ﻫﻨﺪ : ؟
ﻫﺒﻪ : ﻭﺍﻟﻠﻪ ﻧﺤﻨﺎ ﺑﺮﻭﺍﺣﻨﺎ ﻧﻀﻨﺎ ﻣﻠﻘﻴﻨﺶ ﻗﺒﻞ ﻳﺴﻠﻢ ﻉ ﻣﺎﻣﺎ ﻗﺒﻞ ﻣﺎﻳﻄﻠﻊ
ﺩﺍﻳﺮﻳﻦ : ؟؟؟؟؟؟؟
ﺣﻴﺎﻩ : ﻳﺎﺧﺴﺎﺍﺍﺭﻩ ﻗﺒﻞ ﺩﺍﺭﻳﻠﻪ ﻋﻴﺪ ﻣﻴﻼﺩ
ﺟﻤﻴﻠﻪ : ﻭﺍﻟﻠﻪ ﻗﺒﻞ ﺣﺘﻲ ﻧﺤﻨﺎ ﻣﻨﺒﻮﺵ ﻧﺠﻮ ﺑﺲ ﺗﺤﺸﻤﺖ ﻣﻨﻚ
ﺣﻴﺎﻩ : ﻛﺎﻥ ﻣﺎﻫﺬﺍ ﺭﺍ ﺯﻋﻠﺖ ﻣﻌﻘﻮﻟﻪ ﻣﺘﺠﻮﺵ؟؟ ﺑﺎﻫﻲ ﺍﻟﻠﻲ ﺟﻴﺘﻮ
ﺻﺒﺖ ﺗﺴﻨﻴﻢ ﻣﺘﻨﻜﺪﻩ
ﻟﺤﻘﺖ ﻋﻠﻴﻬﺎ ﻫﺒﻪ
ﺗﺴﻨﻴﻢ : ﻛﻴﻒ ﻣﻴﺠﻴﺶ؟؟؟؟ ﻣﺶ ﺩﺍﻳﺮﻟﻲ ﺍﻋﺘﺒﺎﺭ ﻫﻮﺍ؟ﻣﻠﻴﺖ ﻣﻦ ﻣﻌﺎﻣﻠﺘﻪ ﻧﺎ
ﻫﺒﻪ : ﺧﻼﺹ ﻳﺎﺭﻭﺣﻲ ﻋﺎﺭﻓﻪ ﺍﻧﺘﻲ ﻭﺿﻊ ﻟﺒﻼﺩ
ﺗﺴﻨﻴﻢ : ﺷﻦ ﺩﺧﻠﻨﻲ ﺑﻴﻪ ﺍﻧﺎ ﻟﺒﻼﺩ ﺍﺗﻔﻘﻨﺎ ﺍﻣﺲ ﺍﻥ ﻳﺠﻲ ﺍﻟﻴﻮﻡ
ﻭﻧﺎ ﺍﻟﻠﻲ ﻛﻠﻤﺖ ﻣﺰﻳﻦ ﻋﺸﺎﻥ ﻧﻮﺗﻲ ﺭﻭﺣﻲ ﻭﻧﺸﻮﻓﻪ
ﻫﺒﻪ : ﺧﻼﺹ ﻣﺘﺰﻋﻠﺶ
ﺗﺴﻨﻴﻢ : ﻋﺎﺭﻓﻪ ﺗﺨﺎﻳﻠﺖ ﺍﻥ ﻳﺠﻲ ﻓﺮﺣﺎﻥ ﻭﻧﺤﻜﻮ ﺳﺎﻋﻪ ﻣﻊ ﺑﻌﻀﻨﺎ ﻭﻧﺸﻮﻑ ﺭﺩﺕ ﻓﻌﻠﻪ
ﺑﻌﺪ ﻳﺎﺧﺪ ﻫﺪﻳﺘﻪ ﻭﻳﻘﻮﻟﻲ ﺷﻦ ﺭﺍﻳﻪ ﻓﻲ ﻓﻴﺪﻳﻮ ﺍﻟﻠﻲ ﺍﻣﺲ ﺩﺭﺗﻪ ﻻﻩ ﻭﺗﻮﻗﻌﺖ ﺍﻥ
ﻳﺠﻴﺒﻞ ﺍﻟﺴﻠﺴﺎﻝ ﺍﻟﻠﻲ ﻗﻠﺘﻲ ﻋﻠﻴﻬﺎ ﻭﻳﻠﺒﺴﻬﺎ ﻟﻴﺎ
ﻫﺒﻪ : ﺍﻛﻴﺪﻩ ﺗﻮ ﻳﺠﻴﺒﻬﺎ ﻟﻚ ﺗﻮ ﻳﻮﻡ ﺍﻟﻲ ﻳﻘﻌﺪ ﻗﺎﻋﺪ ﻧﺨﻄﻄﻮ ﻣﺸﻴﻪ ﻟﻠﻤﻮﻝ
ﺩﺍﺭﻭﻟﻬﻢ ﺍﻟﻌﺰﻭﻣﻪ ﻭﻋﻄﻦ ﻫﺪﺍﻳﺎ ﻋﻤﺮ ﻻﻣﻪ
ﻭﺭﻭﺣﻦ
ﻭﻧﺤﻨﺎ ﻓﻠﻌﺸﻴﻪ ﺩﺭﻧﺎ ﻧﺴﻜﺎﻓﻲ ﻭﻛﻴﻜﻪ
ﻭﻛﺴﺪﻧﺎ ﻉ ﺗﻠﻔﺰﻳﻮﻥ
ﻛﻞ ﻣﺮﻩ ﻧﻔﻜﺮ ﺍﻧﺮﻥ ﻋﻠﻴﻪ ﺑﻌﺪﻫﺎ ﻧﻮﻗﻒ ﻭﻧﻘﻮﻝ ﺍﻛﻴﺪﻩ ﻣﻘﻔﻞ
ﻏﻴﺮ ﺣﺸﻤﺖ ﺭﺳﺎﺋﻞ ﻉ ﻓﺎﺿﻲ
ﺧﺪﻳﺖ ﻣﻨﻬﺞ ﺍﻻﺣﺼﺎﺀ ﻭﺣﻀﺮﺕ ﻛﻢ ﺩﺭﺱ ﻟﻠﻄﻠﺒﻪ ﻭﺣﻀﺮﺗﻠﻬﻢ ﺍﻣﺘﺤﺎﻥ
ﺍﻟﺴﺒﺖ ﺭﻭﺡ ﺑﺎﺑﺎ ﻭﻛﺴﺪ ﻣﻌﺎﻧﻪ ﻟﻌﻨﺪ ﺍﻟﺜﻼﺙ ﻭﺭﺩ ﻟﻠﺒﻴﻀﺎﺀ
ﺍﻻﺭﺑﻌﺎﺀ ﻓﻲ ﺍﻟﺼﺒﺢ :
ﻛﻨﺖ ﻧﺒﻲ ﻧﻌﺮﻑ ﻫﻮﺍ ﺭﻭﺡ ﻭﻻ ﻻ؟؟؟
ﻏﻴﺮﺕ ﺩﺑﺸﻲ ﻭﺗﻌﻄﺮﺕ ﻭﺣﻄﻴﺖ ﻭﺷﺎﺣﻲ ﻭﻧﺰﻟﺖ
ﺩﻗﻴﺖ ﻉ ﻫﻨﺪ
ﻫﻨﺪ : ﺟﻮﻭﻫﺎ ﺻﺒﺎﺣﻮ
ﺍﻧﺎ : ﺻﺒﺎﺡ ﺍﻟﺨﻴﺮ ﻣﻜﺴﺪﻩ ﻗﻠﺖ ﺑﻠﻜﻜﻲ ﻧﻬﺪﺭﺯﻭ
ﻫﻨﺪ : ﺧﺸﻲ ﺧﺸﻲ
ﺍﻧﺎ : ﺧﻮﻙ ﻗﺎﻋﺪ؟
ﻫﻨﺪ : ﺭﺍﺍﻗﺪ
ﺍﻧﺎ : ﺍﻫﺎﺍﺍ ﺍﻣﻢ ﻳﻌﻨﻲ ﻣﻴﻮﻋﺶ ﺗﻮﺍ
ﻫﻨﺪ : ﻻﻻ ﺟﺎ ﻉ ﻓﺠﺮ ﺣﺘﻲ ﻣﺎﻣﺎ ﺗﺮﺟﻲ ﻓﻴﻪ ﻳﻨﻮﺽ ﺑﺘﻌﻄﻴﻪ ﻣﺤﺎﺿﺮﻩ
ﺍﻧﺎ : ﺑﺎﻫﻲ
ﻫﻨﺪ : ﺧﺸﻲ ﺑﺲ ﻣﺎﺣﺘﻲ ﻭﻋﻲ ﺗﻮﺍ ﻭﻻ ﻧﻘﻮﻟﻚ ﺧﻠﻴﻨﻪ ﻧﺨﺸﻮ ﻓﻲ ﺩﺍﺭ ﺍﺣﺴﻦ
ﺧﺸﻴﻨﺎ ﻓﻲ ﺩﺍﺭ ﻭﻫﺪﺭﺯﻧﺎ
ﻭﻫﺒﻪ ﺭﺍﻗﺪﻩ ﻳﺎﻻﻧﺎ ﻫﻬﻬﻬﻪ
#
#
#
ﻣﻼﻙ ﻭﺯﻫﺮﻩ ﻉ ﻓﻴﺲ
ﺯﻫﺮﻩ : ﺍﺗﻔﻘﻨﺎ ﺑﻜﺮﻩ ﺑﻴﺠﻴﺐ ﻫﻠﻪ
ﻣﻼﻙ : ﻗﻠﺘﻲ ﻟﻬﻠﻚ
ﺯﻫﺮﻩ : ﺗﺒﻲ ﺍﻟﺤﻖ ﻣﺎﻣﺎ ﻣﺶ ﻣﻮﺍﻓﻘﻪ ﻳﻌﻨﻲ ﻫﻠﻲ ﻣﻴﺒﻮﺵ ﻳﻌﻄﻮﻧﻲ ﻟﻮﺍﺣﺪ ﻟﻴﺒﻲ
ﺍﺭﺍﺀ ﺑﺎﺑﺎ ﻫﺬﻧﻪ ﺍﻟﻤﻬﻢ ﻣﺎﺣﻮﺗﻚ ﻗﻨﻌﺘﻬﺎ ﻋﻠﻲ ﺷﻮﻳﻪ ﺑﻨﻘﻮﻟﻠﻬﺎ ﻣﻮﺿﻮﻉ ﻣﺶ
ﺟﺪﻳﺎﺕ ﺍﻟﻤﺸﻜﻠﻪ ﺍﻥ ﺍﻧﺘﻢ ﺩﻳﺮﻭ ﻓﻲ ﺗﻜﺎﻟﻴﻒ ﺯﺍﻳﺪﻩ ﻭﻧﺤﻨﺎ ﺑﻨﺤﻄﻮﻟﻬﻢ ﻋﺼﻴﺮ
ﻭﻗﻬﻮﻩ ﻭﻧﻮﻉ ﺣﻠﻮ ﻭﺧﻼﺹ
ﻣﻼﻙ : ﺍﺣﺴﻦ ﺍﺻﻼ ﺣﻠﻴﻤﻪ ﻣﺶ ﺗﺎﻉ ﻗﺪﺭ
ﺯﻫﺮﻩ : ﻣﻘﻠﺘﻴﻠﺶ ﺷﻦ ﺍﻧﺪﻳﺮ؟
ﻣﻼﻙ : ﺗﺒﺪﻟﻲ ﻭﺗﻤﻜﻴﺠﻲ ﻭﺗﺴﺘﻘﺒﻠﻮﻫﻢ ﻭﺑﻌﺪﻳﻦ ﻛﻠﻤﻴﻪ ﻭﻗﻮﻟﻴﻠﻪ ﻣﻔﺶ ﻧﺼﻴﺐ
ﻭﺍﻗﻔﻠﻴﻬﺎ ﺷﻔﺮﺗﻚ
ﺯﻫﺮﻩ : ﺍﺣﺴﻦ ﺣﺎﺟﻪ ﺣﺘﻲ ﺣﺎﺯﻡ ﻗﻌﺪ ﻳﺸﻚ ﻓﻴﺎﺍ
ﻣﻼﻙ : ﻣﻦ ﺟﺪﻙ ﻛﺒﺪﺗﻲ ﻓﻴﻪ ﺍﻟﻠﻲ ﻳﺒﻴﻊ ﻓﻠﻔﺮﺵ ﻫﻬﻬﻬﻬﻬﻬﻪ
ﺯﻫﺮﻩ : ﻫﻬﻬﻬﻬﻬﻪ ﺍﻫﻢ ﺣﺎﺟﻪ ﻣﺘﺎﻛﺪﻩ ﺍﻥ ﻫﻠﻲ ﻳﻮﺍﻓﻘﻮ ﻋﻠﻴﻪ
ﺷﺎﺏ ﺍﺳﻘﺮﺕ ﻫﻚ ﺗﺤﺴﻴﻪ ﺣﻤﺶ
ﻣﻼﻙ : ﺑﺎﻫﻲ ﺍﻥ ﺷﺎﺀﺍﻟﻠﻪ ﻳﻘﻌﺪ ﻣﻦ ﻧﺼﻴﺒﻚ ﺍﻫﻢ ﺷﻲ ﺍﺻﺮﻓﻴﻠﻲ ﻓﻲ ﻣﺤﻤﺪ
ﻭﻧﺒﻴﻚ ﺑﻌﺪ ﺗﻘﻮﻟﻴﻠﻪ ﻣﻔﺶ ﻧﺼﻴﺐ ﻗﻮﻟﻴﻬﺎ ﻻﻩ ﺑﺒﺮﻭﺩ ﻭﺑﺤﻘﺎﺭﻩ
ﺯﻫﺮﻩ : ﺣﺮﺍﻡ ﻋﻠﻲ ﺧﺎﻃﺮ ﺍﻟﻌﺸﺮﻩ؟
ﻣﻼﻙ : ﻭﻧﺴﻴﺘﻲ ﺷﻦ ﺩﺍﺭ ﻓﻴﺎ؟؟
ﺯﻫﺮﻩ : ﺧﻼﺹ ﺍﺍﻟﻲ ﺗﺒﻴﻪ ﻳﺼﻴﺮ ﺍﻫﻢ ﺷﻲ ﻣﻮﺿﻮﻉ ﻣﺤﻤﺪ ﺑﻜﺮﻩ ﻳﺼﻜﺮ
ﺑﺲ ﺯﻋﻤﺎ ﻣﻴﺸﻜﺶ ﻻﻧﻚ ﺟﺎﺭﺗﻲ؟؟
ﻣﻼﻙ : ﺧﻠﻴﻪ ﻳﺸﻚ ﻣﺘﻌﻄﺶ ﺟﻮﺍﺏ ﺧﻠﻴﻪ ﻳﺎﺧﺪ ﺭﺣﻤﻪ ﻣﻦ ﻣﺴﺘﻮﺍﻩ ﺍﺻﻼ
ﺯﻫﺮﻩ : ﺧﻼﺹ ﻛﻼﻣﻚ ﺗﻢ ﺍﺣﻜﻴﻠﻲ ﻉ ﻭﺳﺎﻡ ؟؟
#
#
#
ﺍﻧﺎ : ﻣﺮﻭﻭﻭﻭﻭﺡ ﺑﻜﺮﻩ؟؟؟
ﻫﻨﺪ : ﺍﻫﺎﺍﺍ ﺑﻜﺮﻩ ^^ ﻭﺑﻜﺮﻩ ﺧﻤﻴﺲ ﻳﻌﻨﻲ ﺣﺘﺸﻮﻓﻴﻪ
ﺍﻧﺎ : ﻛﻨﻬﻢ ﺭﻭﺣﻮ ﺑﺴﺮﻋﻪ ﻣﻦ ﺗﻮﻧﺲ ﻳﻌﻨﻲ ﺍﻣﻪ ﺻﺤﺖ؟
ﻫﻨﺪ : ﺍﻣﻪ ﻣﺮﻳﻀﻪ ﻭﺍﺧﺮﺍ ﻳﺪﻳﺮﻭﻟﻬﺎ ﻑ ﻋﻼﺝ ﻃﺒﻴﻌﻲ
ﺍﻧﺎ : ﻻﺑﺎﺱ ﻋﻠﻴﻬﺎ ﺭﺑﻲ ﻳﺸﻔﻴﻬﺎ ﺍﻥ ﺷﺎﺀﺍﻟﻠﻪ
ﻫﻨﺪ : ﺍﻥ ﺷﺎﺀﺍﻟﻠﻪ ﺑﻌﺪﻙ ﺍﻣﻪ ﻃﻴﺒﻪ ﺑﻜﻞ
ﺍﻧﺎ : ﺍﻫﺎﺍ ﺭﺑﻲ ﻳﺸﻔﻴﻬﺎ ﺧﻼﺹ ﻧﺎﺏ ﻧﺮﻛﺐ
ﻫﻨﺪ : ﺑﺪﺭﻱ؟
ﺍﻧﺎ : ﻻﻻ ﺗﻮ ﺑﺎﻟﻜﻲ ﺍﻧﺘﻼﻗﻮ ﻓﻲ ﺍﻟﻌﺸﻪ
ﺭﻛﺒﺖ
ﻭﻗﻌﺪﺕ ﺣﺎﻃﻪ ﻧﻘﺎﻟﻲ ﻗﺪﺍﻣﻲ ﻧﺮﺟﻲ ﻓﻴﻪ ﻳﺮﻥ
ﻣﺮﻧﺶ
ﻛﻞ ﺷﻮﻱ ﻧﺸﻮﻑ ﺍﻟﺮﻭﺷﻦ ﺑﻨﺸﻮﻓﻪ ﻃﻠﻊ ﻭﻻ ﻻ؟
ﻣﻄﻠﻌﺶ
ﻧﺎﺽ ﻋﻤﺮ ﻣﻊ ﺍﻟﺴﺎﻋﻪ 7 ﺍﻟﻤﻐﺮﺏ
ﻫﺒﻪ : ﺷﻮﻑ ﻫﺒﻪ ﺷﻦ ﺷﺮﺗﻠﻚ؟؟
ﻋﻤﺮ : ﺷﻨﻮ؟
ﻫﺒﻪ : ﻣﻐﻠﻔﺘﻬﺎ ﺍﻓﺘﺤﻬﺎ ﺑﺮﻭﺣﻚ ﻭﺍﻣﻬﺎ ﺷﺮﻳﺘﻠﻚ ﻋﻄﺮ ﺩﻳﻮﺭ ﻣﻦ ﻗﺪﻙ
ﻋﻤﺮ : ﺍﻣﻤﻢ ﺣﺘﻲ ﺍﻣﻬﺎ؟
ﻫﺒﻪ : ﻭﺍﺧﺘﻬﺎ ﺩﺍﺭﻳﻦ ﺣﺘﻲ ﻫﻴﺎ
ﻫﻨﺪ : ﺗﻠﻘﻴﻬﺎ ﻫﻴﺎ ﺍﻟﻠﻲ ﺯﺍﺭﺗﻬﻦ ﻉ ﺷﺮﺍ
ﻫﺒﻪ : ﺍﺳﻜﺘﻲ ﺍﻧﺘﻲ
ﻋﻤﺮ : ﻧﻈﺎﺭﺍﺕ ﺑﺲ ﻧﺎﻡ ﻧﺤﺒﺶ ﺍﻟﻨﻈﺎﺭﺍﺕ ﺍﻟﻘﻬﻮﻳﺎﺕ؟
ﻫﺒﻪ : ﺧﻮﺩﻫﻦ ﻭﺍﺳﻜﺖ
ﻫﻨﺪ : ﺍﻓﺘﺢ ﻫﺪﻳﺔ ﺗﺴﻨﻴﻢ
ﻫﺒﻪ : ﻻﻻ ﺍﻓﺘﺤﻬﺎ ﺑﺮﻭﺣﻚ ﻓﻲ ﺩﺍﺭﻙ
ﻋﻤﺮ : ﻋﺎﺩﻱ ﺗﻮ ﻧﻔﺘﺤﻬﺎ ﻫﻨﺎ
ﻓﺘﺤﻬﺎ؟؟؟؟؟؟
ﻫﺒﻪ : ﺍﻭﺑﺎﺍﺍ ﺳﺎﻋﺔ ﻣﻦ ﻗﻮﺗﺸﻲ ﻭﺳﻴﺮ ﻭﻋﻄﺮ ﻭﺍﺍﻭﻭ ﺫﻭﺍﻗﻪ ﺗﺴﻨﻴﻢ
ﻫﻨﺪ : ﻣﺎﺭﻛﻪ ﻫﺬﻱ ﻣﻨﺤﺒﻬﺶ ﺍﻭﻓﺮ
ﻫﺒﻪ : ﻋﻴﻨﻚ ﺭﺍﻗﻴﻪ ﺑﻜﻞ ﻟﻠﺮﺟﺎﻟﻪ
ﻋﻤﺮ : ﺳﺎﻋﻪ ﻣﻨﺤﺒﺶ ﻧﻠﺒﺲ ﻭﻋﻄﺮ ﻋﺠﺒﻨﻲ ﻣﺘﺎﻉ ﺍﻣﻬﺎ ﺍﻛﺜﺮ
ﻭﺳﻴﺮ ﻣﻨﺤﺒﺶ ﻳﻀﺎﻳﻖ ﻓﻴﺎ
ﻫﺒﻪ : ﺑﺲ؟
ﻋﻤﺮ : ﺗﻮ ﻧﺸﻜﺮﻫﺎ
ﻫﺒﻪ : ﺍﻟﺒﻨﺖ ﺯﻋﻼﻧﻪ
ﻋﻤﺮ : ﺍﻣﻲ ﻭﻳﻦ؟
ﻫﻨﺪ : ﺍﻣﻲ ﺍﺷﺮ ﻣﻨﻬﺎ ﺯﻋﻼﻧﻪ؟
ﻋﻤﺮ : ﻣﺶ ﻗﺎﻋﺪﻩ
ﻫﺒﻪ : ﻃﻠﻌﺖ ﻭﻗﺎﻟﺖ ﺍﻭﻝ ﻣﺎﻳﻨﻮﺽ ﺧﻮﻛﻦ ﺣﻄﻠﻪ ﺇﺫﺍ ﻭﻗﻮﻟﻠﻪ ﻗﺎﻟﺘﻠﻚ ﺍﻣﻲ
ﻣﺘﻄﻠﻌﺶ؟
ﻋﻤﺮ : ﻏﺴﻠﺖ ﺩﺑﺸﻲ؟
ﻫﻨﺪ : ﻏﺴﻼﺗﻪ ﻭﻗﺎﻋﺪ ﻣﻨﺸﻮﺭ
ﻣﺮﺭ ﺍﻟﻮﻗﺖ ﻭﺭﻭﺣﺖ ﺍﺑﻠﻪ ﺟﻤﻴﻠﻪ
ﻟﻘﺖ ﻋﻤﺮ ﻣﻜﺴﺪ ﻣﻊ ﺭﻳﺘﺎ؟؟؟
ﻋﻤﺮ : ﺍﻣﻲ؟؟
ﺍﻣﻪ : ﻣﺘﺤﻜﺶ ﻣﻌﺎﻳﻪ؟
ﻋﻤﺮ : ﺍﻭﻭﻭ ﻭﻋﻠﻴﺶ ﻫﻀﺎ ﻛﻠﻪ
ﺍﻣﻪ : ﻫﻀﺎ ﻣﻘﻠﺐ ﺩﻳﺮﻩ ﻓﻴﻨﺎ ﺍﻧﺤﺮﺟﻨﺎ ﻗﺪﺍﻡ ﺍﻟﻌﺮﺏ
ﻋﻤﺮ : ﺭﻧﻮ ﻋﻠﻴﺎ ﻭﻃﻠﻊ ﻣﺴﺘﻌﺠﻞ ﺍﻣﻲ ﺧﻼﺹ
ﺍﻣﻪ " ؟؟؟؟؟؟
ﻋﻤﺮ : ﺧﻼﺹ ﺍﺳﻒ
ﺍﻣﻪ : ﺗﻐﺬﻳﺖ؟؟
ﻋﻤﺮ : ﺗﻐﺬﻳﺖ ﻭﺗﻮﺍ ﺟﻌﺖ ﺍﺧﺮﺍ ﻃﻮﻟﻲ ﻋﺸﺎﺀ
ﺍﻣﻪ : ﺑﺎﻫﻲ ﺗﻮ ﻧﺪﻳﺮﻟﻚ ﻣﻔﺮﻭﻡ؟؟؟
ﻋﻤﺮ : ﻳﺎﺭﻳﺖ ﻛﻴﻤﻴﺎﺀ؟؟
ﺍﻣﻪ : ﺣﺎﺿﺮ
#
#
#
ﻭﻧﺎ ﻧﺮﺟﻲ ﻛﻴﻒ ﺍﻟﻬﺒﻠﻪ ﻣﺮﻧﺶ
ﺍﺩﻭﺷﺖ ﻭﺍﺳﺸﻮﺭﺕ ﺷﻌﺮﻱ
ﻭﺩﺭﺕ ﺷﻮﻳﺔ ﻛﺤﻞ
ﺗﻮﻗﻌﺘﻪ ﻳﺪﻕ؟؟؟ﻋﻠﻴﺎ؟؟؟
ﺍﺑﺪﺍ ﻻ ﺭﻥ ﻭﺭﻻ ﺭﻛﺐ ﻭﻻ ﺩﻕ ﻭﻻ ﻋﺒﺮﻧﻲ
ﺛﺎﻧﻲ ﻳﻮﻡ ﻧﻀﺖ ﻣﺘﺎﺧﺮ ﻟﻌﻨﺪ ﺍﻟﻔﺠﺮ ﻭﺍﻥ ﺭﺟﻲ ﻓﻲ ﺣﻀﺮﺗﻪ ﻳﺮﻥ
ﻭﻣﺮﻧﺶ
ﻭﺗﻴﺖ ﺭﻭﺣﻲ
ﻟﺒﺴﺖ ﻗﻮﻧﻪ ﺳﻮﺩﻩ ﻃﻮﻳﻠﻪ ﻭﻟﺒﺴﺖ ﻣﻌﺎﻫﺎ ﺳﻮﺭﻳﻪ ﻭﺭﺩﻳﻪ ﻭﺷﺎﺡ ﺍﺳﻮﺩ ﻓﻲ ﻭﺭﺩ
ﻭﻣﻜﻴﺠﺖ ﻭﺣﻄﻴﺖ ﻋﻄﺮ ﻭﻟﺒﺴﺖ ﺍﻛﺴﺴﻮﺍﺭ ﻭﺩﺭﺕ ﻣﻜﻴﺎﺝ ﺧﻔﻴﻴﻒ
ﻧﺰﻟﺖ
ﻫﻨﺪ : ﺍﻟﺸﻴﺎﻛﻪ ﻫﺬﻱ ﻛﻠﻬﺎ ﻋﺸﺎﻥ ﻗﺘﻠﻚ ﻣﻨﻌﻢ ﺭﻭﺡ
ﺍﻧﺎ : ﻻ ﻋﺎﺩﻱ ﻛﻴﻒ ﻗﺒﻞ
( ﻣﻨﻌﻢ ﺷﻨﻮ ﻭﻧﺎﺩﺍﻳﺮﻩ ﻫﻀﺎ ﻛﻠﻪ ﻧﺤﺴﺎﺏ ﻋﻤﺮ ﺑﻴﺸﻴﻠﻨﺎ )
ﻫﻨﺪ : ﺗﻬﺒﻞ ﺍﻟﻠﺒﺴﻪ ﺍﺻﺒﺮﻱ ﺑﺲ ﺷﻮﻳﻪ ﻭﻧﺠﻴﻚ
ﺍﻧﺎ : ﻫﺾ ﻛﻠﻪ ﻣﺶ ﻣﻮﺗﻴﻪ ﺭﻭﺣﻚ ﻧﺎ ﻧﺮﺟﻲ ﻓﻴﻚ ﻓﻲ ﺟﻨﺎﻥ
ﻫﻨﺪ : ﺣﻨﻄﻮﻝ ﺭﺑﻊ ﺳﺎﻋﻪ ﻭﻧﺠﻴﻚ
ﺍﻧﺎ : ﺧﻮﺩﻱ ﺭﺍﺣﺘﻚ
ﻗﻌﺪﺕ ﻓﻲ ﺟﻨﺎﻥ ﻛﻞ ﻣﺮﻩ ﻣﻄﻠﻌﻪ ﻧﻘﺎﻝ ﻧﺸﻮﻑ ﻓﻲ ﻭﺟﻲ
#
#
#
ﻫﻨﺪ : ﻣﺎﻣﺎ ﺗﻮﺍ 1 ﻭﻧﺺ ﻫﻴﺎﺍﺍﺍ؟؟؟ﺑﻨﻌﺪﻱ ﻧﻠﺒﺲ ﻧﺎ
ﻋﻤﺮ : ؟؟؟؟
ﺍﻣﻪ : ﺑﺘﺸﻠﻬﻦ ﺍﻧﺖ؟
ﻫﻨﺪ : ﺗﻲ ﻫﻴﺎ ﻉ ﺳﺮﻳﻊ ﺍﻟﻴﻮﻡ ﺑﺬﺍﺕ ﻣﻨﺶ ﻣﻄﻮﻟﻴﻦ
ﺍﻣﻪ : ﻭﻋﻠﻴﺶ؟
ﻫﻨﺪ : ﻣﻨﻌﻢ ﺭﻭﺡ ﻣﻦ ﺗﻮﻧﺲ ﻭﺣﻜﻴﺘﻠﻚ ﻧﺎ ﻉ ﻣﻮﺿﻮﻋﻪ ﻫﻮﺍ ﻭﺟﻴﻬﺎﻥ
ﻋﻤﺮ : ﺭﻭﻭﻭﺡ؟؟؟ ﺍﻣﺘﻲ؟
ﻫﻨﺪ : ﺍﻣﺲ ﻭﺻﻠﻮ ﺑﻨﻐﺎﺯﻱ
ﺍﻣﻪ : ﻋﻠﻴﻚ ﻓﻀﻴﺤﻪ ﻣﺎﻛﻠﻤﺘﻬﻢ ﺍﺻﺒﺮﻱ ﺷﻮﻳﻪ ﻧﻄﻔﻲ ﻉ ﺇﺫﺍ ﻧﺎﺧﺪ ﻋﺒﺎﻳﺘﻲ ﻭﻧﻄﻠﻊ ﺑﻴﻜﻦ
ﻫﻨﺪ : ﻧﺎ ﺑﻨﻌﺪﻱ ﻧﺒﺪﻝ
ﻃﻠﻌﺘﻠﻲ ﻋﻤﺮ .........
ﺻﺒﻴﺖ ﺑﻌﺪ ﻣﺎﺷﻔﺘﻪ؟؟؟
ﻋﻤﺮ : ؟؟؟؟؟؟؟
ﺍﻧﺎ :| ؟؟؟؟؟؟؟
ﻋﻤﺮ : ﺍﻭﻭﻭ ﻫﻀﺎ ﻛﻠﻪ ﻋﺸﺎﻥ ﻣﻨﻌﻢ؟؟
ﺍﻧﺎ : ﺷﻨﻮ ﺍﻟﻠﻲ ﻫﻀﺎ ﻛﻠﻪ؟
ﻋﻤﺮ : ﻻﺑﺴﻪ ﻭﻣﺸﻴﻜﻪ ﻭﻣﺘﻌﻄﺮﻩ ﻭﺍﺧﺮﻱ ﻣﻜﻴﺠﻪ
ﺍﻧﺎ : ﻻ ﻋﺎﺩﻱ ﺍﻣﻤﻢ ﺑﺲ ﻫﻚ
ﻋﻤﺮ : ﻓﺮﺣﺎﻧﻪ ﺑﻤﺮﻭﺍﺣﺘﻪ ﺑﻄﻴﺮﻱ ﻣﻦ ﺍﻟﻔﺮﺡ
ﺍﻧﺎ : ﻣﻔﻜﺮﺗﺶ ﻓﻲ ﺍﻟﻤﻮﺿﻮﻉ ﺍﺻﻼ؟
ﻋﻤﺮ : ﻻ ﻭﺍﺿﺢ ﺍﻧﻚ ﻣﻔﻜﺮﺗﺶ ﺑﻜﻞ ﻭﺍﺿﺢ
ﺍﻧﺎ : ﺍﻧﺖ ﺷﻜﻠﻚ ﻣﺘﻌﺎﻙ ﻣﻊ ﺧﻄﻴﺒﺘﻚ ﻭﺟﺎﻱ ﺗﻔﺸﺶ ﻓﻴﺎ
ﻋﻤﺮ : ﻧﺎ ﻭﺧﻄﻴﺒﺘﻲ ﻣﻨﺘﻌﺎﺭﻛﻮﺵ ﺑﻠﻌﻜﺲ ﺣﻴﺎﺗﻨﺎ ﺣﻠﻮﻩ ﻭﻧﺨﻄﻄﻮ ﻟﻠﻤﺴﺘﻘﺒﻞ
ﺍﻧﺎ : ﺑﻪ ﺭﺑﻲ ﻳﺴﻌﺪﻙ ﺍﻧﺖ ﻭﻳﺎﻫﺎ ﻣﻤﻜﻦ ﺗﺨﺶ ﺗﻜﻠﻢ ﻫﻨﺪ
ﻋﻤﺮ : ﻣﺘﻘﺪﺭﻳﺶ ﺗﺎﺧﺮﻱ ﻉ ﺭﺍﺟﻞ ﺍﻛﺜﺮ ﻣﻦ ﻫﻚ؟
ﺍﻧﺎ : ﺍﻫﺎ ﻋﻴﺐ ﺍﻧﻄﻮﻝ ﻳﻌﻨﻲ ﺑﻨﻘﻮﻟﻪ ﺣﻤﺪﻟﻠﻪ ﻉ ﺳﻼﻣﺘﻚ ﻭﺍﺭﺍﻳﻔﻨﺎ ﻋﻠﻴﻚ
ﻋﻤﺮ : ﺍﻫﺎﺍ ﺿﺮﻭﺭﻱ ﺗﻘﻮﻟﻴﻠﻪ ﻉ ﻣﺸﺎﻋﺮﻙ ﺑﻠﻤﺮﻩ
ﻭﻃﻠﻌﺖ ﻫﻨﺪ
ﻫﻨﺪ : ﻋﻤﻮﺭﻱ ﺑﺘﺸﻴﻠﻨﺎ؟؟
ﺍﻧﺎ : ؟؟؟
ﻋﻤﺮ : ﻻﻻ ﻣﻨﺤﺒﺶ ﻧﺮﻛﺐ ﺃﻱ ﺣﺪ ﻓﻲ ﺳﻴﺎﺭﺗﻲ ﺗﻮ ﺍﻣﻲ ﺗﺸﻠﻜﻦ
ﺍﻧﺎ : ﺑﻨﺎﻗﺺ ﺍﺻﻼ ﺣﺘﻲ ﻧﺎﻡ ﻧﺒﺶ ﻧﺮﻛﺐ ﻣﻌﺎﻙ
ﻋﻤﺮ : ﻭﺍﻃﻲ ﺻﻮﺗﻚ ﻭﺍﻧﺘﻲ ﺗﺤﻜﻲ ﻣﻌﺎﻳﻪ ﻓﺎﻫﻤﻪ \ ؟؟
ﻫﻨﺪ : ﻛﻨﻜﻢ ﺑﺴﻢ ﺍﻟﻠﻪ
ﺍﻧﺎ : ﻻ ﻣﻨﺶ ﻣﻮﺍﻃﻴﺘﻪ ﻭﻣﻦ ﺍﻧﺖ ﻋﺸﺎﻥ ﺗﻘﻮﻟﻲ ﻭﺍﻃﻲ ﺻﻮﺗﻚ ﻧﺎ ﺣﺮﻩ
ﺑﻨﻌﻠﻴﻪ ؟؟؟
ﻋﻤﺮ : ﺗﺴﻜﺘﻲ ﻭﻻ ﻧﻌﺮﻑ ﻛﻴﻒ ﻧﺼﺮﻑ ﻣﻌﺎﻙ؟؟
ﺍﻧﺎ : ﺍﺻﺮﻑ ﻣﻌﺎﻳﻪ ﺍﺻﻼ ﺷﻨﻮ ﺍﻟﻠﻲ ﺗﻘﺪﺭ ﺍﺩﻳﺮﻩ ﻟﻴﺎ ﺍﻧﺖ؟؟
ﻫﻨﺪ : ﺟﻴﻬﺎﺍﻥ ﺧﻼﺹ ﻋﻤﺮ ﺧﺶ ﺟﻮﺍ
ﺍﻧﺎ : ﺍﻩ ﺍﺧﺶ ﺧﺶ ﻫﻮﻳﻨﺎ
ﻋﻤﺮ : ﺍﺣﺘﺮﻣﻲ ﻧﻔﺴﻚ
ﺍﻧﺎ : ﻧﺎﻗﺺ ﺍﻻ ﺍﻧﺖ ﺗﻘﻮﻟﻲ ﺍﺣﺘﺮﻣﻲ ﻧﻔﺴﻚ ﻣﺤﺘﺮﻣﻪ ﻧﻔﺴﻲ ﻛﻮﻳﺲ
ﻋﻤﺮ : ﺍﻧﺘﻲ ﻭﺣﺪﻩ ﺟﺎﻟﻄﻪ ﻭﻟﺴﺎﻧﻚ ﻓﺎﻟﺖ
ﺍﻧﺎ : ﻣﺪﺧﻠﻜﺶ ﻓﺎﻫﻢ ﻭﻻ ﻻ؟؟؟
ﻋﻤﺮ : ﺍﺣﺘﺮﻣﻴﻨﻲ ﻏﺼﺒﺎ ﻋﻨﻚ ﻭﺗﺤﺘﺮﻣﻴﻪ ﺍﻟﺤﻮﺵ ﺍﻟﻠﻲ ﺍﻧﺘﻲ ﻗﺎﻋﺪﻩ ﻓﻴﻪ
ﺍﻧﺎ : ﻭﺍﻟﻠﻪ ﻧﺎ ﻧﻌﺮﻑ ﺣﺪﻭﺩﻱ ﻛﻮﻳﺲ ﺷﻮﻑ ﺭﻭﺣﻚ ﻋﺎﺩ ﺍﻧﺖ
ﻋﻤﺮ : ﺍﻧﺘﻲ ﻣﺘﺒﺶ ﺗﺴﻜﺘﻲ؟؟؟
ﺍﻧﺎ : ﻻﻻ ﻣﻨﺶ ﺳﺎﻛﺘﻠﻚ ﻣﺶ ﺧﺎﻳﻔﻪ ﻣﻨﻚ
ﻫﻨﺪ : ﺧﻼﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺹ ﺧﻼﺹ
ﻋﻤﺮ : ( ﺧﺶ )
ﻫﻨﺪ : ﻭﻭﻭﻩ ﻣﻨﻚ ﺍﻧﺘﻲ ﻳﺎﺟﻴﻬﺎﻥ ﻋﻠﻴﻚ ﻟﺴﺎﻥ ﻟﻤﻴﺘﻲ ﻋﻠﻴﻨﺎ ﺍﻟﻨﺎﺱ
ﺍﻧﺎ : ﻳﻌﻨﻲ ﻣﺸﻔﺘﻴﺶ ﻫﻮﺍ ﻛﻴﻒ ﻳﺤﻜﻲ ﻣﻌﺎﻳﻪ ﻧﺎﻗﺺ ﺍﻻ ﻳﻀﺮﺑﻨﻲ
ﻫﻨﺪ : ﺍﻧﺘﻲ ﻛﻼﻣﻚ ﻣﺴﺘﻔﺰﺯ
ﺍﻧﺎ : ﻃﺒﻌﺎ ﺍﻧﺘﻲ ﺛﺎﻧﻴﻪ ﺑﺘﺪﺍﻓﻌﻲ ﻉ ﺧﻮﻙ
ﻫﻨﺪ : ﺟﻴﻬﺎﺍﺍﻥ ﻛﻨﻚ؟؟؟؟؟؟
ﺍﻧﺎ : ﺷﻮﻓﻲ ﺭﻭﺣﻚ ﺻﻔﻲ ﻣﻊ ﺍﻟﺤﻖ ﻣﺶ ﻣﻌﺎﻩ
ﻫﻨﺪ : ﺧﻼﺹ ﺍﺳﻜﺘﻲ ﻣﺶ ﻧﺎﻗﺼﺘﻚ
ﺍﻧﺎ : ﺧﻼﺹ ﻳﺒﻘﻲ ﺣﺘﻲ ﺍﻟﻤﺸﻲ ﻣﻌﺎﻙ ﻣﻌﺶ ﺑﻨﻤﺸﻲ
ﻫﻨﺪ : ﺟﻴﻬﺎﻥ ﺑﻼ ﺣﺮﻛﺎﺕ ﺍﻃﻔﺎﻝ 😒
ﺭﻛﺒﺖ ﻭﺳﻴﺒﺘﻬﺎ
ﻫﻨﺪ : ﺍﺣﺴﻦ ﻣﺎﺩﺭﺗﻲ
ﻃﻠﻌﺖ ﺍﻣﻬﺎ؟؟
ﺍﻣﻬﺎ : ﺟﻴﻬﺎﻥ ﻭﻳﻦ؟؟
ﻫﻨﺪ : ﺭﻛﺒﺖ ﻣﺘﺒﺶ ﺍﺗﻌﺪﻱ؟
ﻫﻨﺪ : ﻛﻨﻬﺎ؟
ﻫﺪ : ﻣﺶ ﻋﺎﺭﻑ ﻓﻮﺗﻴﻬﺎ ﻣﺶ ﻃﺒﻴﻌﻴﻪ ﻫﻴﺎ ﺑﺲ ﻭﻗﺖ
ﺧﺸﻴﺖ ﻟﻠﺤﻮﺵ
ﻣﺎﻣﺎ : ﻛﻨﻚ ﻣﺼﺮﻟﻜﺶ ﻣﻦ ﺍﻟﻤﺸﻴﻪ
ﺍﻧﺎ : ﻣﺶ ﻋﺎﺭﻑ ﺑﺲ ﻣﻨﺒﺶ ﺣﺪ ﻳﺸﻴﻠﻨﻲ ﻣﻨﻬﻢ ﺍﻟﻠﻲ ﻟﻮﻃﻪ
ﻣﺎﻣﺎ : ﺑﺎﻫﻲ ﻫﻴﺎ ﺗﻮ ﻧﻠﺒﺲ ﺟﻠﺒﺎﺑﻲ ﻭﻧﺸﻴﻠﻚ ﻧﺎ
ﺍﻧﺎ : ﺑﻪ
ﻟﺒﺴﺖ ﻣﺎﻣﺎ ﺟﻠﺒﺎﺑﻬﺎ ﻭﻧﺰﻟﻨﺎ
ﻟﻘﻴﻨﺎ ﻋﻤﺮ ﻟﻮﻃﻪ
ﻋﻤﺮ : ﺍﺣﻤﻢ ﺧﻴﺮ ﺍﻥ ﺷﺎﺀﺍﻟﻠﻪ؟
ﺍﻧﺎ : ( ﻗﻠﺒﺖ ﻭﺟﻲ ﻭﻣﺒﻴﺘﺶ ﺍﻧﺒﺤﺖ ﻓﻴﻪ ) 😒
ﻣﺎﻣﺎ : ﺑﻨﺸﻴﻞ ﺟﻴﻬﺎﻥ ﻟﻠﻤﺪﺭﺳﻪ
ﻋﻤﺮ : ﻫﻴﺎ ﻧﻮﺻﻠﻜﻢ؟ 😊
ﻣﺎﻣﺎ : ﻻﻻ ﻣﻨﺒﻮﺵ ﻧﺘﻌﺒﻮﻙ 😌
ﺍﻧﺎ : ﻣﺴﺘﻐﻨﻴﻦ ﻋﻦ ﺧﺪﻣﺎﺗﻚ ﻳﺎﺍﺥ ﻋﻤﺮ 😒
ﻃﻠﻌﺖ
ﺍﻧﺎ : ﻣﺎﻣﺎ ﻫﻴﺎ ﻭﻗﺖ ﻣﻨﺒﺶ ﺍﻧﻄﻮﻭﻝ
ﻣﺎﻣﺎ : ﻫﻴﺎ ﺑﺴﻼﻣﻪ ﻳﺎﻭﻟﻴﺪﻱ ﺳﻠﻤﻠﻲ ﻋﻠﻲ ﺍﻣﻚ
ﻃﻠﻌﺖ ﻧﺎ ﻭﻣﺎﻣﺎ ☺
ﺧﺪﻳﻨﺎﻫﺎ ﻣﺸﻲ ﻟﻌﻨﺪ ﻣﺎﻭﺻﻠﺖ ﻓﻲ ﻣﺪﺭﺳﻪ ﺧﺸﻴﺖ ﻧﺎ
ﻭﻣﺎﻣﺎ ﺭﻭﺣﺖ ﻭﻗﺎﻟﺘﻠﻲ ﺍﻥ ﺑﺘﺠﻲ 4
ﻟﻘﻴﺖ ﻣﻨﻌﻢ
ﻣﻨﻌﻢ : ﺟﻴﻬﺎﺍﻥ؟
ﺍﻧﺎ : ﺍﻫﻠﻴﻦ ﺍﺳﺘﺎﺫ ﻣﻨﻌﻢ ﺍﻟﺤﻤﺪﻟﻠﻪ ﻉ ﺳﻼﻣﺘﻚ
ﻣﻨﻌﻢ : ﻳﺎﻫﻼ ﺍﻟﻠﻪ ﻳﺴﻠﻤﻚ ﻋﺎﺵ ﻣﻦ ﺷﺎﻓﻚ؟
ﺍﻧﺎ : ﺷﻜﺮﺍ ﻛﻴﻒ ﺣﺎﻟﻬﺎ ﺍﻣﻚ؟
ﻣﻨﻌﻢ : ﺍﺣﺴﻦ ﻣﻦ ﻗﺒﻞ ﺍﻟﺤﻤﺪﻟﻠﻪ ﻉ ﻛﻞ ﺍﻝ 😌
ﺍﻧﺎ : ﺭﺑﻲ ﻳﺸﻔﻴﻬﺎ ﻭﻳﻄﻤﻨﻜﻢ ﻋﻠﻴﻬﺎ ﻧﺴﺘﺎﺫﻧﻚ؟
ﻣﻨﻌﻢ : ﺍﺳﺘﻨﻲ ﺣﻜﺘﻠﻚ ﻓﺪﻭﻱ؟؟
ﺍﻧﺎ : ﺍﻫﺎﺍ ﺣﻜﺘﻠﻲ
ﻣﻨﻌﻢ : ﻧﺒﻲ ﻧﺎﺧﺪ ﺭﺍﻳﻚ ﻗﺒﻞ ﻣﺎﻧﺤﻜﻲ ﻣﻊ ﺑﺎﺗﺘﻚ؟
ﺍﻧﺎ : ( ﻣﻮﻗﻒ ﺗﻤﻨﻴﺖ ﻓﻲ ﺍﻟﻮﻃﺎ ﺗﻨﺸﻖ ﻭﺗﺒﻠﻌﻨﻲ ﻭﺗﺮﺩ ﺗﺴﻜﺮ ﺍﻟﻮﻃﺎ ﻭﻧﺎ ﻧﺨﺘﻔﻲ ﻓﻴﻬﺎ ﺟﻮﺍ ) 😫
ﻣﻨﻌﻢ : ﻭﻳﻦ ﺳﺮﺣﺘﻲ؟ 😳
ﺍﻧﺎ : ﻻ ﻣﺴﺮﺣﺘﺶ ﺑﺼﺮﺍﺣﻪ ﻣﻮﺿﻮﻉ ﻛﻴﻒ ﻫﺬﺍ ﻳﻘﺮﺭﻩ ﺑﺎﺑﺎ ﻛﻠﻤﻪ ﺍﻻﻭﻟﻲ ﻭﺍﻻﺧﻴﺮﻩ ﻻﻩ ﻫﻮﺍ ☺
ﻣﻨﻌﻢ : ﺑﺲ ﺍﻧﺘﻲ ﺻﺎﺣﺒﺔ ﺍﻟﺸﺎﻥ ﻳﻌﻨﻲ ﺿﺮﻭﺭﻱ ﻧﻌﺮﻑ ﺭﺍﻳﻚ؟
ﺍﻧﺎ : ﻗﺘﻠﻚ ﻣﺶ ﻋﺎﺭﻑ ﺷﻨﻮ ﺍﻧﻘﻮﻟﻚ ﺑﺲ ﺍﻣﻤﻢ ﺍﺻﻼ ﻳﻌﻨﻲ ﻗﺼﺪﻱ ﻋﺮﻓﺖ ﻛﻴﻒ
ﻣﻨﻌﻢ : ﺑﺎﻫﻲ ﺍﻭﻙ ﺍﻭﻙ ﻓﻬﻤﺖ ﺍﻧﻚ ﻣﻨﺤﺮﺟﻪ ﺗﻘﺪﺭﻱ ﺗﺸﻮﻓﻲ ﺷﻐﻠﻚ
ﺍﻧﺎ : ﺑﺎﻫﻲ ﻋﻦ ﺍﺫﻧﻚ ☺
ﻣﻨﻌﻢ : ﺟﻴﻬﺎﺍﻥ 😳
ﺍﻧﺎ : ﻧﻌﻢ . ؟ 😊
ﻣﻨﻌﻢ : ﺍﻧﺘﻲ ﻣﺮﻩ ﻣﻦ ﻗﺒﻞ ﺟﻴﺘﻲ ﻳﻌﺒﺎﻳﻪ | ؟ﻣﺮﻩ ﻭﺣﺪﻩ؟؟
ﺍﻧﺎ : ﺍﻫﺎﺍ ﻛﻨﻬﺎ؟
ﻣﻨﻌﻢ : ﻳﺎﺭﻳﺖ ﺗﻠﺒﺴﻴﻬﺎ ﻳﻌﻨﻲ ﺍﺍﻧﺎ ﺑﺼﺪﻕ ﻧﻔﻀﻠﻬﺎ ﻉ ﺑﻨﺖ
ﺍﻧﺎ : ﺑﺲ ﻧﺎ ﻣﻨﺤﺒﻬﺶ؟
ﻣﻨﻌﻢ : ﺗﻮ ﺗﻌﻮﺩﻱ ﻋﻠﻴﻬﺎ ﻳﻌﻨﻲ ﺍﻧﺘﻲ ﺑﻨﻴﻪ ﻣﺸﺎﺀﺍﻟﻠﻪ ﻋﻠﻴﻚ ﻭﺗﻠﺒﺴﻲ ﻭﺍﻧﻴﻘﻪ 😍😍😍
ﻣﺤﻂ ﻻﻧﻈﺎﺭ ﻭﺍﻟﻌﺒﺎﻳﻪ ﺳﺘﺮﻩ ﻟﻚ ﻭﻟﻬﻠﻚ ﺍﻧﺎ ﻣﺶ ﻗﺼﺪﻱ ﻧﺪﺧﻞ ﻓﻴﻚ
ﻓﻲ ﻧﻬﺎﻳﻪ ﺍﻧﺘﻲ ﻣﺰﻟﺘﻲ ﻣﺎﻗﻌﺪﺗﻲ ﺗﺨﺼﻴﻨﻲ ﺑﺲ ﺍﻋﺘﺒﺮﻳﻬﺎ ﻧﺼﻴﺤﻪ ☺
ﺍﻧﺎ : ﺷﻜﺮﺍﺍ ﻋﻦ ﺍﺫﻧﻚ؟ 😊
ﻣﻨﻌﻢ : ﺗﻔﻀﻠﻲ ☺
ﺗﻲ ﻣﻦ ﺟﺪﻩ ﻫﻀﺎ ﻋﺒﺎﺍﺍﻳﻪ؟؟؟؟؟؟ ﺗﻲ ﻧﺎ ﻧﻠﺒﺲ ﻓﻴﻬﺎ ﺑﻌﺪ ﻧﻘﻌﺪ ﻣﺘﻨﻜﺪﻩ
ﺍﻓﻔﻔﻒ ﻭﻧﺎ ﺍﻟﻠﻲ ﺣﺎﻃﻪ ﻓﻲ ﺭﺍﺳﻲ ﺍﻭﻝ ﻣﺎﻧﺠﻮﺯ ﻛﻞ ﻳﻮﻡ ﺭﺍﺟﻠﻲ ﺑﻴﺸﻴﻠﻨﻲ
ﻟﺴﻮﻕ ﻭﺑﻴﺸﺮﻳﻠﻲ ﻋﺮﻡ ﻗﻄﻊ ﻭﻃﺮﻭﻑ ﺍﻓﻔﻒ ﻣﻦ ﻭﻳﻦ ﻃﻠﻌﻠﻲ ﺑﻘﺼﺔ
ﺍﻟﻌﺒﺎﻳﻪ ﻧﻜﺪ ﻋﻠﻴﺎ ﻧﻜﻜﻜﺪ ﻋﻠﻴﺎﺍﺍﺍ 😒
ﻋﻄﻴﺘﻬﻢ ﺣﺼﻪ ﻭﺍﺗﻔﻘﻨﺎ ﺍﻥ ﺍﻟﺤﺼﻪ ﺍﻟﺠﺎﻳﻪ ﺍﻣﺘﺤﺎﻥ
#
#
#
ﻭﺻﻠﺖ ﺍﺑﻠﻪ ﺟﻤﻴﻠﻪ ﻉ ﺣﻮﺷﻬﺎ ﻭﻧﺰﻟﺖ ﻟﻘﺖ ﻋﻤﺮ ﻓﻲ ﺟﻨﺎﻥ :
ﻋﻤﺮ : ﻛﻨﻚ ﻣﺎﺷﻠﺘﻴﻬﺎ ﻣﻌﺎﻙ ﺍﻟﺒﻨﺖ؟؟؟
ﺍﻣﻪ : ﺃﻱ ﺑﻨﺖ
ﻋﻤﺮ : ﺟﻴﻬﺎﺍﻥ
ﺍﻣﻪ : ﻗﺎﻟﺘﻠﻲ ﻫﻨﺪ ﻣﺘﺒﺶ ﺗﻌﺪﻱ
ﻋﻤﺮ : ﻃﺒﻌﺎ ﻋﺪﺕ ﻣﻌﻘﻮﻟﻪ ﻣﺘﻌﺪﺵ ﻋﺪﺕ ﻋﺸﺎﻥ ﺗﺸﻮﻓﻪ
ﺍﻣﻪ : ﺷﻦ ﻗﻠﺖ؟
ﻋﻤﺮ : ﺧﺸﻲ ﺍﻧﺘﻲ ﻳﺎﻣﻲ .
ﺍﻣﻪ : ﻛﻨﻚ ﻣﻨﻔﺼﻞ؟
ﻋﻤﺮ : ﻋﺎﺟﺒﻚ ﺗﻄﻠﻊ ﻫﻴﺎ ﻭﺍﻣﻬﺎ ﻋﻠﻲ ﻛﺮﻋﻴﻬﺎ؟؟؟
ﺍﻣﻪ : ﻣﺘﺪﺧﻠﺶ ﻓﻴﻬﻦ ﻋﻨﺪﻫﻦ ﺑﺎﺕ ﻣﺴﺆﻭﻝ ﻋﻠﻴﻪ ﻓﻜﻨﻲ ﻣﻦ ﻣﺸﺎﻛﻞ ﻣﻊ ﻧﺎﺱ 😪
ﻋﻤﺮ : ﻛﻴﻒ؟؟؟ﺍﻟﺠﻴﺮﺍﻥ ﺑﻴﻘﻮﻟﻮ ﻃﺎﻟﻌﺎﺕ ﻣﻦ ﺣﻮﺵ ﻋﺒﺪ ﺍﻟﻜﺮﻳﻢ؟ 😡
ﺍﻣﻪ : ﺧﻠﻲ ﺍﻟﻠﻲ ﺑﻴﻘﻮﻝ ﻳﻘﻮﻝ .. ﻣﺘﺪﺧﻠﺶ ﻓﻴﻬﻢ ﺩﻭﺑﻚ ﺩﻭﺏ ﺧﻮﺍﺗﻚ 😪
ﻋﻤﺮ : ﺧﺸﻲ ﺍﻧﺘﻲ ﺑﺲ ﺗﻮ ﻧﺎ ﻧﺮﻭﺡ ﺑﻴﻬﻦ
ﺍﻣﻪ : ﻣﺰﺍﻝ ﻳﻜﻤﻠﻦ ﺍﻟﺴﺎﻋﻪ 4
ﻋﻤﺮ : ﻋﺎﺭﻑ ﺧﺸﻲ ﺑﺲ ﺍﻧﺘﻲ 😒
ﺟﺖ ﺍﻟﺴﺎﻋﻪ 3 ﻭﻧﺺ ﻃﻠﻌﺖ ﻣﺎﻣﺎ ﻋﺸﺎﻥ ﺗﺠﻴﻨﻲ
ﻋﻤﺮ : ﺍﻫﻠﻴﻦ؟؟ ﻧﺎ ﻣﺎﺷﻲ ﺑﻨﺠﻴﺐ ﺍﻟﺒﻨﺎﺕ ﺍﺭﻛﺒﻲ ﺑﻠﻤﺮﻩ
ﻣﺎﻣﺎ : ﻻﻻ ﺑﻌﺪﻱ ﻉ ﻛﺮﻋﻴﺎ
ﻋﻤﺮ : ﺧﻼﺹ ﻧﺎ ﻛﻴﻒ ﻭﻟﺪﻙ ﻭﺍﻋﺘﺒﺮﻳﻨﻲ ﻣﺼﺮﺭﺭ 😊
ﻣﺎﻣﺎ : ﺑﺎﻫﻲ ﺗﻮ ﻧﻌﺪﻱ ﻣﻌﺎﻙ
ﻋﻤﺮ : ﺧﻠﻴﻚ ﻣﺘﻌﺒﺶ ﺭﻭﺣﻚ ﺗﻮ ﻧﺠﻴﺒﻬﻦ ﻭﻧﺠﻲ؟ 😊
ﻣﺎﻣﺎ : ﺟﻴﻬﺎﻥ ﻭﺻﺘﻨﻲ ﻧﺎ ﻧﺮﻭﺡ ﺑﻴﻬﺎ 😥
ﻋﻤﺮ : ﻛﺎﻋﻠﻴﻚ ﻓﻴﻬﺎ ﺧﻠﻠﻲ ﺍﻟﻤﻮﺿﻮﻉ ﺷﻮﺭﻱ ﺍﺭﻛﺒﻲ ﺗﺮﻳﺤﻲ
ﻣﺎﻣﺎ : ﺑﺎﺭﻙ ﺍﻟﻠﻪ ﻓﻴﻚ ﺭﺑﻲ ﻳﻜﺜﺮ ﻣﻦ ﺍﻣﺜﺎﻟﻚ ﻭﻳﺨﻠﻴﻚ ﻻﻣﻚ
ﻋﻤﺮ : ﺗﺴﻠﻤﻲ 😊
ﻃﻠﻌﺖ ﻣﻦ ﺍﻟﺤﺼﻪ
ﻭﻗﻌﺪﺕ ﻧﺮﺍﺟﻲ ﻓﻲ ﻣﺎﻣﺎ ﻭﻣﻘﺎﺑﻠﺘﻨﻲ ﻫﻨﺪ ﻭﻃﺒﻌﺎ ﻣﻨﺤﻜﻮﺵ ﻣﻊ ﺑﻌﻀﻨﺎ
ﺟﺎ ﻋﻤﺮ
ﺑﻴﺐ ﻃﻠﻌﺘﻠﻪ ﻫﻨﺪ
ﻋﻤﺮ : ﻛﻠﻤﻴﻬﺎ؟؟؟
ﻫﻨﺪ : ﻣﺪﺧﻠﻨﺶ ﺑﻴﻬﺎ ﺧﻠﻴﻬﺎ ﺗﻮ ﺗﺮﻭﺡ ﺑﻴﻬﺎ ﺍﻣﻬﺎ
ﻋﻤﺮ : ﺗﻮ ﻧﺎ ﻧﻨﺰﻟﻬﺎ
ﻧﺰﻝ ﻣﻦ ﺳﻴﺎﺭﻩ ﻭﺻﺒﺎ ﻗﺪﺍﻣﻲ
ﻋﻤﺮ : ﺍﻣﻚ ﻗﺎﻟﺘﻠﻲ ﺍﻧﺮﻭﺡ ﺑﻴﻚ
ﺍﻧﺎ : ﻫﺌﻪ ﺑﻨﺮﺍﺟﻴﻬﺎ ﻟﻌﻨﺪ ﺗﺠﻲ 😌
ﻋﻤﺮ : ﺑﻼ ﻋﻨﺎﺩ 😡
ﺍﻧﺎ : ﻛﻼﻣﻲ ﻭﺍﺿﺢ ﻣﻨﺒﺶ ﺍﻧﻌﺎﻭﺩ 😊
ﻋﻤﺮ : ﻣﺘﺒﺶ ﺍﺗﺠﻴﻚ؟ ﻭﺗﻮﺍ 4 ﺍﻟﻤﺪﺭﺳﻪ ﺑﺘﺼﻜﺮ؟؟ 😒
ﺍﻧﺎ : ﺷﻜﺮﺍ ﻣﻌﻨﺎﻫﺎ ﺗﻮ ﻧﺮﻭﺡ ﺑﺮﻭﺣﻲ 😒
ﻋﻤﺮ : ﻏﺼﺒﺎ ﻋﻨﻚ ﻭﻛﻼﻣﻲ ﺗﻨﻔﺬﻳﻪ ﻭﺍﻧﺘﻲ ﻣﺼﻜﺮﻩ ﻓﻤﻚ؟؟؟ 😡
ﺍﻧﺎ : ﺍﺣﻜﻲ ﻣﻌﺎﻳﻪ ﺑﺎﺳﻠﻮﺏ ﻭﺣﻮﻝ ﻣﻦ ﻗﺪﺍﻣﻲ ﺑﻨﻄﻠﻊ 😠
ﻋﻤﺮ :
😡
ﺍﻧﺎ : 😠
ﻃﻠﻊ ﻣﻨﻌﻢ 😱
ﻭﻭﻭﻭﻭﻭﻭﻭ
.... ﻳﺘﺒﻊ ﺑﻜﺮﺍ ﻧﻜﻤﻞ 😜
# fatma
١٨
