فتاه عبر العصور

قهوه فرنساوي

اتمني الروايه تعجبكم ومعلومه لو فاكرين أنها تاريخيه بقي وكده لا اسفه دا مش عندي أنا اتفه من كده بكتير الروايه كوميديا وبس يا شباب 😂♥️♥️بسم الله الرحمن الرحيم

ج1(قهوه فرنساوي)

كان يجلس علي كرسي المقهي وهو يقطع في النص الخمسمائة لا يعرف هل تلاشت كل الأفكار من رأسه الان فنظر حوله وجد أنه الوحيد المتبقي في المقهي أشار لاحد الجرسونات وهو يطلب منه كوب قهوه فرنساوي مره اخري وفي نفس اللحظه دخلت الفتاه وهي تجلس بغضب وتشير لنفس الجرسون بأن يحضر لها قهوه فرنساوي هي الأخري فنظر الجرسون لهم باستغراب ثم ذهب لإحضار طلباتهم وبعد فتره جاء وهو يحمل كوب قهوه واحد ووضعه علي التربيزه الخاصه به

الفتاه بصراخ: جرا ايه يا اسطا أنا اللي طالبه القهوه دي

الجرسون: اسطا علي فكره انا جرسون مش سواق

الفتاه بانفعال: انت هتسيب الموضوع الاساسي ونتكلم في فرعيات أنا مالي جرسون ولا طبال حتي أنا عايزه القهوه دي

فقام هو بهدوء وهو يقول: خلاص يا انسه هو قالك هيجبلك القهوه بتاعتك بس دي بتاعتي انا

الفتاه بعند: وانا مش عايزه غير مزاجي بقي انت مزاجي

فتحدث مره اخري: علي فكره انتي انسه كبيره لا لا المفروض أنك كبيره يعني تهدي كده وتبطلي الازعاج اللي انتي عملاه

الفتاه: المفروض!! ليه شايفني طفله بتخانق معاك علي الببرونه ثم اتجهت في سرعه البرق وهي تحمل فنجان القهوه منه

الفتاه بابتسامه: ابقي جبله فنجان قهوه تاني بقي يا حضره الجرسون فنظر لها بشر أصبح الآن الأمر به شئ من الكرامه سيأخذ ذاك الفنجان شأت ام ابيت اقترب منها وهو يحاول أخذ الفنجان الساخن وبقيت يتصارعا حتي سكب الفنجان في وجه المدير الذي جاء علي صوت شجارهم فنظرا الاثنان له بعيون القط وهم يرون تغيير ملامح وجه فيحمر لم يعرفوا أن احمر وجه من سخونه القهوه ام من الغضب فهمس لها وهو يقول: بقولك عند ثلاثه ونجري تمام فهزت رأسها

فقال بسرعه: واحد فوجدها تجري بسرعه فسبها في سره وهو يجري خلفها حتي خرجا من المقهي بأكمله فوقفا الاثنان ينظران لبعضهم سرعان ما انفجرا في الضحك حتي وقعا علي الارض من الضحك

فتحدثت بضحك: شفت منظره هههههههههههه مش قادره ههههههههه

فشاركها الضحك وهو يقول: دا انتي كارثه متنقله هههههههههه

فتحدث هو بعد أن خف نوبه ضحكه وهو يمد يده لها: معاكي سالم النورماندي مؤلف وسينارست فمدت يدها له هي الأخري: كاميليا الشرقاوي عاطله عن العمل من ساعه

سالم: ساعه بس

كاميليا بابتسامه: اه لسه مبلغني من الجرنان اني اطردت يلا مش اشكال

سالم: انتي صحفيه

كاميليا: بيقولوا أنت بتعمل ايه بقي لحد دلوقتي في الكافيه

سالم: بحاول الاقي الهام

كاميليا باستغراب: الهام مين انت مستني حد

سالم: ياربي ارحمني أنا قصدي الإلهام عشان الف واكتب الاسكريبت

كاميليا: اه طب وحد يجي يلاقي الالهام في كافيه زي دا دا انا عندي حته دين مكان بيحب الهام وكريمه وشهيره وكله تيجي معايا

سالم بضحك: اجي بس فين

كاميليا: غرزه اشرف حمامه

سالم بصدمه: غرزه وبتقوليها عادي كده وعرفتيها منين دي أن شاء الله

كاميليا بغرور: بطبيعي شغلي يا ابني ثم أكملت بحسره: اللي اطردت منه عرفت المكان دا بس ايه مقولكش حاجه كده تنسيك نفسك تيجي ولا

سالم: هاجي عارفه المكان

كاميليا: معاك عربيه ولا ناخدها جري

سالم: انتي فيكي نفس للجري بعد اللي عملتيه لا تعالي معايا عربيه ثم ركبا السياره وهما ينطلقان حيث المكان

في السياره قامت بفتح الراديو وهي تستمع للاغاني الممله

كاميليا: لا كل الاغاني ممله اغنيلك أنا

سالم باندهاش: بتعرفي تغني

كاميليا: عيب عليكي يا باشا اسمع كده ثم بدأت الغناء بصوتها المريب "يا صاحبي بالامانه طلعت سد خانه وقفت ياما جنبك وانت مصمم علي النداله ليه مصر انك تخسرني هو أنا زعلتك يا بني

سالم وهو يغني معاها: اندال اندال اندال ولا ما فيكوا جدعان

كاميليا: بس اشهدلكم اعااااااااااا الحق يا سالم فنظر أمامه وجد سياره كبيره تكاد أن تصتدم بهم فتحرك سريعا ولكن انقلبت السياره بهم عده مرات وأصبحت الدماء تسيل منهم بشده
---------------
افاق سالم بسرعه من يومه بعدما سقط من علي سريره

سالم بتأوه: اه يا ضهري ياني ايه دا معقوله كان كل دا حلم هو أنا فين فتطلع حوله تلك ليست غرفته ديكور قديم غريب غرفه كبيره وواسعه حتي ملابسه غريبه أنه يرتدي عباءه!! ما هذا نظر حوله لتلك الآلات القديمه اثاث اغرب واقدم بقي يتحرك في الغرفه وهو لا يفهم ما هذا

سالم: هو أنا فين كده هو أنا مت ولا ايه قام من علي ذاك السرير الفخم وهو يتجه خارج باب الغرفه سرعان ما وجد رجل ضخم يتجه له وهو يمسك في يده اله حاده كبيره كالمحراب

الرجل بصوت وقور: مولاي السلطان يؤمرني بشئ

سالم بصدمه: ها.....
----------------------------------

يارب البارت يكون عجبكم ♥️ عارفه أنه صغير بس لسه البدايه