اصبحتا بي خبته من شبشب جاي من قاره الماما الي مؤخرتي
انا:ياااااامي عليك الله اب سيرين(الشبشب) دا لي كدا ياااخ قطعتي(موخرتي ) انا براي اللمل فيهو حتا حتا ماخليت لي عيش بي لبن ماااكلتو
امي : قومي تقوم قياااامتك يااابت انتي اليوم كلو مفنقسه نايمه ماشايفه البيت دا زي خلقتك
يااااامي الزول مايينوم من تعب امبارح اليوم كلو شغاله انتي عارفاني ضهري مكسور تجي تضربيني فيهو 😂😆
يابت خلي قلت ادبك دي ناس تهاني جيرانا جايين
فرت نطه فوق كيف مااقوم عندهم ولدم سمح سماحه امي قالت لي احياااااا من بورتك انتي قايمه عشان ولدم صاح قلتا كيفن يانبعو دا مزيل الهم والبجييب بي الكم الكم نزلتا رفعتا جلبابي فوووووق ونطيت فرت نطه من بدايه السلم لي نهايتو وفحط نضفت البيت خليتو عروس الصبحيه ياااادووووب دخلتا الحمام عشان اسوك عاينتا لي روحي في المرايه طوااللي اتشقت انا خفتا من روحي خلي المرايه لقيت شعري كل عشره صوفات يتونسن مع بعض شعري في نص ضهري لاكين هو ماشعر ليفه سلك لي غسيل العدهةالماعندها ليفه تجي بديها مسكتو غسلتو بي صابون بشرى+ضرب+ليفه الحمام طلع وسخ لامن بلاعت الحمام قفلت 🤣🤣😂😂😂 فتحتا الدش في جسمي التقول مويت تراااب ي الواطه😫 كرشتا جسمي اربعه مرااات بي ليفه السلك😅🤣 ماجبتا هدومي لابسه البشكير لافه بيهو جسمي وهو طبعا بتاع اخوي وشعري بي طرحتي وجيت طلاعه بقيت اغني جممممممبااااا جااااالييييي جمبا جاااالي واليدين دي هناك والكرعين ارقص بيها فوووق بس لقيت ليك سامي ود تهاني في وشي حوصته وبقيت اعمل حركه رجل للفضا والولد لاقادر يخجل لاقادر يضحك بس واقف زي الصنم مسكتو قلت ليهو هووووي بتعاين لي شنو اندر وما لابساهو الولد فرد جريه وقع تلبت في الواطه وانا جريت الاوضه جريت ليك فستان عادي وسرحتا شعرتين من جنب الاضان معلماني ليهم حبوبه وطمبجتو كركااااار فتحتا الدولاب لقيت كريم من زمن حفرو البحر شلتو اتمسحتا بيهو وبقيت اعاين لي روحي ساي ومسكتا الشلوفه باقي الروج في نهايتو جحرتا اصبعي جوااا خرتو خريت جلبطووو من باديت الشلوفه لي نهايتا مامسحه وشي عشان الغبشه ماتروووح ابقا حلبيه لبستا سفنجت امي حقت القاره الجويه وبقيت اتقدل يااادنيا مافيك الا انا 😍😍😍😘سلمتا طبعا فرعون مدنقر التقول صمتو كف سلمتا علي امو وجيت قعدتا قصادو واشيل واتبسم امو قالت لي الليله زييييييييييينه وامي الفضيحه قالت ليها بتقعد اربعه ساااعات في الحمام صابون العده كلو مكملاهو اخوي منذر جا سلم عليهم وسلم علي قال لي خالتو تهاني بالله انتي عندك بت وانا ماعارف ي ياااخ ماشايفاني من زمان حايم ماعندي جكس قعدو يضحكو قام قعد جنب فرعون قال لي خالتي والله ياااخالتو عندي اخت اجيبا ليكم حبشيه ماتنفع انا بقول اخت الشيطان قمتا اديتو ليك فرد شلوت 😁 يخلخل ضروسك نسابه وعرس زاتو مادااايره بي سببك اسي قلتا تبقا نسبتي خالتو تهاني دي🤣🤩. خالتو تهاني قالت ليهو حبشيتكم زاتو رضاينه بيها انا لاقياها وين بي. قلبي قلتا عان ام شلاليف دي كمان انا حبشيه يحبك كلب 🤣🤣😂فرعون قعد يتبسم نظام انتي حاتبقي حبشيتي عاينتا ليهو وبدون ماااحس وانا خشمي علي الهبشه عامل لي سنونك المرصوصات زي شكلاته كندر جوي الولد تاني ماقفل خشمو وامي دخلت جوا ضفرا اخوي يحمر ي ساي قلت ليهو اجيب تحمر لي الجداد بي عيونك ديل .فرد نهره قال لي خشي جوا طبعا نعرف ليكم روحي (انا سوزان عمري 24 نحنا ماعندنا بنات بقرو جامعه طولي وسط وشعري في ضهري لاكين مهملاهو لوني اسمر بي اصفر لون ملخبط زاتو ماعارفاهو كدا وخشمي بس مايهبشوني رداحه وعلي الهبشه وجسمي لاضعيف لاسمين متوسط عيوني كبار حواجبي غزار اب ردب والله انا ماشينه لاكين مقبوله لاكين البوره دي ساكانا محل مامشين عندي اخو فقر ولميض ولسانو متبري منو بقرا في جامعه السودان هندسه زول محسسني بي البوره غيرو ماف كان جيت ماشه يقول ي البوره لتفكه منك ونرتاح ان شا الله بي سيد اللبن وامي اسمها سوسن وابوي شغال في السعوديه اسمو ايمن وضعنا المادي متوسط علي ناس السعوديه نحنا ساكنين في ام درم الحبان)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
