ايمان مرقت واااااي قاشره قشره التقول ماشه صاله
وااااي يا ايمان الليله عرس منو
عرس شنو يابت اصلي بمرق كدا
واااي وانا اقول السيره بتاعت الاولاد الفي الواتس بتاعك دي شنو اتاري من الطمبجه دي احيييا وانا اقول ابقا طبيعيه احييا يا ايمان بعدين طمبجيني كدا
امشي امشي ماتفضحيني وخشمك دا امسكي عليك اسمو مكيييااااج ماطمبجه عاد كان شفتي البنات الفي الجامعه تقولي شنو
بري بغمد عيوني 😂😂
ارح ارح جايانا وقفه مواصلات
كماااان جابت ليها وقفه احيييا ياخ ان شا الله اولاد الفي المواصلات سمحييين
انا غايتو معاك الا اركب قطن في اضاني
اجي سجمي دا شنو كمان قالو بختو في الاضان 😂😂😂😂😂
ياقلت ادب هييييي وااااي انا منك واااااااااي
اجي اسي انا قلت ادب انتي مخك مشا شمال مالو
ومعاك كان مشا يمين القيامه بتقوم
😂😂😂🤣ارح ارح يختي
عاد وقفنا وقفه وجنا سمح ماف سمحين يجو يقيفو في المواصلات دي😃 يخلو ليهم الدوكو والبرادوهااات
وصلنا الجامعه عااااد ماجامعه سوداااان ولا بلاش
وااااااااااي يا ايمان اقيفي ايفي دا شنو دا اصبري استكيني وهدربي براحه عايني داااك لا ولا دااااك اصبري وشوفي البي جاااي وبعلي وبعلي جهزي لي غرفه انعاااش سررررريع
يااابت مالك ماتفضحيني انتي ماشفتي شي
وبعلي وبعلي تاني في شي هم خلو شي وبعلي عايني دي احيييا انا احييييا انا
بقيت ماشه اشاغل في البت ايمان دي ماخلت لي قريص احيا ياخ قعاد البيت وديتو الخلا جا راجع ساكيني تاااااااني
مشينا القاعه بتاعتا وااااي انا حلفتا الا اقعد جمب واحد سمح وااااي من جوااااي
يااابت تعال هنا بتفضحيني الدكتور بقوم يمرقنا امرقي ارحكي يابت
اصبري اصبري ماتقعديني في الرف الاول خلينا ورا
الرف الاول شنو هو دولاب يابت عليك الله ماتلهلهيني
خلاص اها ان شا الله تجي الاوله
يابت الدكتور سمح عشان كدا بتقعد في الاول
ماتقولي كدي من جبييييل ارحكي نقعد في كرسهيو داك بقول ليهو ماشايفه سمح
😂😂يابت ماتتعولقي فيني بتشوفي هنا وهناك
اها وينو السمح القلتي عليهو دا غايتو اولاد القاعه مابخلوني افهم شي بري انتي ماقاعدا تقري دي ماقرايه ليك
اجي يعني انتي قايل الناس كلهم زي راسك دي حبست الييت بتعمل ليك كدا
احبسوك معا الطير انا محبوسه محترمه لاكين انتي فاكه ومطمبجه
😂😂😂😂وااااي انتي قديمه
ووووووووااااااااااي يا ايمان عايني الجنا السمح دا وااااااااااااي يا ايمان تاني مابفهم شي من الدكتور وااي عايني لي لبستو واي والبنطلون التقول كاوي بي نار واااي يا ايمان بري امرقيني مابفهم شي تاني
يابت دا الدكتور
وبعلي وبعلي.. كزابه كان قاعدا تفهمي وااي
اسكتي اسكتي قاعد يعاين لينا بمرقنا برا
اها سكتا بري مابمرق برا كان ننطط
الدكتور بدا بتكلم وانا والله تنحتا في الخشم ولا فاهمه اي شي ومعا حركت يدينو واااي اللهم الثبات الدكتور قعد يعاين لي قال انتي قومي
واي انا اقوم امشي وين بتوقعني انت
وانا ابقوم براحه براحه
نعم.. يادكتوري
شنو شنو انا كنت بقول في شنو من جبيل
والله ماعارفه انت بتخلي زول يفهم
شنو كيف يني وانا من جبيل بقول في شنو وانت سرحانه
نان ماتكورك فيني 😡انت لابس كدا وحالق كدا دايرني افهم كيف
القاعه كلها بقت تضحك وايمان ختت يدها في راسها والدكتور الخجل كتلو
امرقي با وبعدين القاك في المكتب
بري ياخوي انا وانت بس في المكتب بودوني شرفي ياخوي بري ماخلا الله باثنين الا كان الشيطان ثالثهما والشيطان حالف مني 🤣🤣
😂😂😂😂يابت امرقي سمح
بري امرق وين يازول انا الليله ضيفه عندكم بدل تدوني حلاوه ومويه تمرقني برا هوي يازول
😂😂😂 ياجماعه البت دي تبع منو المعاها يمرق برا
ووووواي منك خشمك مابشبهك ارح امرقي يا ايمان
البشوف بي برا مايشوف البي جوا 😂
ايمان قرصتني قالت لي فاهماك ياقلت ادب كيف يعني تشوفي البي جوا خلي قلت ادبك دي يابت 😄😄😅شلتا شنطتي ومرقنا
لت ليها بري خلقه من دون اخلاق بعدين كان اتقدم لي اوتك توافقي
يتقدم ليك وين بعد خشمك الفاكي دا
يازولا هو عرفني سرحانه فيهو دايرني اوصف ليهو روحو رجال المن دا انا حافظاهم
ارح الكفتيريا مرقتيني من المحاضرا زاتو
ماتكضبي كان قلتي فاهمه
بري احي احي عايني الماكنتوش الحايم دا كان اكلتو بجيني سكري يختي اخير لي قعاد البيت هنا الامراض حايمه عندكم 🤣🤣🤣🤣😂
