نزلتا تحت لي امي قلت ليها انا ماشه ودعتك الله
مشيت لي اماني وطلعنا ماشين في الشارع اشوف واحد يايمه واقف ومربع كرعينو ومطبق يدينو ومتكل علي العربيه عاينت لي ايمان قلت ليها عايني قمر اربعتاشر العامل زي اسكريم البوظه يااااخ التقول امو متوحمه بي فراوله وشكلها راجلا حملا بي شكلاته وااااي من الولد كدي خليني امشي عليه
يااابت ماتتقلي خلي قلت ادبك دي الولد بريد البت التقليه لو لقاااك خفيفه مابقول عوريره ببقبك زي البنات القلات ادب
اتقل كيفن يعني امشي ازيد وزني اجي يا ايمان انتي ماشايفه نصي دي ولا الزو ليك واترتر ليك 😎🙃
يابت اهدي وخلينا نمشي
عاينت لي الولد لقيتو بعاين لينا مشيت يايمه فنستا ليك ضهري وبقيت امشي كدي اها كدي واعاين لي ايمان اها كيف كدي ايمان بقت تضحك فيني قالت لي الله يهديك اصلا الولد ماشغال بيك
مشينا في مشينا لقينا تلاته اولاد جتب الباب واقفين قلت ليها اجي عرفنا الفسخ كمان عايزين يحضرو رقيص النسوان بري ياييمه الرجال جنو 😵
يابت ديل واقفين بحرسو بس يامتخلفه
دخلنا حضرنا الرقيص ماخلينا لينا تعاليق علي البنات والعروس لا وكمان العريس التقيل المابشغال مرتو
مرقنا قلت لي ايمان بري بعدين راجلي كان ادخلو اعلمو معاي الرقيص واصو ليهو فيهوات عشان يتعلم بري راجل زي دا مادايره
اجي كمان دي اخره قلت ادب تدخلي الراجل قبلي العرس
مالو دايرا يبقا كدا? مرتو مايعاين ليها عامل روحو بخجل ولا مرتو النصها يخلي الزول اتخلع كان انا راجل مابزح عيني منها
دايرا تقنعيني انك ماراجل
😂😂😂😂😂 بري ياختي انا راجل وست رجال اسبت ليك
اجي كيفن تسبتي لي بري انتي وحده قلت ادب انا يادوب فهتك 😵😂
ارحكي كدي عايني انا بواصل في الحاجات الاديتيني ليها والاسبوع الجاي بمشي معاك الجامعه كويس عشان من هناك نمشي السوق نشتري فستان لي عرس ود عمتك سمح يابت امي 🤗
ماشا الله شايفاك جهزتي قبلي العروس
يازولا مافضل لي الا امشي اقعد معاها في حفره الدخان
🤣🤣🤣😂 بتقعدي انتي انا مبعرفك🤣🤣
هو انا لاقيها يازولا شهر 12 جاي والشتاء دا مابنفع من دون راجل بري يبقا علي بوره وعدم راجل الاتنين مخدات امي بتكمل 😂😂😂
اجي ياسوزان بورتك لاكين مامشكله وشفقتك الله يفكها خايفه بعدين لامن تعرسي كل يوم تحكي لي زول خشمك دا مابقفل
هو كدي النعرس خشم شنو البقفلو يعني احكي شنو احسن ليك
بري بتعرفي روحك تحكي شنو
سمح بعدين مابحكي ليك عشان تتعلمي من البروفا 💪💪💪
بري يازولا شايفاااك هايجه قبلي العرس وللللووووك سجمك يابت سوسو😂
وصلنا البيت ودخلتا استحميت قعدتا حكيت لي امي الرقيص كلو وماخليت لي نبز في راجل العروس واديت امي رقصتيني كدا 🤗
يابت قومي امشي نومي من كلامك الكتير دا حاساك تنتي العروس
اجي يا امي دايرا تنكري انا ماعروس سجمي
😂😂😂😂😂 بري عروس كمان ونص ماشا الله عليك
ركبتا فوق رقدتا نمتا صحيت بي القاره الجويه طاااااااخ
واااي يااميةصلبي دا خلاص كمل كملتي لي لحمو قبلي سيدو يشوفو واااااي🤣🤣🤣🤣🤣😂
يابت خي قلت ادبك دي قومي في زول تحت دايرك
نطيت فرد نطته وااااي اصبري الزول دا حدد العرس يوم شنو قولي ليهو استنا شويه انا ماتجهزتا لسه
يابت انتي بتحلمي عرس شنو الحددوو
ياامي جا معاهو امو واخوتو اصبري قولي ليهو النلبس هدومي وقولي ليهو الليله مالتلبيسه لامن افسخ يدي ابقيها بيضا
يابت دي ايمان قالت دايراك في موضوع ضروروي دبلت شنو والكلام البتقولي فيهو دا شنو يابت
ايماااان الله يقتلك انا وصلت الحلم العشرين وكنت نايمه في حضن راجلي شنو ياااخ ايمان دي وقتها 😵😵
😂😂😂😂😂😂 ايمان قعدت تضحك قالت لي عندي ليك موضوع ظااااااابط
امرقي يامي شكو دي مواضيع نسوان
الليله مابمرق انا راجل يعني
بري يا امي راجل شنو انتي يا يمه 💪💪😅 اقول شنو زاتو مابقدر اوصفك
مسكتها وطلعتها بي نظام ضحك
نطيت في ايمان ياعفنه انا خلاص كنت بلبس راجل في الهدوم عشان مارق الشغل 😥تجي تخلي امي تصحيني بي سببك
فتحت تلفونا وقالت لي عايني الولد دا
فرد نطه اجي بري دا دافرنو من الجنه هوووو ياايمان مالو الكراميل دا 😡لايكون خطبك بقتلو وبقتلك كان وافقتي قولي ليهو عندي اختي الكبيره تعرس اول 😂😂😂😂😂😂بري دا جا سالني منك وقال من اليوم داك حافظ صورتك وكل يوم بعاين ليها 😒😅😂😍
تصويتاااتكم 😍😍😍😍 وربنا يعرس لينا كلنا ويفك البوره وشميط الشعر دا 😅😅😂
